Ի՞նչ է մեղքը և ինչո՞վ է դա բացատրվում

[Հայ Քրիստոնյա]

Ժողովուրդ ջան կարողա մի քիչ տկար կամ ծաղրելի հարց թվա շատերի համար, բայց այնուամենայնիվ դա շատ շատ կարևոր հարց է մեզանից շատերի և մեր Աստծո համար:
Եկեք զրույցենք առանց իրար կշտամբելու, խնդրում եմ:

Ավելացվել է 3 րոպե անց
Առաջինը ես եմ ուզում հայտնել իմ կարծիքը մեղքի նկատմամբ: Մեղքը դա Աստծո խոսքին չհնազանդվելն է: Մեղքի վարձքը մահն է, բայց մեր տիրոջ նվերն է հավիտենական կյանք ամբողջ մարկությանը Հիսուս Քրիստոսի ձեռքով:

[StrangeLittleGirl]

Ես էլ էի ուզում մոտավորապես նույնն ասել. մեղքն այն է, ինչը դու կատարում ես Աստծո կամքին հակառակ: Պարտադիր չէ, որ դա ստել կամ գողանալ լինի: Մի՞թե Ադամը նման բան արեց: Չէ՛, ընդամենը պտուղը կերավ: Նա Աստծո կամքը չլսեց, Նրան չհնազանդվեց, և դա մեղք էր:

[Հայ Քրիստոնյա]

Ես էլ էի ուզում մոտավորապես նույնն ասել. մեղքն այն է, ինչը դու կատարում ես Աստծո կամքին հակառակ: Պարտադիր չէ, որ դա ստել կամ գողանալ լինի: Մի՞թե Ադամը նման բան արեց: Չէ՛, ընդամենը պտուղը կերավ: Նա Աստծո կամքը չլսեց, Նրան չհնազանդվեց, և դա մեղք էր:

100% համձայն եմ քեզ հետ:

[Սամվել]

Այսինքն եթե Աստված ասումա երբ քեզ ապտակում են մյուս այտդ էլ մոտեցրու թող եվս մեկ անգամ ապտակեն ու դու դրան չես հնազանդվում դա մեղք է՞

Իսկ դուք դրան հնազանդվում ե՞ք

[Հայ Քրիստոնյա]

Այսինքն եթե Աստված ասումա երբ քեզ ապտակում են մյուս այտդ էլ մոտեցրու թող եվս մեկ անգամ ապտակեն ու դու դրան չես հնազանդվում դա մեղք է՞

Իսկ դուք դրան հնազանդվում ե՞ք

Հարգելի Սամվել ջան, եթե դու ինձ իմ անապաշխարհ ժամանակ հարցնեիր ես քեզ կհարցնեյի ես ի՞նչ ես ասում: Աստված ասում է ձեր աչքի բիբին կպնողը ինձ է կպել ( իհարկե դա իրեն ճշմարտությամբ որոնողների մասին է ասում ): Բայց դա փոխաբերական իմաստով է ասված, կարծում եմ ոչ մի հիմար իրեն չի թույլ տա որ իրեն անտեղի ապտակեն: ( Դա խորհուրդ է ): Այնպես որ Սամվել ջան, իմ եղբայր Քրիստոսով, ամեն բան կարելի է հասկանալ Ասվածաշնչից, (եթե մարդ իրապես ուզում է հասկանալ) բայց միայն Աստծո Սուրբ Հոգու օգնությամբ:

[Աթեիստ]

Իմ համոզմամբ մեղքը դա ՏՎՅԱԼ պահին ՏՎՅԱԼ հասարակության կողմից չնդունված արարքն է:

Այն ինչը մեզ համար մեղք է, օրինակ աֆրիկայում արդիանակ երևույթ է (որոշ դեպքերում նույնիսկ գոյատևելու միակ ճանապարհ):

[dvgray]

Ի՞նչ է Մեղքը

Մի բառով եթե ասեմ - ապա մեղքի աղբյուրը Աններդաշնակությունն է:

Իսկ քանի որ ներդաշնակություն գոյունթյուն չունի, ապա ամեն ինչ էլ կրում է իր մեջ Մեղք: Մի տեղ շատ, մի տեղ քիչ:

Եղե՞լ են ներդաշնակությանը մոտ անձիք: Երևի եղել են: Սակայն հայաստանյան շրջապատում այդպիսիներին չեմ ճանաչում: Աններդաշնակության կրման չափաբաժնի մեջ էնքան քիչ է տարբերությունը, որ բոլորիս երևի "վերևում" մի արշինով են չափում:

/Աններդաշնակության հիմնական պատճառը անկրթությունն է/
/Անկրթության հիմնական պատճառը թամբալությունը/
/թամբալությունը ՝ … դա երևի սկիզբն է /:

[Հայ Քրիստոնյա]

Սամվել ջան մ՜ի կարծիր որ հավատացյալները կատարյալ են, չկա աշխարհում մի մարդ որ կատարյալ լինի և եթե լիներ Հիսուս Քրիստոս աշխարհ չէր գա, մի միայն Աստված է կատարյալ ուրիշ ոչինչ և ոչ մեկը: Մենք եթե չմտնենք Հիսուս Քրիստոսի խոսքի մեջ և այն չընդունք որպես կյանք, չենք կարող հասկանալ նրա ճշմարտությունները: Ինչպես մեր մարմինն է տկար առանց սնունդի, այնպես էլ մեր հոգին է տկար առանց Աստծո խոսքի և նույն այդ Աստծո խոսքը մարմին հագավ և բնակվեցավ մեր մեջ Հիսուս Քրիստոս մարդով: Նա է տիեզերքի արարիչը՝ Ալֆան և Օմեղան, Սկիզբը և Վերջը: Դրա համար Աստված ուզում է որ մենք մեղքից հեռու մնանք, քանի որ Աստված սիրում է մեղավորին, բայց ատում է մեղքը: Ես այս թեման ընտրեցի որովհետև իրոք սա լուրջ հարց է և դա է մեզ Աստծուց հեռացնող միակ պատճառը: Մենք պարտադիր չէ որ ինչ որ բան սխալ անենք կամ մեղք գործենք որ դա լինի՝ Մեղք: Մարդ արդեն ծնվում է մեղքով որը ժառանգել է Ադամից և այդ մեղքը ծնում է մահ: Աստված Հիսուս Քրիստոս մարդու կերպարանքով եկավ աշխարհ որ այդ մեջտեղի պատը քանդի և դա նա կատարեց Խաչի վրա:

Եվ ամենակարևորը եթե մարդ չի ճանաչում ինքը ո՞վ է և տիեզերքի ստեղծիչն ո՞վ է, կներեք բայց նա խխճուկ է և դա նրան չի թողնում ճանաչել իր վիճակը՝ որ ինքը մեղավոր մարդ է: Մարդ պետք է իմանա որ ինքը ոչնչություն է Աստծո առջև, բայց դեռ Աստված իրեն սիրում է և իր միածին որդին է տալիս որ մեռնի խաչի վրա: Չեմ կարծում որ մեզնից որևէ մեկը անհնազանդ գտնվի իր հոր կամ մոր առջև, դա ստված ատում է, որովհետև մեղք է: Առավել ևս իր առջև անհնազանդ գտնվողներին ի՞նչ կասի նա: Սաղմոսների մեջ ասում է՝ Տեր Աստված մարդը ո՞վ է, կամ մարդի որդին ո՞վ է որ նրան այցելություն ես անում: Գիտեք որ երբ նա մեզ նայում է մենք մրջյունից էլ փոքր ենք երևում նրա առաջին, բայց նա դեռ սիրում է, որովհերտև նա մեզ ստեղծեց իր կերպարանքով՝ իրեն նման: Եկեք հպարտ չլինենք, ի՞նչ կա մեր ձեռքում որ հպարտանում ենք: Մեր կյանքը շուքի և քամու նման անցնում է և բան չենք հասկանում, իսկ նա ուզում է որ հավիտյան ապրենք: Երանի նրան որ հասկանա այս խոսքերը ասում է Աստված:

Հարգանքներով Հայ Քրիստոնյա

[Amaru]

Սամվել ջան մ՜ի կարծիր որ հավատացյալները կատարյալ են, չկա աշխարհում մի մարդ որ կատարյալ լինի և եթե լիներ Հիսուս Քրիստոս աշխարհ չէր գա, մի միայն Աստված է կատարյալ ուրիշ ոչինչ և ոչ մեկը:
...................
Նա է տիեզերքի արարիչը՝ Ալֆան և Օմեղան, Սկիզբը և Վերջը: Դրա համար Աստված ուզում է որ մենք մեղքից հեռու մնանք, քանի որ Աստված սիրում է մեղավորին, բայց ատում է մեղքը:

Հարգանքներով Հայ Քրիստոնյա

Իսկ ինչու՞ աստված մարդուն կատարյալ չստեղծեց Նա ուզում էր միա՞կը լինել, հա՞

[ivy]

Իսկ ինչու՞ աստված մարդուն կատարյալ չստեղծեց Նա ուզում էր միա՞կը լինել, հա՞

Էս ինչ պրովոկացիոն բաներ ես գրում, տես կռիվ չսարքես...

[StrangeLittleGirl]

Իսկ ինչու՞ աստված մարդուն կատարյալ չստեղծեց

Աստված մարդուն կատարյալ ստեղծեց, բայց միևնույն ժամանակ՝ ազատ: Իսկ ազատ մարդն ընտրեց անկատար լինելը:

[ihusik]

Մոդերատորական. Եկեք թեմայից չշեղվենք ու ամեն ոք թող պատասխանի թեմայի հարցին ելնելով իր պատկերացումներից ու հարցը չտարվի կրկին կրոնական անհանդուրժողականության ու սեփական կարծիքը ուրիշներին պարտադրելու հունով:

[Amaru]

Ուրեմն ի՞նձ էլ էր կատարյալ ստեղծել, հմ: Բայց ես ուզում եմ լինել կատարյալ, ես չեմ ընտրել անկատար լինելս…

[StrangeLittleGirl]

Ուրեմն ի՞նձ էլ էր կատարյալ ստեղծել, հմ: Բայց ես ուզում եմ լինել կատարյալ, ես չեմ ընտրել անկատար լինելս…

Անահիտ ջան, գուցե թեմայից շատ ենք շեղվում, բայց ամեն դեպքում… Դու արդեն կատարյալ չես, դու արդեն մեղավոր ես: Աստված Ադամին է կատարյալ ստեղծել, որը մեղքն է ընտրել, վտարվել դրախտից: Դրանից հետո բոլոր մարդիկ մեղավոր են: Եվ միայն Հիսուսի գալուստից հետո հնարավորություն տրվեց վերադառնալ կատարելությանը: Մենք բոլորս կատարյալ ենք Աստծո ներկայության մեջ:

Ավելացվել է 55 վայրկյան անց
Իսկ Աստծո ներկայության մեջ լինելը մեր ընտրությունն է:

[Apsara]

քանի որ Աստված սիրում է մեղավորին, բայց ատում է մեղքը:

Աստված չի կարող ատել, նա բացարձակ սեր է…

իսկ մեղքը դա ինքդ քո ներսին հակառակվելն է, քո այն մաքուր ներսին, երբ ոչ թե սրտով այլ ուղեղով են գերծում, երբ հոգևորը մոռացած մարմնական և նյութական բաներով են տարվում, ապրում դոգմաներով …