ԶԼՄ-ՆԵ՞ՐՆ ԵՆ ՄԵՂԱՎՈՐ
Ինչպես «Առավոտում» տեղեկացրել էինք, հոկտեմբերի 5-ին ՀՀ ԱՆ «Նուբարաշեն» ՔԿՀ-ում ցմահ ազատազրկման դատապարտված Հայկ Թորոսյանի մոտ՝ նույն հիմնարկի աշխատակցի կողմից հայտնաբերվել էր բջջային հեռախոս: Մեր տեղեկություններով, դատապարտվածի նկատմամբ ուժ էր կիրառվել: Արդարադատության նախարարության ՔԿՀ մամուլի քարտուղար Արսեն Բաբայանն այդ մասին պարզաբանումներ էր տվել: Երեկ մամուլի քարտուղարն անդրադառնալով կրկին այդ միջադեպին, հավելել էր, որ համաձայն «ՀՀ արդարադատության նախարարության քրեակատարողական ծառայության՝ կալանավորվածներին պահելու վայրերի եւ ուղղիչ հիմնարկների» ներքին կանոնակարգի «Իրերի, առարկաների եւ սննդամթերքի, որոնք արգելվում են ունենալ կալանավորված անձանց եւ դատապարտյալներին իրենց մոտ, ստանալ կամ ձեռք բերել հանձնուքներով, ծանրոցներով եւ փաթեթներով» ցանկի 3-րդ կետի (ցանկացած տեսակի հեռահաղորդակցության կապի միջոց (բջջային հեռախոս, ռացիա եւ այլն), բացառությամբ բաց ուղղիչ հիմնարկի դատապարտյալների)՝ արգելվում է. «Հիմնարկի աշխատակցի բջջային հեռախոսը հանձնելու օրինական պահանջին Հ. Թորոսյանը չի ենթարկվել, հրահրել է քաշքշուկ, ցույց է տվել դիմադրություն, որի արդյունքում կոտրել է իր ձեռքում գտնվող բջջային հեռախոսը՝ հայտնելով, որ կկոտրի, բայց չի հանձնի: Քրեակատարողական հիմնարկի աշխատակիցը «Քրեակատարողական ծառայության մասին» ՀՀ օրենքի 48 հոդվածով իրեն վերապահված իրավունքով գործադրել է ֆիզիկական ուժ»: Սակայն տարօրինակ է, որ մամուլի խոսնակը գնահատելով կատարվածը, հանգում է հետեւյալին. «Դատապարտյալ Հ. Թորոսյանի կողմից կատարված այս եւ նմանատիպ այլ արարքները նպատակ են հետապնդում վարկաբեկելու քրեակատարողական հիմնարկի ղեկավարությանը, իսկ որոշ լրատվամիջոցներ, ցավոք, աջակցում են նրան այդ գործում»:
new.aravot.am
|23.10.07| Մամուլի հաղորդագրություն
Համաձայն մամուլում տեղ գտած հրապարակումների, դատապարտյալներ Ժիրայր Սեֆիլյանի և Վարդան Մալխասյանի զորակցության կոմիտեն հաղորդագրություն է տարածել այն մասին, որ Ժիրայր Սեֆիլյանին տույժի են ենթարկել` պայմանական վաղաժամկետ ազատման ներկայացնելուց խուսափելու պատճառով: ՀՀ ԱՆ քրեակատարողական վարչությունը պաշտոնապես հայտարարում է, որ նշված տեղեկատվությունը չի համապատասխանում իրականությանը:
Նույն զորակցությունն իր հաղորդագրությամբ հայտնել է, որ ՀՀ ԱՆ «Վարդաշեն» քրեակատարողական հիմնարկի պետի տեղակալ, արդարադատության գնդապետ Սամվել Պետրոսյանը մասնակցելով դատապարտյալ Ժ.Սեֆիլյանի ընդունելությանը` զրույցի է բռնվել Ժ.Սեֆիլյանի հետ, որի ընթացքում, վերջինս պետության նկատմամբ արտահայտվել է անհարգալից, իսկ Պետրոսյանի հետ խոսել է «Դու»-ով, որի առթիվ գնդապետ Պետրոսյանը, հաջորդ օրը միջադեպի վերաբերյալ զեկուցագիր է ներկայացրել հիմնարկի պետին: Հայտնում ենք, որ գնդապետ Ս.Պետրոսյանը որևէ զեկուցագիր չի ներկայացրել այդ առիթով:
Հիմնարկի հերթապահ խմբի պատասխանատու հերթապահ, արդարադատության կապիտան Է.Մութաֆյանը, հենց նույն օրը, կատարվածի առիթով զեկուցագիր է ներկայացրել քրեակատարողական հիմնարկի պետին, նշելով, որ սույն թվականի հոկտեմբերի 17-ին, ՀՀ ԱՆ «Վարդաշեն» քրեակատարողական հիմնարկ տեղափոխված, դատապարտյալ Ժիրայր Սեֆիլյանը ընդունելության ժամանակ անհարգալից վերաբերմունք է ցուցաբերել նույն քրեակատարողական հիմնարկի անձնակազմի նկատմամբ: Հիմնարկի պետի տեղակալ, արդարադատության գնդապետ Սամվել Պետրոսյանը պահանջել է հարգալից վերաբերվել ինչպես իր, այնպես էլ հիմնարկի մյուս աշխատակիցների նկատմամբ, սակայն դատապարտյալը շարունակել է նույն վարքագիծը` Պետրոսյանի և մյուս աշխատակիցների նկատմամբ վիրավորական խոսքեր ուղելով և չկատարելով աշխատակիցների օրինական պահանջները:
Միջադեպի մանրամասները ճշտելու կապակցությամբ ՀՀ ԱՆ «Վարդաշեն» քրեակատարողական հիմնարկի պետը հանձնարարական է տվել համապատասխան աշխատակցին, դեպքի հանգամանքները պարզելու և զեկուցելու վերաբերյալ: ՀՀ ԱՆ «Վարդաշեն» քրեակատարողական հիմնարկի ԱԱԲ-ի կապիտան Մ.Գալստյանը, հոկտեմբերի 18-ին, բացատրություններ է վերցրել հիմնարկի պետի տեղակալ, արդարադատության գնդապետ Ս.Պետրոսյանից, հիմնարկի Հ.Խ.Պ. հերթապահ, արդարադատության կապիտան Է.Մութաֆյանից, հիմնարկի հերթապահ խմբի առաջին կարգի մասնագետ, արդարադատության ավագ լեյտենանտ Ա.Եսայանից և առաջատար մասնագետ, արդարադատության լեյտենանտ Ս.Օհանյանից, որոնք տվել են նույնաբովանդակ բացատրություններ, իսկ դատապարտյալ Ժիրայր Սեֆիլյանը հրաժարվել է բացատրություն տալուց, արձանագրության մեջ նշելով, որ «Եթե ինչ-որ քննություն է գնալու ինձ հետ, ես դա համարում եմ անհեթեթ և ընկալում որպես քաղաքական հալածանքի շարունակություն, ուստի հրաժարվում եմ պատասխանել Ձեր հարցերին»
ՀՀ ԱՆ «Վարդաշեն» քրեակատարողական հիմնարկի պետ, արդարադատության փոխգնդապետ Լ.Բաղդասարյանի, 2007թ. հոկտեմբերի 18-ի որոշմամբ, դատապարտյալ Ժ.Սեֆիլյանը ենթարկվել է տույժի` հայտարարվել է «նկատողություն» հետևյալ պատճառաբանությամբ.
հիմնարկի ղեկավարության նկատմամբ անհարգալից վերաբերմունքի, աշխատակիցների օրինական պահանջները կատարելուց հրաժարվելու, այսինքն, խախտել է ներքին կանոնակարգով սահմանված, կալանավորված անձանց և դատապարտալների վարքագծի կանոնների 19-րդ կետը, որը սահմանում է` կալանավորվածներին պահելու վայրի կամ ուղղիչ հիմնարկի վարչակազմը կալանավորված անձանց կամ դատապարտյալներին դիմում է «Դուք»-ով և կոչում «քաղաքացի» կամ «քաղաքացուհի» կամ, համապատասխանաբար, «կալանավորված» կամ «դատապարտյալ»` ավելացնելով ազգանունը: Կալանավորված անձինք և դատապարտյալները կալանավորվածներին պահելու վայրի կամ ուղղիչ հիմնարկի վարչակազմի ներկայացուցիչներին դիմում են «Դուք»-ով և կոչում «պարոն» կամ «տիկին»` ավելացնելով ազգանունը:
Սեֆիլյանը խախտել է նաև, վարքագծի կանոնների 23 կետի 10-րդ ենթակետը, որը սահմանում է, կալանավորված անձին կամ դատապարտյալին արգելվում է հակաճառել կալանավորվածներին պահելու վայրում կամ ուղղիչ հիմնարկում պահպանություն և հսկողություն իրականացնող վարչակազմի ներկայացուցչին, հրաժարվել կամ խուսափել նրա օրինական կարգադրությունների կատարումից:
ՀՀ ԱՆ քրեակատարողական վարչության մամուլի քարտուղար Արսեն Բաբայան
Աղբյուրը` ՀՀ արդարադատության նախարարություն
Այս պահին թեմայում են 1 հոգի. (0 անդամ և 1 հյուր)
Էջանիշներ