Դե ամեն երևույթի մեզանից յուրաքանչյուրը տալիս է այս կամ այն իմաստը։ Շատերը նույնիսկ ծնողական հոգատարությունը համարում են էգոիզմի դրսևորում։ Կոնկրետ շահադիտական նկատառումների փաստե՞ր ունես, թե՞ սովորական «վառե՛լ վկաներին» շարքի հերթական տեղեկությունների վրա է հիմնված։Lion-ի խոսքերից
Հիմա կոնկրետ օրինակ։ Կոմիտասում ապրող մի հանցագործ տարր (իրական մարդու մասին եմ խոսում), որը 16 տարեկանից գտնվել է կալանավայրում, իսկ ազատվելուց հետո վարել է հանցագործ գործունեություն և երկար տարիներ գտնվում էր օրինապահների ուշադրության կենտրոնում այսօր Եհովայի վկա է և իր ընտանիքի հետ միասին ձգտում է ապրել աստվածաշնչյան չափանիշներով և այլևս չի ահաբեկում մարդկանց։ Այս երևույթը ապազգայի՞ն է։ Թուլացնո՞ւմ է պետականությունը։
Փաստորեն կարծում ես, որ բոլոր այլախոհները պետք է լքեն Հայաստանը, այսինքն արտագաղթեն և այդ դեպքում ինչ որ մեկին կահջողվի՞ առանց այդ էլ դատարկված Հայաստանում կերտել հզոր պետություն։
Ես պատմությունից ուժեղ չեմ, շատ չեմ ուսումնասիրել, բայց մի օրինակ բերեմ ոչ վաղ անցյալից։ Իհարկե գուցե հակադարձես, թե իմ բերած օրինակը անհամասեռ է Հայաստանյան վիճակի հետ, բայց փորձեմ։ Նացիստական Գերմանիան նույն ձև էր մտածում հրեաների, այլազգիների և Եհովայի վկաների մասին։
Ու ի տարբերություն Հայաստանում այսպիսի մտածելակերպ ունեցողների, Lion ջան, իրենք իրենց նպատակը «խիզախորեն» իրագործեցին։
Իհարկե կարող ես բերել փաստարկներ, թե իմ բերած համեմատությունը անհամասեռ է Հայաստանյան վիճակի հետ, բայց այնուամենայնիվ փորձեմ։
Կասե՞ս ինչ եղավ նացիստական Գերմանիայի վերջը։
Եվ կասե՞ս թե ինչ եղավ այն Գերմանիայի վերջը, որը հարգեց մարդկային իրավունքը և ընդունեց իր քաղաքացիների կրոնական և ազգային անխտրականությունը։
Ես ինձ ոչ մի բարոյական իրավունք չեմ վերապահում հայապահպանությունից խոսել, պարզապես հարց եմ տալիս. փաստորեն քո կարծիքով հայաթափումը հզոր պետության նախապայմա՞ն է։
Իսկ ինձ թվում էր, որ Հայաստանի կործանման դավադրությանը մասնակցող հատուկ ծառայությունների և գաղտնի կազմակերպությունների քայլերից մեկն էլ Հայաստանը հայաթափելն է։ Այսինքն դա քայլերից մեկն է։ Բայց փաստորեն պարզվում է, որ նրանք այդպիսով իրականում կամրացնեն մեր երկիրը։ Բա այդ դեպքում ինչո՞ւ ենք ահազանգում, թե Ռուսաստանը անօրինական միգրացիոն կենտրոններ է բացում Հայաստանում։
Եվ այնուամենայնիվ, այն որ իրենք իրենց գրականությամբ պահպանում և տարածում են հայերենը, դա ապազգայի՞ն մտածողություն է։ Թուլացնո՞ւմ է պետականությունը։
Lion, կարո՞ղ ես ասել, թե հայի նման սահմանումը ինչի վրա է հիմնված։
Ո՞վ է որոշել թե ով է հայը։
Ե՞րբ է որոշել։
Իսկ այն որ Եհովայի վկան չի ընդունում ազգը, դա շատ ընդհանուր ու լղոզված միտք է։ Կմանրամասնե՞ս։ Ինչպե՞ս չի ընդունում։ Ինչո՞վ է դա արտահայտվում։
Ոչ մի սուտ բան չկա, Lion ջան։ Կան հայ արվեստագետներ և երաժիշտներ, ովքեր աշխարհի տարբեր երկրներում ներկայացնում են հայկական արվեստը և իրենք Եհովայի վկաներ են։ Հիմա այդ արվեստագետ Եհովայի վկան իր ազգային երաժշտությունը և կտավները ներկայացնելով ապազագային մտածողությո՞ւն է դրսևորում։ Թուլացնո՞ւմ է պետականությունը։
Իսկ մենք խոսում էինք Եհովայի վկաների մասին։ Քո նշած բազում «ոչ եհովական» հայերի մեջ կան թվով շատ Եհովայի վկաներ հայեր։ Կրկին հարցն անպատասխան է՝ նրանք իրենց այդ մտածողությամբ ապազգայի՞ն են, նրանք թուլացնո՞ւմ են պետությունը։
Շատ ճիշտ ես։ Այդ կրոնական ուղղությունների ներկայացուցիչներից մեկն էլ Եհովայի վկաներն են։ Հիմա իրենք իրենց այդ մտածողությամբ և վարքագծով ապազգայի՞ն են, թուլացնո՞ւմ են պետությունը։
Lion ջան, այնուամենայնիվ խնդրում եմ այդ բլյա-բլյաի մակարդակի անտրամաբանական գրառմանս պատասխանես։
Փա՞ստ է, որ ի հակառակ քո բերած միանշանակ պնդմանը այնուամենայնիվ բոլոր զենք բարձրացնողները չեն, որ հայրենասեր են։ Փաստ է։
Փա՞ստ է, որ ինքդ համաձայնվեցիր, որ հայրենասիրության համար բացի զենք վերցնելու կան նաև այլ գործոններ։ Փաստ է։
Փա՞ստ է, որ Եհովայի վկաները այդ այլ գործոնները ապահովում են։ Փաստ է։
Ես չեմ սիրում բառախաղով զբաղվել։ Ասածիս իմաստն այն է, Lion ջան, որ պիտակավորելը շատ հեշտ գործ է։ Բայց կան բազմաթիվ դեպքեր, երբ Եհովայի վկաները իրենց դրսևորում են, որպես օրինակելի և օրինապաշտ քաղաքացիներ։ Իսկ քո և շատ ուրիշների կողմից գործածված բազմաթիվ պիտակները բացառում են նմանատիպ երևույթների հնարավորությունը։
Իսկ այդ բոլորի մեջ դու և քո մերձավորները մտնո՞ւմ են։ Դուք պատրաստվո՞ւմ եք վկա դառնալ։ Խնդրում եմ կարդա այս թեմայի գրառումները։ Քանի՞ հոգու ես գտնում, որ ուզում են։ Կարդա մյուս ֆորումները և Ֆեյսբուքյան շարժումները։ Քանի՞ հոգի ես գտնում, որ ուզում են կամ այդ ճանապարհին են։
Իսկ եթե ենթադրում ենք, թե կդառնան, ապա արի ենթադրենք, որ բոլոր աշխարհի մարդիկ վկա են դառնում և այս հարցում նույն կերպ են մտածում, ի՞նչ կլինի այդ ժամանակ։
Lion, ներողություն եմ խնդրում ավելի հանգամանալից չգրելու համար։ Արածս համեմատություն չէր։ Այլ պարզապես ուզեցել եմ ցույց տալ, որ այսօր մարդիկ դա բերում են որպես փաստարկ Եհովայի վկաների դեմ, բայց ոչ մի հասարակական ակտիվություն չեն ցուցաբերում այդ երևույթների դեմ պայքարում։ Ես չեմ հետևել և չգիտեմ, թե դու ինչպես ես մասնակցում նման հարցերի քննարկմանը, բայց փաստերը բավական շատ են, որ նրանք ովքեր Եհովայի վկաներին այդ հարցում մեղադրում են, մյուս նույնատիպ դրսևորումների հանդեպ բավական զուսպ են և անակտիվ։ Սա շատ բան է ասում մարդու կանխակալ և ծայրահեղական մտածելակերպի մասին։ Ես դա եմ ուզեցել ասել։
Այո, Lion ջան, ես Եհովայի վկա եմ։
Մի հարց էլ ես ունեմ։ Դա ինչ որ ձև ազդո՞ւմ է ներկայացված տեղեկության և այդ տեղեկության բովանդակության վրա։ Քեզ համար կարևորը զրույցի բովանդակությո՞ւնն է, թե զրուցակցիդ կրոնական պատկանելիությունը։
Մեջբերել
Էջանիշներ