Կայացած ընտանիք

[dvgray]

Ալկոհոլ և նարկոտիկ չոգտագործելը, ինչպես նաև՝ արտամուսնական կապեր չունենալը--բավարար է արդյոք ընտանիքը կայացած համարելու համար՞:Կուզեի իմանալ Ձեր կարծիքը:

Եթե ընտանիքում զույգերից մեկը նարկոման է, կամ խմող, կամ քարշ է գալիս... ապա այդպիսի ընտանիքը ինչքան էլ հիմնված լինի սիրո վրա և ունենան զավակներ, պահելու համար մեծ ջանքեր է պահանջվում հակառակ կողմից /հիմնականում կնոջից/: Ունեմ աչքիս առաջ մի այդպիսի զույգ, որոնք ուենե երկու փոքրիկ երեխաներ և եթե այդ զույգը մինչև այժմ չի փլվել, ապա միայն կնոջ մեծ սիրո պատճառով, որը օրեցոր հալվում է, փոշիանում: Եթե տղան չփոխվի, որը դժվար հավանական է, ապա բաժանումը անխուսափելի է:

Քո հարցը սակայն ուրիշ դրվածք ունի, որը ճիշտ կլինի ձևափոխես, թե չէ այն ձևով, ոնց որ կառուցել ես, նման է հետևյալ հարցին
- Այդյո՞ք եթե թիվը ոչ 4-ն է, ոչ 11-ը, ոչ 45-ը, ապա կարելի է ասել, որ այն հավասար է 124:

[Դեկադա]

Հետաքրքիր հարց ես տվել, սակայն ինձ առավել կհետաքրքրեր հարցը այս համատեքստում. արդյոք տալի, սկեսրոջ ու հատկապես տեքոր գոյությունը բավարար պայման է ընտանիքը կայացած համարելու: Նաև մոռացա. բլինչիկի համար նախատեսված թավան: Ահա արդյոք այս չորս կարևոր հանգամանքների գոյությունը բավարար է ընտանիքը կայացած համարելու համար: Ես էլ կուզեի իմանալ Ձեր կարծիքը:

Չեմ կարծում,որ Ձեր թվարկած գործոնները կարող են խանգարել ընտանիքի կայացմանը , եթե զույգերը իրոք սիրում են միմյանց:Իսկ այ իմ նշած գործոնները կարող են խանգարել և նույնիսկ խթանել ընտանիքի փլուզմանը:

Ավելացվել է 10 րոպե անց
Նախ ես անչափ շնորհակալ եմ բոլորիցդ արձագանքելու համար:

Ես ավելի շուտ կմտածեի ընտանիքի ոչ թե կայացման բավարար այլ անհրաժեշտ պայմանների մասին…

Երևի ավելի ճիշտ կլիներ նշել <բավարար պայման> կապակցությունը:

[Philosopher]

Չեմ կարծում,որ Ձեր թվարկած գործոնները կարող են խանգարել ընտանիքի կայացմանը , եթե զույգերը իրոք սիրում են միմյանց:Իսկ այ իմ նշած գործոնները կարող են խանգարել և նույնիսկ խթանել ընտանիքի փլուզմանը:

Մի՞թե: Դու կարծում ես, որ հայ տալը, սկեսուրն ու տեքրը չե՞ն կարող փլուզել ընտանիքը: Եվ մի՞թե այստեղ նշանակություն ունի այն, որ նրանց վնասակարարության մասին Առողջապահության նախարարությունը չի զգուշացնում: Դե իսկ թավայի մասին չեմ խոսում: Պապենական ավանդույթները հո չենք բռնելու ու ոտնատակ անենք: Իհարկե, ոչ:

[ivy]

Ալկոհոլ և նարկոտիկ չոգտագործելը, ինչպես նաև՝ արտամուսնական կապեր չունենալը--բավարար է արդյոք ընտանիքը կայացած համարելու համար՞:Կուզեի իմանալ Ձեր կարծիքը:

Կարող եմ միայն գուշակել, թե որտեղից է ծնվել այս հարցը, ավելին՝ հարցի նման շարադրումը...

Հաճախ եմ լսել, թե ինչպես երբ որևէ երիտասարդ կին դժգոհում է իր ամուսնական կյանքից, կողքից ավելի տարեցներն ու իմաստուններն ասում են.
– Ի՞նչ ես ուզում, ոչ խմումա, ոչ ծակվումա , ոչ մանա գալիս. բա տենց մարդուց դժգոհե՞լ կլինի: Էլ քեզ ի՞նչա պետք. կարգին ընտանիք ունես:
Նոր մտածում էր ու հիշեցի, որ իրոք շատ եմ լսել նմանատիպ արտահայտություն:

Այստեղից էլ առաջանում է կարծրացած ստերեոտիպը՝ չի խմում, չի ծակվում, ման չի գալիս, ուրեմն ամեն ինչ լավ է: Իրականում, ինչքան էլ ուղեղդ կրկնի շատ անգամ լսված բառերը, հոգիդ հո զգում է, որ դա բավարար չէ...
Այս ամենն էլ ծնում է նման հարցադրումներ:

Այնուամենայնիվ, կարծում եմ՝ ընտանիքի կայացած կամ ոչ կայացած լինելը կախված է ոչ այնքան օբյեկտիվ հանգամանքներից ու փաստերից, որքան դրանց սուբյեկտիվ ընկալումից:
Մեկը նույն պայմանների դեպքում կարող է համարել իր ընտանիքը կայացած, մյուսը նույն իրավիճակում գտնել, որ ընտանիքը մոտ է փլուզման եզրին...
Մեկի համար ամուսնու սիրային կապերը, բոլոր տեսակի թավաներն ու իրենց կյանքում ներխուժած բարեկամները չեն կարող անգամ ենթադրություն առաջացնել, թե իրենց ընտանիքը կայացած չէ, մյուսի համար էլ սիրունիկ ու խելոք բալիկները, ամենահանգիստ ու ներդաշնակ ամուսնական կյանքը դեռևս բավարար չէ ընտանիքը կայացած համարելու համար:
Այնպես որ, ամեն ինչ սուբյեկտիվ է:

Կարծում եմ, որ պիտի շատ աշխատել ցանկացած երևույթի կայացման համար: Սա էլ իմ սուբյեկտիվ մոտեցումն է...
Գիտեմ, որ կան մարդիկ, որոնց համար նվազագույն պայմաններն անգամ բավարար են, որպեսզի համարեն տվյալ երևույթը կայացած:
Կան նաև այնպիսիք, որ առաջնորդվում են «Եթե արդեն ոչինչ չես կարող փոխել, փոխիր վերաբերմունքդ» սկզբունքով:

Ամբոջ սրտով նախանձում եմ թե առաջիններին, թե վերջիններին:

[Tigana]

Թմրադեղ,ալկոհոլ չօգտագործելը,լեվի չգնալը միշտ չի , որ ընկած ա ամուր ընտանիքի հիմքում:
Մարդ պետք ա մինչև ընտանիք կազմելը պարզի իրա համար,թե ինքը ով ա,իրանից ինչ ա ներկայացնում,պետք ա հասկանա արժանիք ունի ընտանիք կազմելու:
Եթե մարդ թմրամոլ կամ ալկագլդորիկ ա,ուրեմ արժանիք չունի,որովհետև էդ զիբիլները մարդուց ուժեզ են:
Ամուր ընտանիք կունենան մարդիկ էնքան ժամանակ քանի դեռ իրար սիրում են,ավելի ճիշտ էն մարդիկ,որոնց մեջ դեռ ամենաուժեղ բանը սերն ա,իսկ,ասենք,թմրադեղը ժամանակի հետ մարդու մեջ դառնում է առաջնայինը ու մարդ չի կարող համ սիրել համ թմրամոլ լինել: