Հավատո՞ւմ եք, որ մտքերը նյութական են

[ivy]

Այսօր այնքան գրականություն կա նրա մասին, որ մտքերի ուժի շնորհիվ կարելի է միանգամայն դրականորեն փոխել կյանքը, դառնալ հաջողակ, գրավել մարդկանց սիրտը, լինել առողջ: Հատկապես վերջին ցնցող գիրքը Ռոնդա Բիրնեի «Գաղտնիքը» գիրքն է, որ դարձել է համաշխարհային բեստսելեր. այն մասին է, թե ինչպես դրական ու «ճիշտ» մտքերի շնորհիվ կարելի է հասնել ցանկացած նպատակի, և նկարագրված են այդ մտքերի ուժը կիրառելու արվեստի հնարքները:

Հավատո՞ւմ եք, որ մտքերն ունեն այդպիսի հզոր ուժ ու եթե իմանալ, թե ինչպես կիրառել այդ ուժը, կարելի է «իրական հրաշքներ» գործել:

Величайшая тайна жизни.
սա մի ֆիլմ է, որը թարգմանված է ռուսերեն, կարծում եմ այս թեմայով հետաքրքրվողների համար հետաքրքիր կլինի՝ չնայած ամերիկյան ոճովա արված դեպի նյութական արժեքներն ուղղված, բայց դա չէ էականն կարծում եմ, այլ այն գաղափարն, որ կա այս ֆիլմում բարի դիտում

ihusik, ամբողջ թեման հենց դրա մասին է. քո ասած ֆիլմը թեմայի առաջին գրառման մեջ նշված գրքի էկրանավարումն է։

[WhiteSmoke{F}]

Величайшая тайна жизни.
սա մի ֆիլմ է, որը թարգմանված է ռուսերեն, կարծում եմ այս թեմայով հետաքրքրվողների համար հետաքրքիր կլինի՝ չնայած ամերիկյան ոճովա արված դեպի նյութական արժեքներն ուղղված, բայց դա չէ էականն կարծում եմ, այլ այն գաղափարն, որ կա այս ֆիլմում բարի դիտում

Հուսիկ ես վաղուց էի ուզում քեզ ասել շնորհակալություն, քանի որ ինձ հատուկ հետաքրքրող համարյա թե բոլոր թեմաներում, տեղադրել ես շատ հետաքրքիր և կարևոր հղումներ: Բոլորը կարդացել եմ: Այս դեպքում էլ անտարբեր չմնացիր, կրկին շնորհակալություն

[ihusik]

Հուսիկ ես վաղուց էի ուզում քեզ ասել շնորհակալություն, քանի որ ինձ հատուկ հետաքրքրող համարյա թե բոլոր թեմաներում, տեղադրել ես շատ հետաքրքիր և կարևոր հղումներ: Բոլորը կարդացել եմ: Այս դեպքում էլ անտարբեր չմնացիր, կրկին շնորհակալություն

Խնդրեմ ուրախ եմ, թեկուզ ինչ որ մեկին գրառումովս կամ ունեցածս այն սերմերով, որ այս ու այնտեղից ինքս հավաքում ու կիսվում եմ Ակումբում որևէ մեկն վերցնում է ու գնահատում իր գտածը. ճիշտն ասած հիմա միայն դրա համար էլ այցելում եմ Ակումբ...

Չեմ հիշում տեղադրե՞լ եմ այստեղ ВеликаЯ Тайна Воды տեսահոլովակը, թե՞ ոչ... համենայն դեպս, եթե տեղադրել էլ եմ մի ուրիշ թեմայում, ապա արժեր այստեղ էլ տեղադնեի հենց մտքի հետ կապված, որ տեսնեք, թե ինչպես զուտ մտքի ուժով ինչպես կարելի է ազդել օրինակ ջրի վրա ու փոխել նրա մոլեկուլյար կառուցվածքն ու դարձնել այսպես ասած դրականորեն կամ բացասականորեն լիցքավորված... իսկ հիմա դրան գումարեք այն փաստը, որ մարդու մարմնի 70 ու ավելի տոկոսը բաղկացած է հեղուկից... էլ էզոթերիզմի կամ կրոնի կարիք չի լինի դրանցից հեռու մարդկանց համար, այլ կարիք կլինի գիտական փաստերը վերցնել ու մտածել, թե ինչպե՞ս պետք է ապրել...

[Proff]

մեր մտքերը մեր ամենօրյա գnրծունեությnւնն են, որոնց կարող ենք ղեկավարել ինքներս;

[Ֆոտոն]

Մտքերը նյութական են այնքան, ինչքան մագնիսական դաշտերն են նյութական: Նյութական բառի ընկալման ուղղությունն եմ դրանով տալիս:

Այսինքն՝ մտքերը իրական են ու գոյություն ունեն:

Մտքերս կարող եմ ուղղել նպատակաուղված, եթե տրամադրվեմ: Երբեմն տրամադրվելն է շատ դժվար:
Այդ եղանակով մի քանի անգամ մտերիմներիս օգնել եմ: Ամեն անգամ էլ մտքերիս իրականացումը ապշեցրել է:
Միայն իմ նպատակների համար շատ ավելի դժվար է մտքերն օգտագործելը: Ուղեղումս շիլաշփոթ է տիրում:

[Դատարկություն]

Այսինքն՝ մտքերը իրական են ու գոյություն ունեն:

Ես էլ եմ համաձայն մտքերը գոյություն ունեն նրանք կարողանում են մարդկանց և իրերի վրա ազդեցություն թողնել թե դրական թե բացասական: Եթե ես չեմ սխալվում մտքերը ընկալվում են <մարդու երրորդ աչքի> կողմից որը գտնվում է գլխի ծոծրակային հատվածում

[Yeghoyan]

Հավատո՞ւմ եք, որ մտքերն ունեն հզոր ուժ ու եթե իմանալ, թե ինչպես կիրառել այդ ուժը, կարելի է «իրական հրաշքներ» գործել:

[Tanamasi]

Մտքի ազդեցության մասին կարելի է խոսել պիսխոսոմատիկայի տեսանկյուից, սանոգեն մտածողության առումով, ներշնչման վերաբերյալ և այլն։ Այն, որ միտքը անխախտելի կապված է նույթականի հետ, դա վաղուց ապացուցված փաստ է, իսկ թե արդյոք դրանք նյութական են, թե ոչ, իմ կարծիքով, լրից ուրիշ խնդիր է։
Շատ հետաքրքիր է սանոգեն մտածողության թեորիան, ըստ որի կարելի է առողջ ապրելակերպի հասնել «ճիշտ» մտածելակերպի շնորհիվ։

[Հարդ]

Միանշանակ հավատում եմ, բայց, ցավոք դա օգտագործել չգիտեմ:

[Հոգեվարք]

Հավատում եմ...Այո, բազմիցս զգացել եմ իմ վրա...Եղել են պահեր, որ մի բան ուժեղ ցանկացել եմ ու կատարվել է ու զարմացել եմ... հետո նոր հասկացել եմ, որ իրոք մտքերի գերբնական ուժի շնորհիվ է...ես հավատում եմ,որ մարդ կարող է փոխել իր կյանքը իր հավատի ու ներշնչանքի շնորհիվ, բայց շատ հաճախ հապաղում է ու վախենում...կամ էլ երբ մի բանի հասնում ես,արդեն ձանձրանում ես,իսկ ընթացքը շատ հետաքրքիր է,լինի վատ թե լավ...գուցե ,խուճուճ գրեցի,բայց դա այդպես է...օրինակ ես ուզում եմ,որ հիմա իմ կյանքը փոխվի,բայց երևի լավ չեմ հավատում կամ խանգարող բան եմ տեսնում , որն անընդհատ ինձ կեղեքում է...չգիտեմ...

[La Luna]

այո, միանշանակ հավատում եմ. Շատերդ երևի տեսել եք այս տեմայով ֆիլմը, ասեմ, որ աըդ ֆիլմը իզոթերիկ բազմաթիվ կանոննեռից ընդամենը 1-ն է. պետք է պարզապես ենթագիտակցորեն և սրտանց հավատալ և ձգտել ինչ-որ բանի և դա անպաըման կիրականանա, ինքս էլ եմ դա զգացել, այդ ուժի օգտագործումը միայն ձեզանից է կախվաց, որքան ուժեղ է ցանկությունը, այդքան էլ մոտիկ է դրա իրականացումը

[Ֆոտոն]

այո, միանշանակ հավատում եմ. Շատերդ երևի տեսել եք այս տեմայով ֆիլմը, ասեմ, որ աըդ ֆիլմը իզոթերիկ բազմաթիվ կանոննեռից ընդամենը 1-ն է. պետք է պարզապես ենթագիտակցորեն և սրտանց հավատալ և ձգտել ինչ-որ բանի և դա անպայման կիրականանա, ինքս էլ եմ դա զգացել, այդ ուժի օգտագործումը միայն ձեզանից է կախված,որքան ուժեղ է ցանկությունը, այդքան էլ մոտիկ է դրա իրականացումը

Ցանկության մեծ լինելը էական չի, դա չի օգնում նպատակին հասնելուն:
Կապույտով ընդգծածս է կարևորը:
Պետք է նպատակին հավատալ իրականի պես, այնպես, ինչպես հավատում եք, որ հեսա հաց կուտեք, շուտով ժամը էսինչը կլինի...
Փորձված բան է, միայն թե ինքնաճնշմամբ կամ համոզելով չի ստացվի:

[Chuk]

Իմ մտքերն, օրինակ, նյութական են, ավելի կոնկրետ՝ պլաստիրինից: Վատն էն ա, որ պլաստիրինից քանդակ անել չեմ կարողանում

[Չամիչ]

Պետք է նպատակին հավատալ իրականի պես, այնպես, ինչպես հավատում եք, որ հեսա հաց կուտեք, շուտով ժամը էսինչը կլինի...
Փորձված բան է, միայն թե ինքնաճնշմամբ կամ համոզելով չի ստացվի:

Համաձայն եմ: Ցավոք ամեն մարդ չէ, որ կարողանում է հավատալ: Շատերը ընկնում են կասկածների գիրկը, բա որ սենց, բա որ նենց, տեսնես ոնց կլինի, ի՞նչ կլինի: Կասկածը ամենասարսափելի վիրուսն է, որը հանգիստ կարող է ցանկացած ծրագիր խափանել: Պատկերացնում եմ թե լարախաղացները ինչ անբեկանելի հավատ ունեն, հենց մի փոքր կասկածեն, կսասանվեն ու անմիջապես կընկնեն: Կամ տիեզերագնացները: Ի վերջո տեխնիկա է, ցանկացած պահի կարող է խափանվել: Ինչպես փորձն է ցույց տալիս, նյութը նույնպես ենթարկվում է մտքի զորությանը: Քիչ չեն դեպքերը երբ մարդիկ մտքի ուժով կարողանում են իրեր տեղաշարժել:

Բայց, այս ամենի մեջ, ինձ համար, մի փոքր պարադոկս կա: Հնարավո՞ր է, որ մարդը ինքը իրեն չսիրի, բայց արժանանա միլիոնների երկրպագությանը: Չէ՞ որ ըստ մտքի ձգողականության օրենքի, մենք ստանում ենք այն ինչ մտածում ենք, եթե մարդը իրեն չի սիրում, հնարավո՞ր է որ վայելի ուրիշների սերը:
Թե՞ հանճարների դեպքում ամեն ինչ հնարավոր է:

[Ֆոտոն]

Բայց, այս ամենի մեջ, ինձ համար, մի փոքր պարադոկս կա: Հնարավո՞ր է, որ մարդը ինքը իրեն չսիրի, բայց արժանանա միլիոնների երկրպագությանը: Չէ՞ որ ըստ մտքի ձգողականության օրենքի, մենք ստանում ենք այն ինչ մտածում ենք, եթե մարդը իրեն չի սիրում, հնարավո՞ր է որ վայելի ուրիշների սերը:
Թե՞ հանճարների դեպքում ամեն ինչ հնարավոր է:

Ինքն իրեն չսիրելուց հնարավոր է արժանանալ ուրիշների կողմից սիրո: Բայց այդ սերն ամեն դեպքում վայելել չի կարող, քանի որ ինքն իրեն չի սիրում:
Ինքն իր սանդղակով կարող է վատը լինել, իսկ ուրիշների կարծիքով տաղանդ: Հնարավոր է: