Սղոց / Saw

[Աբելյան]

ջան...
վարձույթով ես վեկալելու, թե՞ առնելու ես
կինոն ախմախություն ա եղել, դրա համար էլ չեմ ուզում դիսկը առնեմ
միանգամից ասեմ, որ Էրիկն ու Ջեֆֆը մեռնում են ահագին ախմախ հանգամանքներում. Ջեֆֆին Սթրաումը տո լի Պերեսն ա սպանում, Էրիկին էլ՝ Ռիգգը:
Իսկ կանաչ սենյակում Էրիկի հետ միասին Հոֆֆմանն էր, որը վերջում պարզվում ա, որ Jigsaw-ի օգնականն ա
3-րդով ամեն ինչ պրծներ, լավ կլներ: Մնացած 3 հատը չեմ կարծում հաջող բան պտի լինեն

[BOBO]

Դե եթե պռակատով տան կվեկալեմ
Ուզում էս իմանաս 3-րդն էլ էր ախմախություն, ամենալավը 2-րդն էր, բայց դե հետաքրքիր ա ամեն դեպքում պտի նայեմ

[Աբելյան]

ինձ թվում ա հենց 3-րդն էր ամենալավը. քիչ էր բռնությունն ու արյունը ու twist-ները շատ էին

[Artgeo]

4-րդը torrents.ru յում կա, բայց մի հոգու կողմից ա թարգմանությունը... Ես սենց ֆիլմ չեմ նայում, կսպասեմ մինչև բազմաձայն թարգմանությունը կլինի

[Աբելյան]

չեմ թողա էս թեման ընկնի երկրորդ էջ

"Saw" poster:

[Աբելյան]

"Saw 2" Posters:



"Saw 3" Posters:



"Saw 4" Poster:


կադրեր երկրորդ ֆիլմի նկարահանումներից.



բոլորը ողջ-առողջ ու միասին

[ChildOfTheSky]

ամենալավը առաջինն ա , բայց մնացածն էլ են շատ լավը , վերջինը նայել եմ , էլի շատ լավն էր , ուղղակի կամեռայի դիմացը անընդհատ մեկը նստում էր

[Աբելյան]

երևի մի երկու ամսուց նոր կարենանք կարգին որակով վերջինը տենանք

[Աբելյան]

SAW 4

---
նոր կերպարներ.
Փիթեր Սթրամ-ՀՖԲ գործակալ
Լինդսեյ Պերես-ՀՖԲ գործակալ
Ջիլլ Թաք-Ջոն Կրամերի նախկին կինը
---
Երրորդ ֆիլմի վերջում մեռած Ջոն Կրամերին բերում են դիահերձարան: Դիահերձման ընթացքում բժիշկները նրա ստամոքսում հայտնաբերում են մոմի շերտով պատված ձայներիզ: Կանչում են քննիչ-փորձագետ Հոֆֆմանին: Նա լսում է ձայնագրությունը, որտեղ Ջոնը նրան ասում է, որ չնայած ինքը մեռած է, բայց իր խաղերը շարունակվում են, և որ Հոֆֆմանը նույնպես պետք է փորձվի:



Մի տղամարդ արթնանում է ինչ-որ անհայտ դամբարանում և հայտնաբերում, որ աչքերը կարված են, իսկ վիզը` շղթայված: Շղթան մյուս ծայրով կապված է լինում մեկ այլ տղամարդու վզից: Նրա մոտ կարված է լինում բերանը: Շղթան միացված է լինում մի շարժիչի, որը, այն պտտելով, իր վրա է հավաքում: Իսկ սենյակում զանազան գործիքներ են լցված լինում` քլունգներ, լինգեր և կացիններ: Համր մարդը կույր մարդու վզի հետևում բանալի է նկատում: Հարձակվում է նրա վրա և վերցնում բանալին, բայց չի հասցնում քանդել շղթայի կողպեքը, քանի որ կույր մարդը վրա է հասնում և լինգով հարվածում նրա ոտքին: Երկուսով սկսում են կռվել: Արդյունքում համր մարդը ստիպված է լինում սպանել կույրին` կացնահարելով նրա գլուխը: Հետո քանդում է կողպեքը և ազատելով վիզը շղթայից` փրկվում:




Հոֆֆմանը “SWAT” խմբի հետ միասին հետազոտում է քննիչ Էլիսոն Քերրիի դիակը և սարքավորումը, որը նրան սպանել էր երրորդ ֆիլմի սկզբում: Հոֆֆմանը նկատողություն է տալիս Ռիգգին, որը առանց թույլտվության վազում է դեպի Քերրիի դիակը, ներս մտնելով չստուգված դռնից և նրան տուն ուղարկում: Հոֆֆմանին միանում են ՀՖԲ-ի գործակալներ Սթրամը և Պերեսը: Պերեսը զննում է սարքավորումը և եզրակացնում, որ Քերրին փրկվելու ոչ մի հնարավորություն չուներ: Հոֆֆմանը դա բացատրում է նրանով, որ “Փազզլ”-մարդասպանի օգնական Ամանդա Յանգը իր բոլոր զոհերի համար անելանելի թակարդներ է սարքում: Սակայն Սթրամը վստահաբար ասում է, որ դա Ամանդայի արածը չի, քանի որ Ամանդան թեթև էր Քերրիին բարձրացնելու համար, և որ Ջոն Կրամերը մեկ այլ անհայտ օգնական ունի:

Ռիգգը իր տանը հարձակման է ենթարկվում անհայտ մարդու կողմից և ուշագնաց է լինում: Արթնանում է տան բաղնիքում` վաննայի մեջ և մտնելով հարևան սենյակ` հեռուստացույցով տեսնում տիկնիկ Բիլլիին: Վերջինս նրան մի սենյակ է ցույց տալիս, որտեղ գտնվում են քննիչ Էրիկ Մեթյուսը, որի ճակատագիրը 6 ամիս անհայտ է լինում և քննիչ Հոֆֆմանը: Մեթյուսը կանգնած է լինում սառցե բեկորի վրա, որը հալվում է, իսկ վզից շղթա է կապված լինում: Հոֆֆմանը գամված է լինում աթոռին` նրա կողքը: Բիլլին ասում է, որ Ռիգգը Մեթյուսին ու Հոֆֆմանին փրկելու համար ունի 90 րոպե ժամանակ և այդ սենյակին հասնելու համար պետք է 3 փորձություն անցնի:





Առաջին փորձություն. Ռիգգը կողքի սենյակում առաստաղից կախված լուսանկարներ է գտնում: Պատի վրա գրված է լինում. “տես, ինչ որ ես եմ տեսնում”: Կենտրոնում խոզի դիմակով մի կին թակարդված է լինում աթոռին: Նրա մազերի հյուսը ամրացված է լինում մի ինչ-որ մեխանիզմի: Բիլլին Ռիգգին խորհուրդ է տալիս չփրկել նրան: Ռիգգը հանում է կնոջ դիմակը, և մեխանիզմը սկսում է պտտվելով ձգել նրա հյուսը: Ռիգգը փրկում է նրան, իսկ այդ կինը, որի անունը Բրենդա էր, հեռուստացույցի տակից դանակ է հանում և հարձակվում Ռիգգի վրա: Ռիգգը ստիպված է լինում ինքնապաշտպանության դիմել և շպրտում է նրան սենյակի հայելու վրա: Հետո արդեն մեռած Բրենդայի մոտից բանալի է գտնում և ձայնագրիչ: Ջոնը ձայնագրության մեջ ասում է Բրենդային, որ մի ոստիկան փրկելու է նրան: Եվ երբ փրկի, նա պետք է հեռուստացույցի տակ գտնվող դանակով սպանի նրան, եթե ցանկանում է ազատություն ձեռք բերել: Հակառակ դեպքում ոստիկանը ձերբակալելու էր նրան, և Բրենդան բանտ էր նստելու մարմնավաճառության համար, ինչի ապացույց էին առաստաղից կախված նկարները: Բանալու վրա գրված է լինում “”Ալեքսանդր” մոթել, 261 սենյակ”: Ռիգգը ուղևորվում է այդտեղ:


Մի քանի րոպե անց ոստիկանները ուղեվորվում են Ռիգգի տուն և գտնում Բրենդայի դիակը: Առաստաղից կախված լուսանկարներից մեկի մեջ նրանք գտնում են Ջոն Կրամերի նախկին կնոջ` Ջիլլ Թաքի նկարը: Սթրամը հարցաքննում է Ջիլլին, բայց վերջինս ասում է, որ ոչնչով չի կարող բացատրել իր նկարի՝ հանցագործության վայրում գտնվելը, և որ Ջոնի մասին երկար ժամանակ որևէ տեղեկություն չունի:
Երկրորդ փորձություն. Ռիգգը մտնում է հյուրանոց, և պահակը հետևում է նրան: 261-րդ սենյակում Ռիգգը ճամպրուկ է գտնում, որտեղ ձայնագրիչ, խոզի դիմակ ու լուսանկար է լինում: Լուսանկարի վրա պատկերված է լինում հյուրանոցի պահակի նկարը, որի անունը Իվան էր: Ձայնագրիչը Ռիգգին կարգադրում է հագնել խոզի դիմակը և Իվանին տանել այն սենյակը, որի դռան վրա գրված է “զգա, ինչ որ ես եմ զգում”: Իվանը հասնում է Ռիգգին, և վերջինս խոզի դիմակ հագած ու ատրճանակը ձեռքին նրան կարգադրում է հետևել իրեն: Երկուսով մտնում են Ջոնի նշած սենյակը, որի պատերին փակցրած են լինում բռնության ենթարկված կանանց նկարներ: Սենյակում անկողին է լինում` շղթաներից, կացիններից ու մանգաղներից կազմված ինչ-որ մեխանիզմով: Ռիգգը սենյակի դարակներից մեկում ևս մեկ ձայնագրիչ է գտնում, որը նրան ասում է, որ լուսանկարների վրա պատկերված բոլոր կանանց բռնաբարել է Իվանը: Ջոնը կարգադրում է լեյտենանտին` Իվանին պառկեցնել անկողնում և շղթայել նրան: Ռիգգը ատրճանակով Իվանին ստիպում է ենթարկվել իրեն ու պահակին պառկեցնելով անկողնում` շղթայակապ է անում նրա ձեռքերը, ոտքերը ու մարմինը: Հետո, համաձայն Ջոնի կարգադրությունների, Իվանի գլուխը ամրացնում է անկողնու մեխանիզմին, երկու վահանակ է տալիս նրան ու նրան հատկացված ձայնագրիչը միացնելով և գցելով անկողին` հեռանում սենյակից: Ձայնագրությունում ասվում է, որ Իվանը պետք է հերթով հանի իր աչքերը, այլապես մեկ րոպե անց մեխանիզմի 4 կացինները հատելու են նրա վերջույթները: Դրա համար նա պետք է հերթով սեղմի վահանակների վրայի կոճակները: Իվանը սեղմում է աջ ձեռքի վահանակի կոճակը, և մեխանիզմը հանում է նրա աջ աչքը: Բայց մեկ րոպեն ավարտվում է, և կացինները կտրում են Իվանի վերջույթները: Մի քանի րոպե անց ոստիկանները, Ռիգգին փնտրելով, հասնում են դեպքի վայր և գտնում են Իվանի մասնատված դիակը:

[Աբելյան]

Երրորդ փորձություն. Ռիգգը այն դպրոցում, որտեղ երրորդ ֆիլմում սպանվել էր Թրոյը, մի սենյակ է գտնում, որի դռանը գրված էր. “փրկիր ինչպես ես եմ փրկում”: Այնտեղ նա գտնում է մի վիրավոր կին և նրա ամուսնուն` մեռած: Նրանց միջով մի ցից է անցնում: Պարզվում է, որ Լամաննան` այդ կինը մի քանի ցցերով միացված է եղել ամուսնուն և իր կյանքը փրկելու դեպքում ամուսնու մահը անխուսափելի էր, քանի որ ցցերը անցնում էին ամուսնու խոշոր զարկերակների միջով: Մորգանը` Լամաննայի ամուսինը, հաճախ է խոշտանգել կնոջը, և Ջոնը նրան վրեժի հնարավորություն էր տվել: Լամաննան Ռիգգից օգնություն է խնդրում, իսկ Ռիգգը նրան մի բանալի է տալիս և ասում, որ նա պետք է փրկի ինքն իրեն ու հեռանում: Ոստիկանները, տեղ հասնելով, հարցաքննում են Լամաննային և վերջինս ասում է, որ Ռիգգն է փրկել իրեն:



Պերեսը պարզում է, որ երեք զոհերը` Բրենդան, Իվանը և Մորգանը մեկ ընդհանուր բան ունեն: Նրանց բոլորի դատապաշտպանը մի մարդ էր, և նրանք անպատիժ են մնացել շնորհիվ այդ մարդու: Նրա անունը Արթ Բլանկ էր, և նա նաև Ջիլլ Թաքի դատապաշտպանն էր:
Շուտով վտանգվում է նաև Պերեսի կյանքը: Գործակալը տիկնիկ Բիլլիի նմուշ է գտնում, որը պայթում է և նրա երեսին այրող քիմիական նյութ շպրտում: Սթրամը գործընկերոջը անգիտակից վիճակում հիվանդանոց է տեղափոխում: Հետո նորից է հարցաքննում Ջիլլին, ստիպելով նրան պատմել Ջոնի մասին: Ջիլլը պատմում է, որ ժամանակին հղի է եղել և տղայի է սպասել, որի անունը պետք է Գիդեոն լիներ: Բայց Սեսիլ անունով մի թմրամոլ պատահմամբ խփել է իր որովայնին, և նա զրկվել է երեխայից: Ջոնը Սեսիլին թակարդել է և ստիպել նրան` երեսով դանակները սեղմելու գնով ազատվել թակարդից: Սեսիլը փրկվել է, հարձակվել Ջոնի վրա, և վերջինս ինքնապաշտպանության դիմելով` սպանել է նրան: Ջիլլը, տեսնելով ամուսնու վարքի կտրուկ փոփոխությունները, հեռացել է նրանից:



Սթրամը ուղևորվում է “Գիդեոն” անունով մսի գործարանը, այն հույսով, որ այնտեղ կգտնի Ջոնին:
Իսկ Արթ Բլանկը, որը հրաշքով փրկվել էր ֆիլմի սկզբում, նստած է լինում այն սենյակում, որտեղ թակարդված էին Էրիկն ու Հոֆֆմանը, իսկ նրա դիմաց դրված են լինում մոնիտորներ, որոնք ցույց են տալիս սենյակները, որտեղ իրենց փորձություններն էին անցել Ռիգգը և երրորդ ֆիլմի Ջեֆֆը: Արթը մի ատրճանակ է տալիս Էրիկի ձեռքը:
Ռիգգը հասնում է այդ սենյակին: Դռան վրա գրած է լինում “եզրափակիչ քննություն”, իսկ դռան մոտ մի սեղան է լինում, սեղանի վրա` Մեթյուսի ու Հոֆֆմանի նկարները և մի գրություն. “սովորել ես, թե ինչպես է պետք կյանք փրկել?”:
Արթը մի վահանակ է վերցնում: Հենց նրա վրայի կոճակն էր փրկելու այդ երեքին, երբ ժամանակը ամբողջությամբ ավարտվեր: Մեթյուսի գլխավերևում երկու հսկայական սառցաբեկորներ են լինում` ատամնաանիվներով և լծակներով միացված միմյանց, իսկ մեխանիզմը շղթայով միացված է լինում այն դռանը, որը պետք է բացեր Ռիգգը: Էրիկը հասկանում է, որ եթե Ռիգգը բացի դուռը, մեխանիզմը կաշխատի: Իսկ Ռիգգը բացում է դուռը, երբ ժամանակի ավարտին մնում էր ընդամենը մեկ վայրկյան: Բացում է և կրակում Արթ Բլանկի վրա, կարծելով, թե նա է այդ ամենի հեղինակը: Էրիկ Մեթյուսը նույնպես կրակում է, բայց նրա կրակոցը չի հասնում Ռիգգին: Մեխանիզմը աշխատում է, և սառցաբեկորները երկու կողմից ջարդում են նրա գլուխը: Դրանով ավարտվում է որդուն այդպես էլ չգտած ոստիկանի տանջալից կյանքը: Սառույցից առաջացած ջուրը շարժվում է դեպի Հոֆֆմանի մետաղյա աթոռը, որի կողքին էլեկտրոդ է լինում:




Սթրամը բացում է սենյակներից մեկի դուռը և այնտեղ մի տղամարդ տեսնում: Դա Ջեֆֆն էր: Սթրամը նրան կարգադրում է ձեռքերը վեր պահել, իսկ Ջեֆֆը ատրճանակը ձեռքին շրջվում է դեպի նա, հարցնելով, թե որտեղ է իր դուստրը: Սթրամը երկու անգամ կրակում է Ջեֆֆի ստամոքսին, և Ջեֆֆը նույնպես մեռնում է: Այդ ժամանակ Սթրամը նոր միայն տեսնում է Լին Դենլոնի, Ամանդա Յանգի և Ջոն Կրամերի` “Փազզլ”-մարդասպանի դիակները:
Վիրավոր Արթը ձեռքը տանում է դեպի ձայնագրիչը, որը Ջոնը նախատեսել էր Ռիգգի համար և սեղմում կոճակը: Ռիգգը Արթի գլխին կրակելով սպանում է նրան` կարծելով, թե Արթը զենք է ուզում վերցնել: Ձայնագրությունում ասվում է, որ Ռիգգը Էրիկին ու Հոֆֆմանին կփրկեր այն դեպքում, եթե ներս չմտներ մինչև ժամանակի ավարտը: Իսկ հոսանքը այդպես էլ չի խփում Հոֆֆմանին: Նա քանդում է կապանքները, ոտքի է կանգնում և մոտենում է արյունահոսող Ռիգգին, որը վիրավորվել էր ջարդված սառցաբեկորների բեկորիկների ալիքից: Հետո, ասելով. “խաղն ավարտված է”, թողնում է նրան և հեռանում սենյակից: Ճանապարհին նա փակում է մոտակա դուռը, բանտարկելով Սթրամին` Ջեֆֆի, Ջոնի, Ամանդայի և Լինի դիակների հետ միասին:



Հետագայում Ջոնին տանում են դիահերձման, և պարզվում է, որ Ջոնի դիահերձումը տեղի է ունեցել ֆիլմի հիմնական իրադարձություններից հետո միայն, և որ երրորդ ու չորրորդ ֆիլմերի վերջաբանները ընթացել են միմյանց զուգահեռ: Լինը, Ամանդան, Ջոնը, Էրիկը, Ջեֆֆը և Արթը մեռել են գրեթե միաժամանակ: Իսկ թե ինչ պատահեց Ռիգգին, Սթրամին և Ջեֆֆի դուստր Քորբեթին, դա երևի պարզվի հինգերորդ ֆիլմում:
---
ՌԵԺԻՍՈՐ. Darren Lynn Bousmann
ՊՐՈԴՅՈՒՍԵՐՆԵՐ. Oren Koules, Mark Burg
ՍՑԵՆԱՐԻ ՀԵՂԻՆԱԿՆԵՐ. Patrick Melton, Marcus Dunstan
ԱՄՍԱԹԻՎԸ. 26.10.07 թ.
ԲՅՈՒՋԵՆ. 10000000 դոլլար

[Dayana]

էս նիչ անաստված նկարներ էին կինոի մասին էլ չեմ էլ ուզում մտածեմ ոնց չեմ սիրում սենց դաժանություններ

[Vlad_arm]

Ես կարծում եմ որ ես կինոն նկարողը ՀՈԳԵԿԱՆ ՀԻՎԱՆԴ Ա ԵՂԵԼ:

Իսկ հավեսով նայողները ՀԱՍՏԱՏ շեղումներ ունեն: Անգամ չփորձեք հետս վիճել:

[Sunny Stream]

վայ, ոնց որ Հ1-ի ֆիլմերի անոնսների կադրերից լինեն

էս քանի օրը մարդասպանության ինչքան զզվելի կադր կար, անոնսում էին դնում

Հ.Գ. հաստատ չէի նայի էս ֆիլմը... ո՞նց չեն հասկանում մարդիկ, որ դաժանությունն էնքան շատ է էսօր, որ նման այլանդակությունների փոխարեն մի բարի կադրը շատ ավելի կկարևորվեր...

[Աբելյան]

ժողովուրդ, սա ընդամենը կինո ա
ոչ նկարողը, ոչ ռեժիսորը, ոչ էլ սցենարիստները հոգեկան հիվանդներ չեն

ես սրանք 80 տոկոսով սիրում եմ ոչ թե դաժանությունների (ավելի դաժան կինոներ կան, դրանք կնայեի), այլ սյուժեների համար
գերլարված պահեր, գլխապտույտ ընթացք, անսպասելի վերջաբան, ամեն ինչը տեղը տեղին, ու համարյա ոչ մի ֆանտաստիկ բան
տենց սյուժեներ ունեցող ամերիկյան կինոներ մատերի վրա կարելի ա հաշվել

[Yellow Raven]

Լավ կինոյա,1-4-ն էլ դիսկով ունեմ,բայց դե 4-ը բնականաբար անորակա ու բան չեմ հասկացել:Ամենագերլարվածը նայել եմ 2-րդը շատ հետաքրքիր էր ու անսպասելի իրադարձություններով լեցուն,առաջինն էլ վատը չէր,բայց ոնց հասկացա քանի գնում որակը ընկնումյա էս կինոի: