Աջլի՞կ եք, թե՞ ձախլիկ

[քաղաքացի]

Կուզենայի իմանալ, թե ֆորումի քանի տոկոսն է աջլիկ և քանիսը` ձախլիկ;
Ես ձախլիկ եմ;

[Ուլուանա]

Ես, ճիշտն ասած, դժվարանում եմ պատասխանել այս հարցին։ Հիմա կբացատրեմ, գուցե դուք ինձ ասեք՝ ես աջլիկ եմ, թե ձախլիկ։

Երևի ի ծնե ձախլիկ եմ եղել, որովհետև մայրս ասում է, որ մոտ 2 տարեկան հասակում, երբ մատիտը ձեռքիս անկապ խզբզում էի թղթի վրա, միշտ ձախով էի դա անում, իսկ պապիկս հատուկ մատիտը տեղափորխում էր աջ ձեռքս, որ սովորեմ ամեն ինչ աջով անել։ Դե, այն ժամանակները ձախլիկությանը մի քիչ ուրիշ ձևով էին նայում, հետագայում կարող էր բարդությունների պատճառ դառնալ, որովհետև այն ժամանակ դպրոցներում թույլ չէին տալիս ձախով գրել ձախլիկ երեխաներին ստիպում էին, որ պարտադիր աջով գրեն, դե, պատկերացրեք, թե խեղճ երեխաների համար դա ինչ մեծ դժվարություն էր։ Իհարկե, սխալ էր, բայց այդպես էր։ Մի խոսքով, ինձ, այսպես ասած, դեռ վաղ մանկուց զոռով, արհեստականորեն դարձրել են աջլիկ։ Ես էլ այդպես աջլիկ մեծացել եմ, դե, դպրոցում միշտ էլ աջով եմ գրել, ամեն ինչ նորմալ է եղել այդ առումով, դժվարություններ չեմ ունեցել ու ինձ աջլիկ եմ համարել։

Բայց բարձր դասարաններում ուղղակի հետաքրքրության համար, ինչ-որ տեղ նաև ապահովության համար որոշեցի ձախ ձեռքս էլ զարգացնել։ Հիշում եմ, հատուկ ձախ ձեռքի տետր էի պահում, միշտ ինքս ինձ հանձնարարություններ էի տալիս, ասենք, որ այսօր պետք է այսքան տող ձախով գրեմ, ու գրում էի։ Դե, սկզբից շատ դժվար էր, որովհետև ես արդեն լրիվ աջլիկ էի, հետո քիչ-քիչ սովորեցի, չեմ ասում, թե աջին հավասար գրում էի, բայց ահագին առաջադիմել էի, նաև նկարում էի ձախով։ Բայց դե որ որոշ ժամանակ չէի օգտագործում ձախ ձեռքս, արդեն հետ էի վարժվում, ինչպես, օրինակ, հիմա։

Բացի դրանից, ինչ-որ պահ եկավ, երբ զգացի, որ շատ գործեր կան, որ ես միշտ ձախով եմ արել, բայց ուշադրություն չեմ դարձրել դրա վրա, նույնիսկ չեմ նկատել։ Ու հատուկ, հետաքրքրության համար փորձեցի այդ նույն բաները աջով անել, որովհետև սկզբում կարծում էի, թե նույն ձևով կստացվի աջով, բայց սխալվում էի, աջով շատ ավելի դժվար էր։ Հետո, երբ արդե հատուկ ուշադրություն դարձրեցի, թե ինչն եմ աջով անում, ինչը՝ ձախով, նկատեցի, որ գրելը չհաշված, մնացած բոլոր հարցերում հիմնականում ձեռքերի նուրբ աշխատանք, հմտություն պահանջող մանր-մունր գործերը ձախով եմ անում, իսկ, օրինակ, ֆիզիկական ուժ պահանջող գործերը միմիայն աջով եմ անում, որովհետև ձախս այդ առումով զգալիորեն զիջում է աջին։

Դե հիմա, այսքանից հետո ինձ ասեք՝ ես աջլիկ եմ, թե ձախլիկ։

[Riddle]

Ես զտարյուն աջլիկ եմ:

Uluana, ճիշտ իմ հարազատներից մեկի պատմությունն էր: Կարծում եմ, որ դու էլ, ինքն էլ իսկական ձախլիկ եք՝ արհեստականորեն աջլիկ սարքած:

[քաղաքացի]

Դժվար է ասել Uluana-ի պարագան։
Ես ձախլիկ եմ համարվում, բայց քո ասածներից հետո չեմ կարողանում կողմնորոշվել։ Գրելը, դե ձախով եմ գրում, ուտելը՝ ձախով, իսկ կարծես թե մնացածը՝ աջով, նույնիսկ մկնիկը ղեկավարում եմ աջով։ Բայց ինձ ասում են ձախլիկ։
Եթե դու գրիչը վերցնես ու սկսես գրել, ձախով գրես՝ դիմացինդ կասի ՙձախլիկ ես՚, աջով գրես՝ ՙաջլիկ ես՚։ Համենայնդեպս ինձ թվում է, որ դու ավելի շատ աջլիկ ես, քան ձախլիկ։

Հ.Գ. Այս հարցի պատասխանը կարող է շատ հանգիստ պարզվի բժշկական՝ հոգեբանական, միջոցներով։ Բյուրա՜կն, գրքերդ բաց արա

[Arisol]

աջլիկ եմ

[Delicada]

Ես ձախլիկ եմ: Ամեն ինչ ձախով եմ անում բացի գրելուց: Ետ արդեն աջով: Դե իկարկե հասկանալի է թե որտեղ են փոխել… դպրոցում:

[StrangeLittleGirl]

Ես ամեն ինչ ձախով եմ անում, բացի գրելուց: Կարծում էի, թե աջլիկ եմ, բայց այսօր նյարդաբանության դասախոսս ստուգեց և ասաց, որ ձախլիկ եմ:
Դպրոցում միանգամից աջով եմ սկսել գրել, բարդություններ չեմ ունեցել, բայց կարծեմ հինգերորդ դասարան էի, երբ գրատախտակին աջով գրելուց հոգնեցի, սկսեցի ձախով գրել: Ուսուցչուհին սկզբում չէր նկատել, որովհետև թեկուզ ձեռագիրս մի քիչ փոխվել էր, բայց չէր այլանդակվել: Իսկ երբ տեսավ, որ ձախով եմ գրում, զայրացավ, ծնող կանչեց: Դրանից հետո չեմ փորձել ձախով գրել:

[Firegirl777]

Ի դեպ դա շատ սխալ է, հեցն այդ պատճառով շատերը աջլիկ են, ես էլ եմ շատ գործեր ձախով անում, բայց գրելուց աջով գրում չնայած երբեմն ձախով գրում եմ, և բավականին լավ ստացվում է, բայց դե սովորության համաձայն աջը մնում է հիմնական

[kiki]

աջլիկ եմ :
ոչինչ ձախով լավ անել չեմ կարողանում : բայց ուժային գործերը բնականաբար երկու ձեռքով միասին ...

[Ուլուանա]

Ընդհանրապես լսել եմ, որ ի ծնե ձախլիկներն ավելի շատ են, քան աջլիկները, ուղղակի ձախլիկներին հիմնականում հենց էն գլխից «ճիշտ» ուղու վրա են դնում, դրա համար էլ արհեստականորեն ստացվում է, որ աջլիկներն են շատ։ Ի դեպ, ես նկատել եմ, որ արտասահմանում ձախլիկներն ավելի շատ են, երևի որովհետև այնտեղ նրանց զոռով աջլիկ չեն դարձնում։

[StrangeLittleGirl]

Սխալ են ասել: Աջլիկները չորս անգամ ավելի շատ են: Դա պայմանավորված է ժառանգականությամբ:

[Արշակ]

Սխալ են ասել: Աջլիկները չորս անգամ ավելի շատ են: Դա պայմանավորված է ժառանգականությամբ:

Ժառանգականությունը ստեղ ի՞նչ կապ ունի։

Ի դեպ, ես ի ծնե ձախլիկ-աջլիկ լինելը որոշող մի տեստ գիտեմ, բայց դժվարանում եմ բառերով նկարագրել այն։ Պիտի ցույց տամ։

Ըստ այդ տեստի ես էլ եմ ձախլիկ։ Չնայած ես էլ եմ մոտավորապես Անահիտի նկարագրած վիճակի։

[StrangeLittleGirl]

Բացատրեմ, կհասկանա՞ս:
Աջլիկությունը ժառանգվում է աուտոսոմ դոմինանտ գենով:

[քաղաքացի]

Բյուրակն: Իսկ ձախլիկությու՞նը

[Արշակ]

Աջլիկները չորս անգամ ավելի շատ են:

Ենթադրում եմ, որ ոչ թե չորս այլ երեք անգամ շատ էիր ուզում ասել։ Այսինքն՝ որ ձախլիկները կազմում են մարդկանց 1/4-ը։

Բացատրեմ, կհասկանա՞ս:
Աջլիկությունը ժառանգվում է աուտոսոմ դոմինանտ գենով:

Եթե ընդունենք, որ աջլիկ-ձախլիկությունը ժառանգաբար է փոխանցվում, և աջլիկության գենը դոմինանտ է ձախլիկության գենի նկատմամբ, ապա իմանալու համար, թե աջլիկները մարդկանց որ տոկոսն են կազմում, անհրաժեշտ է ևս մի տվյալ՝ ձախլիկության գենի հանդիպելու հավանականությունը կամ տարածվածությունը։
Այսինքն՝ մարդկանց 1/4-ը ձախլիկ կլիներ ու 3/4-ը՝ աջլիկ, եթե աջլիկության ու ձախլիկության գեների տարածվածությունները հավասար լինեին։
Չգիտեմ, ընդունված տերմիններով բացատրեցի, թե չէ, բայց հուսով եմ, որ հասկացաք ասածս։