Ո՞վ է Հայաստանին ամենաշատը վնասում

[Մի Հայ]

Ուրախ եմ, որ կարողացա կայծ տալ նորմալ քաղաքական բանավեճին, թեկուզ իմ հասցեին գրված վիրավորանքների գնով։

Շատ բան է գրվել այս թեմայում, որոշ գրառումների հետ համաձայն եմ, որոշների հետ համաձայն չեմ, որոշների հետ կիսահամաձայն եմ։ Բայց տվյալ պահին դրա մասին խոսել դեռ չեմ ուզում։

Ունեմ ընդամենը մեկ հարց քեզ, Մի Հայ Գրիգոր Լուսավորիչը Հայաստանի թշնամի՞ է։ Պարզ հարց, ակնկալում եմ պարզ պատասխան։

Artgeo Ես աթեիստ եմ: Կթողնեմ ենթադրություները քեզ անելուն քո հարցի նկատմամբ:

[Array]

Հ.Գ. Քեզ հետ բանավիճելու ցանկություն չունեմ, ես ինձ այդքան չեմ ցածրացնի: Խորհուրդ կտամ մականունդ փոխես Մի Սփյուռքահայի, ավելի տիպիկ է քո համար

Արա լավ ժողովուրդ ես ինչ եք սարքում։ Ի՞նչ կապ ունի` մարդը որտեղ ա ապրում, Հայաստանում, Ֆրանսիայում,թե լուսնի վրա։ Դրանից,կարող ա՞, գեները փոխվում են

[քաղաքացի]

Քո տեղը Հայաստանը չէ: Դու այս քո թուրքամետ քաղաքանակությամբ ինձ հիշեցնում ես Աշոտ Բլեյանին: Քո խնդրանքը հաշվի չի առնվի քանի որ դա ապազգային եություն ունի: Դու արդեն ապացուցեցիր ԼՏՊ-ի ծրագիրը որն է Հայաստանը թուրքի լծի տակ մցնել: Ձեր երազանքը երբեք իրականություն չի դառնալու:

Ո՛չ ես, ո՛չ էլ ցանկացած հայ չի պատրաստվում և չի մտցնի Հայաստանը թուրքի կամ որևէ այլ երկրի տակ: Չնայած ոմանք կան, որ պատրաստ են և հենց հիմա էլ Հայաստանը մտցնում են Ռուսաստանի լծի տակ: Դու մի այլ թեմայում նշեցիր, որ ես ուզում եմ Արցախը ծախել: Սակայն դու ճիշտ չես կարդացել կամ քո ուզած ձևով ես կարդացել այդ գրառումս: Ես երբեք չեմ ասել «Արցախը ծախել»: Նախ, ես ասել եմ, որ պետք է հաշտության պայմանագիր կնքվի Ադրբեջանի հետ և այդ պայմանագիրը պետք է լինի, ոչ թե ՀՀ-ի կողմից այլ ԼՂՀ-ի, քանի որ պատերազմը եղել է ԼՂՀ-ի հայ բնակչության Հայաստանին միանալու պատճառով: Հայաստանը օգնության է հասել Ղարաբաղին, բայց դա դեռ չի նշանակում, որ Հայաստանն է Ադրբեջանին պատերազմ հայտարարել:
Ես ասել եմ, որ գրավված տարածքները պետք է ետ տրվեն, որովհետև դա է միակ լուծումը ԼՂՀ-ի համար: Այս լուծմանը համաձայնվել էին արդեն Ադրբեջանի իշխանությունները, երբ դեռ ԼՏՊ-ն էր Հայաստանի նախագահը: Նա հրաժարական տվեց, քանի որ ժողովուրդը դեմ էր դրան: Իսկ այսօր, ներկա իշխանությունները գնում են ճիշտ նույն քայլին, բայց ավաղ Ադրբեջանը այլևս համաձայն չէ նման լուծում տեսնել Ղարաբաղի համար: Ադրբեջանը հզորացել է և պատրաստ է նորից պատերազմ սկսել: Նրանք այլևս չեն բավարարվում միայն գրավյալ տարածքներով այլ պահանջում են նաև Լաչինի միջանցքն ու ԼՂՀ-ն: Եթե կարծում եք, որ այսօր հայոց բանակը այդքան հզոր է, որ կկարողանա Ադրբեջանի դեմն առնել, ապա սխալվում եք:

Ինչ վերաբերում է ԼՏՊ-ի ծրագրին, ես այն չեմ կարող ապացուցել, քանի որ առաջին հերթին ես ինձ թույլ չեմ տա նման չհիմնավորած բաներ ասեմ Տեր-Պետրոսյանի փոխարեն: ԼՏՊ-ն կներկայացնի իր ծրագիրը և հետո նոր կխոսենք դրա մասին:

Իմ տեղը Հայաստանն է: Ես որոշել եմ ապրել այստեղ: Եվ քանի որ այդ որոշումն եմ վերձրել, ապա ինձ թույլ եմ տալիս մտածել մեր երկրի ներկայի ու ապագայի մասին: Իսկ դու որոշել ես ապրել ԱՄՆ-ում և եթե դու դեռ քեզ հայ ես զգում, ապա կամ համեցիր հայրենիք և տես, թե ով ինչ խոստումներ է տալիս և ինքդ կհամոզվես, որ այսպես թե այնպես ոչ ոք մտադրություն չունի ԼՂՀ-ն ծախելու: ԼՂՀ-ն հայերինն է և դրանում ոչ ոք չի կասկածում: Խոսքը գրաված տարածքների մասին է:
Եթե քո նման մտածեմ, ապա քեզ էլ կարող եմ հանգիստ ասել «ԱՄՆ-ն քո տեղը չէ, դու հայրենասեր ես և պետք է գտնվես հայրենիքում», սակայն ես դա չեմ ասի 2 պատճառով.
1. Ես չեմ ցածրանա այնքան, որ քեզ նման խորհուրդներ տամ:
2. Ես համոված չեմ, որ դու հայրենասեր ես:

[Աթեիստ]

Արա լավ ժողովուրդ ես ինչ եք սարքում։ Ի՞նչ կապ ունի` մարդը որտեղ ա ապրում, Հայաստանում, Ֆրանսիայում,թե լուսնի վրա։ Դրանից,կարող ա՞, գեները փոխվում են

Գեներն իհարկե չեն փոխվի, բայց որ աշխարհայացքը փոխվում է, դա փաստ է:

[Array]

Գեներն իհարկե չեն փոխվի, բայց որ աշխարհայացքը փոխվում է, դա փաստ է:

Մարդու աշխարհահայացքը իրա զարգացվածության աստիճանից ա կախված,ոչ թե ապրելու վայրից; Ինչի Հայաստանում ապրող հայերը բոլորը նույն ձև են նայում աշխարհի՞ն; Հայացքների տարբերությունը մեզ իրավունք չի տալիս բաժանել մեր՝ առանց են էլ կտոր-կտոր եղած ազգը;
Հետո էլ, իմ կարծիքը որ ասեմ, սփուռքում ապրող հայերը ավելի ճիշտ հայեր են քան մենք

[Array]

Ես ասել եմ, որ գրավված տարածքները պետք է ետ տրվեն, որովհետև դա է միակ լուծումը ԼՂՀ-ի համար: Այս լուծմանը համաձայնվել էին արդեն Ադրբեջանի իշխանությունները, երբ դեռ ԼՏՊ-ն էր Հայաստանի նախագահը: Նա հրաժարական տվեց, քանի որ ժողովուրդը դեմ էր դրան: Իսկ այսօր, ներկա իշխանությունները գնում են ճիշտ նույն քայլին, բայց ավաղ Ադրբեջանը այլևս համաձայն չէ նման լուծում տեսնել Ղարաբաղի համար: Ադրբեջանը հզորացել է և պատրաստ է նորից պատերազմ սկսել: Նրանք այլևս չեն բավարարվում միայն գրավյալ տարածքներով այլ պահանջում են նաև Լաչինի միջանցքն ու ԼՂՀ-ն: Եթե կարծում եք, որ այսօր հայոց բանակը այդքան հզոր է, որ կկարողանա Ադրբեջանի դեմն առնել, ապա սխալվում եք:

Ախր, ինչից ես վերցրել,թե սխալվում ենք,թե ադրբեջանը էսօր էդքան հզորացել ա; Նույնիսկ իրենք չեն հավատում,որ կարող են մեզ հաղթել, մենք ինչի էտքան վստահ;Դրանք թե մի պահ էլ զգան,որ կհաղթեն ,չեմ կասկածում՝ առանց երկար-բարակ մտածելու կմտնեն Ղարաբաղ։ Ինչի 91-ին էտքան հզոր էի՞նք ,թե՞ շատ էինք, որ հաղթեցինք։ Թե էն վիճակներիս ենք հաղթել, հիմա էլ կհաղթենք։
Իսկ արյունով ազատագրած տարածքները հետ տալը էտքան հեշտ չի

[Պանդուխտ]

Այս թեմայում քանիցս կարծիք յայտնուեց սփիւռքահայերի վերաբերեալ: Ուզում եմ կենտրոնանալ «Հայաստանի քաղաքական կեանքին չխառնուելու» պահանջին: Եթէ այդպէս է, Չուկը կանոնադրութեան մէջ պէտք է զետեղէ նոր օրէնք, որը կարգելի քաղաքականութեան բաժնում սփիւռքահայերի մասնակցութիւնը, մինչ այդ հայաստանաբնակները պէտք է ներկայացնեն մշտական բնակութեան վաւերագիր (կամ ինչ որ թուղթ) Հ.Հ. քաղաքացի ու բնակիչ լինելնին փաստելու:
Իսկ փայլուն մոդերատոր Արտգէոն անյապաղ Հ.Հ. քաղաքացիութիւն պէտք է ստանայ, ու գայ «նստի» Երեվանում:
Այսպիսով ազգը դառնում է 3 միլիոն, Ռուսիայում ապրող հայը ռուս, Ամերիկայում ապրողը ամեիկացի է լինում: Մինչ այդ «եղբայրացած» թուրքիա եւ ազրբեջան կոչուած կեղծ պետութիւնները կամքերնին կը թելադրեն արդէն իրանց համար գաւառ (այժմու հասկացողութեամբ՝մարզ) դարձած Երեւանի հանրապետութեան, ո՞ր փողոցում ի՞նչ արձան կանգնեցնել, ո՞ր գիւղում ինչ գիւղապետ նշանակել: Այդ ժամ Հայաստանի գաւառապետը (նախագահի պաշտօն զբաղեցրածը), եթէ պիտի փռնկտայ. Անկորա կը կը գնայ հրամանագիր խնդրելու:

Հ.Հ.Շ.ի, մասնաւորապէս Լ.Տ.Պետրոսեանի գաղափարները քանդիչ, խառնակիչ (պրովոկատիւ) պարտւողական, տրամադրութիւն քանդող, ոգեջնջող, սիրտխառնող են:
Սա իմ տեսակէտն է, իմ անձնական կարծիքը:
Այստեղ գտնւող հ.հ.շ.ականները ցոյց տուեցին, թէ մեր համոզմունքը ԼՏՊի վերաբերեալ 10 տարի առաջ, սխալ չի եղել: ԼՏՊ առիթ եւ ժողովրդականութիւն չունի Հայաստանի քաղաքական կեանքի մէջ:
Որեւէ ընդդիմադիր կուսակցութիւն կամ անհատ, որ դաշնակցում է Հ.Հ.Շ.ին, ստորագրում է, որպէս քաղաքական գործօնի, իր մահուան հրամանագիրը:
Ողջունելի է որեւէ քաղաքական հայարիւն ոյժի կամ կոալիցիոն ոյժերի իշխանութիւնը: Հ.Հ.Շ. եւ նրա հակահայ պառակտիչ գաղափարները ի սպառ պէտք է վերանան երկրագունդից:
Արդ, պարտ եմ զգացել իմ չսիրած բաժնում՝ քաղաքական բաժնում արձանագրել խօսքս, ներդնել լումաս, որպէսզի անկողմնորոշ զանգուածը լուսաբանուի:
Հ.հ.շըյականներ, ձեր սին գաղափարները այնքա՜ն խոցելի են, որոնց քննադատումը սկիզբ կունենայ, վերջ չունենար:
Արտգէո, քո ստեղծած թեմաները շփոթեցնող, ապակայունացնող եւ քննադատութեան չդիմացող նիւթեր են: Ո՞րը բացայատեմ, ի՞նչը քննադատեմ, այնքա՜ն շատ են ապատեղեկատւութիւնը, ծաղրը, սուտը, որ առանձին անդրադառնալու մերկացնելու ո'չ ժամանակ ունեմ, ո'չ տրամադրութիւն:
Մի ծայրայեղութիւնից այլ ծայրայեղութիւն գնալը յուսահատ մարդու բնորոշ է: Իշխանութեան փտած կառավարումից դժգոհ ժողովուրդին. ուզում են գրաւել հ.հ.շ.ի արկածախնդիրները:
Փառք եւ պատիւ Հայաստանի ընդիմադիր գործիչներու գիտակցութեան, նրանք ինձից ու ակումբի անդամներից լաւ գիտեն ինչ կարգի մարդ է այդ LTP:
Նրանք աղեկ հասկանում են, գործիք դառնալու լըտըպըյի ընդունակութիւնը, 3 տարում Արցախը յանձնելու նրա պատրաստակամութիւնը:
Այլապէս ո՞վ կարող էր վստահ լինել խաղաղութեան ժամկէտից, եթէ ոչ իր իսկ ներկայացնելիք զիջումից վստահ եղող անձը:

Աչք ունեցողը կը տեսնի, խելք ունեցողը կը հասկանայ:
Հ.հ.շականներ, ձեր աղբը որպէս համեղ ճաշ մի առաջարկէք: Դուք եւ ձեր լեւոնը երբէք, երբէք Հայաստանի քաղաքականութեան մէջ պիտի չի լինէ՛ք: Ժողովուրդը ատում է ձեզ, առաւել եւս՝ Սփիւռքը:
1-եթէ ուզում էք կարգին ակումբ-ֆորում լինի. Արտգէո անդամը պէտք է յաւերժ հեռացուի: Նրա գործունէութիւնը էութեամբ հակահայկական եւ հակահայաստանեան է: Նա պրովոկատոր է, հենց այս թեմայում սփիւռքահայութեան արձանագրումը թուրքիայի եւ ազերքաքիստանի կողքին մեծ անարգանք է Հայ ժողովուրդին: Նա եւ իր համախոհ հ.հ.շ.ականները վիրաւորել են ցեղասպանութեան ճանաչումը պահանջող հայութեան, անուանելով ֆաշիստ:
Խօսելիք խօսք չմնաց, Արտգէոյի նմանները ազգիս թշնամիներն են, իսկ ես թշնամիների հետ այլ լեզւով կխօսեմ կամ երբէք չեմ խօսիր:
2-Լիովին վստահում եմ մեր ժողովրդին, հարկ չեմ համարում շարունակել լըտըպըյականների դիմակազերծումը, ուստի հեռացումըս չնկատել պարտութիւն, այլ ապահովութեան արդիւնք: Այն ինչ նկատեցի ակումբեցիների մեծամասնութեան եւ ընդիմադիր քաղաքական գործիչների արտայայտութիւններից. հանգստացրեց ինձ: Իրականում որքան հալածենք լըտըպըյականներին, այնքան «մարտիրոսանալու» ձգտումնին աւելանում է:
Պիտի անտեսել հ.հ.շ.ին էլ, լըտըպըյին էլ, արտգէոյի նմաններին էլ, այն ժամ նրանք իսկապէս ջղային եւ մտահոգ կը լինեն: Սա վերջին յղումս է:
Կեցցէ Հայաստանը, անմահ հայ ազգըԱնկցին դաւաճանները

[Artgeo]

Մի քանի րոպե ազատ ունեմ և փորձեմ մտքերս շարադրել։

[Օֆֆտոպ]
Նախ որպես Ակումբի շարքային անդամ ասեմ, որ որոշ մարդկանց էմոցիոնալ գրառումներին վաղուց չեմ պատասխանում ու չեմ էլ պատրաստվում։ Բացի դրանից գտնում եմ, որ դա այս թեմայի քննարկման առարկա չէ։ Իսկ որքան են այդ մարդիկ տեղեկացված Հայաստանի ներքին իրական իրավիճակին, բազմիցս ապացուցվել է փաստերով, որոնց նրանք ընդամենը էմոցիոնալ ու վիրավորական գրառումներ են կատարել։

Որպես Ակումբի մոդերատորներից մեկը նշեմ նաև, որ այդ մարդիկ ամենուր ու ամեն տեղ գոռացել են, որ Ակումբում իրենց իրավունքները չեն պաշտպանվում, նրանց հեռացնում են, նրանց գրառումները ջնջում են։ Այդ մեղադրանքների անհեթեթության մեջ հաճախ իրենք իրենցով են համոզվել, հաճախ էլ ստիպված ենք եղել մենք ցույց տալ, քանի որ այդ մարդկանց էմոցիոնալ կատաղությունն ու վրդովվածությունը նրանց թույլ չի տվել տեսնել։ Ինչևիցե, ես քրիստոնյա մարդ եմ ու կասեմ ընդամենը, որ Աստված իրենց հետ։
[/Օֆֆտոպ]

Անցնեմ բուն թեմային: Այս մասը խնդրում եմ կարդալ սկզբից մինչև վերջ մտքի թելը չկորցնելու համար և անկապ ենթադրություններ չանելու համար…

Հարցման տարբերակները ընտրել եմ ես և որ ամեն ինչ պարզ լինի տամ բացատրություններ, որոնք թեմայի սկզբում կարճ մի քանի նախադասությամբ եմ տվել:

Նախ սկսեմ նրանից, որ առնվազն երկու տարբերակի մեջ ես կամ ու հույս ունեմ, որ շուտով երրորդ տարբերակի մեջ կընդգրկվեմ: Այսինքն ես չէ, այլ այն ամբողջականությունները, որոնց մի մասնիկն եմ ես: Վրաստանը, Թուրքիան, Ռուսաստանը, Ադրբեջանը. Իրանը, ԱՄՆ-ը դրանք մի ամբողջականություն են արտահայտված, որպես երկրներ, որոնք բազմաշերտ են ու բազմատարր: Հայաստանը նույնպես բազմաշերտ է ու բազմատարր, սկսած լիբերալ-դեմոկրատներից ու վերջացրած ծայրահեղ ազգայնականներով:
Եվրոպան ավելի բարդ է, քանի որ սա ամբողջականությունների ամբողջականություն է, որոնք գտնվում են մեկ ընտանիքում, սակայն ունեն տարբեր խնդիրներ ու նպատակներ:
Հասանք սփյուռքահայությանը: Սփյուռքահայությունը տվյալ տարբերակներում ամենամեծ ոչ միատարր, բազմաշերտ ու բազմանպատակ ամբողջականությունն է: Եվ խնդրում եմ, որևէ մեկը թող ինձ չհամոզի նրանում, որ ջավախահայությունը ունի նույն նպատակը, ինչ ֆրանսիահայությունը կամ ռուսահայությունը: Իսկ գիտե՞ք ինչում է խնդիրը: Խնդիրը նրանում է, որ այսօրվա դրությամբ սփյուռքահայությունն է թելադրում Հայատանի նպատակներն ու ֆունկցիան համաշխարհային կյանքում: Մինչդեռ ես խորապես համոզված եմ, որ ճիշտ հակառակը պիտի լիներ ու միայն ու միայն այդ դեպքում մենք կարող ենք խոսել սփյուռքահայության մեծ դերի մասին: Այսօր սփյուռքի ամեն մի օջախ Հայաստանը ձգում է իր կողմը ու օգտագործում Հայաստան երկիրը այնպես ինչպես իրեն ձեռք է տալիս: Հիշեք սայլի պատմությունը... Հայաստան երկիրն ու նրա պետականությունը պիտի լինեն գլխավոր թելադրողները, իսկ սփյուռքը պիտի լինի միջոց ու խորհրդատու, և ոչ հակառակը, ինչպես այսօր է:

Սփյուռքահայերի մոտ Հայաստանի մասին տեղեկվացվածությունը լավագույն դեպքում սահմանափակվում է մեկ շաբաթ Հայաստանի Մերիոտ հյուրանոցում մնալով, Գառնի-Գեղարդ այցելելով և Մասիսի ֆոնի վրա նկարվելով, Հ1-ի լուրերը նայելով: Վատագույն դեպքում միայն Հ1-ի լուրերը նայելով: Իսկ Հ1-ը ի՞նչ է ասում: Այն, ինչ իրեն պարտադրում է կրիմինալ-օլիգարխիկ համակարգը, որ Հայաստանում կյանքը շատ լավ է և որ ցանկացած դժգոհող թուրք է կամ ՀՀՇ-ական: Այս ամենին շատ հեշտ ու դյուրին հավատացող սփյուռքահայը (ըստ իրենց Հանրային հեռուստաալիքը չի կարող ստել, համ էլ ինքը եղել է Օպերայի բակում ու Ծաղկաձորում, թանկ է, բայց «աղվոր» է...) համցանցում հանդիպում է հակառակ կարծիքի ու... «Աաա, սա այն ՀՀՇ-ականներն են, թուրքերը, որոնք Հայաստանի միայն վատն են ուզում» ու սկսում է բուռն զգացմունքային գրառումներ անել, այն մարդկանց դեմ, որոնք ըստ իր կարծիքի Հայաստանի դեմ են պայքարում, իսկ իրականում ընդամենը բողոքում ու պայքարում են կրիմինալ ու օլիգարխիկ համակարգի դեմ…

Հասցնո՞ւմ է, թե՞ ոչ սփյուռքը Հայաստանին վնաս: Հիշենք իմ գրառումը «կամա, թե ակամա»-ի մասին: Պարզից էլ պարզ է, որ որևէ հայ, որտեղացի ուզում է նա լինի Հայաստանի վատը չի ցանկանա: Համենայն դեպս ես ուզում եմ, որ այդպես լինի: Սակայն իրականում ակամա սփյուռքի նպատակից, լրիվ այլ բան է ստացվում: Ամենաթարմ փաստը բերեմ: Համայկական հիմնադրամի նպատակները անշուշտ բարի են ու Հայաստանի համար, սակայն որևէ մեկը գոնե մի պահ մտածե՞լ է, արդյո՞ք նպատակային են ծախսվում տրամադրված գումարները: Չէ, գումարներ անշուշտ ծախսվում են, սակայն ամբո՞ղջ ծավալով: Երկրորդ հարցը: Վերջին Համահայկական հեռուստամարաթոնի ընթացքում հավաքվել է 15 մլն դոլար, որը մեկ օրվա դոլարի կուրսի արհեստական իջեցմամբ դառել է 12 մլն դոլար:: Ո՞ւր է գնացել 3 մլն դոլարը: Առաջին հայացքից Հայաստանին ոչ մի վնաս (Հայաստանը այդ 3 մլն-ն չի էլ ունեցել), սակայն մյուս կոմից, 3 մլն դոլարով հզորացել է ռեժիմը, ինչը հետևաբար թուլացրել է հայ ժողովրդին ու Հայաստանի պետականությունը, որպես ժողովրդավար երկիր: Վնա՞ս է, անշուշտ: Սակայն ակամա:

Գրել կարելի շատ երկար, սակայն միտքս կարծում եմ պարզ է:

[Array]

Գրել կարելի շատ երկար, սակայն միտքս կարծում եմ պարզ է:

Պարզ չի, Արտգեո ջան, պարզ չի,նայի ասեմ ,թե ինչի; Դու թելի մեկ մի ծայրից ես քաշում,մեկ մյուս; Քո գրածից նախ հասկանում ենք,թե սփյուռքն ա մեզ ղեկավարում, պտտում մատերի վրա, քաշում ա իրա ուզած ուղղությամբ։ Իսկ հետո կարդում ենք,թե ոնց են մեր կրիմինալ ղեկավարները,հետևաբար նաև Հայաստանի Հանրապետությունը, ՙքցում՚ ամբողջ հայ ժողովրդին(հիմնականում,պարզ ա որ,սփյուռքին),գողանալով նրա կողմից հավաքված փողերը;
Հիմա ո՞նց

[Artgeo]

Պարզ չի, Արտգեո ջան, պարզ չի,նայի ասեմ ,թե ինչի; Դու թելի մեկ մի ծայրից ես քաշում,մեկ մյուս; Քո գրածից նախ հասկանում ենք,թե սփյուռքն ա մեզ ղեկավարում, պտտում մատերի վրա, քաշում ա իրա ուզած ուղղությամբ։ Իսկ հետո կարդում ենք,թե ոնց են մեր կրիմինալ ղեկավարները,հետևաբար նաև Հայաստանի Հանրապետությունը, ՙքցում՚ ամբողջ հայ ժողովրդին(հիմնականում,պարզ ա որ,սփյուռքին),գողանալով նրա կողմից հավաքված փողերը;
Հիմա ո՞նց

Որևէ հակասություն չկա քո գրածի մեջ։ Դրանք տարբեր երևույթներ են։ Մի կողմից սփյուռքի ֆինանսական աջակցությունն է, մյուս կողմից իդեոլոգիայի խնդիրը։ Այսինքն, քո գրածը իմ գրածի կոպիտ տարբերակն է։

Սփյուռքահայություն հասկացությունը այնքան մեծ ու գլոբալ է, որ նրա մասին կարելի է խոսել շատ երկար։ Վերևում արդեն ներկայացրի սփյուռքի բազմաշերտության մի հատկանիշ (տարբեր երկրներում գտնվելը)։ Բայց դա միակ հատկանիշը չի։ Նրանք տարբեր են նաև Հայաստանը լքելու ժամանակի առումով։ Հոսքը Հայաստանից մի քանի փուլ ունի։ Պայմանականորեն կարելի է ասել, 20-րդ դարի սկիզբ, 20-րդ դարի վերջ և 21-րդ դարասկիզբ։ Կրկնում եմ, խիստ պայմանականորեն, քանի որ այլ ժամանակահատվածներում նույնպես եղել է արտահոսք։ Մի՞թե նույն նպատակներն ու հայացքները ունեն նրանք։ Անշուշտ ոչ, քանի որ նրանք տարբեր պատճառներով են լքել ու լքում Հայաստանը։

Բացի դրանից, 20-րդ դարասկզբում լքողները լրիվ ուրիշ Հայաստան են լքել, 20-րդ դարավերջում լրիվ ուրիշ, աշխարհագրական առումով։ Իսկ 20-րդ դարավերջի և 21-րդ դարի լքողները լրիվ տարբեր պատճառներով են լքում։

Այս բազմաշերտ ու բազմատարր ամբողջականությանը այսօրվա դրությամբ ամբողջական է դարձնում միայն ու միայն հայ լինելը և հետևաբար Հայաստանը։ Չնայած ես տվյալ դեպքում Հայաստանը ավելի առաջնային եմ համարում։ Այսինքն ես գտնում եմ, որ տենց ճիշտ կլիներ։ Հայաստանը պիտի ձևավորի ուղղություներն ու նպատակները, Հայաստանը պիտի կազմակերպի ամբողջ սփյուռքին միասնական գործելու համար, Հայաստանը պիտի ասի, թե ինչ ու որ ուղղությամբ է հարկավոր անել Հայաստանի պետականության համար։ Եվ որևէ մեկը ինձ չի կարողանա համոզել, որ Թուրքիայի կամ Ադրբեջանի պետականության թուլացումը ավելի կարևոր է, քան Հայաստանի պետականության ամրապնդումը։

Ինչ վերաբերում է Ռուսաստանին։ Դու շատ էիր զարմացել, որ Թուրքիան և Ռուսաստանը հավասար քանակությամբ ձայն են ստացել, ապա ես իրոք զարմանում եմ, որ Թուրքիան է ստացել Ռուսաստանին հավասար ձայն։ Սակայն սա այլ պատմություն է, որի մասին առանձին թեմա բացելու միտք ունեմ։

[Մի Հայ]

Որպես Ակումբի մոդերատորներից մեկը նշեմ նաև, որ այդ մարդիկ ամենուր ու ամեն տեղ գոռացել են, որ Ակումբում իրենց իրավունքները չեն պաշտպանվում, նրանց հեռացնում են, նրանց գրառումները ջնջում են։ Այդ մեղադրանքների անհեթեթության մեջ հաճախ իրենք իրենցով են համոզվել, հաճախ էլ ստիպված ենք եղել մենք ցույց տալ, քանի որ այդ մարդկանց էմոցիոնալ կատաղությունն ու վրդովվածությունը նրանց թույլ չի տվել տեսնել։ Ինչևիցե, ես քրիստոնյա մարդ եմ ու կասեմ ընդամենը, որ Աստված իրենց հետ։

Այդպես վստահ մի եղիր: Իմ մի գրառումը ջնջվել եր և իմ հարցումը թե ինչու է իմ գրառումը ջնջվել նույնպես ջնջվելեր և վերջապես իմ երկրորդ հարցումին իմ գրառումը վերականգնվել է եվ պաճառաբանվել որ դա եղել է սխալմունք որը ես ընդունում եմ:

Հասանք սփյուռքահայությանը: Սփյուռքահայությունը տվյալ տարբերակներում ամենամեծ ոչ միատարր, բազմաշերտ ու բազմանպատակ ամբողջականությունն է: Եվ խնդրում եմ, որևէ մեկը թող ինձ չհամոզի նրանում, որ ջավախահայությունը ունի նույն նպատակը, ինչ ֆրանսիահայությունը կամ ռուսահայությունը: Իսկ գիտե՞ք ինչում է խնդիրը: Խնդիրը նրանում է, որ այսօրվա դրությամբ սփյուռքահայությունն է թելադրում Հայատանի նպատակներն ու ֆունկցիան համաշխարհային կյանքում:

Սա իրողությանը չի համապատասխանում: Սփյուրռքահայությունը չի թելադրում Հայաստանին որչինչ բայց աշխատում է զորաքցել գումարների միջոցով: Եթե սա քեզ և ԼՏՊ-ին ձեռք չի տալիս դա չի նշանակում որ նրանք թելադրում են ինչ որ բան: Դա երեխային ել է պարզ որ սա ԼՏՊ-ին ձեռք չի տալիս որովհետև միակ ձևը որ լեվոնը (իր մտածելակերպով) կարող է ժողովուրդին մոռացնել տա իր դժոխքային ղեկավարման օրերը պետք է որ ժողովուրդի վիճակը ահավոր սարքի և դրան սփուրքահայությունը խանգարում է: Սա է ճշմարտությունը պարոն Արտգեո: Հանուն ընտերվելու նա իվիճակի է ժողովուրդին հասցնել ամենա ծայրաստիճան վատ վիճակի:

Մինչդեռ ես խորապես համոզված եմ, որ ճիշտ հակառակը պիտի լիներ ու միայն ու միայն այդ դեպքում մենք կարող ենք խոսել սփյուռքահայության մեծ դերի մասին:

և այդպես ել կա: Սփյուրքահայությունը ամեն ինչ անում է Հայաստանի շահերը պաշտպանել արտասահմանում քանի որ Հայաստանը չունի այնպիսի գումարներ որ կարողանա դիմակայել թուրքիայի լոբին որը ծախսում է միլարդներ ամեն տարի գնելով այլ պետություների սենատորներին ու մամուլներին: Առանց սփուրքի Հայաստանը կորած է:

Այսօր սփյուռքի ամեն մի օջախ Հայաստանը ձգում է իր կողմը ու օգտագործում Հայաստան երկիրը այնպես ինչպես իրեն ձեռք է տալիս: Հիշեք սայլի պատմությունը... Հայաստան երկիրն ու նրա պետականությունը պիտի լինեն գլխավոր թելադրողները, իսկ սփյուռքը պիտի լինի միջոց ու խորհրդատու, և ոչ հակառակը, ինչպես այսօր է:

Նորից իրականությունից զուրկ ենթադրություներ: Չգիտեմ թե ինչու դու և ՀՀՇ-ն սայլը ձգում եք իր ըթացքին հակառակ:

Սփյուռքահայերի մոտ Հայաստանի մասին տեղեկվացվածությունը լավագույն դեպքում սահմանափակվում է մեկ շաբաթ Հայաստանի Մերիոտ հյուրանոցում մնալով, Գառնի-Գեղարդ այցելելով և Մասիսի ֆոնի վրա նկարվելով, Հ1-ի լուրերը նայելով: Վատագույն դեպքում միայն Հ1-ի լուրերը նայելով: Իսկ Հ1-ը ի՞նչ է ասում: Այն, ինչ իրեն պարտադրում է կրիմինալ-օլիգարխիկ համակարգը, որ Հայաստանում կյանքը շատ լավ է և որ ցանկացած դժգոհող թուրք է կամ ՀՀՇ-ական: Այս ամենին շատ հեշտ ու դյուրին հավատացող սփյուռքահայը (ըստ իրենց Հանրային հեռուստաալիքը չի կարող ստել, համ էլ ինքը եղել է Օպերայի բակում ու Ծաղկաձորում, թանկ է, բայց «աղվոր» է...) համցանցում հանդիպում է հակառակ կարծիքի ու... «Աաա, սա այն ՀՀՇ-ականներն են, թուրքերը, որոնք Հայաստանի միայն վատն են ուզում» ու սկսում է բուռն զգացմունքային գրառումներ անել, այն մարդկանց դեմ, որոնք ըստ իր կարծիքի Հայաստանի դեմ են պայքարում, իսկ իրականում ընդամենը բողոքում ու պայքարում են կրիմինալ ու օլիգարխիկ համակարգի դեմ…

Նորից սուտ: Դու ինչպես կարող ես իմանալ սփուրքահայության ինֆորմացիայի աղբուրները՞: Ես ամեն առավոտ աչքովս անց եմ կացնում տարբեր ինֆորմացիոն աղբուրներ բռնած արտասահմանյանից վերջացած հայաստանի ընդիմության: Ինձ թվում է որ դու ասելով փաստեր հասկանում ես քո ենթադրություները որը անգամ ծիծաղելի է:

Հասցնո՞ւմ է, թե՞ ոչ սփյուռքը Հայաստանին վնաս: Հիշենք իմ գրառումը «կամա, թե ակամա»-ի մասին: Պարզից էլ պարզ է, որ որևէ հայ, որտեղացի ուզում է նա լինի Հայաստանի վատը չի ցանկանա: Համենայն դեպս ես ուզում եմ, որ այդպես լինի: Սակայն իրականում ակամա սփյուռքի նպատակից, լրիվ այլ բան է ստացվում: Ամենաթարմ փաստը բերեմ: Համայկական հիմնադրամի նպատակները անշուշտ բարի են ու Հայաստանի համար, սակայն որևէ մեկը գոնե մի պահ մտածե՞լ է, արդյո՞ք նպատակային են ծախսվում տրամադրված գումարները: Չէ, գումարներ անշուշտ ծախսվում են, սակայն ամբո՞ղջ ծավալով: Երկրորդ հարցը: Վերջին Համահայկական հեռուստամարաթոնի ընթացքում հավաքվել է 15 մլն դոլար, որը մեկ օրվա դոլարի կուրսի արհեստական իջեցմամբ դառել է 12 մլն դոլար:: Ո՞ւր է գնացել 3 մլն դոլարը: Առաջին հայացքից Հայաստանին ոչ մի վնաս (Հայաստանը այդ 3 մլն-ն չի էլ ունեցել), սակայն մյուս կոմից, 3 մլն դոլարով հզորացել է ռեժիմը, ինչը հետևաբար թուլացրել է հայ ժողովրդին ու Հայաստանի պետականությունը, որպես ժողովրդավար երկիր: Վնա՞ս է, անշուշտ: Սակայն ակամա:

և սա քո փաստն է: Համ խոսում ես սփյուրքահայերը չպետք է խառնվեն Հայաստանի հարցերին համել ասում ես որ նրանք չեն հտաքրքրվում այդ գումարների ճակատագրով: Երկողմանի միտ

Գրել կարելի շատ երկար, սակայն միտքս կարծում եմ պարզ է:

Ոչ թե միայն պարզ չե քո միտքը այլ խեղաթուրում է իրականությանը:

[Մի Հայ]

Այս թեմայում քանիցս կարծիք յայտնուեց սփիւռքահայերի վերաբերեալ: Ուզում եմ կենտրոնանալ «Հայաստանի քաղաքական կեանքին չխառնուելու» պահանջին: Եթէ այդպէս է, Չուկը կանոնադրութեան մէջ պէտք է զետեղէ նոր օրէնք, որը կարգելի քաղաքականութեան բաժնում սփիւռքահայերի մասնակցութիւնը, մինչ այդ հայաստանաբնակները պէտք է ներկայացնեն մշտական բնակութեան վաւերագիր (կամ ինչ որ թուղթ) Հ.Հ. քաղաքացի ու բնակիչ լինելնին փաստելու:
Իսկ փայլուն մոդերատոր Արտգէոն անյապաղ Հ.Հ. քաղաքացիութիւն պէտք է ստանայ, ու գայ «նստի» Երեվանում:
Այսպիսով ազգը դառնում է 3 միլիոն, Ռուսիայում ապրող հայը ռուս, Ամերիկայում ապրողը ամեիկացի է լինում: Մինչ այդ «եղբայրացած» թուրքիա եւ ազրբեջան կոչուած կեղծ պետութիւնները կամքերնին կը թելադրեն արդէն իրանց համար գաւառ (այժմու հասկացողութեամբ՝մարզ) դարձած Երեւանի հանրապետութեան, ո՞ր փողոցում ի՞նչ արձան կանգնեցնել, ո՞ր գիւղում ինչ գիւղապետ նշանակել: Այդ ժամ Հայաստանի գաւառապետը (նախագահի պաշտօն զբաղեցրածը), եթէ պիտի փռնկտայ. Անկորա կը կը գնայ հրամանագիր խնդրելու:

Հ.Հ.Շ.ի, մասնաւորապէս Լ.Տ.Պետրոսեանի գաղափարները քանդիչ, խառնակիչ (պրովոկատիւ) պարտւողական, տրամադրութիւն քանդող, ոգեջնջող, սիրտխառնող են:
Սա իմ տեսակէտն է, իմ անձնական կարծիքը:
Այստեղ գտնւող հ.հ.շ.ականները ցոյց տուեցին, թէ մեր համոզմունքը ԼՏՊի վերաբերեալ 10 տարի առաջ, սխալ չի եղել: ԼՏՊ առիթ եւ ժողովրդականութիւն չունի Հայաստանի քաղաքական կեանքի մէջ:
Որեւէ ընդդիմադիր կուսակցութիւն կամ անհատ, որ դաշնակցում է Հ.Հ.Շ.ին, ստորագրում է, որպէս քաղաքական գործօնի, իր մահուան հրամանագիրը:
Ողջունելի է որեւէ քաղաքական հայարիւն ոյժի կամ կոալիցիոն ոյժերի իշխանութիւնը: Հ.Հ.Շ. եւ նրա հակահայ պառակտիչ գաղափարները ի սպառ պէտք է վերանան երկրագունդից:
Արդ, պարտ եմ զգացել իմ չսիրած բաժնում՝ քաղաքական բաժնում արձանագրել խօսքս, ներդնել լումաս, որպէսզի անկողմնորոշ զանգուածը լուսաբանուի:
Հ.հ.շըյականներ, ձեր սին գաղափարները այնքա՜ն խոցելի են, որոնց քննադատումը սկիզբ կունենայ, վերջ չունենար:
Արտգէո, քո ստեղծած թեմաները շփոթեցնող, ապակայունացնող եւ քննադատութեան չդիմացող նիւթեր են: Ո՞րը բացայատեմ, ի՞նչը քննադատեմ, այնքա՜ն շատ են ապատեղեկատւութիւնը, ծաղրը, սուտը, որ առանձին անդրադառնալու մերկացնելու ո'չ ժամանակ ունեմ, ո'չ տրամադրութիւն:
Մի ծայրայեղութիւնից այլ ծայրայեղութիւն գնալը յուսահատ մարդու բնորոշ է: Իշխանութեան փտած կառավարումից դժգոհ ժողովուրդին. ուզում են գրաւել հ.հ.շ.ի արկածախնդիրները:
Փառք եւ պատիւ Հայաստանի ընդիմադիր գործիչներու գիտակցութեան, նրանք ինձից ու ակումբի անդամներից լաւ գիտեն ինչ կարգի մարդ է այդ LTP:
Նրանք աղեկ հասկանում են, գործիք դառնալու լըտըպըյի ընդունակութիւնը, 3 տարում Արցախը յանձնելու նրա պատրաստակամութիւնը:
Այլապէս ո՞վ կարող էր վստահ լինել խաղաղութեան ժամկէտից, եթէ ոչ իր իսկ ներկայացնելիք զիջումից վստահ եղող անձը:

Աչք ունեցողը կը տեսնի, խելք ունեցողը կը հասկանայ:
Հ.հ.շականներ, ձեր աղբը որպէս համեղ ճաշ մի առաջարկէք: Դուք եւ ձեր լեւոնը երբէք, երբէք Հայաստանի քաղաքականութեան մէջ պիտի չի լինէ՛ք: Ժողովուրդը ատում է ձեզ, առաւել եւս՝ Սփիւռքը:
1-եթէ ուզում էք կարգին ակումբ-ֆորում լինի. Արտգէո անդամը պէտք է յաւերժ հեռացուի: Նրա գործունէութիւնը էութեամբ հակահայկական եւ հակահայաստանեան է: Նա պրովոկատոր է, հենց այս թեմայում սփիւռքահայութեան արձանագրումը թուրքիայի եւ ազերքաքիստանի կողքին մեծ անարգանք է Հայ ժողովուրդին: Նա եւ իր համախոհ հ.հ.շ.ականները վիրաւորել են ցեղասպանութեան ճանաչումը պահանջող հայութեան, անուանելով ֆաշիստ:
Խօսելիք խօսք չմնաց, Արտգէոյի նմանները ազգիս թշնամիներն են, իսկ ես թշնամիների հետ այլ լեզւով կխօսեմ կամ երբէք չեմ խօսիր:
2-Լիովին վստահում եմ մեր ժողովրդին, հարկ չեմ համարում շարունակել լըտըպըյականների դիմակազերծումը, ուստի հեռացումըս չնկատել պարտութիւն, այլ ապահովութեան արդիւնք: Այն ինչ նկատեցի ակումբեցիների մեծամասնութեան եւ ընդիմադիր քաղաքական գործիչների արտայայտութիւններից. հանգստացրեց ինձ: Իրականում որքան հալածենք լըտըպըյականներին, այնքան «մարտիրոսանալու» ձգտումնին աւելանում է:
Պիտի անտեսել հ.հ.շ.ին էլ, լըտըպըյին էլ, արտգէոյի նմաններին էլ, այն ժամ նրանք իսկապէս ջղային եւ մտահոգ կը լինեն: Սա վերջին յղումս է:
Կեցցէ Հայաստանը, անմահ հայ ազգըԱնկցին դաւաճանները

Պանդուխտ ջան, եթե այսպես հուսահատվենք ինչ կլինի հայաստանի վիճակը: Մի հուսահատվիր, քո նպատակը ճիշտ է և շատ հայեր քեզ հետ էն

[Smergh]

Այստեղ խոսվում է սփյուռքահայության մասին ու ոմանց կողմից անթույլատրելիորեն բացասական կարծիքներ են հայտնվում: Հակիրճ լինելու համար ասեմ մեղմորեն` դրանք ապազգային, պառակտողական և վնասակար տեսակետներ են: Սփյուռքահայը եղել և մնում է մեր ժողովրդի անբախանելի մասնիկն ու բավական է մեզ տարանջատենք իրարից ի հեճուկս մեր թշնամիների:
Ցավալիորեն այդպիսի անցանկալի տեսակետների կրողները հիմնականում Տեր-Պետրոսյանի կողմնակիցներն ու ՀՀՇ-ականներն են:
Իմ գրառումներից մեկում արդեն նշել եմ ՀՀՇ-ական մի գործչի դեռևս 1990 թվականի սեպտեմբերի վերջին արած հայտարարությունն այն մասին, որ երբ նրան ասում են, որ մեր սփյուռքահայ քույր-եղբայրները գան Հայաստան ու մեզ օգնեն շուտ ոտքի կանգնելու` նա ասել էր.
-Երկու տարուց ավել է պայքարում ենք, որ ախպարները գան իշխանությա՞ն...
Այս անգամ մեկնաբանություններ չեմ անում, միայն կասեմ, որ ժամանակն է, որ ՀՀՇ-ն իր անունը փոխի , քանզի մեզ համար նվիրական այդ 3 բառերից և ոչ մեկին այսօր նա չի համապատասխանում:

[Artgeo]

Այդպես վստահ մի եղիր: Իմ մի գրառումը ջնջվել եր և իմ հարցումը թե ինչու է իմ գրառումը ջնջվել նույնպես ջնջվելեր և վերջապես իմ երկրորդ հարցումին իմ գրառումը վերականգնվել է եվ պաճառաբանվել որ դա եղել է սխալմունք որը ես ընդունում եմ:

Եթե կարելի է կոնկրետ փաստերով խոսիր:

Սա իրողությանը չի համապատասխանում: Սփյուրռքահայությունը չի թելադրում Հայաստանին որչինչ բայց աշխատում է զորաքցել գումարների միջոցով: Եթե սա քեզ և ԼՏՊ-ին ձեռք չի տալիս դա չի նշանակում որ նրանք թելադրում են ինչ որ բան: Դա երեխային ել է պարզ որ սա ԼՏՊ-ին ձեռք չի տալիս որովհետև միակ ձևը որ լեվոնը (իր մտածելակերպով) կարող է ժողովուրդին մոռացնել տա իր դժոխքային ղեկավարման օրերը պետք է որ ժողովուրդի վիճակը ահավոր սարքի և դրան սփուրքահայությունը խանգարում է: Սա է ճշմարտությունը պարոն Արտգեո: Հանուն ընտերվելու նա իվիճակի է ժողովուրդին հասցնել ամենա ծայրաստիճան վատ վիճակի:

Համաձայն եմ, որ սփյուռքահայությունը ուղիղ բացահայտ ձևով չի թելադրում: Դա պարզից էլ պարզ է, որ գրեթե անհնար է: Բայց, կրիմինալ-օլիգարխիկ իշխանությունները պատրաստ են գնալ ամեն ինչին հնարավորինս շատ գումարներ ստանալու համար: Իսկ սփյուռքահայության ո՞ր շերտը ունի շատ գումարներ: Պարզ է, որ նրանք, ովքեր 20-րդ դարասկզբին են տեղափոխվել սփյուռք և արդեն մոտ մեկ դար է ստեղծում ու շենացնում են իրենց կյանքը արտասահմանում: Հիշենք թե ինչ պատճառով են հեռացել այդ հայերը և ինչ հայտարարություններ ու Հայաստանի քաղաքական ուղղվածությունն է նրանց համար ընդունելի ու ոգևորիչ: Այսինքն համաձայն եմ, որ ասել, իբր սփյուռքը ինչ որ բան է թելադրում սխալ է: Կրիմինալ-օլիգարխիկ իշխանությունն է թելադրվում սեփական բարօրության համար: Մինչդեռ Լևոն Տեր-Պետրոսյանը թույլ չէր տալիս թելադրվել և անում էր այն քայլերը, որոնք գտնում էր, որ Հայաստանի պետականության համար ճիշտ է: Հենց այդ պատճառով սփյուռքի մի հատվածի համար Լևոն Տեր-Պետրոսյանը անընդունելի է, իսկ Սերժ-Քոչարյանի համակարգը ընդունելի: Ժամանակն է թացը չորից տարբերել:

և այդպես ել կա: Սփյուրքահայությունը ամեն ինչ անում է Հայաստանի շահերը պաշտպանել արտասահմանում քանի որ Հայաստանը չունի այնպիսի գումարներ որ կարողանա դիմակայել թուրքիայի լոբին որը ծախսում է միլարդներ ամեն տարի գնելով այլ պետություների սենատորներին ու մամուլներին: Առանց սփուրքի Հայաստանը կորած է:

Հայաստանի շահերից է բխում Թուրքիայի հետ հարևանական բարդ հարաբերությունների հաստատումը, Եվրոպական ընտանիքին ինտեգրվելը: Սեփական անվտանգության նկատառումներից ելնելով Վրաստանի հետ նորմալ հարաբերությունների հաստատումը, Արցախի հարցի կարգավորումը՝ դե ֆակտո կարգավորված հարցի դե յուրե ամրապնդումը: Մինչդեռ Ռուսաստանի հայության վերնախավի համար անընդունելի է Եվրոպական ընտանիքին Հայաստանի անդամագրումը, ԱՄՆ-ի և Եվրոպայի սփյուռքահայության համար անընդունելի է Թուրքիայի հետ հարաբերությունների հաստատումը, Վրաստանի հայության մի հատվածի համար Վրաստանի հետ նորմալ հարաբերությունները, քանի որ նրանք ցանկանում են Ջավախքը միացնել Հայաստանին և այլն, և այլն:

Նորից իրականությունից զուրկ ենթադրություներ: Չգիտեմ թե ինչու դու և ՀՀՇ-ն սայլը ձգում եք իր ըթացքին հակառակ:

Ես որևէ տեղ չեմ ձգում սայլը, ասում եմ այն, ինչն իմ կարծիքով ճշմարտությունն է և սպասում եմ հակառակ կարծիքների և հիմնավորումների: Միգուցե սխալվում եմ և սիրով կընդունեմ իմ սխալ լինելս, եթե լուրջ հակափաստարկներ լսեմ:

Նորից սուտ: Դու ինչպես կարող ես իմանալ սփուրքահայության ինֆորմացիայի աղբուրները՞: Ես ամեն առավոտ աչքովս անց եմ կացնում տարբեր ինֆորմացիոն աղբուրներ բռնած արտասահմանյանից վերջացած հայաստանի ընդիմության: Ինձ թվում է որ դու ասելով փաստեր հասկանում ես քո ենթադրություները որը անգամ ծիծաղելի է:

Բազմաթիվ սփյուռքահայ ընկերներ ունեմ, ինքս էլ սփյուռքահայ եմ համարվում: Մեկ տարի սովորել եմ Երևանի Պետական Համալսարանի նախապատրաստական ֆակուլտետում և ունեմ ընկերներ Սիրիայից, Իրանից, Իրաքից, ԱՄՆ-ից, Ռուսաստանից, Եվրոպայի երկրներից... Հատուկենտ դեպեքերը չեն բացառվում, բայց դրանք հենց իրենց հատուկենտությամբ ապացուցում են իմ ասածի ճշմարտացիությունը: օրինակ մեր ֆորումում գրացված Արթինը, որը 20-րդ դարասկզբի հոսքից է: Իսկ դու ե՞րբ ես գնացել Հայաստանից:

և սա քո փաստն է: Համ խոսում ես սփյուրքահայերը չպետք է խառնվեն Հայաստանի հարցերին համել ասում ես որ նրանք չեն հտաքրքրվում այդ գումարների ճակատագրով: Երկողմանի միտ

Դա փաստ չէ, դա դառը իրականություն է: Քրք Քրքոևյանն էլ է տրամադրում գումար, սակայն նրա տրամադրած գումարներով գնված ասֆալտը և կատարված աշխատանքները ինչ որակի են նա չի հետաքրքրվում: Ի՞նչ ունենք արդյունքում: Երեք-չորս տարի առաջ վերանորոգված ճանապարհը վերածվել է փոսերի ու փոշու: Հարցերին խառնվելն ու վճարած գումարի նպատակային օգտագործման հետամուտ լինելը տարբեր բաներ են: Գիտեմ, որ իշխանությունները փոշի են լցնում սփյուռքի աչքերին, ինչպես փոշու է վերածվել իշխանության կողմից վերանորոգված ճանապարհը, սակայն սփյուռքը ինքն է մեղավոր դրա մեջ, քանի որ դյուրին է հավատում նրանց ու չի տոսնում իրականությունը:

Ոչ թե միայն պարզ չե քո միտքը այլ խեղաթուրում է իրականությանը:

Հ1-ի ու կրիմինալ իշխանությունների կողմից ստեղծված իրականությունը խողաթյուրելու կարիք չկա: Այն պետք է փոխարինել իրական իրականությամբ: Ցավալի է, գիտեմ, բայց այլ ճար չկա:

[Պանդուխտ]

ԱրտԳէո-Պանդուխտ

Իսկ սփյուռքահայության ո՞ր շերտը ունի շատ գումարներ: Պարզ է, որ նրանք, ովքեր 20-րդ դարասկզբին են տեղափոխվել սփյուռք և արդեն մոտ մեկ դար է ստեղծում ու շենացնում են իրենց կյանքը արտասահմանում: Հիշենք թե ինչ պատճառով են հեռացել այդ հայերը և ինչ հայտարարություններ ու Հայաստանի քաղաքական ուղղվածությունն է նրանց համար ընդունելի ու ոգևորիչ

«Տեղափոխուել» են նաեւ դէպի այժմեան Հայաստան: 1965 ժողովրդային ցասումը սփիւռքից չի կառավարուել: Պարոյր Սեւակն իր «Անլռելի Զանգակատունը» սփիւռքից ապսպրանքով չի գրել, ոչ էլ Յովհաննէս Շիրազը գրել է «Հայոց Դանտէականը» Ամերիկայից ստացած փողով:


Իսկ ներքեւի մէջբերումը ետդարձ է...

Այսինքն համաձայն եմ, որ ասել, իբր սփյուռքը ինչ որ բան է թելադրում սխալ է:

Կրիմինալ-օլիգարխիկ իշխանությունն է թելադրվում սեփական բարօրության համար: Մինչդեռ Լևոն Տեր-Պետրոսյանը թույլ չէր տալիս թելադրվել և անում էր այն քայլերը, որոնք գտնում էր, որ Հայաստանի պետականության համար ճիշտ է: Հենց այդ պատճառով սփյուռքի մի հատվածի համար Լևոն Տեր-Պետրոսյանը անընդունելի է, իսկ Սերժ-Քոչարյանի համակարգը ընդունելի: Ժամանակն է թացը չորից տարբերել

Խնդիրը ԼՏՊ-ի եւ Սերժ Ռոբերտի միջեւ չէ:
Խնդիրը միջեւն է ԼՏՊ-ի, եւ եւ ողջ հայ ազգի՝ ի Սփիւռս եւ ի Հայաստան:
Հերիք շահագործէք ժողովուրդի դժգոհանքը Սերժ-Ռոբերտից, անցկացնելու ձեր ծրագիրը Հայաստանի վիզին:

Հայաստանի շահերից է բխում Թուրքիայի հետ հարևանական բարդ հարաբերությունների հաստատումը

Մարդուկի ստորագրութեան պատասխանէ'ք: Ի՞նչ գնով: Երբ պատասխան չէք տալիս, ենթադրութիւն անելը մեզ է մնում:

Սեփական անվտանգության նկատառումներից ելնելով Վրաստանի հետ նորմալ հարաբերությունների հաստատումը, Արցախի հարցի կարգավորումը՝ դե ֆակտո կարգավորված հարցի դե յուրե ամրապնդումը:

Ապրես, հիմա սիրեցի քեզ. de factoն de jure անել:

Մինչդեռ Ռուսաստանի հայության վերնախավի համար անընդունելի է Եվրոպական ընտանիքին Հայաստանի անդամագրումը, ԱՄՆ-ի և Եվրոպայի սփյուռքահայության համար անընդունելի է Թուրքիայի հետ հարաբերությունների հաստատումը, Վրաստանի հայության մի հատվածի համար Վրաստանի հետ նորմալ հարաբերությունները, քանի որ նրանք ցանկանում են Ջավախքը միացնել Հայաստանին և այլն, և այլն:

Վերի տողերդ անհիմն են, խեղաթիւրում ես իրականութիւնը: Սփիւռքահայութիւնը Հայաստանի հետ է:
Մնում է Հայաստանի հարեւանները, ի մասնաւորի թուրքիան ու կեղծ Ատրպատականը ընդունեն բնական յարաբերութիւն առանց նախապայմանի:
Իսկ ջաւախահայութիւնը բնական մարդկային իրաւունքն է փնտրում. եւրոպական չափանիշները որդեգրած բարեկան Վրաստանից: Մի խեղաթիւրեր ճշմարտութիւնը:

Բազմաթիվ սփյուռքահայ ընկերներ ունեմ, ինքս էլ սփյուռքահայ եմ համարվում: Մեկ տարի սովորել եմ Երևանի Պետական Համալսարանի նախապատրաստական ֆակուլտետում և ունեմ ընկերներ Սիրիայից, Իրանից, Իրաքից, ԱՄՆ-ից, Ռուսաստանից, Եվրոպայի երկրներից... Հատուկենտ դեպեքերը չեն բացառվում, բայց դրանք հենց իրենց հատուկենտությամբ ապացուցում են իմ ասածի ճշմարտացիությունը: օրինակ մեր ֆորումում գրացված Արթինը, որը 20-րդ դարասկզբի հոսքից է:

Արթինի ասածը երբէք չի համընկնում ձեր ասածին: Իսկ ես նրա ասածի 90 տոկոսին համաձայն եմ (եթէ ոչ աւելին):