Անկապ օրագիր

[Tig]

Հայաստանը գերեզմանոց չի... Որտեղ ապրել եք, այնտեղ էլ թաղվեք:

Հայաստանը ապրելու ու արարարելու վայր է:

[My World My Space]

Աշխատանքային խառը օր։ Վերջապես հասցնում ես մտնել զուգարան։ Զանգում ա մի շատ, շա՜տ կարևոր մարդ, որի զանգին չես կարա չպատասխանես։ Ստիպված պատասխանում ես, խոսում ես մի 4-5 րոպե։ Անջատում ես հեռախոսը, մեկ էլ կողքի կաբինկից տղերքից մեկը հարցնում ա.
-Ապեր, արդեն կարա՞մ ջուրը քաշեմ…


Sent from my HTC One X using Tapatalk 2

[Tig]

Երբ կանգնած ես ընտրության առաջ...
Ու չնայած այն կայացված է, քանի որ այլ տարբերակը ուղղակի կխեղդեր գաղափարը/գործը... միևնույն է ափսոսանքի զգացում կա...
...այո, կայացված է կորուստների գնով, բայց գուցե դա հենց ձեռքբերո՞ւմ է...

[E-la Via]

Մարդ, այ մարդ, սովա՞ծ ես: Շուրջդ նայի, տես, թե քաղց հագեցնելու /ստամոքս լցնելու/ ինչքան տեղեր ու ձևեր կան, մեկը մեկից լավը, մեկը մեկից համով-հոտով, լրիվ նյամ: Մենակ թե, ախպոր պես, թարգի երկոտանու ներվեր ուտել, ախր հեչ ուտելու բան չի է, ախր հեչ քեզ չի սազում, է:

[Sagittarius]

Հեռախոս առնելը դարձել ա բաժնետոմսեր առնել՝ առնելուց փորձում ես կանխատեսել, որ ընկերությունը մեկ տարի հետո ավելի լավ մրցակցային դիրք կունենա

[enna]

ուռա՜,վերջապես,էսօր Լուսինը մենակ չի լինի՝00.30:Բայց մեկա ես որոշեցի չտեսնել ու թողնել դա 2087 թ.-ին:

[Տրիբուն]

Երկու անգամ Հռոմում էի եղել ու չէր հաջողվել մտնել Կապիտոլիումի թանգարանը: Էս անգամ մի ոչ լրիվ օր պիտի մնայի Հռոմում ու որոշեցի ամբողջ օրը էտ թանգարանին նվիրել:

Ոտս կոտրվեր, չմտնեի: Երկու թե երեք գլխավոր ցուցասրահներում հատակից առաստաղ պոստեռներ էր փաքցված, վրեն գրած «Հատուկ շնորհակալություն Ադրբեջանի Հեյդար Ալիեվ հիմնադրամին թանգարանին հատկացված ֆինանսական աջակցության համար» ու էլի լիքը բաներ - իտլերեն էր, լրիվ չհասկացա:

Ասում եմ, աշխարհ-աշխարհ, պրոպագանդան սենց ա լինում, ոչ թե «մեր գեղը ձեր քաղաքից 7 տարի հին ա», բայց մեր գեղում ոչ մի հին բան չկա, սաղ կերել ենք, տակի մնացածն էլ հիմա ենք ուտում:

[Փոքրիկ շրջմոլիկ]

Որ օրը ես կարողացա դա անել (դա-ն շատ կոնկրետ գործողություն ա) , ետ օրը ես ինձ հռչակելու եմ <աստղ> : Չնայած հիմա աստղ դառնալու ավելի հեշտ տարբերակներ կան` օրինակ տաք արդուկով գլուխդ արդուկում ես, դա պարտադիր նկարահանում ես, տեղադրում Յութուբում ու վերջ՝ դու Աստղ ես, ավելին՝ «Սուպեր աստղ» ես , որովհետև քեզ Յութուբով նայել է ավելի քան մեկ միլիոն մարդ:
իսկ ինձ՝ իմ նորմալ , ոչ հեշտ, աշխատատար աշխատանքի համար ոչ մեկ Աստղ չի նշանակի: Անարդար ա էլի
Բայց լավ միտք էր, գնամ արդուկը միացնեմ
Իսկ եթե լուրջ՝ ով մտածում է միայն հայտնի դառնալու մասին, կարևորություն չտալով կատարած աշխատանքին, իրեն չեմ նախանձում

[Գալաթեա]

էխ...

[Այբ]

Մի հատ բարեկամ ունենք, որ երբ գալիս է մեր տուն ու տեսնում է իմ գրքերը, ասում է.
_Է՜հ, ի՞նչ ես գտել էդ գրքերի մեջ:
Ու դե արի իրեն բացատրի, թե ինչ եմ գտել գրքերի մեջ:
Էսօր մեր էդ բարեկամը մեզ նորից հյուր էր եկել: Մեկ էլ աչքը ընկավ Սևակի գրքին ու հարցրեց.
_Սևակ սիրու՞մ ես:
_Չէ՛:
_Ո՞նց: Ես չեմ կարդում, բայց սիրում եմ, իսկ դու կարդում ես ու չես սիրում:

[E-la Via]

Հետաքրքիր է՝ միայնությա՞նն ես հեշտ սովորում, թե՞ մարդկանց հետ լինելուն:

[armen9494]

Էսօր ավտոբուսով տուն էի գալիս: Դռան մոտ մի կերպ կանգնած եմ, մեկ էլ կանգառում երկու աղջիկ հետևս կանգնած ուզում են խցկվեն: Ախր ես էի մի կերպ կանգնել
Բարձր ասի՝
-Լավ, որ ուզում եք տեղավորենք:
Էս դիմացս կանգնած կնոջը ասեցի հլը դու մի քիչ առաջ գնա, ձախ... լավա:
Էն մի աղջկան ասի դու բարձրացի: Էդրան որ ասի բարձրացի, էն հետևինն էլ հելավ ու դռան մոտ կանգնեց: Ասեցի՝ էդ դռան հետևը մի կանգնի, կփակի կմնաս տակը, բարձացի, մի քիչ ձախ գնա... հոպ, լավա:
Ու էդ "հոպ լավա" ասելս ու փռթվելս մեկ եղավ

[Alphaone]

Ակումբում ֆորումի անդամներն ու սմայլիկները թեմայում Չամիչին հանդիպեցի ու անմիջապես էսօրվա երազս հիշեցի: Իբր չամիչը մասնագիտությամբ փիլիսոփա էր, մոտ 35-36 տարեկան շատ ինտելեկտուալ կին ու ակումբային իր բոլոր գրառումները մի ուրիշ ձևի թրոլլինգ էին: Ու ինքը դրել դաժանորեն գլուխ էր գովում, թե ոնց ա հոգիներս բերաններս հասցնում:

[John]

Սովի ու քնի պայքարում բնականաբար հաղթում է լույսը. գնամ լուսաբացը դիմավորեմ

[Այբ]

Անորոշությունից վատ բան չկա:
Ա՛յ մարդ, մարդ էլ քննության լինի, բայց օրը չիմանա: Ասում են, որ հնարավոր է ամսի 2-ին քննության լինեմ, բայց դե քննության օրը պաշտոնապես չեն հայտարարել:
Տեղափոխություն, քննություն...մեր տանը ահավոր խառնաշփոթ է...
Չգիտեմ, թե ինչ է լինելու...