Impression
Նախորդ հարցազրույցից գո՞հ ես:
Byurie
Չէ, շատ անսպասելի վերջացավ:
Impression
Ինչո՞ւ ցանկացար, որ հենց ես հարցազրույց վերցնեմ քեզնից:
Byurie
Դե հետաքրքիր մարդ ես, մտածեցի լավ հարցեր կտաս:
Impression
Իսկ քո շուրջը շա՞տ են հետաքրքիր մարդիկ:
Byurie
Չէ:
Impression
Ինչ ես կարծում, եթե աշխարհում ավելի շատ հետաքրքիր մարդիկ լինեին, քան անհետաքրքիր, կյանքն ավելի լա՞վը կլիներ:
Byurie
Չէ, անհետաքրքիր մարդկանց դատարկությունը տեսնելն էլ է կյանքը հետաքրքիր դարձնում:
Impression
Վերջերս գնացել էիր Աղվերան.... ի՞նչ տվեց քեզ այնտեղ անցկացրած ժամանակը: (շաբլոն պատասխաններ չեն ընդունվում)
Byurie
Իսկ դու կարծում ես ես շաբլոն պատասխաններ կտա՞մ:
Դե ասեմ…. ավելին տվեց, քան սպասում էի: Շատ բան իմացա ընկերներիս մասին: Անկեղծորեն զարմացա ու ուրախացա: Հետո հոգևոր վիճակս կարգավորվեց: Քրիստոնյաների հետ անցկացրած ժամանակս ոչ մի բանի հետ չեմ փոխի:
Impression
Մարդու հատկանիշներն ընկալում ես իրենց հավատքի միջո՞վ:
Byurie
Չէ, բնավ կապ չունի հավատքը: Ես սահմաններ չեմ դնում: Ուղղակի քրիստոնյաների հետ շփումն ուրիշ է: Չես պատկերացնի, մինչև ինքդ չզգաս:
Impression
Հաճախ ես նշում քո հոգեկան վիճակի մասին, իսկ ինչո՞վ է պայմանավորված նրա հավասարակշռվածությունն ու հակառակը:
Byurie
Ես խոսում էի հոգևոր վիճակից, դրանք տարբեր բաներ են, ինչևէ` հոգևոր վիճակս կախված է աստծո հետ ունեցած հարաբերություններից, իսկ հոգեկանը….. չգիտեմ, ավելի շատ շրջակա միջավայրից: Հոգեկանը, հոգևորն ու ֆիզիկականը շատ են կապված իրար հետ: Մեկի վատ վիճակը կարող է հանգեցնել մյուսի վատ վիճակին:
Impression
Չէ, իմ հարցը հենց հոգեկանի մասին էր,համենայն դեպս, պատասխանել ես
Կա՞ այնպիսի առօրյա վիճակ, գործողություն, որից մեծագույն հաճույք ես ստանում:
Byurie
Հա, գրելուց:
Impression
Գրելուց իրո՞ք հաճույք ես ստանում:
Byurie
Էն էլ ոնց:
Թե չէ էդքան չէի գրի
Impression
Իսկ մինչ այդ պահի հասունանա՞լը: Մինչև գրելը, կարծում եմ, բավականին խառը հոգեվիճակում ես լինում: Այդ պահերից կպատմե՞ս:
Byurie
Հիմնականում այո: Երբեմն էլ գրում եմ ձանձրույթից: Բայց հիմնականում ահավոր վիճակ է նախորդում գրելու պրոցեսին. անքնություն, զանազան մտքեր, որոնք դասավորելու համար անհրաժեշտ է գրել: Այս դեպքում գրածներս որակով են, իսկ եթե այդ հոգեվիճակում չեմ, միջին որակի բաներ են ստացվում:
Impression
Բյուր, իսկ ըստ քեզ, ո՞նց կարող է ստեղծագործել փորձողը զգալ` իր մոտ որքանով է դա ստացվում: Եվ ընդհանրապես` ստացվում է, թե ոչ:
Byurie
Ցավն այն է, որ չի զգա:
Impression
Օրինակ դու ո՞նց ես զգում, գրածդ հաջող է, թե ոչ: Ինչ-որ չափանիշներ կան, չէ:
Byurie
Բարձրաձայն կարդում եմ. եթե լսվում է, ուրեմն լավ է:
Impression
Ովքե՞ր կարող են դառնալ քեզ ընկեր:
Byurie
Ովքեր ուզում են
Impression
Իսկ դու ու՞մ ընկերը կարող ես լինել:
Byurie
Նրանց, ովքեր ուզում են իմ ընկերը լինել: Բայց ինձ մի փոքր ավելի շատ ճանաչելով` շատ-շատերը չեն ուզում:
Impression
Քեզ համար ո՞րն է ավելի հեշտ` շփում հակառակ սեռի հետ, թե՞ աղջիկների:
Byurie
Նայած... մի ժամանակ կար, որ ընդհանրապես չէի կարողանում շփվել հակառակ սեռի հետ, շուրջս միայն աղջիկներ էին: Իսկ հիմա հակառակն է. մատների վրա կարելի է հաշվել այն աղջիկներին, որոնց հետ մտերիմ եմ:
Impression
Ինչո՞վ է դա պայմանավորված:
Byurie
Չգիտեմ:
Impression
Ի՞նչն է քեզ համար միանշանակ կարևոր` մարդկային հատկանիշներից:
Byurie
Մարդկային հատկանիշների առկայությունը: Ես տարբերություն չեմ դնում լավ ու վատ հատկանիշների միջև:
Impression
Դու փորձո՞ւմ ես բոլորից տարբերվել, թե՞ դա քեզ մոտ ինքնաբերաբար է ստացվում:
Byurie
Եթե ուզենայի, գուցե չստացվեր: Շատերն են ուզում, չի ստացվում: Իսկ ես ծնված օրվանից դատապարտված եմ տարբերվելու, որովհետև իմ անունը ոչ թե Աննա են դրել, այլ Բյուրակն:
Impression
Քո տարբերվելը քեզ խանգարո՞ւմ է մարդկային շփման ժամանակ:
Byurie
Խանգարում է, բայց ինչ-որ տեղ լավ է, քանի որ հարթ հարաբերությունները հետաքրքիր չեն:
Impression
Ամենաթանկը կյանքում:
Byurie
Աստված:
Impression
Աստվածավա՞խ ես:
Byurie
Աստվածավախ չեմ, աստվածասեր եմ:
Impression
Ո՞ւմ համար ես անփոխարինելի:
Byurie
Մորս ու աստծո:
Impression
հերիք ա, էլ ուղեղս չի աշխատում:
Իսկ իմ հարցազրույցը ե՞րբ ես վերցնելու:
Byurie
Մի օր:
Impression
Օրերի՞ց:
Byurie
Հա:
Impression
Ու’խ, էդ իմ ամենասիրած օրն ա
Մեջբերել
Շատ լավ է ստացվել
'
Բյուրակն-ի խոսքերից
Էջանիշներ