ՀՀ-ն 15 տարեկան է

**Ուլուանա** · 21.09.2006, 08:54

Ես էլ սպասում էի, որ օրը գար, նոր շնորհավորեի։

Շնորհավորում եմ բոլորիս։

Ճիշտ է, մեր ուզած չափով ու մեր ուզած ձևով դեռ անկախ չենք, բայց եկեք խոստովանենք, որ սա էլ է բան, չհուսահատվենք ու ձգտենք ավելի իրական անկախության, որովհետև նախադրյալները գոնե ունենք։

**Մասսագետ** · 21.09.2006, 10:52

Փոքր ժամանակ, տենց մի 4-5 տարեկանում, երբ նայում էի էս շքերթը, երազում էի՝ էս զինվորներից մեկն էլ ես լինեմ: Էսօր նայեցի էդ շքերթը ու զզվանք առաջացավ մեջս:
Շնորհավորելու բան չունեմ: Հայաստանի անկախությունը նրանց ձեռքն ա, ովքեր չէին պայքարել անկախության համար;

**Մելիք** · 21.09.2006, 11:18

Շնորհավոր, ամեն դեպքում

**Արշակ** · 21.09.2006, 12:03

Շնորհավորում եմ Հայաստանի քաղաքացիներին ու ընդհանրապես բոլոր հայերին Հայաստանի անկախության տոնի կապակցությամբ։

Իհարկե, հիմա մենք բազմաթիվ լուրջ խնդիրներ ունենք, բայց մեծ նվաճում եմ համարում հենց թեկուզ այն, որ որոշ մարդիկ կարողանում են ազատորեն ասել, որ շնորհավորելու բան չունեն։ Մաղթում եմ, որ այդ անկախությունն ավելի իրական դառնա ու յուրաքանչյուր Հայաստանի քաղաքացի գիտակցի, թե ինչ է իրական ազատությունը ու իրեն իսկապես անկախ ու ազատ զգա։ Համոզված եմ, որ մենք հնարավորություն ունենք իսկական անկախություն նվաճելու։ Պայքարե՛նք այդ անկախության համար։