Մոտ ութ տարի առաջ մի մանկական բանաստեղծություն էի գրել նոր տարվա մասին: Չգիտեմ, ինչքանով է հաջողված:
Նոր Տարի
Օ՜, երանի այն օրերը
Երբ ըղձալի Նոր Տարին,
Լայն բացում է իր դռները
Մեր բոլոր մանուկներին:
Սպիտակ մորուս, կարմիր գոտի,
Մեղմ ժպիտը շուրթերին,
Ընծաներով պարկ շալակած՝
Կայցելի Ձմեռ Պապին:
Բոլորս ներս հիմա շարժվենք՝
Դեպ հեքիաթներ երազի,
ՈՒրախ երգով շուրջպար բռնենք.
Բարի գալո՜ւստ Նոր Տարի:
Արագ կանցնեն, կչքանան
Անուրջները այս բարի,
Սակայն մանկան վառ սրտի մեջ
Նրանք երբեք չեն մարի:
Արի՜, արի՜, մի՛ լքիր մեզ
Երջանկության բանալի,
Նորից պիտի կանչենք մեզ մոտ
Կախարդական Նոր Տարի:
2008. I. 17
Մեջբերել
Էջանիշներ