Ինչպես արդեն բոլորիդ հայտնի է Երևանում արդեն մոտ 6-7 տարի է գործում են այսպես կոչված «Բուքմեյքերական կետեր», որոնք մարդկանց՝ աղքատ, քաշում են դեպի իրենց, և ուտում են նրանց փողերը, հույս տալով, որ «կարող է հանկարծ «կպնի»»: Շատ ցավով եմ վերաբերվում այս թեմային, քանի որ հիմա դա դարձելա շատ մարդկանց սովորությունը: Նրանք խաղում են, և չեն համակերպվում, իրենց վերջին 1000 դրամի կորստի համար:
Ընդհանրապես, խաղատները, բուքմեյքերական կետերը, և այլն.. ուրիշ երկրներում ստեղծված են նրա համար, որ հարուստ մարդիկ, ունենալով հսկայական գումարներ, գան ու լիցքաթափվեն... կարևոր չէ կկրեն նրանք, թե կկրվեն: Իսկ մեզ մոտ հակառակն է......: Վերջին աղքատ պապիկը, որը իր վերջին 1000 դրամով պետք է գնար տուն, հաց պետք է գներ և թոռնիկի համար սնիկերս, նա տանում է և խաղադրույք է կատարում, հույս ունենալով, որ այդ 1000-ը կդառնա 10.000: Եվ ամենացավոտն այն է, որ չհաղթելով այդ նույն մարդը, ամեն օր գալիս է և իր 1000 դրամը գցում ջուրը: Ընդհանրապես այստեղի բուքմեյքերական կետերը ընդհանրապես շանս հասկացողությունը չեն տալիս մարդուն: Ուրիշ երկրներում, մարդը խաղադրույք է անում և այդ խաղադրույքը 60% իրեն է օգուտ իսկ 40% բուքմեյքերին: Խոսքս գործակիցների մասին է: Իսկ այստեղ, 90%-ը բուքմեյքերինն է իսկ 10%-ը նոր խաղացողինը: Սա մեծ հարց է և արժե դնել քննարկման ինձ թվում է:
Մի հատ ուշադրություն դարձրեք էսօրվա բուքմեյքերական կետերի շրջակայքը: Շատ հետաքրքիր բան է կատարվում: Ամեն մի բուքմեյքերական կետի հենց կողքը գտնվում է գրավատուն: Եվ դա ըստ իս չի կարող պատահականություն լինել: Դա նշանակում է, որ հենց կրվեցիր, տես գրավատունը, գնա ու ունեցածիցդ ինչ-որ բան գրավ դիր և արի նորից կրվելու: Շատ հետաքրքիր «քամելու լոգիկայա», որը ինձ թվումա շատերդ նկատած կլինեք: Մի խոսքով, շատ ցավալի փաստ է և ես չգիտեմ սա երբ կավարտվի:
Սպասում եմ կարծիքների...
Էջանիշներ