Անկապ օրագիր

[John]

Իսկ ի՞նչ արդարացում կարող ես մտածել ձեր՝ աղջիկներիդ համար, որ տենց հաճախ սխալվում եք ձեր կողքի անձի ընտրության հարցում ...

02:21
դե.. գիտես,
աղջիկները հիմար են
իրանք կամ
անկապ նստած սպասում են
ՙ՚"ասպետին"
կամ էլ առաջին անկապ տղու կամ
տենց համեմատաբար նորմալի հետ են լինում,
ու հիմնականում, մի քիչ շփվելուց հետո սիրահարվում են
իսկ առաջինը իրանք չեն սիրահարվում, որովհետև պասիվ են
ու տանը ասել են,
աղջկան պիտի գրավեն
իսկ եթե իրանց մնար
նորմալ տղաների կսիրահարվեին
իսկ նենց, եթե սիրահարվում են
ապա ավելի շատ ընկերուհիների համար
որ տենց ինչ որ սիրունոտ տղա լինի,
քննարկեն անկապ անկապ

շնորհակալ եմ անկեղծ պատասխանի համար... հալալ ա ձեր թույն մտածելակերպին... կամ իրա բացակայությանը... տականք վիճակ ա լրիվ

[Հայկօ]

Չէ, Փինկֆլոյիդ ձաձան հաստատ ճիշտ էր ասում. առաջ խոտը ավելի կանաչ էր, լույսն էլ՝ ավելի պայծառ :

Է՜հ, ժողովուրդ, ինչ ասեմ,
Ձեզ ոնց թասիբի գցեմ,
Մեկն ու մեկդ ելեք բեմ,
Մի թողեք մենակ խոսեմ,
Եկեք, ասեք խոսքը ձեր,
Ես կլսեմ հաճույքով,
Հետո կգրենք տողեր,
Ու կսփռենք աշխարհով,
Եկեք, էստեղ են դառնում
Տաղանդավոր, հանճարեղ,
Սրա պես լավ վարժությու՞ն,
Որ կկոփի միտքը մեր:

Մի՞թե խիստ եմ ես այդքան,
Որ ժամանցն այս հաճելի
Մարդկանց թվում է անհամ
Եվ անգամ սարսափելի...

Ի՞նձ էիք կանչում բամբ ձայնով
Եկա ես սեգ սարերով
Հանգենք սրան ու նրան
Գրենք մրենք անվարան:

Հավաքվում ենք մերոնցով,
Գրենք-մրենք չափածո,
Հանգենք իրար մենք կրկին
Անվարան ու անմեկին

Առաջարկում եմ թեմա,
Ով ուզում է` մոտենա,
Եկեք գրենք մենք այսօր
Պատմություն մի զոլավոր:
Թող այն ունենա սյուժե,
Թեկուզ ճղճիմ, թեկուզ վեհ,
Գրենք այնքան, մինչև որ
Քինգն էլ գրվի կամավոր:
Եվ այսպես, ապրում էր նա
Իր տնակում առանձնյա,
Ատավոտից իրիկուն
Ձկան պահածո ուտում...

Երեկոյան իր տնից
Ձուկ բուրալով կատաղի
Գնում էն նա զբոսանքի
Աչքով անում տղերքին
Նստում ճամփի եզերքին:

Ու տղոնց գոռում` չուվա~կ,
Մի ինձ տես` հուր եմ, կրակ,
Արի ինձ մոտ, իմ անուշ,
Քեզ նվիրեմ սիգի փուշ:

Տղաները հալվելով
Փուշն էին վերցնում սրդողած
Տանը կապում այն թելով
Վրան նայում կարոտած:

Իսկ մեր աղջիկն իր ձկոտ
Մատներն էր լուռ լպստում,
Նստում ճամփին քարքարոտ,
Ու նոր չուվակներ որսում:

Սակայն մի օր, երբ դեռ նա
Դուրս չէր եկել իր տանից,
Պռճոկում էր անխնա
Իր հոնքերը` հաստ ու ցից,
Լսվեց դրսից հռնդյուն,
Որ խռովեց իր հոգին,
Եվ աղջիկը մեր իսկույն
Մոտեցավ պատուհանին:

Դրսում, փոքր-ինչ աղճատված
Պատուհանի հին ճաքից
Տեսավ նա մի "Բելոռուս"
Ղեկին նստած բելոռուս:

Ձկոտ ափում պինդ սեղմած
Ունքհանիչը հինավուրց
Նա դուրս հանեց պատշգամբ
Իր մարմինը, բայց մասամբ:

-Չուվա~կ,- գոռաց ինչպես միշտ
Ունքհանիչը թափ տվեց,
Բելոռուսն էլ շատ էր ճիշտ,
Անգամ ունքը չշարժեց:

Բայց դե թուքը կուլ տալով`
Հա նայում էր աղջկան,
Որ պատուհանից զոռով
Դուրս էր հանել ինչ կա-չկա-ն

Ապա մանրիկ քայլերով
Ու գալով խունջիկ-մունջիկ
Իջավ նա բակ՝ թափ տալով
Իր ազդրերը հույժ լխտիկ:

Բելոռուսն էլ հո ռուս չէր,
Նա մուժիկ էր հիրավի,
Ու իր հետ էր նա բերել
Քսան տուփ` ձկան խավիարի:

Այդ խավիարը, օ՜՜ ու ա՜՜խ
Երազանք էր ակնբախ
Կանգնեց դիմացը ռուսի
Ու խոսք սկսեց այսպիսի:

Չուվակ, հլա ինձ մտիկ,
Խավիարը բեր մոտիկ,
Ու խավիարիդ դիմաց ես
Տես թե ինչ եմ տալու քեզ:

Ռուսը նայեց վերից վար՝
Վարում երկար լռվելով
Տուփը մեկնեց խավիարի
Խոսեց՝ արաղ բուրելով:

Մեկ էլ հո չփռշտա~ց,
Բեղերն իսկույն թափվեց ցած,
Ու հերոսն ամոթահար
Խոսքը սկսեց իր անճար

-Մեռնեմ էն զույգ լխտերդ,
Ոտով-գլխով քեզ ղուրբան,
Արի նստեմ ծնկներիդ
Ու բելառուսս խոդ տամ:

- Գյուղամիջում կանգնել էի
Փափախս ծուռ դրել էի
Մեկ էլ ասին՝ բա գիտեեե՜ս
Մեկը ունենք աջբատես:

Ձկան համար ինչ ասես
Որ չի անի: Ում ասես:

Առա խավիարն այս ձկան
Եկա պարզեմ իմ ներկան:

Ինչ ես տա՞լու, դե ասա:
Ասա ուխս թող անսա:

այ դու լկտի անզգամ,
ոնց թե բելառուս խոս տամ
չնայես իմ բդերին,
ես խոխա եմ տակավին

տուր խավիարդ շուտափույթ,
թե չէ շատ վատ կլինի
ոստիկանների մի կույտ
գլխիդ օյին կբերի

- Ախչի՛, եթե ինձ դշխես,
Քեզ կտամ վզիս ցեպը.
Համ էլ՝ հլը չես տեսել
Բելառուսիս ՊՐԻՑԵՊԸ...

Դուք խոսում եք, լոկ խոսում
Ձեր պրիցեպը մեջ գցում
ABCD խոստանում
AB- ն հազիվ եք ձգում:

- Կոնուս, սկոռուստ, Ա-Բե-Էս,
Կլիմատ կոնտռոլ, Էս-Էռ-Էս,
Փչվող, փքվող, տաքացվող,
Լոկ մի պորշին, բայց ՑՆՑՈՂ:

Մին էլ էդ պահին էր հենց
Որ մի աժդահա եկավ,
Ուռկանն ուսին ծանր ու մեծ,
Ուղիղ ծանոթ բակ մտավ:

Մտավ, նայեց դես ու դեն,
Բելոռուսին խիստ չափեց,
Մոտեցավ մեր աղջկան,
Ու հավեսո՜վ ապտակեց:

-Ախչի, այ լիրբ, բա որ ես
Խոպան եմ գնում ձկի
Դու առանց ինձ ասելու
Ալիք ես վառու՞մ ռուսի:

Լխտիկներիդ թունդ պատիժ,
Բելոռուսիդ կմորթեմ,
Հենց իր բերած խավիարի
Տակառներում կխեղդեմ:

Ցավոք սրտի՝ էպոսը կիսատ է մնում...

Հուսանք՝ շարունակելի:

[anahit96]

Ինչի՞ ես իրավունք չունեմ հանգստանալու...

[Ժունդիայի]

Այնպես ա պատահում, որ մարդիկ «էսօր իմ օրը չի»-ի ու «այսօր իմ օրն է»-ի արանքում կորցնում են իրենց:

Մարդի´կ, ձեզ մի կորցրեք, լա՞վ:

[Էլիզե]

John-ի գրառումը կարդացի ու հասկացա` ես ճիշտ աղջիկ չեմ...

[Kita]

Շանս շպիլկայասիրության պատճառով լվացքս ամբողջությամբ չկարողացա փռել
Գնալով քչանում-քչանում էին ու հասանք էս օրի էլ փայտից շպիլկա առնող չկա
Ու ամեն անգամ նենց հրճվանքով բերում ցույց է տալիս, որ գտել է, այստեղ հասկանում ենք` թռցրել է Նենց հույսը չի կորցնում, որ պիտի գովամ էտ արարքի համար էլի

[Meme]

Ո՜նց եմ սպասում, ես այդ օրվան, որ կտեսնեմ ձեզ
Երանի՜

[Nadine]

Արդեն, մի քանի անգամ է, նույն երազն եմ տեսնում։ Իբր կորել եմ ինչ–որ սարերում, ու մեկ էլ բջջայինիս զանգ է գալիս...ու ո՞վ զանգի, որ լավ լինի՝ ակումբի Monk–ը: ու չգիտեմ ինչու, հենց պատասխանում եմ, Monk–ը անջատում է հեռախոսը...

[Kita]

Դուք պատկերացնում եք մի այնպիսի անձնավորության, որ Անժելա Սարգսյանից բեխաբար լինի ու նոր մի բան իմանա? Նոր մաման ասում է, էն աղջիկը բա էլ ինչու՞: չի խաղում Ուր է իմ տղամարդը սերիալում Ու ըտեղ ինձ բացեց

[Ժունդիայի]

Իմ այս տիպի գրառումներից տրաքլամիշ լինող կամ ինձ հերթական անգամ ահաբեկող, թե «հեսա-հեսա կարմիր վարկանիշ կտամ քեզ, հերիք էլավ բոլ եղավ» ասող մարդկանց խնդրվում է չկարդալ:

Մի քանի օր առաջ հեռուստահաղորդում էի դիտում, որտեղ, միմյանց հետ հետագա հարաբերություններ ստեղծելու նպատակով, մասնակցում էին աղջիկ-տղա զույգեր: Հաղորդավարը հերթական տղային հարց տվեց, թե նա ինչպիսին է պատկերացնում իր աղջիկ զույգին, ինչպիսին նա պետք է լինի, տղան պատասխանեց, որ ցանկանում է՝ աղջիկը լինի բարետես արտաքինով, անկեղծ, որ միայն իրեն սիրի, որ կարևոր չի ֆինանսապես հարուստ լինի, այլ լինի հոգով հարուստ, բլա-բլա-բլա ու էլի բլա: Ոփը՜շ մեռած արևը կատարելություն էր ուզում, որ նույսնիկ տատուս վախտերով նման բան չկար: Հաշվեցի, մոտ՝ 10-13 էռնեկ էր մի տեղում: Ինչևէ:
Դիտում եմ հաղորդումն ու քմծիծաղում: Ա՜յ եթե 25-26 տարեկան լինեի, միգուցե ինքս էլ այդ տղայի պես սին երազանքներով տառապեի: Բայց, որ հասունանում ես, սկսում ես իրերին իրենց անունով կոչել:

Օրինակ՝ եթե ինձ հարցնեն ինչ ձևի կուզես, որ սիրածդ աղջիկը լինի, չեմ ասի անկեղծ, որովհետև ինքս էլ, ինչպես ցանկացած մարդկային էակ, միշտ չէ, որ անկեղծ եմ: Քվիդ:
Չեմ ասի՝ կցանկանամ շատ բարետես լինի, որովհետև ինքս որքան էլ բարետես արտաքին ունեմ, միևնույն է կան մարդիկ ում դուրը պարզապես չեմ գալիս, հետևաբար, չեմ պնդի շատ բարետես լինելու փաստը: Քվիդ:
Չեմ ասի, որ թող ինձ շատ սիրի, որովհետև ինքս իմ շուտ հիասթափվող բնավորությունն իմանալով, գիտակցում եմ, որ միանգամայն հնարավոր է, որ ես էլ տարվա մեջ մի քանի օր նրան պարզապես չսիրեմ: Մի հատ էլ քվիդ:
Չեմ ասի, որ կարևոր չի ինձ իրա ֆինանսական դրությունը, որովհետև գիտեմ, երբ մարդու աչքը կուշտ ա, ինքն ավելի քիչ բոշայություններ իրան թույլ կտա կամ ընդհանրապես թույլ չի տա: Առավել ևս, չեմ ասի, որ թող նրա հոգին հարուստ լինի, որվհետև «հոգով հարու՞ստ»ս որն ա՞: Էս մեկն էլ քվիդ:

Բա՜յց.... կա մի մե՜ծ բայց: Սպանեն էլ, չեմ կարող չասել, թող որ լինի կոկիկ, վրեն գլուխն էլ՝ մաքուր-իստակ: Որովհետև ինչպես ասում է լեննականի հին ասացվածքներից մեկը «Եթե ԻՄ վրա յուղ լցնեն, էդ յուղը հեշտությամբ կհավաքվի»: Ստե ի՞նչ են ասում քուա՞նշ, թե՞ շախ-մատ:


հ.գ. Եքա առաջընթաց ա մոտս գրանցվել:

հ.գ.-ի հ.գ. Տեղեկացնեմ ևս մեկ անգամ, որ էս գրածս թաղտին նստած ժամանակվա ծագած ու ոչ մի հիշողություններ չպարունակող մտքեր են:

[John]

Որ ասում եմ չափից դուրս լավն եմ աղջիկներին դուր գալու համար՝ ասում եք չէ...
ձանձրալի է լինել հավասարակշռված ու խելացի մարդու կողքին...
ախր դու չափից դուրս բարի ես...
բայց ինչո"ւ ես դու այդքան լավը...

ու էլի լիքը տենց մտքեր... լավը չեմ ես՝ էդ դուք թյուր կարծիք ունեք բախտներդ էլ բերել է, որ իմ վատ կողմերը չեք տեսել... անդառնալի հետևանքներից խուսափել եք ...

Հ.Գ.
դե վախեցեք, բոոոոոո՜

Հ.Հ.Գ.

[My World My Space]

Այսօր
Կյանքում առաջին անգամ
Քաշեցի ատամ,
Էն էլ ինչ ատամ
Ճոխ սեղանատամ...

[E-la Via]

Կարդում եմ.
«Մարդկանց մեծամասնությունը չի ուզում լողալ, քանի դեռ չի սովորել»:

Հը՞...
Իսկ ինչի՞ ոչ...

[murmushka]

ամեն ինչ ավելի վատ է, քան ես պատկերացնում էի, կամ ենթադրում...

[Ժունդիայի]

Ուզում եմ քեզանից շնորհակալ լինել այն բանի համար, որ դու բազում անգամներ կարողացար իմ մեջ տեսնել ավելին, քան իրականում կամ: Ուզում եմ շնորհակալ լինեմ ինձ ավելի մանրակրկիտ ու դանդաղ տեսնելու յուրահատուկ ընդունակությանդ համար, որովհետև էս անտեր մնացած կյանքում եղան մարդիկ, ովքեր ինձ չափից դուրս արագ նայեցին: