Գաղութահայ կեանք

[Պանդուխտ]

Այո այո...
Կարելի է ինչ որ փողոցային ընդիմութեան մասին 40 թեմա բացել, իսկ հայոց բանակի մասին մի թեմայից աւելին արգելուած է:
Բայց կարելի է բացել իրականում աւելին քան մէկը, եթէ սեւացնեմ Հայաստանի սահմանները պաշտպանող այդ կառոյցը:
Ակումբում եթէ հայութեան մասին պիտի գրել. ապա վատ բաներ պէտք է գրել: Անգիր օրէնք է, չէի գիտեր:

[Արշակ]

Այո այո...
Կարելի է ինչ որ փողոցային ընդիմութեան մասին 40 թեմա բացել, իսկ հայոց բանակի մասին մի թեմայից աւելին արգելուած է:
Բայց կարելի է բացել իրականում աւելին քան մէկը, եթէ սեւացնեմ Հայաստանի սահմանները պաշտպանող այդ կառոյցը:
Ակումբում եթէ հայութեան մասին պիտի գրել. ապա վատ բաներ պէտք է գրել: Անգիր օրէնք է, չէի գիտեր:

Փողոցային ընդիմությու՞ն։ Այդպես էլ չհասկացա, թե ինչ է նշանակում այդ արտահայտությունը։ Ի՞նչ ասել է փողոցային։
Պանդուխտ, իսկ հիշու՞մ եք, թե որտեղից է Ձեր մեջ մտել այդ «տերմինը»։ Իհարկե՛ Հայլուրից (փաստորեն ի՜նչ աստիճանի դյուրին է մարսվում սփյուռքի կողմից Հ1յան շառլատանությունը)։
Հայլուրն այդ արտահայտությունն արեց այն բանից հետո, երբ վերջերս Լևոն–Տեր Պետրոսյանը շուրջ տաս տարի լռությունից հետո մամլո ասուլիսով հանդես եկավ։
Հենց այդպես էլ Հ1–ն ասեց. «Լևոն Տեր–Պետրոսյանը համալրեց փողոցային ընդիմության շարքերը»։
Ախր եկեք գոնե մի քիչ օբյեկտիվ լինենք։ Անկախ նրանից, Լ. Տեր–Պետրոսյանը լա՞վ նախագահ էր, թե դավաճան սրիկա։ Մի՞թե լրագրողների առաջ ելույթ ունենալը նրան փողոցային է դարձնում։ Ի՞նչ կապ ունի մամլո ասուլիսը փողոցայինության հետ։ Մի՞թե նման արտահայտությունները վայել են Հանրային հեռուստատեսության գլխավոր լրատվական ծրագրին։
Փաստորեն, եթե քննադատում ես ներկա իշխանություններին, ուրեմն արդեն փողոցային ես։ Ի՞նչ ասեմ, հետաքրքիր տրամաբանություն է։ Նորից եմ շեշտում, սա ոչ մի կապ չունի նրա հետ, թե ինչպես ենք վերաբերվում Լևոն–Տեր Պետրոսյանի նախկին քաղաքական գործունեությանը։

Ինչ վերաբերում է Ակումբի թեմաներին։
Պանդուխտ քեզ ո՞վ է արգելել Ակումբում լավ բաներ գրել։ Ինքդ դժգոհում ես, թե մարդիկ միայն վատն են տեսնում, ամեն ինչ սև են տեսնում։ Բայց ինքդ այդպես չե՞ս վարվում։ Ակումբի ադմինիստրացիայի ամեն մի գործողություն սև ես ներկայացնում, ամեն ինչում բացասական, վատ բան ես տեսնում։ Անընդհատ փորձում ես վարկաբեկել Ակումբը։ Այն ակումբը, որը քեզ հնարավորություն է տալիս հայերեն շփվել հայրենակիցներիդ հետ, արտահայտել տեսակետներդ և մտորումներդ։ Նույնիսկ չեն ջնջվում այն գրառումներդ, որոնցով անընդհատ ցեխ ես շպրտում ակումբի ու նրա ադմինիստրացիայի վրա։ Պանդուխտ, ու՞ր է կորել օբյեկտիվությունդ։

Իսկ ի՞նչ էր տեղի ունեցել իրականում։ Լավ է գոնե այս անգամ այդ պահին օնլայն էի ու տեսա, թե ինչ էր իրականում եղել։ Ակումբում վաղուցվանից կա «Հայոց Բանակ» անունով թեմա։ Նրանում քննարկումներ են գնում հայոց բանակի, նրա խնդիրների մասին։ Դու բացում ես մի նոր, բայց նույն «Հայոց Բանակ» անունով թեմա, որում ոչ մի կոնկրետ հարցադրում չկա արված, թեմայի առանձին, նախորդից տարբերվող ուղղվածություն չկա։ Ուղղակի բանակի հետ կապված մի քանի պաշտոնական հանդիպումների մասին մեջբերումներ ես արել ՀՀ Պաշտպանության նախարարության լրատվության էջից։ Ադմինիստրացիան բնականաբար գրառումդ տեղափոխում է համապատասխան թեմա, կրկնվող վերնագրով թեման էլ փակում։ Որից հետո բացում ես էլի նույն, ընդհանուր թեման այս անգամ ուղղակի փոքր–ինչ փոխելով թեմայի վերնագիրը՝ կարծեմ «Լուրեր բանակից»։ Բնականաբար այն ևս տեղափոխվում է «Հայոց բանակ» թեմա։ Ուշադրություն դարձնենք, որ գրառումներդ չեն ջնջվել։ Դրանք ընդամենը տեղափոխվել են համապատասխան թեմա։
Ասում ես, թե «փողոցային ընդիմության» մասին 40 թեմա կա ֆորումում։ Ընդիմության մասին ոչ մի թեմա էլ չկա ֆորումում։ Ժամանակին ընդամենը մի թեմա կար «Իմպիչմենթ» անունով, էն էլ բացողը ՀՀԿ–ական էր. բացել էր, որ ձեռ առներ։
Ֆորումում կան մի շարք թեմաներ երկրում գոյություն ունեցող տարբեր բացասական երևույթների մասին։ Երկրի բնակիչները քննարկում են իրենց հուզող, մտահոգող, իրենց ապրելակերպի վրա անմիջական ազդող հարցերը։ Դրա՞նք ես կոչում «փողոցային ընդիմության» մասին թեմաներ։

Հ. Գ.
Պանդուխտ, վերջերս քեզ հաճախ եմ քննադատում, բայց քո անձի դեմ ոչինչ չունեմ։ Ինձ դուր են գալիս քո մի շարք գրառումներ ու տեսակետներ։ Հասկանում եմ նաև այն օբյեկտիվ պատճառներն ու հանգամանքները, որոնք քեզ մի շարք հարցերում մոլորության մեջ են գցում ու, անտեղյակ լինելով, հայտնում ես տեսակետներ, որոնց հետ բոլորովին համաձայն չեմ։ Հասկանում եմ նաև այն անկեղծ ու միամիտ վրդովմունքը, որ առաջանում է մեջդ շատ հարցերի հետ կապված։ Ի՞նչ ասեմ, ցավոք հայաստանյան իրականության հետ շփվելու հնարավորություններդ չափազանց քիչ են։ Քեզ ազնիվ մարդ եմ կարծում ու ափսոսում եմ, որ սփյուռքահային Հայաստանյան իրականությունը հաստ պրիզմայի միջով է հասնում։
Ամեն դեպքում կարծում եմ, որ նաև այսպիսի համատեղ քննարկումներն են(թեկուզ այսքան իրար հակա տրամադրված), որ հայաստանաբնակ հային ու սփյուքահային հնարավորություն են տալիս տեսնել իրականության տարբեր կողմերն ու ազգանպաստ լուծումներ գտնել։
Կարևորը, որ իրար նկատմամբ ատելությամբ չլցվենք…

[Պանդուխտ]

Փողոցային ընդիմությու՞ն։ Այդպես էլ չհասկացա, թե ինչ է նշանակում այդ արտահայտությունը։ Ի՞նչ ասել է փողոցային։

Ներքեւում կասեմ. ի՞նչու այդպէս գրել եմ:

Պանդուխտ, իսկ հիշու՞մ եք, թե որտեղից է Ձեր մեջ մտել այդ «տերմինը»։ Իհարկե՛ Հայլուրից (փաստորեն ի՜նչ աստիճանի դյուրին է մարսվում սփյուռքի կողմից Հ1յան շառլատանությունը)։

Արշա՛կ, գիտես ինչու՞ այդպէս գրել եմ, վասնզի այդ ընդիմութեան խօսնակներն այստեղ անում են ամէն ինչ. Վնասելու նոյինքն այդ ընդիմութեան վարկին:
Չե՞ս տեսնում ազնիւ երիտասարդ (հաւատում եմ ազնւութեանդ), ինչպէս ֆաշիստ եւ ծայրայեղական (ֆունդամենտալիստ) կոչեցին Ցեղասպանութեան ենթարկուած եւ իրաւազրկուած հայ ազգի զաւակներին: Այդ պիտակները կպցնողները աւելի քան մէկ ու կէս տարի թունաւորում են ֆորում մտնող երիտասարդների մտքերը, այն հակահայ քարոզչութեամբ, որին ծանօթ եմ տասնամեակներէ ի վեր:
Քեզ հարց տամ Արշակ. Ինչու՞ չի ընդվզեցար, երբ Ցեղասպանութեան ճանաչման եւ դատապարտման համար աշխատող սփիւռքահայ զանգուածներին ֆաշիտ կոչեցին:
Ո՞վ կարող է այդպէս անուանել հային եթէ ոչ թուրքը: Նոյն խօսնակները, տեւաբար վախեցնում են ֆորումցիներին, ազրքաքիստանի պաշտպանութեան բիւջէի յաւելումով, թէ՝ «պարտութիւնը անխուսափելի, օր առաջ պէտք է յանձնուինք» եւ նման ճամարտակութեամբ սարսափեցնում են հայ երիտասարդներին:
Մի հարց եւս. Չի՞ կարող այդ բիւջէից մի քանի միլիոն տրամադրուած լինի այս խօսնակներին. տարածելու համար թուքը թուրքի:
«Եթէ քեզ տան մի միլիոն $. կը հեռանա՞ս Հայաստանից» եւ նման թեմաներ պէտք չէ տեղ գտնեն այստեղ, չնայած ինքս պեմ կարդացել այդ շարանը տակաւին: Նկատում եմ ամէն ինչ արւում է. հայ մարդու մէջքը տկարացնելու համար:

Պանդուխտ, իսկ հիշու՞մ եք, թե որտեղից է Ձեր մեջ մտել այդ «տերմինը»։ Իհարկե՛ Հայլուրից (փաստորեն ի՜նչ աստիճանի դյուրին է մարսվում սփյուռքի կողմից Հ1յան շառլատանությունը)։
Հայլուրն այդ արտահայտությունն արեց այն բանից հետո, երբ վերջերս Լևոն–Տեր Պետրոսյանը շուրջ տաս տարի լռությունից հետո մամլո ասուլիսով հանդես եկավ։

Այն ինչ գրում եմ, սեփական համոզումս է: Լրատւութիւնս միայն հայլուրից չէ:
Նոյն այդ խօսնակները շահագործում են ժողովուրդի արդար, իրաւացի ընդվզումը. Իշխանութեան (կամ կառավարութեան) ապիկարութիւնից եւ սխալ վարչութիւնից. Ներարկելու համար գաղափարներ, որոնք աղերս չունին իշխանութիւն-ընդիմութիւն պայքարի հետ, այլ Հայաստան պետութիւնը եւ Հայ ժողովուրդը, որպէս գոյութիւն մէջտեղից վերացնելու ռազմավարութիւնն են հետապնդում:
Այդ հայագիր թուրքխօսնակները. պատճառում են համակրանք, հանդէպ իշխող վարչակարգին, քանզի նրանք շա՜տ աւելի վտանգաւոր են, քան փտածութիւնը (կոռուպցիա) կառավարութեան:
Արշա՛կ, արժանաւոր մարդու թոռ, մոռանու՞մ ես, որ Հայաստանը պատերազմական իրավիճակի մէջ է գտնւում, իսկ թշնամիները կռւում են ոչ միայն կրակով, այլ նաեւ խօսքով (պրոպագանդ):
Վկայեմ Աստուածաշունչի խօսքը. «Մեղքը ոչ միայն գործելով է լինում, այլեւ մտածումով եւ խօսքով»: Այսինքն՝ եթէ մեղաւոր գաղափարներ ունես եւ բաժնեկցում ես ուրիշի հետ, դա կը լինի մեղաւոր գործի սկիզբը: Իսկ մեղաւոր խօսքը, սիրելի Արշակ, պետութիւն քանդելու մասին է, հարեւանի կնկան աչք դնելու մասին չէ, խնդրե՛մ. բացէք աչքերնիդ այլեւս:

Ախր եկեք գոնե մի քիչ օբյեկտիվ լինենք։ Անկախ նրանից, Լ. Տեր–Պետրոսյանը լա՞վ նախագահ էր, թե դավաճան սրիկա։

Նախկին Նախագահի մասին ասելիքս ասացի արդէն: Պիտի շեշտեմ նրանց խօսնակների տարածած վիրուսների մասին:
1-Արցախ.- «Արցախը Հայաստան չէ, յետեւաբար պէտք է ազրքաքիստանը պէտք է տնօրինի նրա կեանքը» (Արցախի Նախիջեւանացում)-Խնդրեմ, կարդացէ՛ք Դվգրայ-Արտգէո երկւորեակի եւ նրանց կրկնօրինակների տեսակէտները Արցախի վերաբերեալ թեմաներում:
2-Բանակ.-«բանակի թուաքանակը պիտի պակասի, հասնելով միայն վարձկաններով համալրուածներին»: Իսկ դուք գիտէ՞ք վարձկանը ոնց է ծառայում իր հայրենիքին: Վարձկանների մեծ մասը ծառայում է. բարձր աշխատավարձի եւ արկածախնդրութեան սիրոյն:
3-Հայաստան.-«Հայաստանը պիտի զրկուի Ռուսաստանի պաշտպանութիւնից. Հեռացնելով ռուս բանակը Հայաստանի ցամաքային եւ օդային սահմանների պաշտպանումից»: Փոխարէնը ի՞նչ են առաջարկում՝ յայտնի չէ. կարեւորը Հայաստանի խոցելիութիւնն է նրանց համար:
4-Սփիւռք.-«Սփիւռքահայը պիտի հրաժարի Ցեղասպանութեան յիշատակումից»: Սա խրախուսանք է ազգի հատուածների աւելիով տարնջատման. մի երազ, որին ձգտում է հասնել թուրքիան:
5-Հայութիւն.«Հայը էս ա, էն ա, Հայաստանը սենց է ու նենց է»: Միշտ հայհոյանք, անարգանք, թերաժեւորում, արգահատում, նուաստացում Հայաստանին ու Հայ ժողովուրդի հանդէպ: Խնդրեմ կարդացէք այդ հայագիր թուրքխօսնակների գրառումներ...մի մի թեմա բացե՞լ են, որտեղ գովասանք լինի Հայկական արժէքին: Մի թեմա բացե՞լ են, որտեղ ներկայացնեն Հայաստանի նուաճումները:

Կան եւ այլ նիւթեր, սակայն խնայում եմ ինձ ու ձեզ առայժմ:
Արշակ, երբ իրանց նպատակին հասնեն, այնժամ վայրէջքը կը սկսի եւ Հայստանի, որպէս պետութեան, իսկ Հայ ժողովուրդի, որպէս ազգութեան վերջի սկզզբը կը լինի:
Շարունակելի...

[Պանդուխտ]

Տեսնու՞մ ես Արշակ ներքեւի մէջբերումը, որ Դվգրայ-Արտգէո երկւորեակի (գուցէ նոյն անձերն են) հայագիր թուրքախօսութեան յաղթանակն է: Կասկածիմ թէ երբէք «աթէիստ»ը եւ իր նմանները համարձակէին նման հայհոյանք արձակէին, եթէ Արտգէոյի հակահայ ներկայութեան թունաւոր սրսկումները չլինէին այստեղ:

ِԱթէիստից մէջբերում.Բոլոր իմ խոսքերը քննադատողներին (մասնավորապես Մարդուկ, Պանտուխտ)
Հայտարարում եմ
Ես չեմ պատրաստվում Ղարաբաղը ճանաչել որպես Հայաստանի մաս, քանի դեռ ինքը Ղարաբաղը դա չի ճանաչել (գոնե հոգու խորքում): Դուք չեք, որ պետք է որոշեք մարդու Հայ լինել կամ չլինելը:
Կրկնում եմ, Ես լսել եմ բազմաթիվ պատմություններ Ղարաբաղում ծառայած զինվորներից, Հայերի (կրկնում եմ Հայերի, ոչ թե Հայաստանցիների) նկատմամբ Ղարաբաղցիների վերաբերմունքի մասին, և դա ինձ հիմքեր է տալիս նրանց համարել բոլորովին այլ ԱԶԳ

Իսկ այստեղ Հայութեան ազնուամաքուր դուստրը չի դիմանում այսքան ստորութեան. ընդվզելով կանչում է.

Ասպարայից մէջբերում.Հ.Գ. Կներեք թեմայից դուրս գրառում անելու համար
Ժողովուրդ կարդում եմ, աչքերիս չհավատալով, ինչ ղարաբաղցի ինչ հայաստանցի, հայ ու վսո, կամ ով ասեց, որ ղարաբաղի բնակիչները այդպիսի տարբերություն են դնում, ախր բազմիցս եղել եմ այնտեղ, ճիշտ է չեմ ծառայել, բայց շփվել եմ, նորմալ մարդիք են նորմալ հայեր:
Ի դեպ երևի մեր պապերը էշ էին, որ գնացին պայքարեցին, կռվեցին, զոհվեցին, որ այսօր իրենց զավակները ասեն, "ես Ղարաբաղը Հայաստանի մաս չեմ համարի մինչև…", էս փոքր տեղը ռասիզմով եք տառապում, եղաչ չեղածներս ինչա մեկ էլ սկսել եք առանձնացնել ըստ մարզերի, մնումա թաղամասերով առանձնացնեք ու հանձնաժողով դնեք, որ որոշի ովա հայ ով չէ

Իսկ սա Մարդուկից.-

Այստեղ մարդիկ ազատորեն հայտարարում են թե բոլոր անխտիր բոլոր Ղարաբաղցիները իրենց հայ չեն զգում ու իրենց Հայաստան չեն համարում, և չգիտես ինչու մոդերատորական կազմը հանգիստ է նայում այդպիսի բացահայտ թշնամանքի հրահրման դեպքերին մի ամբողջ հասարակության հանդեպ:

Այո Մարդուկ, հրեաները հանգիստ թողունք այժմ երբ հայն է անարգւում: Ձայնակցելով Մարդուկին կոչով դիմում եմ լսարանին եւ ղեկավարներին.-
Խնդրեմ սիրելիներ, բացատրեցէք մեզ, ո՞րտեղ են գտնւում մենք, միթէ սա հայկական ֆորում է, թէ՞ գտնւում ենք թշնամու գօտում...որպէսզի կարենանք ըստ այնմ վարուել զրուցակիցների հետ:

[Պանդուխտ]

Հիշողությունը կորցրած ազգը դատապարտված է կործանման: ԲԱՐԻ ՃԱՆԱՊԱՐՀ, ՀԱ՛Յ:

Վերեւի մէջբերումը Մելիքի ստորագրութիւնն է:
«Մելիք» նշանակում է՝ Թագաւոր...յիրաւի Մելիք, կեցցէ Թագաւորը:
***
Մելիքի խօսքերից,

Դիմացիններիդ հիմարի տեղ մի՛ դիր

Որ տեղ է գտել այստեղ.-« Հոկտեմբերի 26-ին Ազատության հրապարակում» անունով թեմայում
***

Պետրոսի խօսքերից.-

Ես չեմ ասում ,թե այսօրվա իշխանությունները խթանում են երկրի զարգացմանը ,բայց չեն թալանում սոված գելերի պես,այլ կուշտ շների նման

Այո Պետրոս, ցաւով այս ոճով պիտի գրենք, որպէսզի չհասկացող ձեւացնողը հասկանայ, ի վերջոյ զրուցակիցի լեզուն պիտի գործածել չէ՞, թէ չէ այլ լեզուով չեն հասկանում:

Մարդուկի խօսքերից.-

Ի դեպ հայկական պետությունների մեծ մասի անկումը տեղի է ունեցել հենց ներքին դեստռուկտիվ պռոցեսնների արդյունքում: Այնպես որ պատմությունը սկսում է կրկնվել: Որպեսզի չկրկնվի, ազգի առողջ մնացած մասը ու բանականությամբ շարժվող մասը պետք է սթափվի ու ավելի ակտիվ դառնա:

[Արշակ]

Տեսնու՞մ ես Արշակ ներքեւի մէջբերումը, որ Դվգրայ-Արտգէո երկւորեակի (գուցէ նոյն անձերն են) հայագիր թուրքախօսութեան յաղթանակն է: Կասկածիմ թէ երբէք «աթէիստ»ը եւ իր նմանները համարձակէին նման հայհոյանք արձակէին, եթէ Արտգէոյի հակահայ ներկայութեան թունաւոր սրսկումները չլինէին այստեղ:

Պանդուխտ, նախ մարդուն չի կարելի մեղադրել ուրիշի ասած խոսքերի համար։ Տրամաբանական չէ։ Ո՛չ Artgeo-ից, ու ո՛չ էլ dvgray–ից նման խոսք երբևէ չեմ կարդացել։
Իսկ այն, որ նրանք քո տեսակետներից տարբեր տեսակետներ ունեն(թեկուզ դրանք խիստ սխալ տեսակետներ համարես), քեզ հիմք ու բարոյական իրավունք չի տալիս նրանց թուրք անվանել։ Քեզ ոչ ոք թուրք կամ հակահայ չի անվանել, չնայած հաճախ քո տեսակետների հետ բոլորովին համաձայն չեն լինում։ Դուրդ կգա՞ր, եթե նրանք էլ քո պես վարվեին։
Եթե վստահ ես տեսակետներիդ իրավացիության մեջ, ապա կարողացիր դրանք հիմնավորել։ Ֆորումի յուրաքանչյուր ընթերցող էլ գլուխ ունի ու կարող է տեսակետները համադրել ու առավել հիմնավորվածները իր համար որպես ճշմարտություն ընդունել։
Իսկ իրար անպատվելով, թուրք անվանելով ոչ մի լավ բանի չենք հասնի։ Ուրեմն ձգտենք ավելի բարեկիրթ բանավեճեր անցկացնել։

[Պանդուխտ]

Արշակի ասքից՝

Քաղաքական վեճերում հանդուրժողականություն ես ուզում, միմյանց դատելու դեմ էս բողոքում, բայց ինքդ անհանդուրժող ես այլոց քաղաքական տեսակետներին։ Դրանք քեզ համար վիրավորական են հնչում։ Բայց նույն հաջողությամբ մյուսները կարող են վիրավորվել քո տեսակետներից։ Ինչու՞ ես քո տեսակետը միակ ճշմարիտ դիտարկում ու այդ դիրքերից դատում մյուսներին։

Այլոց քաղաքական տեսակէտները եթէ բխում են հայկական աղբիւրից, հանդուրժող կը լինեմ:
Արշակի ասքից՝

Ու ի վերջո հասկանանք մի բան։ Ակումբի ղեկավարը ևս անձնական տեսակետ ունենալու իրավունք ունի։ Ու նա իր տեսակետը երբևէ չի տարածում ամբողջ ակումբի վրա։ Դու՛ք էլ մի տարածեք։ Ակումբը ե՛ս եմ, դո՛ւ ես, մյուս բոլորն են միասին։ Պետք չէ ակումբին պիտակներ կպցնել։ Ակումբը քաղաքական դիրքորոշում չունի։

Երբ ամէն օր հայութիւնը, պետութիւնը, պետական կառոյցները սեւացնող գրառումներով ռմբակոծում են. կասկածելու իրաւունք գտնում եմ մէջս (ոչ մի հայանպաստ հայաստանանպաստ թեմա գրառում չկան):
Արշակի ասքից՝

Եթե մեզ այստեղ է բերել հայ ժողովրդի համար մտահոգությունը, ապա ձգտենք հարգել միմյանց ու առանց իրար վիրավորելու ու միմյանցից նեղանալու քննարկումներ տանել։ Այ սա իսկապես օգտակար միասնություն կլինի

Կարծեմ այսօր «աթէիստ» կոչւուածից նեղացար: Արշա՛կ, կեղծ յարգանք, քաղաքավարութիւն, էթիկա պէտք չէ. սեւին՝ սեւ, սպիտակին՝ սպիտակ, մոխրագոյնին՝ մոխրագոյն ասելը անկեղծութիւն է, յետեւաբար գեղեցկութիւն: Կարո՞ղ ես սիրել, յարգել՝ երկերեսանի (կեղծաւոր) անձին:

Արշակի ասքից՝

Ինքս երբևէ ո՛չ ներկա, ո՛չ էլ նախկին իշխանությունների երկրպագու չեմ եղել ու չեմ։

Նմանապէս ես:
Արշակի ստորագիրը՝

Ինչու՞ խոսել չգիտեմ

Խօսելիս վարուիր այնպէս որ գրում ես: Լաւ գրող ես, ենթադրում եմ՝ լաւ խօսող էլ կը լինես (եթէ արդէն չես):

Արտգէոից՝
[quote]Ես համաձայն չեմ քո տեսանկյան հետ, բայց վստահեցնում եմ, որ հնարավորինս կպաշտպանեմ քո այն արտահայտելու իրավունքը:
Երեկ դրժեցիր խոստումդ (վստահեցումդ):

Արտգէոից՝

Բարի ժամանց

Չէ՜...սա ժամանց չէ ինձ համար, այլ իսկական տառապանք. անելու շա՜տ ուրիշ եւ հաճելի գործք ունեմ:
***
Արշակի ասքից՝

Իսկ ի՞նչ էր տեղի ունեցել իրականում։ Լավ է գոնե այս անգամ այդ պահին օնլայն էի ու տեսա, թե ինչ էր իրականում եղել։ Ակումբում վաղուցվանից կա «Հայոց Բանակ» անունով թեմա։ Նրանում քննարկումներ են գնում հայոց բանակի, նրա խնդիրների մասին։ Դու բացում ես մի նոր, բայց նույն «Հայոց Բանակ» անունով թեմա, որում ոչ մի կոնկրետ հարցադրում չկա արված, թեմայի առանձին, նախորդից տարբերվող ուղղվածություն չկա։ Ուղղակի բանակի հետ կապված մի քանի պաշտոնական հանդիպումների մասին մեջբերումներ ես արել ՀՀ Պաշտպանության նախարարության լրատվության էջից։ Ադմինիստրացիան բնականաբար գրառումդ տեղափոխում է համապատասխան թեմա, կրկնվող վերնագրով թեման էլ փակում

Սխալել էի (ի՜նչ մեծ սխալ) նոյնանում թեմա բացելով, սակայն բովանդակութիւնը լրիւ տարբեր էր լինելու, բացեցի նոր անունով թեմա. դարձեալ ոչնչանալով տեղաւորուեց այնտեղ: Պիտի գրել ճշմարտութեան մասին, երբէք չեմ ասում՝ չգրել, սակայն իմ ստեղծած թեման ուրիշ պիտի լիներ. Բանակի ռազմական եւ արտաքին յարաբերութեան թեմաներն էին շօշափելու: Բարոն Արտը յուզուեց այդ հեռանկարից. Չէ՞ որ փայլուն պատկեր կարող էր ստանալ, այն ինչ ինքը ուզում է մրոտել:
Մինչ ես, ոչ փայլեցնում եմ մրոտածը, ոչ է նպատակ ունեմ այդպիսի գործ անելու, պարզապէս ճշմարտութիւնը իր ամբողջութեամբ եմ ուզում ներկայացնել նրանց, որոնց քաղաքական լրատւութիւնը գոյանում է սոսկ ակումբ.ամ ընթերցելով:

Արշակի ասքից՝

Ասում ես, թե «փողոցային ընդիմության» մասին 40 թեմա կա ֆորումում։ Ընդիմության մասին ոչ մի թեմա էլ չկա ֆորումում։ Ժամանակին ընդամենը մի թեմա կար «Իմպիչմենթ» անունով, էն էլ բացողը ՀՀԿ–ական էր. բացել էր, որ ձեռ առներ։

Դէ ի հարկ է 40ը պատկերաւոր թիւ է, ասել ուզում էի. ամէն դէպք առանձին թեմայի է արժանանում եւ զարգանում է իր մէջ պարունակող գրգռիչ խօսքերի պատճառով (ինքս նպաստում եմ Արտգէոյի թեմաների թեժացմանը, ցաւօք): Խոնարհաբար ասեմ՝ մի դէպք չէ, տասնեակաւոր կարեւոր դէպքեր պիտի ներկայացնէի «լուրեր բանակից» թեմայով, սակայն արգելուեց առանձին թեմայով մատուցումը:

Արշակի խօսքից՝

Ֆորումում կան մի շարք թեմաներ երկրում գոյություն ունեցող տարբեր բացասական երևույթների մասին։ Երկրի բնակիչները քննարկում են իրենց հուզող, մտահոգող, իրենց ապրելակերպի վրա անմիջական ազդող հարցերը։ Դրա՞նք ես կոչում «փողոցային ընդիմության» մասին թեմաներ։

Արշա՛կ, կարո՞ղ ես ասել. ընդիմութիւնը գտնւում է իր բարձրութեան վրայ: Երեւի վիրաւորեց քեզ «փողոցային ընդիմության» արտայայտութիւնս, իսկ ինձ, որպէս հայի չափազանց վիրաւորում է՝ ակումբում գտնւող որոշ խօսնակների հայատեաց (իմ կարծիքով) գրութիւնները:

Արշակից՝

Կարևորը, որ իրար նկատմամբ ատելությամբ չլցվենք

Արեւմտահայերէն գրեմ՝ Ես երբէք չեմ ատեր հայ մը, որ Արցախը Հայաստան, իսկ Հայաստանը Տարօն կը համարէ. ան իմ բնական դաշնակիցն է: Հայաստանը՝ մի է, հայութիւնը՝ եւս:

[Պանդուխտ]

«Քաղաքական ձերբակալութիւններ» թեմայի
Artgeoածին գրառում՝

Բոլորին խնդրում եմ ու կոչ անում նայել Հ1-ը: Երեկվա ասածս բառերի ճշմարտության մեջ համոզվելու համար
Հենց հիմա եթերում Հայլուրն է Տաթևիկ Բաղդասարյանի հետ։ Խնդրում եմ նաև ուշադրություն դարձնել դեմքի արտահայտությանը այդ միջադեպի մասին խոսելիս։
Մեջբերում:
Artgeo-ի խոսքերից
Դիտե՛ք վաղը Հ1-ի եթերում զարմացած ու վրդովված Տաթևիկ Բաղդասարյանի դեմքը, որը կպատմի, թե ինչ դաժանությամբ են ծեծել լրագրողները ոստիկաններին, գլխով բազմաթիվ անգամ հարվածելով նրանց ձեռքերին ու ոտքերին։

Ըստ Արգէո անդամի, Հ1 հեռուստակայանի խօսնակ Տաթեւիկ Բաղդասարեանի դէմքի արտայայտութիւնը պիտի բացայայտի ողջ ճշմարտութիւնը:
Իսկ եթէ ասենք (կը ներես Տաթեւիկ) խօսնակը. մի օր առաջ մրսել է...???

Արշակից մէջբերում՝

Պանդուխտ, նախ մարդուն չի կարելի մեղադրել ուրիշի ասած խոսքերի համար։ Տրամաբանական չէ։ Ո՛չ Artgeo-ից, ու ո՛չ էլ dvgray–ից նման խոսք երբևէ չեմ կարդացել։

Իսկ ես նկատել եմ վարպետօրէն ներկայացուած հակահայ «թեմա»ների ռմբակոծում, որոնք պարարտ հող ստեղծելով. նախատրամադրում են նմանօրինակ արտայայտումները: Խնդրեմ վերստին կարդա՛ նրանց գրածները. ակումբում իրանց գոյութեան ողջ տեւողութեան ընթացքին:

Արշակից խօսք՝

Իսկ այն, որ նրանք քո տեսակետներից տարբեր տեսակետներ ունեն(թեկուզ դրանք խիստ սխալ տեսակետներ համարես), քեզ հիմք ու բարոյական իրավունք չի տալիս նրանց թուրք անվանել։ Քեզ ոչ ոք թուրք կամ հակահայ չի անվանել, չնայած հաճախ քո տեսակետների հետ բոլորովին համաձայն չեն լինում։ Դուրդ կգա՞ր, եթե նրանք էլ քո պես վարվեին

Հայագիր թուրքախօս անուանել եմ: Ճշմարտութիւնից չեմ նեղանում, այլ փնտրում:

Արշակից մէջբերում՝

Եթե վստահ ես տեսակետներիդ իրավացիության մեջ, ապա կարողացիր դրանք հիմնավորել։ Ֆորումի յուրաքանչյուր ընթերցող էլ գլուխ ունի ու կարող է տեսակետները համադրել ու առավել հիմնավորվածները իր համար որպես ճշմարտություն ընդունել։

Հիմնաւորումը www.akumb.am կայքում ընդիմախօսներիս (եւ իմ) գրառումներ են, եթէ չջնջուեն, ամէն ոք կկարդա եւ լաւ կը ճանաչի հեղինակներին. արդէն զգում եմ յստակ փոփոխութիւն. ակմբակիցներիս գրառումներում:

Արշակից մէջբերում՝

Իսկ իրար անպատվելով, թուրք անվանելով ոչ մի լավ բանի չենք հասնի։ Ուրեմն ձգտենք ավելի բարեկիրթ բանավեճեր անցկացնել։

Պիտի անպատուեմ, այնքան ժամանակ որ ազգութիւնս ու հայրենիքս անպատւում են: Թէ պահուածքիցս չէք ախորժում. անյապաղ վտարէք ինձ:

[Artgeo]

Այստեղ Արտգէոն անհանգստանում է, քանզի ակմբակիցներս սկսեցին հայրենասիրական հայասիրական տրամադրութիւն արձանագրել, մինչ երբ որոշ արգէոիկներ. Համարձակում էին ասել. «Արցախը Հայաստան չէ, արցախցին հայ չէ», նոյն Արտգէոի մատը ստեղնաշարին չդիպաւ՝ զրուցողների թեմայից շեղուելու վերաբերեալ:
Մէկ էլ մեծահոգաբար չի մոռանում զմայլ-ժպտիկ-յոյզիկ տեղադրել, որին չեմ հաւատում:
Ուրախալին միայն այն է, որ բարոն Արտգէոն ազդւում է բառապաշարիցս. գործ ածելով հայ «շարան» բառը, փոխան «թեմա» բառի:

Artgeo-ն երբեք չի ասել «Արցախը Հայաստան չէ, արցախցին հայ չէ»,

Մեկ էլ չգիտեի, որ հայ լինել կամ չլինելու մասին խոսքակռիվը «հայասիրական տրամադրության» արձանագրում է:

Պանդուխտ, ես կարող եմ բազմաթիվ օրինակներ բերել, որտեղ դու ինքդ քեզ ես հակասում հենց քո խոսքում: Ես կարող եմ բազմաթիվ օրինակ բերել, որտեղ դու մի քանի հոգու ու հատկապես իմ հասցեին անձնական վիրավորանքներ ես գրում բերելով կատարյալ սուտ ու խեղաթյուրված փաստեր: Ես կարող եմ բազմաթիվ օրինակներ բերել, որտեղ դու խախտում ես Ակումբի կանոնադրությունը: Թեկուզ հենց այս թեման, որը կարծես բլոգ լինի, որտեղ գրում ես վերևում նշվածը:

Չնայած Ակումբի կանոնադրության բազմաթիվ խախտումներին, ամեն կերպ Ակումբն ու Ակումբի անդմինիստրացիային վարկաբեկելու փորձերիդ, բազմաթից վիրավորանքներիդ դու դեռ ֆորումի անդամ ես, ինչը ավելորդ անգամ ապացուցում է Ակումբի ադմինիստրացիայի ցանկությունը Ակումբում առողջ ու նորմալ մթնոլորտ ստեղծել ազատ ու անկաշկանք քննարկումների համար: Բազմաթիվ անգամ ապացուցված է (հենց թեկուզ քո օրինակով), որ ադմինիստրացիան անում է հնարավորինը, բոլորի համար հավասար պայման ստեղծելու համար: Որևէ մեկը մինչ այժմ չի հեռացվել որևէ հարցի շուրջ սեփական կարծիք ունենալու և այն արտահայտելու համար: Չի հեռացվի և հետագայում:

Նման տոնով ու վերաբերմունքով շարունակելու դեպքում դու կհեռացվես ֆորումից: Սա սպառնալիք չէ, այլ զգուշացում: Վերջին զգուշացում: