Կան մեղմ մարդիկ, որոնց մեղմությունը պայմանավորված է ոչ բավարար համարձակությամբ և ուժով: Մարդիկ, որոնց մեղմությունը պայմանավորված է համարձակության բացակայությամբ, շատ են տանջվում և երբեմն էլ պոռթկում: Բայց մարդկանց մեջ առկա է նաև այլ տեսակ մեղմություն: Մեղմություն, որն արդյունք է հասունության, մեծահոգության և իր ներքին ԵՍ-ի իմացության:
Մարդկանց մեջ կա դաժանության 2 տեսակ՝ ագրեսիվություն և համառություն: Ոմանք ագրեսիվ, դաժան են թուլությունից ու վախից, մյուսների դաժանությունն ու համառությունը պայմանավորված է հոգատարությամբ, սիրով ու կարեկցանքով: Այդ պատճառով նայեք ձեր մեջ և գիտակցեք, թե մեղմության ու դաժանության որ տեսակն է ձեզ հատուկ:
Ագրեսիան ու համառությունը մթագնում են ինտուիցիան, հաճախ նրբազգաց մարդիկ, որպեսզի խուսափեն ցավից, հակվում են ագրեսիայի և արդյունքում կորցնում ինտուիտիվ նուրբ տեսողությունը: Նուրբ ինտուիցիան նրբազգացություն է պահանջում, որը հաճախ ցավոտ է: Որպեսզի խուսափի ցավից, մարդն ագրեսիվ ու համառ է դառնում և անմիջապես կորցնում է ինտուիցիոն ունակությունները:
Ինտուիցիան մոտ է ճշմարտությանը: Հաճախ ագրեսիան ու համառությունը ծաղկում են ճշմարտացիության գաղափարի վրա, ագրեսիվ մարդիք համոզված են իրենց ճշմարտացիության մեջ: Ճշմարտացի լինելու համար պետք չէ ագրեսիվ և համառ լինել:
Սովորաբար դուք ավելի հաճախ զայրանում եք, քան ժպտում: Տգիտության մեջ զայրույթն էժան է, իսկ ժպիտը՝ թանկ: Իմաստության մեջ ժպիտը ձրի է, ինչպես արևը, օդը և ջուրը, իսկ զայրույթը շատ թանկ ադամանդի պես:
Էջանիշներ