Անկապ օրագիր

[Նարե91]

Շատերին թվում ա` ես շատ ակտիվ, նախաձեռնող, ճարպիկ, խորամանկ, մի խոսքով ճըտ-պըտ աղջիկ եմ, բայց էդ էնքան էլ տենց չի... այսինքն տենց ա, բայց մասամբ...իրականում մեջս մի դինջ կա` լավ խորը քնած... հա', ես իրան միշտ քնած եմ պահում, ուղղակի մեկ-մեկ, որ իրա մոտ արթնանալու հզոր ցանկություն ա լինում, ես արդեն անակարող եմ լինում ինչ-որ բան փոխել ու ստիպված հանդուրժում եմ էդ դնջին:

Հ.Գ. երկու օր ա` էդ ապուշը զարթնել ա ու չի ուզում քնի...չգիտեմ ոնց քնացնեմ դրան, որ նորից սկսեմ կիսատ թողած թեզս ավարտին հասցնել: Դաժան ա:

Sent from my ASUS Transformer Pad TF300T using Tapatalk 4

[enna]

Փաստորեն մարդու ուղեղը հոտերն էլա հիշուղության մեջ պահում...

[Jarre]

Շատ դեպքերում «բարեգործական ակցիա» արտահայտությունը հավասար է «գովազդային ակցիա»-ին....

[LisBeth]

Էս քաղաքում իմ բարության մասին լեգենդներ են պտտվում: Աղավնին չէր կարում թռնի, մոտեցա ասի տեսնեմ ինչի: Ոչնչով չկարեցա օգնեմ: Կանգառում մի հատ աղջիկ քիթը քշտեց իմ ձեռքերի հոտից: Մինչև ինքը սիգարետը հանգցնում էր տրանսպորտը եկավ: Ես գրպանիցս հանեցի մանրը, ծռտախառը ճլպացրի վարորդի առաջ, նա վերցրեց ու դասավորեց տեղերով: Նստել, սպասում եմ, չի շարժվում: Ականջս բացի, լսեմ էս աղջիկը ասում ա որ փող չունի: Վարորդն անտարբեր գլուխը թոթվում ա: Սա էլ իր մարմնական ծառայություններն է առաջարկում: Վարորդի դեմքին մկան անգամ չի դողում, նորից գուխը տարուբերում է... ու մարշուտկան շարժվեց:

[Chuk]

Տաքսիստը սաղ ճամփին գլուխս տարավ, «բացատրելով», որ Հայաստանում բոլոր բիզնեսների մեջ Սաշիկը հիսուն տոկոս փայ ունի: Մեռա հասկացնելով, որ խոսելու զահլա չունեմ, բայց ինքը չէր հասկանում: Մտածում էր, որ իրա ասածին եմ թերահավատ, ու ավելի էր «մանրանում»: Ընդհուպ հասավ էնտեղ, որ ոչ միայն բոլոր մեծ, այլ բոլոր փոքր բիզնեսների մեջ փայ ունի: Որ տեսավ էլի անհաղորդ նստած եմ, ավելի կոնկրետացրեց.
- Ախպերս, ջոգում ես, դաժը ես՝ անհատ տաքսի քշող, իմ աշխատածի կեսը թեկուզ ոչ պրյամոյ, բայց իրան եմ տալիս:

Իջնելուց արդեն լավ ներվահան եղած էի: Հազարի փոխարեն հինգհարյուրանոց մեկնեցի ու ասեցի.
- Ախպերս, մնացածը ես պրյամոյ Սաշիկին կտամ, պետք չի դու միջնորդ լինես:

[Two-Face]

Բայց ինչ հավես ա, որ ինստիտուտդ քո տան մոտից երկու քայլ ա: Հիմա կարամ ամեն օր գամ, մի երկու րոպե կոմպից օգտվեմ:

[armen9494]

Էսօր մի տեղ կամերաների հետ կապված գործ էինք անում, ըտեղի աշխատողի հետ էլ խոսում էինք: Խոսքի մեջ մեկ էլ ասեց լավ կամպյուտռշիկ եմ գտել, մի ուրիշ կարգի լավ մասնագետ ա: Հարցրեց անունը ի՞նչ ա, ասեց Արտակ: Դե ես էլ Արտակ անունով մի կամպյուտռշիկ գիտեմ, ասեցի տենաս ինքն ա, թե՞ չէ
Ասեցի ազգանունը գիտե՞ս, ասեց "հա, մոտս գրած ա, բայց չեմ հիշում": Ասեցի Գաբոյա՞ն ա, բա "հա՜ հա, ինքն ա: Հը՞ն, լավ մասնագետ ա, չէ՞" :
Աթեիստ ջան քեզ գովում են

[enna]

Մայրենի 4-րդ դասարանի գրքից.
<<Մի անգամ Հիսուսն իր շուրջն հավաքված մարդկանց մի այսպիսի պատմություն պատմեց...>>
[Ուղեղներ հարթեցնելու պրոցես]

[Two-Face]

Առաջին օրը համալսարանում ու միանգամից գռուզիտ արին:

[Meme]

Էս վերջերս սկսել եմ Նաիրուհու օրագիրը կարդալ, մեկ մեկ զարմանում եմ իմ վրա, մենք անչափ շատ ենք իրարից տարբեր , բայց էդքան տարբեր լինելով, իր մտքերը ինձ համար թվում են հարազատ...


հետո պատահականություն էր, թե ոչ, տեսա որ դու էլ անտարբեր չես անցնում իմի կողքով...
Թենքս Լիլ...էստեղի մեծերից, քչերինն եմ կարդում սիրելով ...



MWMSինն եմ սիրում , մեկ էլ Յոժիկինը., Agni , CactuSօul, Keyboard..


շատ բաներ եմ սովորում ձեզանից, թե՛նքս...

[John]

գրելս էլ չի գալիս, սենց բա՞ն կլնի լա՜վ, որ սկսել եմ՝ ասեմ՝
իմ կոնֆլիկտային բնավորության մասին լեգենդներն էնքան մեծ ծավալների են հասել, որ ուշադրություն չդարձնել ուղղակի հնարավոր չէ։ Դրան էլ գումարվել է ձեռք բերածս համբավը, էս անգամ՝ ագռեսսորի ու էդ ամենին էլ գումարած հազար ու մի կախվածություն, մեղմ ասած խիտ գրաֆիկ, շոգ, ոչ մի կերպ չմեղմացող ալլերգիա արևից, փոշուց, սուր հոտերից... էլի ամառն անցավ, ավելի ճիշտ կորավ։
բարի գալուստ սեպտեմբեր, ես քեզ չէի սպասում անհամբեր, բայց արի կլնի դու նենց անցի, որ հոկտեմբերն էլ հավեսի ընկնի ու մինչև նոր տարի սաղ տեղը ընկնի, օ՞կ, բրո

[_Հրաչ_]

Էս սեպտեմբերի հետ մեր թաղամասում մի էնպիսի երևույթ սկսեց, որ շատ նման ա ձկների ձվադրման շրջանին: Բայց եթե ձկները ցատկերով շարժվում են գետի ակունքներ, ապա բնակիչների շրջանում ոչ թե բեղմնավորման շրջան ա բացվել, այլ արձակուրդների ավարտի, ուսումնական տարվա սկսման հետ երթուղային տրանսպորտն սկսել ա գերծանրաբեռնված աշխատել:
Ու հնարամիտ ուղևորները, ինչպես և ձկները, ճարպիկ շարժվում են երթուղայինի ակունքները, մինչև «կանեց», հլա մի բան էլ էն կողմ, իհարկե, ոչ թե ձվադրելու, այլ տրանսպորտ գոնե մուտք գործելու ակնկալիքով:
Իսկ դուք էլ ասում եք աշո՜ւն, աշո՜ւն:

[Skeptic]

Երեկ հավաքվել էինք զորամասի ակումբում "պալոչկա" (դրամական բավարարում) ստանալու, ամբիոնին կիթառ կար հենած: Գայթակղությանը չդիմացա, վերցրեցի, սկսեցի Տառեգա ու Ալբենիս բորշել նվագել: Տղերքը սինխրաֆազատրոն հայացքով նայեցին ինձ ու պահանջեցին "Ձենգի, ձենգի ֆսյո-ֆսյո րեշայուտ" ու "Պռա մալադովը նառկամանա":




#idontwanttoliveonthisplanetanymore
#tyluchshebmurkusygral
#rufusjanstildgoxaca

[StrangeLittleGirl]

Սպանում ա, որ փողոցում ինձնից մի քանի տարով ջահել էրեխեք ինձ բարևում են ու ասում. «Բարև ձեզ, դուք ինձ դաս եք տվել»:

[melancholia]

Օրերն անցնում են, իսկ ես ամեն հաջորդ րոպեին ավելի եմ մթում ; Ուժեղ եմ դառնում?... չէ, պարզապես մանուկը մեծանում է հայացքիս մեջ; Շուրջը ամբոխն ու անհատները պայքարի մեջ են` Ես-ի պայքարի, հոշոտում են իրար ու ցեխոտելով անցնում; Չեն տեսնում, որ նույն ցեխը կեղտոտում է նաև իրենց հոգին, անունն ու դիմակը; Ես վախենում եմ կեղտոտվելուց;