«Ո՞վ է ուզում դառնալ միլիոնատեր»

[Array]

Ինչի հետ է կապված «Զատիկ» անվանումը

[Highordy]

Կարծում եմ գրառումս քո հարցի պատասխանը չէ, բայց սա ևս հետաքրքիր է: Թույլ տվեք օգտվել պատեհ առիթից և մեկնել «Զատիկ» տոնի մի քանի հազարամյա պատմությունը.

ԶԱՏԻԿ

Սակավաթիվ Արիները Նահապետ Մանի առաջնորդությամբ իջան Մասիս սարից: Գարուն էր, գարնանային արևը ժպտում էր Երկրին, և Արարատի հողը, սիրո կարոտով ու բեղմնավորման տենչով, սերմնացաններին իր գիրկն էր կանչում:

Արիները սկսեցին վարել հողը: Բայց շուտով նկատեցին, որ դաշտերում խոտ ու ծաղիկ, որ նոր ծիլ էին տվել, գորշությամբ էին ծածկված: Չկար ոչ մի գույն. բոլոր գույները խառնվել էին իրար, և մի ընդհանուր գորշություն էր տիրում:

Մտահոգվել էին Արիները: Նրանք դիմեցին Մանին.

- Ով, Արիների Նահապետ և սիրելիդ Անմահ Աստվածների: Այս գորշությունը մահ կբերի Արարատի բնությանը: Ինչ էլ որ ցանենք, միևնույն է՝ պտուղը գորշ ու լեղի է լինելու: Գույները չքացել են Արարատից: Ասա, ինչպե՞ս զատենք գույները:

Նահապետ Մանը զոհ մատուցեց Աստվածամայր Անահիտին:

- Ով, Մայր Անահիտ,- դիմեց Մանը,- դու, որ Մայրն ես ամեն երկունքի, ամեն ծնունդի, քո մայրությամբ վանիր գորշությունը Արարատից, զատիր գույները, որ քո մայրության պտուղները լինեն բազմագույն, բազմահամ, բազմահոտ:

Աստվածամայր Անահիտը լսեց Մանի կանչը ու եկավ նրա մոտ:

- Զավակս - ասաց Անահիտը,- Վիշապը իր թույնով վարակել է ամենը Արարատում և գորշություն տարածել: Կորել են գույները: Այդ գույները Յահվահը պահում է իր ստորգետնյա թագավորության մեջ: Միայն դու կարող ես դրանք հանել գետնի տակից:
- Ով, Մայր,- ասաց Մանը,- թեև երկրային, բայց աստված եմ ես և ես կբերեմ այդ գույները Յահվահի մոտից, եթե քո օրհնությունը ստանամ:
- Ես իմ մայրական օրհնանքն եմ տալիս քեզ, որդիս,- ասաց Անահիտը,- և լսիր ինձ: Մի Հազարան Հավք կա, որն իմ կամքով ապրում էր Արարատում և բարձր լեռների գագաթին բույն էր դրել: Նա գիշերները ճառագում էր, իսկ ցերեկները արևի ճառագայթների հետ ձուլում էր իր շողերը: Դյութիչ ձայնով երգում էր նա և բազմագույն ձվեր ածում, որով և անընդհատ նորոգում էր Արարատի գույների թարմությունը: Այժմ այդ Հավքը գերված է Յահվահի ստորգետնյա թագավորության մեջ: Այդ Հավքը պիտի բերես դու: Տես՝ Վահագնի ծնունդից հետո առաջին լիալուսինն է երկնքում: Եվ եթե այս լիալուսնին հաջորդող արեգօրը չբերես Հավքը, Արարատի հողը կամլանա և այլևս գույներ չի ընդունի իր մեջ: Քեզ մնացել է միայն մեկ օր:

Եվ Մանը գնաց Հազարան Հավքը բերելու: Նրա հետևից հնչում էին մայրերի, կույսերի, մանուկների հաղթության մաղթանքները: Նրան շրջապատող նախնյաց սուրբ ոգիները շշնջում էին հաղթության մաղթանք: Սարեր ու ձորեր արձագանքում էին հաղթության մաղթանք: Եվ Մանի սիրտը լցվում էր զորությամբ և հաղթանակի հավատով:

Մանը բարձրացավ Մասիս սար: Զոհ մատուցեց Հայր Արային և Ամենազոր Վահագնին:

- Ով, Վահագն Ամենազոր,- կանչեց նա,- Մայր Անահիտի Օրհնությամբ ես գնում եմ Յահվահի հետ մենամարտելու և Հազարան Հավքը բերելու: Դու էլ օծիր իմ թուր-կեծակին:

Վահագնը եկավ նրա մոտ և ասաց.

- Ով, քաջդ Ման, դու չգիտե՞ս, որ Յահվահը զորավոր Աստված է: Եվ դու, թեև աստված ես, բայց երկրային ես և շատ ես զիջում նրան քո ուժով:
- Ով, Վահագն Ամենազոր,- ասաց Մանը,- ես Արի եմ, Հայր Արայի արյունը ունեմ իմ մեջ: Եվ ստացել եմ Մայր Անահիտի Օրհնությունը, մեր մայրերի, մանուկների ու հարսների մաղթանքն եմ ստացել, ես ստացել եմ իմ նախնիների սուրբ ներշնչանքը: Էլ ի՞նչ զորություն կդիմանա այդ բոլորին:
- Իրոք դու շատ մեծ զորություն ունես քո մեջ, ով, Արիների առաջնորդ,- ասաց Վահագնը,- Հայր Արայի կամքով ես էլ իմ Զորությունն եմ տալիս քեզ մի օրով: Գնա, Մեծամարտիր Յահվահի հետ, ինչպես վայել է Անմահ Աստվածներին:

Ապա Վահագնը կանչեց մի հսկա արծվի՝ քանի հարյուր տարեկան, որ քանի հարյուր անգամ շրջել է ամբողջ Երկիրը և ծանոթ է ամեն անկյունին:

Արծիվը իր թևերի վրա տարավ Մանին: Երկար թռավ և հասավ աշխարհի ծայրը: Եվ իջավ արծիվը մի մենավոր ու սև լեռան մոտ:

- Ով, Յահվահ,- կանչեց Մանը,- ես եկել եմ Մեծամարտելու քեզ հետ, դուրս արի ասպարեզ:

Ոչ մի ձայն չկար: Մանը իր թուր-կեծակիով հարվածեց լեռանը: Լեռը պատռվեց, և բացվեց մի ընդարձակ անձավ, որի մեջտեղում մրափում էր Յահվահը:

- Արթնացիր, Յահվահ,- կանչեց Մանը:

Նրա ձայնը ահավոր արձագանք տվեց անձավի մեջ, բայց Յահվահը չէր զարթնում: Շփոթվել էր Մանը՝ ժամանակը ուշ էր, իսկ Յահվահը չէր զարթնում, որ կռիվ անեն: Նա օգնության կանչեց արծվին: Արծիվը կտցահարում էր Յահվահի մարմնի տարբեր մասերը, բայց ապարդյուն: Վերջը արծիվը խուտուտ տվեց նրա թևատակին, և Յահվահը անմիջապես վեր թռավ: Նա տեսավ Մանին, որ թուր-կեծակին ձեռքին, կանգնած էր իր դիմաց:

- Ով, Արի Ման,- հեգնեց Յահվահը,- դու հյո՞ւր ես եկել ինձ մոտ, թե՞ կռվի: Թե հյուր ես եկել՝ անկոչ ես, թե կռվի ես եկել՝ անզոր ես:
- Ես կռվի եմ եկել, Յահվահ,- ասաց Մանը,- կամ տուր ինձ Հազարան Հավքը, կամ էլ դուրս եկ Մեծամարտենք, ինչպես վայել է աստվածներին:

Ծիծաղեց Յահվահը: Ուժգին փչեց, որ շնչով տապալի Մանին: Նրա շնչից մեծ փոթորիկ բարձրացավ Երկրի վրա, բայց Մանի մեջ Վահագնի Զորությունն էր՝ նա մնաց կանգուն: Զարմացավ Յահվահը: Իր բերանից բոց արձակեց, որ այրի Մանին: Այդ բոցը հրաբխացած պատեց ամբողջ Երկիրը, բայց Մանի մեջ Վահագնի Զորությունն էր՝ նա մնաց անվնաս: Շատ զարմացավ Յահվահը և ասաց.

- Արի Ման, դա քո շնորհքը չէր, որ դիմացար իմ շունչին ու կրակին. քո մեջ Վահագնի Զորությունը կա: Բայց ասա ինձ, ինչո՞ւ քո թուր-կեծակիով չխոցեցիր ինձ, երբ ես քնած էի, չէ՞ որ Վահագնի Զորությամբ դու կարող էիր ինձ տապալել:

Եվ Մանը պատասխանեց.

- Ես Արի եմ՝ երկրային աստված, և ինձ վայել չէ քնածի վրա սուր բարձրացնել:

Եվ Յահվահը ասաց.

- Անմահ Աստվածը երկրային աստծուն չի կարող զիջել վեհանձնության մեջ: Ես քեզ կտամ Հազարան Հավքը: Բայց գիտցի°ր, որ ես դարձյալ թշնամի եմ քեզ և քո Ցեղին:

Արի Մանը վերցրեց Հազարան Հավքը և լույս աշխարհ ելավ: Եվ արծիվը իր հուժկու թևերով Մանին հասցրեց Արարատ հենց Վահագնի ծնունդից հետո առաջին լիալուսնին հաջորդող արեգօրը լուսաբացին:

Արիները, որ ամբողջ գիշեր սպասում էին Մանին, շատ ուրախացան: Մանը Հավքին դրեց գետնին փռած հարդի վրա, Հավքը ճառագում էր ծիածանի գույներով: Ու երգեց Հավքը ու երգելով ձվեր ածեց՝ բազմաթիվ, բազմագույն: Արիները ուրախությունից թռչկոտում էին: Ձվերը ձեռքերին բռնած պարում էին, երգում և փառաբանում Հայր Արային, Մայր Անահիտին, Ամենազոր Վահագնին: Փառաբանում էին նաև իրենց նահապետ Մանին:

Անահիտը նույնպես ուրախ էր: Նա իջավ Արարատ: Հավաքեց բազմագույն ձվերից բազում գույներ ու շաղ տվեց Արարատով մեկ: Ապա թռցրեց Հազարան Հավքին, պատվիրելովª բույն շինել Արարատի լեռների վրա և մշտապես պահպանել Արարատի գույների թարմությունը: Ապա Անահիտը դիմեց Մանին.

- Ով, Արի Ման, հիմա կարող եք սկսել ձեր վար ու ցանքը՝ Արարատի հողը բազմագույն, բազմաբույր և բազմահամ աստվածային բարիք կտա:

Եվ Արիները ուրախ երգերով վարում էին ու ցանում: Իսկ մանուկները, ջահել աղջիկներն ու հարսները գունավոր ձվերը ձեռքերին մինչև ուշ երեկո դեռ պարում էին, երգում, ձվախաղ անում:

[Ambrosine]

Հարց` Որն է Ֆրանսիայի ազգային տոնը?

[Highordy]

Հարց` Որն է Ֆրանսիայի ազգային տոնը?

Հուլիսի 14՝ Բաստիլի գրավման օրը:

[Ambrosine]

Ով է կանգնած պետության գլուխ Կանադայում?

[PygmaliOn]

Ով է կանգնած պետության գլուխ Կանադայում?

Ելիզավետա 2-րդ

[Highordy]

Ով է կանգնած պետության գլուխ Կանադայում?

Վարչապետը

[PygmaliOn]

Վարչապետը

սրամիտ է , բայց պաշտոնապես Կանադայի գլուխ կանգնած է Ելիզավետա 2-րդը <<Կանադայի թագուհի>> տիտղոսով:

[Ambrosine]

սրամիտ է , բայց պաշտոնապես Կանադայի գլուխ կանգնած է Ելիզավետա 2-րդը <<Կանադայի թագուհի>> տիտղոսով:

Ճիշտ է, իսկ նրան Կանադայում ներկայացնում է գեներալ-նահանգապետ Էդրիեն Կլարկսոնը:

[insomniac]

ov a Agent Fox Mulderi hayre?
Մոդերատորական: Ծանոթացեք ակումբի օրենսդրությանը։ Մասնավորապես ֆորումում չեն ողջունվում լատիներեն տառերով հայերեն գրառումները:
Եթե ինչ-որ պատճառով հայերեն մեքենագրելու հետ կապված դժվարություններ կան, ապա կարող եք օգտագործել ֆորումում ներդրված հայերեն մեքենագրման համակարգը, Տրանսլիտի ձևափոխիչը կամ կարդացեք «Ինչպե՞ս գրել հայերեն» թեման:

Ավելացվել է 2 րոպե անց
ինչ ի ա զատիկե տարբեր երկրներում տարբեր որերին նշվում՞՞՞՞

[Array]

ov a Agent Fox Mulderi hayre?

Պատահական Քրք Քրքորյանը չի՞:

[PygmaliOn]

Վիլյամ Մալդեր

[Fantazy]

Հուսով եմ կարող եմ հարց տալ, քանի որ նախորդ հարցի պատասխանից ոչ մի լուր չկա:

Ֆրանկլին Ռուզվելտը (ԱՄՆ-ի նախագահներից) ինչ հիվանդություն է ունեցել, որը կարելի է ասել,որ անբուժելի է բայց նա հաղթահարեց այն:

Ավելացվել է 2 րոպե անց
Ֆորումում երկար չեմ լինլու, դրա համար էլ պատասխանը վաղը կգրեմ, եթե հիմա ճիշտ պատասխանը չգրվի:

[PygmaliOn]

Ֆրանկլին Ռուզվելտը (ԱՄՆ-ի նախագահներից) ինչ հիվանդություն է ունեցել, որը կարելի է ասել,որ անբուժելի է բայց նա հաղթահարեց այն:

Պոլիոմիելիտ(полиомиелит կամ детский паралич)

Ավելացվել է 9 րոպե անց
Սրանից հետո հարցը ես կտամ

[Fantazy]

Պոլիոմիելիտ(полиомиелит կամ детский паралич)

PigmaliOn Պատասխանը ճիշտ է: