Հավատո՞ւմ եք, որ մտքերը նյութական են

[ivy]

Այսօր այնքան գրականություն կա նրա մասին, որ մտքերի ուժի շնորհիվ կարելի է միանգամայն դրականորեն փոխել կյանքը, դառնալ հաջողակ, գրավել մարդկանց սիրտը, լինել առողջ: Հատկապես վերջին ցնցող գիրքը Ռոնդա Բիրնեի «Գաղտնիքը» գիրքն է, որ դարձել է համաշխարհային բեստսելեր. այն մասին է, թե ինչպես դրական ու «ճիշտ» մտքերի շնորհիվ կարելի է հասնել ցանկացած նպատակի, և նկարագրված են այդ մտքերի ուժը կիրառելու արվեստի հնարքները:

Հավատո՞ւմ եք, որ մտքերն ունեն այդպիսի հզոր ուժ ու եթե իմանալ, թե ինչպես կիրառել այդ ուժը, կարելի է «իրական հրաշքներ» գործել:

[Արշակ]

Այո՛, վստահ եմ։
Հետո գուցե ավելի մանրամասն գրեմ։

[Apsara]

Ոչ թե հավատում եմ, այլ համոզված եմ ու սեփական փորձի վրա զգացել եմ, թե ինչ հզոր ուժ ունի միտքը:
Եթե այն մաքուր է ու հզոր դաշտ ունեցող մարդուց է ծնվել, ապա շուտ կրեալիզացվի, իսկ եթե թույլ դաշտով մարդուց է ծնվել, բավականին ուշ: Հա ի դեպ չեմ հիշում որտեղ, բայց կարդացել եմ, որ վատ միտքը կարելի է չեզոքացնել հաջորդ այդ միտքը այսպես ասված չեղյալ հայտարարող մտքով: Դե, ուֆ չկարողացա նորմալ բացատրել ասելիքս, կներեք

[dvgray]

Կարևոր թեմա ես բացել:
Այո, համոզված եմ որ կարելի է փոխել, և դեպի լավը, և դեպի վատը:
...Դառնալ կատարյալ առողջ, լինելով ծանր հիվանդ, կամ վերածվել խրոնիկ հիվանդի, լինելով կատարյալ առողջ:

Մարդը նաև ի վիճակի է իշխել մտքերով իր պահանջների վրա: Դարցնել դրանք ավելի իրականանալի, հասանելի: Կրճատել դրանք, հասցնելով մինիմումի, ու դրանով նաև ունենալ հավասարակշիռ հոգեկան:

հզոր դաշտ ունեցող մարդուց

Մի փոքիրկ, բայց ընդգրկուն հարց:
Ի՞նչ ասել է "հզոր դաշտ":

[Arisol]

Կարծում եմ, որ ամեն ինչ էս աշխարհում կատարվում ա հիմնականում մտքի ուժի շնորհիվ: Մտքի ուժը շատ հզոր զենք ա, ինքս բազմիցս անգամ համոզվել եմ դրանում ՝ որոշակի էքսպերեմենտներ անելով:

[Absar21]

Բարև բոլորին: Ես բավականին երկար ժամանակ գրառում չեմ կատարել,բայց տեսնելով այս թեման մտածեցի ,որ պետք է անպայման գրեմ: Արդեն բավականին երկար ժամանակ ես հետաքրքրվում եմ այս թեմայով և նույնիսկ էս վերջերում արդեն Ընկերներիս գլուխը տարել էի այնքան էի և եմ խոսում սրա մասին: Իսկ ամեն ինչ սկսվեց նրանից ,որ ես կարդացի բրազիլիացի գրող Պաոլո Կոելեի "Ալխիմիկ" պատմվածքը:Այնտեղ ասվում է այն մասին ,որ եթե մենք ինչ որ բան իրոք ուզում ենք ապա ողջ տիեզերքն է սկսում նպաստել ,որպեսզի մենք հասնենք մեր ուզածին: Ուղակի պետք է սկզբում ինքներս լավ հասկանանք ինչ ենք ուզում: Հետագայում այլ գրականությունից ես ծանոթացա այս տեսությանը վերաբերվող և գիտականորեն ավելի հիմնավորված նյութերի:Պարզվեց ,որ այս տեսությունը դեռևս հին ժամանակներից հայտնի է "таина Вселенной" անվան տակ: Ամեն ինչ բացատրվում է նրանով ,որ մեր մոլորակը և այն ամենը ինչ գոյություն ունի նրա վրա ենթարկվում են ձգողականության օրենքին:Խոսքը չի վերաբերվում երկրի ձգողությանը միայն,այլ նրան որ նմանը ձգում է նմանին:Իսկ մեր մտքերը դրանք իրականում ինչ-որ ինֆորմացիա է,որը շարժվելով մեր նյարդային համակարգի ուղիներով կամ "գծերով" գեներացնում են հատուկ դաշտ,որն Էլ ստիպում է շրջապատում գտնվող իրերն ու երևույթները դասավորվել որոշակի ձևով:Իսկ թե ի օգուտ մեզ կամ հակառակը կախված է մեզանից:
Լավ առայժմ այսքանը:ivy ձեզ էլ մի խնդրանք, եթե ունեք ձեր ասած գրքի թվային օրինակը կամ Լինկը խնդրում եմ փոխանցեք:Շնորակալություն ուշադրության համար…

[ihusik]

Անշուշտ այս աշխարհում ամեն բան էլ նյութական է, եթե հասկանանք այն լայն իմաստով, այլ ոչ թե նյութապաշտական սահմանափակ մտածելակերպով: Առանց նյութի հնարավոր չէ որ մի բան գոյություն ունենա, որքան էլ որ դա կոպիտ ու ֆիզիկական աչքի համար տեսանելի նյութից հեռու լինի: Հոգին էլ, մարդու աուրան էլ, միտքն էլ նյութական են ու ներկայիս առաջադեմ գիտնականները դա լավ հասկանում են: Առանձ նյութականի կողմից Ոգուն տրվող ձևի ոչինչ էլ չէր կարողանա գոյություն ունենալ և այդ երկու սկզբունքների՝ Ոգու և Մատերիայի (Էության և Ձևի) շնորհիվ է որ կա մեր դրսևորված աշխարհը:

Շատ եմ սիրում նյութ, մատերիա բառի ռուսերեն տարբերակն ու նշանակությունը - Материя / Матерь и Я - այո նյութը մեր Մայրն է, որն իր մեջ կրում ու կյանքի է կոչում Ոգուն - այսպես այս երկուսի միասնությունից է, որ ծնվում է Կյանքը... Ահա նաև թե ինչու են կանայք այդքան ուշադիր իրենց արտաքին տեսքին ու թե ինչու են համարվում գեղեցիկ սեռ, քանզի դա հենց իրենց էությունից, կանացի սկզբունքից է գալիս:

Մարդու մտքի ու նրա ճակատագրի վրա ազդեցության ու բազմաթիվ այլ հարցերի հետ կապված շատ լավ գրականություն կա, որոնք մարդ կարդալով ու հասկանալով ավելի լուրջ ու զգուշ կվերաբերվի մարդուն տրված ամենաուժեղ զենքերից մեկին՝ Մտքին: Ցանկացողները մտքի մասին էզոթերիկ գիտելիքների մասին կարող են տեղեկանալ նաև այս գրականություններից.

Безант А. Сила мысли ее контроль и культура

Писарева Е.Ф. Сила мысли и мыслеобразы

Շատ կարելի է գրել այս թեմայի մասին ու նաև գիտական փորձերի մասին ու նրա ոչ գիտական սակայն ճշմարիտ ու նրա էզոթերիկ տեսանկյան բացահայտման ու մեկնաբանությունների մասին, թե ինչպես է մարդու միտքն ազդում հենց իրեն մարդու, նրա շրաջապատի մարդկանց, բնության ու ամեն բանի վրա ու թե ինչպես է միտքը կառուցում մարդու ապագան կամ ճակատագիրը...

[Furnelios]

Ասեմ որ այդ ամենը իրական է և հիմնված է ներշնչանքի վրա,ներշնչանքը հզոր գործիք է որով կարող ես գրեթե ամեն ինչ,պարզապես պետք է իմանալ ինչպես.....

[ihusik]

Ներշնչանքն էլ մտքի որոշակի հաճախականությամբ ու ճիշտ կիրառումն է, այնպես որ դրա հիմքում էլ ընկած է միտքը:

[ivy]

ivy ձեզ էլ մի խնդրանք, եթե ունեք ձեր ասած գրքի թվային օրինակը կամ Լինկը խնդրում եմ փոխանցեք:Շնորակալություն ուշադրության համար…

Ցավոք, այդ գիրքը՝ Rhonda Byrne "The Secret", կարելի է միայն գնել, էլեկտրոնային տարբերակը գոյություն ունի, բայց դրա համար էլ պետք է վճարել: Ու գիրքը անգլերեն է: Եթե հանգիստ կարող ես կարդալ անգլերեն և պատրաստ ես զոհաբերել 14 դոլար, ահա լինկը.
http://www.powells.com/cgi-bin/bibli...781416554998-0

Խորհուրդ եմ տալիս նաև կարդալ Վսեսլավ Սոլոյի «Մտքի գերագույն մագիա» գիրքը՝ համ գեղարվեստականորեն է գրված, համ էլ ուսուցողական է ու հետաքրքիր: Լինկը.
http://www.lib.ru/URIKOVA/MagiaMysli/SOLO/
Էստեղ այնպիսի մտքեր կան, որ բոլոր մոգերը, կախարդները իրականում են եղել են այն մարդիկ են, ովքեր կարողացել են օգտագործել իրենց մտքի ուժը, որի շնորհիվ կարելի է անգամ տեղաշարժել առարկաներ...

Ու դե իհարկե անպայման կարդա Կառլոս Կաստանեդա... հոյակապ գրող է, Կոելիոից ավելի լավ ու ավելի ուսուցողական: Լինկը.
http://www.lib.ru/KASTANEDA/

[Մանոն]

Անշուշտ հավատում եմ, արդեն վերը շատերն ասացին, որ դրա մասին անգամ գրականություն կա, ուստի էլ չկրկնվեմ: Միայն ավելացնեմ, որ մի տեղ կարդացել եմ, թե ինչպես էին Ատլանտիդայում, (որը ենթադրվում է, թե եղել է շատ ավելի զարգացած քաղաքրթություն քան հիմա մերն է), մարդիկ շփվում էին ոչ թե խոսքի, այլ մտքի միջոցով: Այսինքն նրանք կարողացել են կարդալ իրար մտքեր: Մտքերը փոխանցել են բիոդաշտերով: Իսկ գուցե ներկայիս մարդկության ուղեղի այն ահռելի տոկոսը, որը չի օգտագործվում հիմա, հենց այն ժամանա՞կ է օգտագործվել: Կարծեմ թեմա էլ կար չէ՞ այս մասին: Ատլանտիդան ընդհանրապես մեծ գաղտնիքներ է իր հետ խորտակել, ու լեգենդներ են հյուսված նրա գոյության մասին, կործանման պատճառների մասին: Բայց դա մտածելու հիմք է տալիս. չէ՞ որ ուղեղի այդ չօգտագործվող մասը հենց այնպես չի մեր գլխում, արդյո՞ք դա չի նշանակում, որ այն երբևէ օգտագօրծվել է ու ինչ-ինչ պատճառներով այսպես ասած «արգելափակվել» է, կամ էլ դեռ նոր է օգտագործվելու գուցե գալիք քաղաքակրթություններում:
Էհհհ....ինչպես կասեր Մեծ Փիլիսոփան՝ «Ինչքան շատ եմ իմանում, այնքան հասկանում եմ, թե ինչքան քիչ գիտեմ...»

[Absar21]

Ու դե իհարկե անպայման կարդա Կառլոս Կաստանեդա... հոյակապ գրող է, Կոելիոից ավելի լավ ու ավելի ուսուցողական:

Շնորհակալություն առաջարկված գրականության համար: Ես նոր հիշեցի ես նաել եմ վավերագրական ֆիլմ Secret անունով,որը հենց համանուն գրքի հիման վրա էր:
Ու մեկ էլ մի խնդրանք արի Կոելեին ոչ մեկի հետ չհամեմատենք: Յուրաքանչյուրն ունի իրեն հատուկ ոճը և թույլ ու ուժեղ կողմերը:

[Apsara]

Մի փոքիրկ, բայց ընդգրկուն հարց:
Ի՞նչ ասել է "հզոր դաշտ":

Դե արագ-աևագ գրելուց չկարողացա ճիշտ արտահայտվել և գտնել ճիշտ բառը: ի նկատի ունեմ մարդու биополе, եթե լսել եք կան մարդիք հնդկաստանում որոնք կարող են միտքը իրականություն սարքել հենց վայրկյանների ընթացքում ու նորից այն վերածել մտքի;

Կարևորն այստեղ այն է, որ պետք է հիշել, այն ամբողջը ինչ կա աշխարհում ստեղծված է նույն կյանքի էներգիայից, թե մարդը թե կենդանիները թե բույսերը նրանք բոլորն էլ նույն կենսական նյութի տարբեր դրսևորումներն են, ինչպես նաև մտքերը:

Մենք պատասխանատու ենք ինչպես մեր արարքների այնպես էլ լավ ու վատ մտքերի համար

[impression]

Բոլորս գիտենք, որ մտքերը նյութական են, մարդ չեղավ, որ չհամաձայնի, էդ դեպքում ինչու՞ է այդքան շատ չարությունը մեր կյանքում: Ինչու՞ են այդքան աղետներ լինում: Ի՞նչն ենք սխալ անում. հին պատմությու՞նն է՝ թեորիան գիտենք, սակայն պրակտիկայում կիրառել չե՞նք կարողանում: Լավ, հլը աշխարհի հերն էլ անիծած, բա ՄԵՐ անձնականը ինչու՞ չենք կարողանում կարգի բերել, հենց էստեղից է պետք սկսել "գլոբալ մաքրումը": Կարծում եմ, միակ ուղին, կամ էլ ոչ թե միակը այլ գոնե ամենակարճը դեպի ավելի լավ ապագա, ավելի առողջ կյանք, ընկած է մեր հոգիների միջով, ուզում ենք աշխարհը բարի ու լավը լինի, պետք է սկսենք ինքներս մեզանից:

[ivy]

Բոլորս գիտենք, որ մտքերը նյութական են, մարդ չեղավ, որ չհամաձայնի, էդ դեպքում ինչու՞ է այդքան շատ չարությունը մեր կյանքում: Ինչու՞ են այդքան աղետներ լինում: Ի՞նչն ենք սխալ անում. հին պատմությու՞նն է՝ թեորիան գիտենք, սակայն պրակտիկայում կիրառել չե՞նք կարողանում: Լավ, հլը աշխարհի հերն էլ անիծած, բա ՄԵՐ անձնականը ինչու՞ չենք կարողանում կարգի բերել, հենց էստեղից է պետք սկսել "գլոբալ մաքրումը": Կարծում եմ, միակ ուղին, կամ էլ ոչ թե միակը այլ գոնե ամենակարճը դեպի ավելի լավ ապագա, ավելի առողջ կյանք, ընկած է մեր հոգիների միջով, ուզում ենք աշխարհը բարի ու լավը լինի, պետք է սկսենք ինքներս մեզանից:

Մտքերը կարող են դառնալ նյութական, եթե դրանց ուժեղ հավատով սնել, ամրացնել անբեկանելի համոզվածությամբ, կարծրացնել հզոր էներգետիկայով: Այսինքն` կամայական մտքը չի կարող լինել նյութական, եթե այն բավականաչափ ուժ չունի:
Եվ բացի դրանից, ո՞վ ասաց, թե միայն բարի մտքերը կարելի է դարձնել նյութական:
Հոռետեսական կամ չարակամ մտքերը նույնչափ հնարավորություն ունեն նյութականացվելու, երբեմն` նույնիսկ ավելի մեծ հավանականություն: Ինքդ նայիր, թե մարդիկ ինչպիսի ուժգնությամբ են իրենք իրենց գլխին կուտակում վատ մտքերը կամ ինչպիսի մոլեգնությամբ են չարը կամենում:
«Ինքն իրեն նավսել», «կռռալ», «չար աչք ունենալ» արտահայտություները անիմաստ չեն, որովհետև վատ մտքերն էլ, եթե շատ հզոր են, միանգամայն հաջողությամբ նյութականացվում են:
Հարցնում ես` որն է մեր սխալը. մեր սխալը մեր սխալ մտքերն են: Եթե ապրում ենք դեպրեսիվ ու կործանարար մտքերի մեջ, կյանքն էլ հենց այդ վատն է բերելու մեր առջև:
Տեսությունը միշտ նույնն է, թե լավ մտքերի, թե վատերի դեպքում, ցավոք, մենք պրակտիայում ավելի մեծ հաջողությամբ ենք կիրառում բացասական մտքերի ուժը, գուցե որովհետև տառապելն ավելի հեշտ է, քան լավատեսությամբ զինվելը...