Դեպքեր Երևանում

[քաղաքացի]

Այստեղ գրենք այն դեպքերի մասին, որոնք տեղի են ունենում Երևանում:
Օրինակ՝
Այսօր օպերայի շրջակայքում տեղի ունեցավ մի կռիվ (չհասկացա, ո՞վ, ու՞մ, ինչի՞ համար…)
Այդ նույն պահին Հյուսիսային պողոտայի նոր կառուցվող շենքերից մեկը հրդեհվել էր: Հրշեջների ջանքերը չափից դուրս ապարդյուն էին: Նրանց օգնության հասավ բնությունը՝ անձրևը, որի օգնությամբ մեր հրշեջները կարողացան բարձր պահեն իրենց «պատիվը»: Ի վերջո կրակը մարվեց:
Հետաքրքիրն այն է, որ մեր ժողովուրդը կանգնած հիանում էր այդ հրդեհով՝ հնչում էին բարձր ծափահարություններ, սուլոցներ… շատ հումորով ազգ ենք: Տխրության ժամանակ միակ ելքը ուրախանալն է:

[StrangeLittleGirl]

Է՜հ, ես էի ուզում հրդեհի մասին գրել, բայց դու առաջ ընկար:
Բայց ի՞նչն է այստեղ տխուր: Շատ ուրախ բան է կատարվել, բայց ափսոս, որ մյուս շենքերն էլ չեն վառվել:

[Cassiopeia]

Այսօր օպերայի շատ հումորով ազգ ենք: Տխրության ժամանակ միակ ելքը ուրախանալն է:

Ամերիացիներից ենք վարակվել, նրանք էլ դժբախտության պահին, տարերային աղետների կամ դժբախտ դեպքերի ժամանակ փորձեն դրա դեմն առնել, սկսում են այն նկարահանել …

[Fobus]

Այստեղ գրենք այն դեպքերի մասին, որոնք տեղի են ունենում Երևանում:
Այսօր օպերայի շրջակայքում տեղի ունեցավ մի կռիվ (չհասկացա, ո՞վ, ու՞մ, ինչի՞ համար…)

Դե կռիվներից անպակաս է Երևանը : Երևի թե չկա օր , որ կռիվ չլինի : Կռիվները արդեն շատերին չեն զարմացնում : Իսկ նման հրդեհներ ....
Ասում են , որ շենքի սեփականատերն է Յուրի Լուժկովի կինը ...

[Աբելյան]

երեկ էլ մեր փողոցի հետևում "Գազել" ա գմփացել

[Երկնային]

Մեր տան դիմացի խաչմերուկում օրը մեջ ավտովթար ա լինում… արդեն սովորական բան ա

[Artgeo]

Այսօր թվում էր, թե առտարոց օր է լինելու… Էն էլ… Չէ, ամեն ինչ սովորականի պես ավարտվեց։ Հենց նոր մեր տան մոտ ավտովթար տեղի ունեցավ։ Լավ ա էլի ստաբիլությունը…

[Artgeo]

Երեկ Ազատության պողոտայում Մոնումենտից հետո առաջին խաչմերուկում մի բեռնատար էր շուռ եկել: Մինչև հիմա մտածում եմ, թե ոնց էր հաջողացրել այդպես շուռ գալ

[Kuk]

Կրակոցներ «Ջիանիում»



Հունվարի 11-ին, ժամը 05.30-ին, ՙպոլիտրավմա՚ ախտորոշմամբ ՙԷրեբունի՚ բժշկական կենտրոն բուժօգնության է դիմել 1964 թ. ծնված Գրիգոր Ս.-ն:

Պարզվել է, որ նույն օրը, ժամը 04.00-ին, Գրիգոր Լուսավորչի փողոցում գործող ՙՋիանի՚ ռեստորանային համալիրում մի խումբ անձինք բացահայտ անհարգալից վերաբերմունք դրսևորելով հասարակության նկատմամբ` կոպիտ կերպով խախտել են հասարակական կարգը, վիճաբանել Գրիգոր Ս.-ի հետ, ծեծի ենթարկել նրան և անկանոն կրակ արձակել հաստատության ներսում:

Դեպքի վայրի զննությամբ հայտնաբերվել է 9 մմ տրամաչափի փամփուշտի 2 պարկուճ և 1 գնդակ:

Նույն օրը, ժամը 06.00-ին, բաժին են ներկայացել 1982 թ. ծնված Հայկ Մ.-ն, 1982 թ. ծնված Ռոման Մ.-ն և 1984 թ. ծնված Սարո Թ.-ն` հայտնելով, որ ՙՋիանի՚-ում իրենք են ծեծի ենթարկել Գրիգոր Ս.-ին:

Հայկ Մ.-ն բաժնում ներկայացրել է ՙATMACA 2008 LIGHT 57383՚ տիպի գազային ատրճանակ, 9 մմ տ/չ 3 փամփուշտ և 1 պահունակ ու հայտնել, որ վիճաբանության ժամանակ ինքն է գործածել ատրճանակը:

Նշանակվել է դատաբժշկական փորձաքննություն: Կատարվում է նախաքննություն: Տեղեկացնում է ոստիկանության մամլո ծառայությունը:

...

[Kuk]

Ուսանողը ցած է նետվել 5-րդ հարկից



Հունվարի 19-ին, ժամը 10.20-ին, ՙպոլիտրավմա՚ ախտորոշմամբ ՀՀ ոստիկանության Ակադեմիայից ՙԱրմենիա՚ բժշկական կենտրոն է տեղափոխվել 1-ին կուրսի ուսանող, 1993 թ. ծնված Վիլիկ Գրիգորյանը:

Պարզվել է, որ նույն օրը, ժամը 09.35-ին, նա ինքնասպանություն գործելու նպատակով ցած է նետվել ՀՀ ոստիկանության Ակադեմիայի ուսումնական մասնաշենքի 5-րդ հարկի լսարանից:

Վիլիկ Գրիգորյանն ընթացիկ ստուգարքները բարեհաջող էր հանձնել, առաջին քննությունից ստացել էր լավ գնահատական, և ըստ Ակադեմիայի ղեկավարության և դասախոսների` որևէ հոգեկան շեղում չի նկատվել նրա վարքագծում:

Ըստ բժշկի տեղեկանքի` Վիլիկ Գրիգորյանն ի վիճակի չէ հաղորդում տալու:

Հանգամանքները պարզվում են:

Կատարվում է նախաքննություն:

ՀՀ ոստիկանության պետի հրամանով նշանակվել է ծառայողական քննություն:

...

[yerevanci]

1in.am