Քանի որ խոսք գնաց իմ սիրելի դերասանի՝ Մհեր Մկրտչյանի արձանի մասին, ես էլ տեղադրեմ իմ պատրաստած ռեպորտաժը:
Սեպտեմբերի 18-ին Վանաձորի Արցախ պուրակը մարդաշատ էր. կազմակերպվել էր միջոցառում` նվիրված Մհեր Մկրտչյանի հուշատախտակի տեղադրմանը և փողոցի անվանակոչմանը:
Պուրակում տեղադրված էին դերասանի հայտնի և անհայտ նկարները`վերցված տարբեր դերակատարումներից: Հնչում էր մանսուրյանական հոգեպարար երաժշտությունը: Հայ բեմի նվիրյալի շունչը թևածում էր աշնանային պուրակում:
Միջոցառմանը ներկա էին բազմաթիվ հյուրեր, որոնց շարքում էր Մհեր Մկրտչյանի կրտսեր եղբայր Ալբերտ Մկրտչյանը: Ինչպես նշեց Ալբերտ Մկրտչյանը, Մհերը շատ էր սիրում Կիրովականի թատրոնը և դերասանների հետ շատ էր գնում հյուրախաղերի: «Նա մի անգամ ասել է, որ վերցնում է ժողովրդից, իր մեջ խառնում, հետո նորից վերադարձնում է ժողովրդին» շարունակեց դերասանի եղբայրը։
Անվանի դերասանի արձանը կտեղադրվի մյուս տարի` հուլիսի 4-ին` Մհեր Մկրտչյանի 80-ամյակի առթիվ:
Հուսամ, որ մյուս տարի այս օրերին Վանաձորում նույնպես կհիանանք Մկրտչյանի նոր արձանով:
Մեջբերել
Էջանիշներ