Մեջբերում մարդ եղած վախտ-ի խոսքերից Նայել գրառումը
Ճիշտն ասած մի քիչ չեմ պատկերացնում, թե ակումբում էս թեմայով քննարկումը ինչ տեսք կարա ունենա առանց ֆեմինիզմի/խտրականության կպնելու։ Էս թեմայի դիֆոլթը դիրքի անհավասարություն ենթադրող վիճակն ա։ Եթե կռիվ-դավին բացառում ենք, ապա տակը մնում ա ստատուս քվոն ամրապնդող, եղած ստերեոտիպներն առաջ բրթող փոխանակություն։ Օրինակ՝ մինչև էս պահը կռիվ-դավի չանողներից ոչ մեկ ստերեոտիպ կոտրող բառ չի ասել (բացի գուցե թիքեթից, ով ոնց-որ թե տողատակերում ակնարկում ա, որ ստատուս քվոն իրա դուրն էլ չի գալիս, որտև պատերազմի դեպքում իրանից սպասում են գնալ-մեռնել)։

- բայց մենք ընդամենը հայտնի փաստեր ենք արձանագրում, - կասեք դուք։
- իհարկե փաստեր եք արձանագրում, որտև համոզմունքը ստեղծում ա իրականություն, որը իրա հերթին ամրապնդում ա համոզմունքը, - կասեմ ես։

Ես էս իրականությունը չեմ սիրում ու իրականությունը փոխելու ձևը համարում եմ համոզմունք փոխելը, դրա համար ոչ մի ձև չեմ ընդունում էս պահին եղած դիտարկումները որպես “դե տենց էլ պետք ա լիներ“ իրականություն։ Էդ չընդունելու հետևանքը կռիվ-դավին ա… դե ի՞նչ արած։ Մի բան բաց ե՞մ թողնում։
Նայած կռիվ-դավին ինչքան է քո վրա նստում։ Վերջերս կակ ռազ թեմա կար բարոյական խիզախության մասին, սա ավելի շատ դրա մասին է։
Ասենք, հա, Հայաստանի ստատուս քվոն ինձ դուր չի գալիս, ու ես հեշտ ճանապարհն եմ ընտրել՝ հեռացել եմ։ Փոխելու ոչ մի ցանկություն չունեմ։

StrangeLittleGirl-ի անտեսանելի կնոջ պահով, ես կակ ռազ սպիտակ տղամարդու չափանիշներով բավական կարճ եմ, հենց միջին կնոջ բոյ ունեմ, նենց որ կարող եմ ձեր տեսանկյունից նայել։
Էդ մեքենայում ոտքի՝ արգելակին չհասնելը երևի բլթ է։ Նույնիսկ սովետական մեքենաներում նստարանն առաջ տալու հնարավորություն կար։ Ավելի շուտ անհարմարություն է այն, որ ճանապարհն ավելի վատ ես տեսնում, քան բոյով մարդը (մայրամուտին էլ արևն ավելի շատ է աչքերիդ խփում), իսկ նստարանը բարձրացնել չես կարող հենց այն պատճառով, որ այդ դեպքում պեդալներին ու ղեկին հասնելն է դժվարանալու։ Դրա համար ես ժամանակին պարզապես ավելի բարձր մեքենա եմ գնել (crossover), ինչը խնդիրը լուծել է։

Մեկ այլ օրինակ՝ հագուստի իմ չափը S-ն է կամ XS-ը (կախված brand-ից ու fit-ից)։ Նենց չի որ շատ մանր եմ, պարզապես սիրում եմ slim fit, համ էլ դա ստիմուլ է փոր չհավաքել, թե չէ միանգամից ոչ մի շոր հագդ չի լինում ու ստիպված ես Վիշապի կետոյից անել, բայց ոնց որ շեղվեցի։ Ինչ էի ասում, եթե S-ի հետ խանութներում որպես կանոն խնդիր չկա, ապա XS հազվադեպ կհանդիպես։ Ես էլ գտել եմ իմ վրա լավ նստող մոդելները, օնլայն եմ պատվիրում։ Բա ի՞նչ անեմ, աջ ու ձախ գոռամ, թե XS հագնողներին դիսկրիմինացնու՞մ են։ Շատ պետք է, ես ավելի հետաքրքիր զբաղմունքներ ունեմ։
Էդ գոռալով ինչ-որ բան փոխելուն ես սկեպտիկորեն եմ վերաբերվում։ Ինչ-որ դեպքերում գուցե օգնում է, ինչ-որ դեպքերում հակառակը․ մարդիկ խելոք գնում Մելոնիին կամ Թրամփին են ընտրում։ Ինձ թվում է՝ դրա իրական իմաստը հաճախ ոչ թե ինչ-որ բան փոխելն է, այլ եթե հարցը քեզ համար այդքան սկզբունքային է, ապա հայելու մեջ ինքդ քեզ նայես հանգիստ խղճով․ ինչ կարող էիր, արեցիր։