Փոփոխություններ ակումբի ղեկավարությունում

[Chuk]

Իրենց խնդրանքի համաձայն Philosopherն ու CactuSoulը հանվել են համապատասխանաբար ավագ մոդերատորի և մոդերատորի պաշտոններից: Սիրելի ակումբցիներին ակումբում ողջունում եմ էլի որպես պատվավոր անդամների, ում շատ սիրում ու հարգում եմ, ու գրառումներին միշտ սպասում եմ անհամբեր:

Ուզում եմ սիրելի ընկերներիս շնորհակալություն հայտնել ակումբում կատարած արդյունավետ ու խիստ օգտակար աշխատանքի համար: Կեցցեք դուք, որ այդքան բան արեցիք մեր ակումբի համար:

Ձեզ հաջողություններ եմ մաղթում ԴՆ-ն զարգացնելու ու շենացնելու գործում, հուսով, որ այն Ձեր ժամանակն այնքան չի խլի, որ չհասցնենք ակումբում հետաքրքիր ու օգտակար գրառումներ անել

[Philosopher]

Շնորհակալ եմ, Արտ: Լավն ենք, էլի

[Ծով]

Շնորհակալ եմ, Արտ: Լավն ենք, էլի

Դե մնաք բարով որպես մոդերատորներ, բայց շարունակեք մնալ զիլ ակումբցիներ
Հա՛յկ, գաղտնագիր ուղարկի

[Chuk]

Ակումբի ղեկավար կազմում հերթական անգամ տեղի են ունեցել որոշ փոփոխություններ.

Քաղաքացի, մոդերատորությունից հանվել է սեփական ցանկությամբ, ինչպես նաև ակումբ սակավ այցելությունների, մոդերատորությամբ փաստացի չզբաղվելու պատճառով:

Մելիք, մոդերատորությունից հանվել է ակումբ փաստացի չայցելելու, ինչի հետևանքով նաև մոդերատորությամբ չզբաղվելու պատճառով:

Kita, մոդերատորությունից հանվել է սեփական ցանկությամբ, ակումբ քիչ այցելությունների պատճառով մոդերատորական գործը շարունակել չկարողանալու պատճառով:

P.S., մոդերատորությունից հանվել է փոխադարձ պայմանավորվածության համաձայն, ինչպես նաև մոդերատորական աշխատանքով սակավ զբաղվելու պատճառով:

Sosoyan, մոդերատորությունից հանվել է փոխադարձ համաձայնությամբ, ինչպես նաև ակումբ սակավ այցելելու, հետևաբար մոդերատորական գործով սակավ զբաղվելու պատճառով:

Բոլոր արդեն նախկին մոդերատորներին հայտնում եմ իմ խորին շնորհակալությունը համագործակցության ու ակմուբի աշխատանքին բերած նպաստի համար: Կեցցեք: Շատ ուրախ եմ, որ առիթ եմ ունեցել Ձեզ հետ աշխատել

[Chuk]

Նոր փոփոխություններ ղեկավար կազմում:

Սեփական խնդրանքի համաձայն մոդերատորություն հանվել է Cassiopea-ն, քանի-որ չափից ավելի հարգելի պատճառներով առժամանակ չի կարող անհրաժեշտ կերպ կատարել մոդերատորական աշխատանքը:

Ակումբ վերջին շրջանում խիստ պասիվ այցելությունների պատճառով մոդերատորությունից հանվել է John-ը, ով իր գործը ակտիվ ժամանակ պարզապես հրաշալի էր կատարում:

Մոդերատորական պասիվ, թեև խիստ օգտակար ու հավասարակշռված գործողությունների պատճառով մոդերատորությունից հանվել է նաև h.a.y.k.o-ն:

Շնորհակալություն եմ հայտնում սիրելի ընկերներիս համատեղ աշխատանքի համար, ակումբում ունեցած մեծ ներդրման համար

[Chuk]

Network.am
Սեփական առաջարկով ազատվում է ադմինիստրատորական պարտականություններից, ինչպես նաև դադարում լինել ՏՏ բաժինների մոդերատոր: Հայկի աշխատանքը ղեկավարման կազմում եղել է առանձնահատուկ բեղմնավոր, ինչի համար իմ խորին շնորհակալությունն եմ հայտնում՝ առանձնահատուկ:

Adam
Մոդերատորությամբ վաղուց չզբաղվելու, ակումբ սակավ այցելելու պատճառով (ինչի մասին ժամանակին զգուշացրել ու առաջարկել է իրեն հանել մոդերատորությունից) հանվում է «Ժամանց» բաժնի մոդերատորությունից:

ihusik
Մոդերատորությամբ սակավ զբաղվելու, ակումբ սակավ այցելելու, ինչպես նաև սեփական առաջարկը հաշվի առնելով հանվում է «Հոգեբանություն, Փիլիսոփայություն» բաժնի մոդերատորությունից:

Manon
Ակումբ սակավ այցելելու, մոդերատորությամբ սակավ զբաղվելու պատճառով հանվում է «Նկարչություն» բաժնի մոդերատորությունից:

StrangeLittleGirl
Մոդերատորությամբ սակավ զբաղվելու ու նախկինում արած սեփական առաջարկը հաշվի առնելով հանվում է «Առողջություն, Բնապահպանություն» և «Քիմիա, Կենսաբանություն» բաժինների մոդերատորությունից:



Այս բոլոր մարդիկ մեծ ներդրում են ունեցել ակումբի կայացման գործում, ոմանք կանգնած են եղել ակումբի ստեղծման ակունքներում: Նրանց գործունեությունը թերագնահատել անհնար է, գերագնահատելը՝ բարդ: Ես ուղղակի ուզում եմ խորին շնորհակալություն հայտնել նրանց բոլորին ակումբին բերած օգուտների համար և հույս հայտնել, որ անկախ ամեն ինչից (ոմանց դեպքում առկա տարաձայնություններից), նրանք կշարունակեն մտնել ակումբ, կշարունակեն լինել այս համայնքի անդամ: Բոլորին շնորհակալություն:

[Chuk]

Artgeo
Սեփական առաջարկով, խնդրանքի հիման վրա ազատվում է ադմինիստրատիվ պարտականություններից, բայց շարունակում է մնալ «Հեռուստատեսություն, ռադիո, տպագիր մամուլ» բաժնի մոդերատոր, դառնում է մոդերատոր նաև «Հայտարարություններ» բաժնում, շարունակում ղեկավարել «Ինտիմ անկյուն» բաժինն ու համապատասխան «18+» խումբը:

Արթ, անկեղծ շնորհակալություն եմ հայտնում մինչ այս պահը կատարածդ ադմինիստրատիվ գործունեությանդ համար, առանց քեզ ակումբն ակումբ չէր լինի:

[Ambrosine]

էս շնորհակալություն որ հայտնում ենք <<պաշտոնից>> ազատվելու համար չի, այլ՝ մեր շնորհակալությունն ենք հայտնում մոդերատորներին, չէ?

[Dragon]

Ոնցոր ակումբում արտակարգ իրավիճակ ա…
Հուսանք լուրջ բան չի եղել և փոփոխություններում ենթատեսքտեր չկան....

Հ.Գ. Տարօրինակ էր միանգամից էսքան պաշտոնաթողություն, կարող ա պատասխանատվության հարց կա՞

[Գալաթեա]

Ոնցոր ակումբում արտակարգ իրավիճակ ա, հա՞…

Ընդամենը փոփոխություններ են։
Որ միշտ էլ պետք են, իրականում։

[Chuk]

Ոնցոր ակումբում արտակարգ իրավիճակ ա…
Հուսանք լուրջ բան չի եղել և փոփոխություններում ենթատեսքտեր չկան....

Հ.Գ. Տարօրինակ էր միանգամից էսքան պաշտոնաթողություն, կարող ա պատասխանատվության հարց կա՞

Ակումբում գրեթե միշտ փոփոխություներն արվել են միանգամից: Մասնավորապես տարբեր մարդկանց կողմից մոդերատորություններից հրաժարվելու դիմումներ եմ ստացել ու խնդրել որ սպասեն, մինչև ընդհանուր, միանգամից կարվի: Դրամատիկացնելու ու դիսկուսիա սարքելու իմաստ չեմ տեսնում:

[Dragon]

Ընդամենը փոփոխություններ են։
Որ միշտ էլ պետք են, իրականում։

Բան չասեց, բայց սենց համընդհանու՞ր… Փաստորեն ադմիների դեֆիցիտ ա… Մնաց մենակ Չուկը, իրա գործն ա դժվարանում:

Հ.Գ. Մի պահ պատկերացրեք մեկ էլ ստեղ հոպ հայտնվում ա տեղեկացում, որ Չուկ ադմինիստրատորը հրաժարվել ա ադմինիստրատրությունից: Այսինքն կարանք ճամպրուկները կապենք:

Ուրախ եմ, որ ընդամենը բարեփոխումներ են:

[Dragon]

Շնորհակալություն օպերատիվ արձագանքման համար…

[Lion]

Այնպիսի տպավորություն ունեմ, որ ակումբում «ներկուլիսային հեղփոխություն» է տեղի ունեցել: Ինչպես իրական կյանքում, երբ բարձր պաշտոնյաները մասսայական հրաժարական են տալիս ամենատարբեր պատճառաբանումներով, բայց իրականում մեկ և միակ ու բոլորի համար նույն պատճառով...:

[Norton]

Այնպիսի տպավորություն ունեմ, որ ակումբում «ներկուլիսային հեղփոխություն» է տեղի ունեցել: Ինչպես իրական կյանքում, երբ բարձր պաշտոնյաները մասսայական հրաժարական են տալիս ամենատարբեր պատճառաբանումներով, բայց իրականում մեկ և միակ ու բոլորի համար նույն պատճառով...:

Լիոն, եթե թեման գոնե մի թեթև աչքի անցկացնես, կտեսնես, որ ղեկավարման գրասենյակում միշտ փոփոխությունները կատարվել են միանգամից: