Առաջարկում եմ տեղադրել մեր Հայաստանին նվիրված բանաստեղծություններ, թեկուզ և մեր գրածները:
Նշեք, խնդրում եմ, բանաստեղծության վերնագիրը և հեղինակին
Առաջարկում եմ տեղադրել մեր Հայաստանին նվիրված բանաստեղծություններ, թեկուզ և մեր գրածները:
Նշեք, խնդրում եմ, բանաստեղծության վերնագիրը և հեղինակին
«Հեռո՛ւ ստութիւնից եւ լի նրանով,ինչ ընդդէմ է ստութեան»
Մովսես Խորենացի
Ձեր դատին եմ հանձնում իմ գրած բանաստեղծությունը
* * *
Երբ մենք ասում ենք՝
Հայրենիք կամ ազգ,
Ակամա կողքից մի բառ է կպչում
Գոյատևություն…
Երբ մենք ասում ենք՝
Մենք Հայ ենք, մեծ ազգ,
Ակամա խորքից մի բառ է թռչում՝
Մեծամտություն…
Մենք իրոք ազգ ենք
Դարերով անցած,
Դարերով ճգնած
Եվ դարեր կերտած:
Այդմ, երբ ասենք՝
Հայրենիք կամ ազգ,
Պիտի հենց կողքից մի բառ ամրակցենք՝
Հարատևություն…
Եվ երբ մենք ասենք՝
Հայ ենք՝ հզոր ազգ:
Պիտի մեծ ուժի կողքից ամրակցենք՝
Բանականություն…
Քանզի մենք ազգ ենք
Դեր–Զորով անցած,
Արնաքամ եղած,
Բայց վերածնված…
Եվ պիտի ապրենք,
Դեռ պիտի ճախրենք,
Դեռ պիտի կերտենք,
Պիտի արարենք,
Եվ հավերճության մեջ վերագտնենք
Ճամփան դեպի մարդ…
Շատ լավն է, սահուն, ինքնատիպ ու իմաստալի: Մենակ վերջի տունը այնքան չհավանեցի, որքան առաջի երեքը:Tig-ի խոսքերից
Իսկ ես լրիվ հավանեցի, շատ լավն էր, նույնիսկ վերջին տունը՝ դեպի մարդ ճամփան վերագտնելու հաստատ որոշմամբ
When life gives you lemons, make lemonade
Շնորհակալ եմ հավանության համար:
Սա իմ առաջին գրած բանաստեղծությունն է 1999-ին
Վերածնունդ
Մեզ կոտորել են,
Բայց չենք կոտորվել:
Մեզ հալածել են,
Բայց չեն ընկճել:
Մեզ սպանել են,
Բայց մենք հառնել ենք
Մեր սուրբ սարերի արնոտ լանջերից:
Նորից ետ կգան մեր հերոսները,
Նորից կծնվեն անհաղթ քաջերը,
Ու կկառուցեն մեր կիսատ տունը,
Ու կշենանա մեր Հայոց Սյունը:
Հա, հույզն է լոկ մնայունը՝
Մնացյալը անցողիկ…
Իսկ ինչ է հայրենիքը?խնդրում եմ սահմանել...
Դա պիտի զգաս, դա դժվար է սահմանել:
Բայց եթե չես զգում դա ցավալի չէ և դա էլ է ընդունելի, համենայն դեպս իմ կողմից:
Հա, հույզն է լոկ մնայունը՝
Մնացյալը անցողիկ…
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ