Օգտվու՞մ եք տնային պայմաններում պատրաստված պահածոներից

[Ձայնալար]

Օգտվու՞մ եք տան պայմաններում պահածոյացված սննդից, մասնավորապես պահածոյացված խավիարից (իկռա) և այլն: Պահածոյացված խավիար ընդհանրապես չեմ ուտում, քանի որ գոյություն ունի թունավորում Բուտուլիզմ, որից շատ ու շատ մարդիկ են մահացել: Նույնը նաև լսել եմ տնային պայմաններում պատրաստվող կոմպոտներից և դրանցից էլ չեմ օգտագործում: Օգտագործում եմ միայն պահածոյացված թթու: Եվ հետաքրքիր է իմանալ, արդյո՞ք պահածոները, եթե նորմալ են պատրաստված, կարող են վնասել օրգանիզմին:

Շատ վտանգավոր հիվանդություն է: Եվ ցավոք սրտի հայաստանում շատ տարածված: Պատճառն այն է, որ մարդիկ չգիտեն, կամ չեն ուզում իմանալ, թե ինչ բան է բոտուլիզմը, ինչ պայմաններում է առաջանում և այլն: Կան տարբեր տարածված թյուր կարծիքներ նրա մասին, թե որ պահածոներում կարող է այն առաջանալ, որում ոչ: Ասեմ, որ պահածոյացված թթուներից նույնպես լինում են թունավորումներ և շատ հաճախակի: Վտանգավոր են բոլոր տեսակի տնային պայմաններում պատրաստված խավիարները, աջիկաները, կոմպոտները: Որքանով ինձ հայտնի է բոտուլիզմի հարուցիչ չի առաջանում միայն շաքարի բարձր պարունակության դեպքում՝ մուրաբաներն այդ տեսանկյունից անվտանգ են: Ընդ որում ցանկանում եմ հատուկ շեշտել, որ որքան էլ մաքուր լվանաք բանջարեղենը, որքան էլ ստիրիլ պայմաններում պահածոյացնեք, բոտուլիզմի վտանգը չի վերանում: Նշեմ նաև, որ գործարանային արտադրության պահածոներն անվտանգ են այն պատճառով, որ պաստերիզացվում են բարձր ջերմաստիճաններում (տնային պայմաններում դա անհնար է, քանի որ ջուրը մթնոլորտային ճնշման դեպքում եռում է 100 աստիճանից էլ ցածր ջերմաստիճանում): Սակայն, եթե հարցին նայենք օգտակարության տեսանկյունից պահածոն ընդհանուր առմամբ ուտելու բան չէ:
http://en.wikipedia.org/wiki/Botulism
http://ru.wikipedia.org/wiki/%D0%91%...B8%D0%B7%D0%BC