Անկապ օրագիր

[Jarre]

Այսօր ընկել էի երազանքների գիրկը։ Բայց հենց երազում եմ հիշում եմ Քիփլինգի խոսքերը՝ «If you can dream and not make dreams your master»։ Ասեմ, որ իմ մոտ ստացվում է ուղղակի երազել՝ թույլ չտալով, որ դրանք ղեկավարեն ինձ։

Ինչի՞ էսքան երկար-բարակ գրեցի։ Ուրեմն այսօր երազում էի, որ եթե հանկարծ մի օրով նախագահ դառնամ մի տոն կավելացնեմ Հայաստանում։ Ավելի ճիշտ չեմ ավելացնի այն արդեն կա, ուղղակի փոփոխություն կմտցնեմ մեջը։

Ապրիլի 1-ը կհամարվի ոչ միայն ստի օր, այլև Հ1-ի օր


ՀԳ՝ Բա սա ապրիլ ա՞, որ մենք ապրում ենք

[Chuk]

Ազգս լրիվ դեգրադացվել ա... հրաշալի քանդակագործ ա մահացել՝ Բեջանյան Դավիթը... սրանք Էմի՜, Եվրատեսի՜լ, երգի ընտրությու՜ն...

[My World My Space]

Չէ՛, բան չեմ ասում, ուղղակի մտածում եմ....


Լինում են պահեր, որ քիչ է մնում
Ամեն ինչ թողնեմ ու լուռ հեռանամ,
Բայց քեզնից ինպե՞ս և ո՞ւր հեռանամ.
Ամենազորեղ իմ անզորություն
Իմ անտանելի բնավորություն....

Համո Սահյան

[My World My Space]

Համո Սահյանն էսօրվա մեր վիճակի մասին....

1
Ասում եք Արծիվը
Հավքերի արքան է,
Արքայից արքան է,
Իշխանաց իշխանը....
Հավք կա՞, որ ապահով
Նստում է իր տանը:
Ասում եք Արծիվը
Հավքերի արքան է,
Հաշվե՞լ եք արքայի
Բաժինը որքան է,
Առնում է ու տանում
Ինչքանից ինչքա՞նը:
Ասում եք Արծիվը
Հավքերի արքան է...

2
Ասում եք Արծիվը
Հավքերի արքան է:
Տեսե՞լ եք արքայի
Արյունոտ կոպերը,
Հաշվե՞լ եք հավքերի
Ճիշերն ու թղբերը:
Ասում եք Արծիվը
Հավքերի արքան է:
Ասում եք: Երևի
Ձերը խելքն էլ այդքան է:
Հաշվե՞լ եք ինչքան են
Զոհերի ողբերը....
Ասում եք Արծիվը
Հավքերի արքան է....

3
Ասում եք Արծիվը
Հավքերի արքան է,
Հավքերի պարծանքն ու
Պատիվն է արծիվը:
Բայց ե՞րբ է նա պահել
Հավքերի պատիվը:
Ասում եք Արծիվը
Հավքերի արքան է:
Նա միայն ու միայն
(աշխարհը իմ վկան է)
Պաշտում է իր ձագին,
Պաշտպանում իր քիվը:
Ասում եք Արծիվը
Հավքերի արքան է....

4
Ասում եք Արծիվը
Հավքերի արքան է:
Հաշվե՞լ եք երբևէ
Արքայի մեղքերը,
Հաշվե՞լ եք հավքերի
Վշտերն ու վերքերը:
Ասում եք Արծիվը
Հավքերի արքան է
Բողոքե՞ն հավքերը....
Դա հեշտ չէ այնքան էլ,
Քանի որ հզոր են
Արքայի զենքերը:
Ասում եք Արծիվը
Հավքերի արքան է....

5
Ասում եք Արծիվը
Հավքերի արքան է,
Հավքերի տերության
Տիրակալն ու տերը,
Բայց ինչո՞ւ օրենք է
Հավքերին ուտելը,
Ասում եք Արծիվը
Հավքերի արքան է:
Բայց ինչու՞ ամեն տեղ
Արցունք ու կական է,
Ինչի՞ց են տագնապած
Հպատակ հավքերը:
Ասում եք Արծիվը
Հավքերի արքան է....

[Դեկադա]

Իմ համբերության բաժակը նմանվում ա մաղի: Կեղտը թափվում ա` մաղում թողնելով պարզն ու մաքուրը:

[A.r.p.i.]

Իսկապես որ կյանքը խաղ է: Նախկինում կյանքը շախմատի էր նման, կային և' թագավորներ, և' թագուհիներ: Կար հարգանք մեկը մյուսի իրավունքների նկատմամբ: Քանի գնում կյանքը շաշկիի է նմանվում, առաջ ես գնում, կուլ են տալիս, ետ ես գնում կուլ են տալիս: Իսկ երբ է գալու էն ժամանակը, որ առանց կուլ տալու կամ կուլ գնալու, առանց խոչընդոտների հասնենք դամկային:

["Green eyes"]

Կյանքն էլ նման է այս ավտոբուսին,
Ոմանք իջնում են ,ոմանք բարձրանում.
Ոմանք նստած են հանգիստ ու խաղաղ,
Ոմանք կանգնելու տեղ են որոնում,
Կյանքն էլ նման է այս ավտոբուսին,
Եկեք մտածենք մեր կյանքի մասին:
Որ ամեն մեկը գտնի իր տեղը կյանքում:

[My World My Space]

Ուֆ, չիդեմ էէէէէ՜, աղջիկները գենդերային անհավասարության դեմ են պայքարում.... իրանք մի ամբողջ միամյսակ ունեն, իսկ տղամարդիկ 2 օր ունեն, էն էլ ոչ մեկը ղայդին տոն չի.....

[Gayl]

Երեկ ամբողջ օրը ինետի դիմացն եմ եղել, հեռախոսս չգիտեմ ուր ա, վեցից հետո ասացի, որ եթե ինձ ուզեն կասեք տունը չի:

Առաջին դեպքում շատ լավ եղավ, որ տանից դուրս չեմ եկել, դե պատկերացրեք ծնունդ, լիքը խմիչք, իսկ վերջ ինչ պետք է լինի՞ ... այ ապրեք հենց այդպես էլ եղավ, այ մարդ շառից փորձանքից հեռու ինչքան ուզում եք իրար միս կերեք, հետո առավոտն էլ հելեք իրար լպստեք:

-Վահագ քնիցդ հել քեզ են ուզում:
-Մա դժվար ա՞ ասելը որ քնած եմ, ասա քնած եմ:
-Տյոմն ա (իմ ամենամոտ ընկերը) կանչում:
-Դե ասա թող գա:
----

-Ի՞նչ կա ախպերս:
-Հեչ անկապ ի՞նչ լավ արիր, որ երեկ չեկար:
-Բլա-բլա-բլա
-Արա դե զզվում եմ դրանցից:
-Քո մոտ ի՞նչ կա, խի՞ ես անհասանելի:
-Հեռախոսս չգիտեմ ուր եմ քցել, բայց ինադու տնից չէի հելնում:
-Հա տենց էլ ջոկել էի, բայց Մաքսին փող պտի տայիր:
-Արաաաաաաա, մտքիցս թռել էր, խոսք էի տվել ու շատ կարևոր էր իրա համար էտ փողը, հեռախոսդ տուր զանգեմ թող գա տանի:
-Պետք չի զանգես, ես տվել եմ:
-30.000՞
-Հա
- Արա էտ կոլան խի՞ ես բերել սիգարետ բերեիր, երեկ 50 դրամի պատճառով սաղ գիշեր չեմ ծխել
-Տունը մարդ չկար, ես էլ սոված մեռնում էի ասի գամ ձեր տունը հաց ուտեմ
------

Իմ ընկեր այս խոսքերը քեզ չեմ ասում, որովհետև դու այն լսելու կարիքը չունես, ես քեզ շնորհակալություն չասացի, որովհետև մենք իրար շնորհակալություն չենք ասում, եթե այդ փողը այսօր տայի, ոչինչ էլ չէր փոխվի, բայց դու թույլ չտվեցիր խոսքս գետնին ընկնի, շնորհակալ եմ իմ լավ ընկեր:

[Shah]

ոչ մի բան զոռով չի լինում, ինչ ուզում ես արա, դաժե եթե մեջտեղից քեզ ճղես… եթե իհարկե չգիտես մի քանի ճիշտ բան
1. պետք չի գոռալ մարդկանց վրա
2. ասածդ նենց պիտի առաջ տանես, ոնց որ թե այլ ընտրանք էլ չկա
3. աչքերին պիտի նայես ու հաստատուն ձայնով քո էշը քշես…
4. դիմացինիդ ասած բոլոր քեզ դուր չեկող բաներին “անկեղծ” զարմանաս
5. ինքդ հավատաս քո ասածին, դաժե եթե ասում ես որ դու ամն-ի նախագահն ես արդեն կես ժամ կլի

օրինակ
1) սկզբում տրեներս ինձ նույն սկզբունքով ասեց որ 1կմ լողը դա մինիմումն ա… մի շաբաթից հետո 2..(ու արդեն տենց էլ կա)
2) էսօր ուզում էի մտնեմ հիվանդանոց ու ձրի ստուգվեմ (ձրի քանի որ բժշկական ապահովագրության քարտ ունեմ), բայց դե քարտս տունն էր մնացել... սրանք սկսեցին թե բա չէ` պիտի վճարես... ոբշմ, ճշտով բացատրեցի որ ձևը տենց չի ու անուն ազգանունով իրանք պիտի ընդունեն ինձ...
3) մի հատ կին կա մեր մոտ բաժ.սպասարկման աշխատող, կլինետին նենց հավեսով կհամոզի որ ինքը` կլինետը սխալ ա արել որ էս ժամին ինտերնետ ա մտել, ոնց որ թե էդ մարդն ա մեղավոր որ մենք կապ չունենք...)
ոբշմ դուխով
հ.գ. մնում ա շեֆիս բռնացնեմ աշխատավարձի մոմենտով խոսալու ունեմ...

[Ժունդիայի]

Մի շաբաթ մենակ եմ տանն անց կացնելու: Ինչեեեե՜ր եմ անելու:

Ավել-սավոկ-պոլի փեդ: Լվացք: Ճաշ եփել: Փոշի մաքրել: Ինքս ինձ տեղերում սուրճ բերել: Տանից դուրս գալուց հետևիցս կռուշկով ջուր շփել...

[Կաթիլ]

Ի՞նչ կարիք կա մի պարզ բանը բարդացնլ… հետո էլ պահանջել պարզ նայել այդ բարդությանը:

Էդպես էլ չհասկացա… ում պետք էր, նա հասկացավ:

[Դեկադա]

Իմ աղջիկը...Մի քանի օր առաջ դասերից հետո, առանց զգուշացնելու, մնացել էին խաղալու, ինչի պատճառով դաշնամուրից ուշացել էր: Ես էլ որպես պատիժ արգելեցի մի շաբաթ մուլտերը նայելուց, համակարգչին մոտենալուց: Էսօր երևի համբերության բաժակը լցվել էր եկավ կանգնեց դիմացս ու.
- Հենց մտնես զուգարան դուռը վրադ փակելու եմ ու գիշերը կքնես ըտեղ: Իսկ ես ինչ ուզենամ կանեմ...

...աչքիս օրս սև արած պտի անցնի...

[My World My Space]

Սպորտային նորություններ

Միջազգային մրցումներում հայ լողորդուհիների ցուցաբերած արդյունքները ջրի երես են դուրս եկել.....

"Փյունիկը" չկարողացավ անցնել Աշխարհի Առաջնության ֆինալի 1/32-րդ:

[Nare-M]

Մի բան չեմ հասկանում. ինչո՞ւ է շատ հայերի մեջ դեռևս մնացել տղաներին Փետրվարի 23-ի առթիվ շնորհավորելու սովորությունը: Լավ, ասենք, խորհադային տարիներին ծառայած մարդկանց շնորհավորեն, էլի հասկանալի է, բայց շնորհավորում են Հայկական բանակում ծառայած ու ծառայող երիտասարդներին: Եվ մի բան էլ դեռ, երբ այդ տղաներին շնուհավորում ես Հունվարի 28-ի առթիվ՝ զարմանում են թե, այսօր ի՞նչ տոն է որ, իսկ Փետրվարի 23-ին ասում են թե, չե՞ս ուզում տոնս շնորհավորել: Չգիտեմ: