ԴԱՏԱՎՈՐ Պ. ՕՀԱՆՅԱՆԸ ՍՊԱՍՈՒՄ ԷՐ ՆՄԱՆ ՈՐՈՇՄԱՆ
Արդարադատության խորհուրդը քիչ առաջ հրապարակեց մայրաքաղաքի Կենտրոն եվ Նորք, Մարաշ համայնքների առաջին ատյանի դատարանի դատավոր Պարգեվ Օհանյանի գործով որոշումը: Խորհուրդը քննարկելով Պ. Օհանյանին կարգապահական պատասխանատվության ենթարկելու հարցը որոշեց բավարարել կարգապահական հանձնաժողովի որոշումը՝ դիմել Հանրապետության նախագահին դատավորի լիազորությունները դադարեցնելու միջնորդությամբ: Որոշումը ուժի մեջ է մտնում հրապարակման պահից:
Դատավոր Պարգեվ Օհանյանը լրագրողների հետ զրույցում ասաց, որ նման որոշման սպասում էր:
Հիշեցնենք, որ մայրաքաղաքի Կենտրոն և Նորք, Մարաշ համայնքների առաջին ատյանի դատարանի դատավոր Պարգև Օհանյանի նկատմամբ հարուցվել էր կարգապահական վարույթ, ինչի արդյունքում վերջինի վարած գործերում, ըստ դատական դեպարտամենտի աշխատակիցների ուսումնասիրությունների, հայտնաբերվել էին խախտումներ:
Ինքը` դատավոր Պ. Օհանյանը համարում է, որ այդ խախտումները «հիմնավորված չեն, էական չեն և հետևանք չեն ունեցել»:
Իսկ, ընդհանրապես, համարվում է, որ իրական պատճառը «Ռոյալ Արմենիա» ընկերության ղեկավարների նկատմամբ Պարգև Օհանյանի կողմից արդարացման դատավճիռ կայացնելն է:
Աղբյուր` Panorama.am
Էջանիշներ