Հայաստանում լայն ճանաչում են ձեռքբերում ֆասթ-ֆուդ ռեստորանները
Օրեցօր ավելի լայն ճանաչում են վայելում ժամանակակից աշխարհի անբաժանելի մասը դարձած արագ սննդի ռեստորանները: Այդ մասին ԱրմԻնֆո-ի թղթակցին հայտարարել է ՙValletta Entertaining՚ ընկերության տնօրեն Մարինե ժամկոչյանը:
Նրա խոսքով, հանրապետությունում ֆասթ-ֆուդի մեծ պահանջարկը պայմանավորված է երկրի գործարար կյանքում զգալի թռիչքով և ժողովրդի մտածողության փոփոխություններով: ՙԲազմաթիվ ոլորտներում կյանքի եռանդուն ռիթմը ստիպում է հայերին անցնել այնպիսի սնման, որը տնտեսում է ժամանակը և հագեցնում քաղցը՚,- ընդգծել է նա`ավելացնելով, որ շուտով արագ սննդի շուկայում կհայտնվի ևս մեկ արտասահմանյան խոշոր խաղացող:ՙԴրանից հաճախորդները միայն կշահեն, քանի որ առողջ մրցակցությունը կհանգեցնի լրացուցիչ աճի՚,- նշել է նա:
Միաժամանակ Մ. Ժամկոչյանը տեղեկացրել է, որ ՙValletta՚ ընկերությունը հայտնի SFC Express-ի (Southern Fried Chicken) առևտրանիշի վստահագրյալն է /franchisee/: Այսօր նման ֆասթ-ֆուդ կենտրոններ Հայաստանում դեռևս երկուսն են`Իսահակյան 14 և Տիգրան Մեծի 12 փողոցներում: Բացի այդ, նրա խոսքով, ՙValletta՚ ընկերությունը տնօրինում է AFC (Armenian Fried Chicken) առևտրանիշով ֆասթ-ֆուդ կենտրոնների, որոնք նույնպես երկուսն են`Դ. Անհաղթի 21 փողոցում և Նորքի երրորդ զանգվածում գտնվող STAR սուպերմարկետում: Ըստ որում, մինչև ընթացիկ տարվա վերջը նախատեսվում է երրորդ AFC-ին բացել Հյուսիսային պողոտայում, իսկ 2008 թվականին`Մալաթիա-Սեբաստիա համայնքում, Երրորդ մասում, ինչպես նաև յումրի և Կիրովական քաղաքներում: ՙԱրագ սննդի այդ ռեստորանները կողմնորոշված են ոչ միայն հաստատությունում սնվելու, այլ նաև դրսից պատվերների համար: Ըստ որում, աշխատավայրում կամ տանը գտնվող հաճախորհրդին մոտոցիկլետներով սնունդը հասցվում է պատվերից 5-7 րոպե անց, եթե, իհարկե, խցանումները չեն խոչընդոտում՚,-նշել է նա: Խոսելով սննդի որակի մասին`զրուցակիցը նշել է, որ յուրաքանչյուր առավոտ SFC և AFC ստացվող ողջ մթերքն անցնում է մասնագետների փորձաքննությունը: ՙԻնչ վերաբերում է առողջության համար ֆասթ-ֆուդի վնասին, ապա մեր կերակրատեսակները չեն պարունակում նախատեսվածից ավելի ճարպեր և բարձր կալորիականություն չունեն: Համենայն դեպս, մինչ այժմ հաճախորդներից ոչ ոք չի բողոքել՚,-հավաստիացրել է Մ. Ժամկոչյանը:
Ինչ վերաբերում է SFC-ի և AFC-ի գնային քաղաքականությանը, ապա, զրուցակցի խոսքով, չնայած Հայհաստանում պարենամթերքի գների վերջին թանկացմանը`առաջիկայում այն փոփոխություններ չի կրի: Բացի այդ, ինչպես նշել է Մ. Ժամկոչյանը, արագ սննդի հիշյալ կետերում պարբերաբար անցկացվում են ակցիաներ`հօգուտ հաճախորդների:
Բյուրակն-ի խոսքերից
Մեջբերել
Ի տարբերություն ամերիկացիների, եվրոպացիները քիչ են օգտվում համբուրգերներից (դրա մասին են վկայում համապատասխան վայրերում ոչ թե տվյալ երկրի բնակիչների, այլ տուրիստների, հատկապես՝ ամերիկացի, լեփ-լեցունությունը): Ի տարբերություն ամերիկացիների, եվրոպացիները գազավորված ըմպելիքներ էլ են քիչ օգտագործում (համենայնդեպս, ոչ այն ծավալով, որ առողջությանը վնաս հասնի). ինքս եմ տեսել, թե ինչպես են ընդմիջումներին կաթ կամ բնական հյութ խմում (իսկ այնտեղի բնական հյութերն իսկապես բնական են):
, հետո վնասում է մեր ստամքսին 
Էջանիշներ