User Tag List

Էջ 1 3-ից 123 ՎերջինըՎերջինը
Ցույց են տրվում 1 համարից մինչև 15 համարի արդյունքները՝ ընդհանուր 243 հատից

Թեմա: Ռոմա / AS Roma

Համակցված դիտում

Նախորդ գրառումը Նախորդ գրառումը   Հաջորդ գրառումը Հաջորդ գրառումը
  1. #1
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Սիրտ Ռոմա / AS Roma

    20-րդ դարի սկզբում Հռոմում կային մի քանի ֆուտբոլային թիմեր. “Լացիո” (հիմնադրվել է 1900-ին), “Ռոման” (1903), “Ֆորտիտուդո” (1908), “Պրո Ռոմա” (1912), “Ալբա”, “Աուդաչե”: Սակայն թիմերի մեծ մասը թույլ էր և աղքատ: Նրանք տարիների ընթացքում միավորվում էին: 1926-ին Ալբայի և Աուդաչեի միավորումից առաջացավ Ալբա-Աուդաչե Ռոման, նույն թվականին, Ֆորտիտուդոյի և Պրո Ռոմայի միավորումից` Ֆորտիտուդո Պրո Ռոման: 1 տարի անց վերջին երկուսը միավորվեցին Ռոմանի հետ և առաջացավ Ռոման: Ակումբի հիմնադրման ամսաթիվը համարվում է հուլիսի 22-ը: 1929 թվականին մեկնարկեց Սերիա Ա-ն: Ռոման մասնակցողների թվում էր: Կարմրադեղինները առաջին 7 մրցաշրջանում հիանալի հանդես եկան. վատագույն արդյունքը եղավ 6-րդ տեղը, 2 անգամ թիմը դարձավ փոխչեմպիոն, մեկ անգամ գրավեց 3-րդ տեղը: 1930-31 մրցաշրջանում Ռուդոլֆո Վոլկը խփեց 29 գնդակ: Այդ ընթացքում մայրաքաղաքային մյուս թիմը` Լացիոն, 5-րդ տեղից վեր չէր բարձրանում: Արագորեն “Ռոման” երկրպագուների մեծ բանակ հավաքեց: “Ռոմա” էին երկրպագում միջին խավի հռոմեացիները, իսկ “Լացիո”` քաղաքի բարձր խավը: 1940-41 մրցաշրջանը “Ռոմայի” համար դարձավ չեմպիոնական: 2-րդ համաշխարհային պատերազմի ավարտից հետո, երբ վերսկսվեց 1943 թ. ընդհատված առաջնությունը, մի քանի տարի թիմին հետապնդում էին անհաջողությունները: 1950-51 մրցաշրջանի արդյունքներով “Ռոման” հրաժեշտ տվեց ուժեղագույնների խմբին: Սակայն մեկ տարվա ընթացքում թիմը վերադարձավ “Ա Սերիա” և սկսեց վերելք ապրել: 1960-61 մրցաշրջանում “Ռոման” հաղթեց ՈւԵՖԱ-յի (այդ ժամանակ` տոնավաճառների) գավաթում: Պեդրո Մանֆրեդինին 8 խաղում խփեց 12 գնդակ: 60-ականների ընթացքում թիմը 2 անգամ նվաճեց Իտալիայի գավաթը: Իսկական վերելքը սկսվեց 70-ականների վերջում: 1979/80, 1980/81 մրցաշրջաններում թիմը նվաճեց Իտալիայի գավաթը, 1982/83 մրցաշրջանում` Սկուդետտոն, 1983/84-ին և 1985/86-ին “Ռոման” դարձյալ հաղթեց գավաթում: 1984-ին “կարմրադեղինները” քիչ էր մնում հաղթեին Չեմպիոնների Լիգայում, սակայն եզրափակիչում “Լիվերպուլին” զիջեցին 11-մետրանոցներով: Թիմում փայլում էին Պրուցցոն, Ֆալկաոն, Կոնտին, Անչելոտտին և այլոք: 90-ականները նշանավորվեցին միայն մեկ գավաթով, որը թիմը նվաճեց 1990/91 մրցաշրջանում: Իրենց կարիերայի լավագույն տարիներն էին անցկացնում Կաֆուն, Ալդաիրը, Դի Բիաջոն և իհարկե, Տոտտին: Չնայած դրան` “Ռոման” 10 տարի ոչ մի տիտղոս չէր նվաճում: Թիմը գլխավորեց Ֆաբիո Կապելլոն (1999): 2000/2001 մրցաշրջանում “Ֆիորենտինայից” եկավ Գաբրիել Բատիստուտան: Թիմը 3-րդ անգամ նվաճեց չեմպիոնի կոչումը: Նույն թվականին թիմը առաջին անգամ իր պատմության մեջ նվաճեց Իտալիայի սուպերգավաթը: Հաջորդ մրցաշրջանում “Ռոման” գրավեց 2-րդ տեղը: 2002/03 մրցաշրջանը կարելի էր ձախողված համարել: Առաջին 3 խաղերում “Ռոման” պարտվեց “Բոլոնիային”, “Մոդենային” և “Ռեալին”: Հետագայում էլ թիմը շարունակում էր միավորներ կորցնել կարևոր խաղերում: Եղան խաղեր, որոնցում “Ռոման” փայլեց. օրինակ` “Սանտիագո Բեռնաբեու” մարզադաշտում արքայական թիմի նկատմամբ տարած հաղթանակը (մինչ այդ, թիմը 40 տարի չէր կարողանում Իսպանիայում հաղթել), “Մեստալիայում” “Վալենսիայի” նկատմամբ տարած 0-3 հաշվով հաղթանակը, հաղթանակը Միլանի նկատմամբ 2-1 հաշվով, սակայն ընդհանուր առմամբ “Ռոման” վատ հանդես եկավ: Առաջնությունում թիմը գրավեց 8-րդ տեղը: Չեմպիոնների լիգայում թիմը կարող էր ¼ եզրափակիչ դուրս գալ, սակայն վճռորոշ խաղում, ունենալով “Այաքսի” դարպասը գրավելու բազմաթիվ հնարավորություններ, չկարողացավ ձեռք բերել ցանկալի 3 միավորները, որոնք, ինչպես խաղի վերջում պարզվեց, դարձյալ չէին փրկի թիմին, քանի որ “Վալենսիան” հաղթել էր “Արսենալին”, զրոյի հավասարեցնելով “Ռոմայի”` հաջորդ փուլ դուրս գալու հնարավորությունները: Գավաթի խաղարկությունում թիմը կարծես հաջող էր հանդես գալիս, բայց եզրափակիչում 1-4 հաշվով “Օլիմպիկոյում” “Միլանին” զիջելուց հետո թիմը գործնականում զրկվեց գավաթից (Միլանում խաղն ավարտվեց 2-2 հաշվով): Բատիստուտան, որը կորցրել էր արդյունավետությունը, տեղափոխվեց Ինտեր: Փոխարենը թիմում ի հայտ էր գալիս Անտոնիո Կասսանոյի տաղանդը: 2003/04 մրցաշրջանում Տոտտիի և Կասսանոյի օգնությամբ “Ռոման” դարձավ Իտալիայի փոխչեմպիոն: “Ռոման” էր, որ ամենաշատ գնդակն էր այդ մրցաշրջանում խփել “Ա Սերիայում”, և “Ռոման” էր, որ ամենաքիչ գոլն էր ընդունել սեփական դարպասը: “Ռոման” խոշոր հաշվով հաղթեց և “Ինտերին”, և “Յուվենտուսին”: Կասսանոն գնաց “Ռեալ”, Կապելլոն` “Յուվենտուս”, իր հետ տանելով Էմերսոնին ու Զեբինային: Այդ ամենը բացասաբար անդրադարձավ թիմի ելույթների վրա: Հաջորդ մրցաշրջանում “Ռոման” դարձյալ գրավեց 8-րդ տեղը առաջնությունում: Չեմպիոնների լիգայում թիմը խմբային փուլում վաստակեց ընդամենը 1 միավոր: Բոլորը հիշում են “Ռոմա”-“Դինամո Կիև” խաղում Ֆիլիպ Մեքսեսի հեռացումը առաջին կեսում, որից հետո երկրպագուները թշնամաբար տրամադրվեցին հանդիպման գլխավոր մրցավար Անդերս Ֆրիսկի նկատմամբ: Արդյունքում ընդմիջման գնացող մրցավարը տրիբունաներից կրակայրիչով հարված ստացավ դեմքին: “Ռոման” սեփական հարկի տակ մյուս 2 հանդիպումները անցկացրեց առանց հանդիսատեսի: Թիմը դարձյալ ձախողեց մրցաշրջանը: Մոնտելլան, որը լավագույն ռմբարկու դառնալու հնարավորություն ուներ, վերջին տուրերում առհասարակ գոլի հեղինակ չդարձավ: Ինչպես 2 տարի առաջ, թիմը նորից դուրս եկավ “Կոպա Իտալիայի” եզրափակիչ, բայց այս անգամ զիջեց Միլանյան մյուս թիմին` “Ինտերին”: Նույնը կրկնվեց նաև 2005/06 մրցաշրջանում: 2004/05 մրցաշրջանում “Ռոման” 4 մարզիչ գլխավորեցին. Չեզարե Պրանդելլի, Ռուդի Ֆյոլլեր, Լուիջի դել Ների, Բրունո Կոնտի, բայց ոչ ոք չէր կարողանում թիմի խաղը կարգավորել: 2005/06 մրցաշրջանը թիմը անցկացրեց Լուչիանո Սպալետտիի օրոք: Սկզբում ամեն ինչ նույն կերպ էր ընթանում: “Ռոման”, ինչպես նախորդ մրցաշրջանում, աչքի էր ընկնում իր անկայուն խաղով: 2005 թ. վերջում թիմը սկսեց կայուն խաղ ցույց տալ. 11 խաղ անընդմեջ “Ռոման” հաղթեց մրցակիցներին, “Ա Սերիայում” սահմանելով ռեկորդ: Թիմը մրցաշրջանը ավարտեց 5-րդ տեղում, սակայն, հայտնի պատճառներով, թիմը հռչակվեց Իտալիայի փոխչեմպիոն և իրավունք ստացավ մասնակցել Չեմպիոնների Լիգային: 2006/07 մրցաշրջանը “Ռոման” սկսեց անհաջողությամբ. Իտալիայի Սուպերգավաթի խաղարկությունում թիմը 3-0 հաշվով հաղթում էր “Ինտերին”: Քչերն էին կասկածում, որ “Ռոման” կնվաճի իր 2-րդ Սուպերգավաթը: Սակայն, մրցակիցը մինչ հանդիպման ավարտը 3 գնդակ խփեց: Հաղթիղը որոշվելու էր լրացուցիչ ժամանակում: “Ինտերը” խփեց 4-րդ գնդակը: “Ռոման”, որը 5 տարի ոչ մի տիտղոս չէր նվաճել, զրկվեց այդ հնարավորությունից նաև այս անգամ: Ընդհանրապես, “Ինտերը” դառձավ “Ռոմայի” գլխավոր մրցակիցը և Սուպերգավաթում, և “Ա Սերիայում”, և “Կոպպա Իտալիայում”: Առաջնությունում “Ինտերը” նույնպես ուժեղ գտնվեց: Փոխարենը Գավաթի խաղարկությունում հաղթեց “Ռոման”: Եթե չհաշվենք Չեմպիոնների Լիգայի ¼ եզրափակիչում “Մանչեստր Յունայթեդից” կրած 7-1 հաշվով պարտությունը, ապա մրցաշրջանը կարելի է հաջողված համարել: Չեմպիոնների Լիգայում թիմը հասավ մինչև ¼ եզրափակիչ, առաջնությունում տարավ ամենախոշոր հաշվով հաղթանակը (“Ռոմա”-“Կատանիա” 7-0) և դարձավ միակ թիմը, որը հաղթեց “Ինտերին”: Գավաթի խաղարկությունում “Ինտերը” “Ռոմայից” կրեց մրցաշրջանում իր միակ խոշոր հաշվով պարտությունը (6-2), Տոտտին 26 գոլով դարձավ առաջնության լավագույն ռմբարկու և նվաճեց ոսկե խաղակոշիկը: Այսօրվա դրությամբ “Ռոմայի” կիսապաշտպանական գիծը իտալիայում լավագույններից է, եթե ոչ լավագույնը: Սպալետտին հիանալի թիմ է ստեղծել: Հույս ունենանք, որ այս մրցաշրջանում “Ռոման” ավելի մեծ հաջողությունների խասնի:
    1952 թվականից “Ռոման” խաղում է “Ստադիո Օլիմպիկոյում” (82500): Թիմը Իտալիայում հայտնի է իր տաքարյուն երկրպագուներով, որոնք տարբեր ժամանակներում աչքի են ընկել իրենց պահվածքով: 1979 թ. առաջին անգամ իտալական ֆուտբոլի պատմության մեջ ստադիոնում մահվան դեպք գրանցվեց: Սպանվեց “Լացիոյի” երկրպագուներից մեկը` Վինչենցո Պապարելլին: Այո, մանավանդ “Լացիոյի” հետ խաղերում երկրպագուները ցույց են տալիս իրենց եռանդը: Հռոմեական դերբին ոչ միայն կատաղի պայքար է 2 ակումբների ֆուտբոլիստների միջև, այլ նաև պայքարում են 2 թիմերի երկրպագուները: "Ռոմայի" երկրպագուների անկարգությունների պատճառով 2004 թ. մարտին դադարեցվեց մայրաքաղաքային հերթական դերբին, նույն թվականի աշնանը՝ Կիևի "Դինամոյի" հետ խաղը:
    Թիմը ունի իր հիմնը (“Ռոմա, Ռոմա, Ռոմա”), որը հնչում է ամեն խաղից առաջ, իսկ հաղթանակի դեպքում խաղից հետո հնչում է նաև “Շնորհակալություն, Ռոմա” երգը:
    “Ռոմայի” ֆուտբոլիստները խաղում են կարմիր մարզաշապիկներով: Թիմի խորհրդանիշն է Հռոմուլլոսին և Հռոմոսին կերակրող գայլը (այդ պատճառով թիմին անվանում են նաև “գայլեր”):

    web adress: www.asromacalcio.it
    Կցված նկարներ Կցված նկարներ
    Все люди - евреи, просто не все нашли смелость признаться.

  2. #2
    Ազատ Սամվել-ի ավատար
    Գրանցման ամսաթիվ
    24.04.2007
    Հասցե
    Հայաստան, Երևան
    Տարիք
    38
    Գրառումներ
    4,975
    Mentioned
    0 Post(s)
    Tagged
    0 Thread(s)

    Re. AS Roma

    Եղան խաղեր, որոնցում “Ռոման” փայլեց. օրինակ` “Սանտիագո Բեռնաբեու” մարզադաշտում արքայական թիմի նկատմամբ տարած հաղթանակը (մինչ այդ, թիմը 40 տարի չէր կարողանում Իսպանիայում հաղթել
    Նոստալգիա …ոնց էի ուրախացել այդ օրը…

    Ասեմ որ Ռոման էլ այն 3-4 թիմերից է որոնց ես համակրում եմ…հուսով եմ այս տարի լավ կդրսևորի իրեն
    Loading your personal settings....

  3. #3
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)
    թիմի հայտնի մարզիչները.
    Gunnar Nordahl 1958-1959
    Helenio Herrera 1968-1970, 1971-1972
    Sven Goran Ericsson 1984-1986
    Carlo Mazzone 1993-1996
    Carlos Bianchi 1996
    Zdenek Zeman 1997-1999
    Fabio Capello 1999-2004
    Rudi Voeller 2004
    Luigi del Neri 2004-2005
    Bruno Conti 2005
    Luciano Spaletti 2005-

    աշխարհի չեմպիոնները.
    որքան էլ տարօրինակ է, Ռոման իր պատմության մեջ ունեցել է ընդամենը 13 աշխարհի չեմպիոններ.
    Luigi Allemandi (1934)
    Attilio Ferraris IV (1934)
    Eraldo Monzeglio (1934)
    Pietro Serantoni (1938)
    Bruno Conti (1982)
    Thomas Berthold (1990)
    Rudi Völler (1990)
    Aldair (1994)
    Vincent Candela (1998)
    Cafu (2002)
    Daniele De Rossi (2006)
    Francesco Totti (2006)
    Simone Perrotta (2006)

    փաստորեն էդքան էլ տարօրինակ չի, որովհետև նայեցի Ռեալը 12 հատ աշխարհի չեմպիոն ա ունեցել
    Վերջին խմբագրող՝ Աբելյան: 27.07.2007, 17:42:
    Все люди - евреи, просто не все нашли смелость признаться.

  4. #4
    Պատվավոր անդամ Vive L'Armenie-ի ավատար
    Գրանցման ամսաթիվ
    12.02.2007
    Հասցե
    France/Armenia
    Գրառումներ
    908
    Mentioned
    0 Post(s)
    Tagged
    0 Thread(s)

    Սիրտ Re. AS Roma

    Իմ սիրած թիմնա, ուուուուուուուուխխխխխխխխ
    AS ROMA ընդմիշտ
    Կարոտը մարդկային ապրումներից ամենից անպտուղն է...

  5. #5
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)
    թիմի կազմը.


    դարպասապահներ.

    1 Gianluca Curci
    25 Carlo Zotti
    27 Júlio Sérgio Bertagnoli
    32 Doni GK

    պաշտպաններ.

    2 Christian Panucci
    4 Juan
    5 Philippe Mexès
    21 Matteo Ferrari
    22 Max Tonetto
    34 Gianluca Freddi
    77 Marco Cassetti

    կիսապաշտպաններ.

    7 David Pizarro
    8 Alberto Aquilani
    11 Rodrigo Taddei
    14 Ludovic Giuly
    16 Daniele De Rossi
    17 Edgar Álvarez
    20 Simone Perrotta
    26 Adrian Piţ
    28 Aleandro Rosi
    29 Ahmed Barusso
    30 Mancini
    33 Matteo Brighi
    35 Massimiliano Marsili

    հարձակվողներ.

    9 Mirko Vučinić
    10 Francesco Totti
    18 Mauro Esposito
    19 Keivan Zarineh
    23 Shabani Nonda



    միջմրցաշրջանային տրանսֆերները.

    եկել են.
    Edgar Álvarez (Messina)
    Matteo Brighi (Chievo)
    Shabani Nonda (Blackburn Rovers)
    Samuel Kuffour (Livorno)
    Carlo Zotti (Sampdoria)
    Adrian Pit (Bellinzona)
    Ahmed Barusso (Rimini)
    Juan (Bayer Leverkusen)
    Mauro Esposito (Cagliari)
    Keivan Zarineh (Rieti)
    Ludovic Giuly (Barcelona)

    գնացել են.
    Alessandro Tulli (Lecce)
    Daniele Corvia (Siena)
    Damiano Ferronetti (Parma)
    Giuseppe Scurto (Chievo)
    Gianluca Comotto (Torino)
    Alessandro Simonetta (Arezzo)
    Christian Wilhelmsson (Nantes (վարձավճարով))
    Gilberto Martinez (Brescia)
    Rodrigo Defendi (Tottenham)
    Francesco Tavano (Valencia)
    Daniele Magliocchetti (Cagliari (վարձավճարով))
    Simone Palermo (Rimini (վարձավճարով))
    Ricardo Faty (Bayer Leverkusen (վարձավճարով))
    Daniele Galloppa (Siena)
    Gianluca Galasso (Bari)
    Andrea Giacomini (Vicenza)
    Stefano Okaka Chuka (Modena (վարձավճարով))
    Alessio Cerci (Pisa (վարձավճարով))
    Vincenzo Montella (Sampdoria (վարձավճարով))




    անցած մրցաշրջանի թիմը.

    Վերջին խմբագրող՝ Աբելյան: 28.07.2007, 11:09:
    Все люди - евреи, просто не все нашли смелость признаться.

  6. #6
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Antonello Venditti-"Roma, Roma, Roma"
    Roma Roma Roma
    core de sta citta
    unico grande amore
    de tanta e tanta gente
    che fai sospira

    Roma Roma Roma
    lasciace canta ,
    da sta voce nasce un coro
    so centomila voci
    c'hai fatto innamora

    Roma Roma bella
    t'ho dipinta io,
    gialla come er sole
    rossa come er core mio Roma

    Roma Roma Roma
    nun te fa incanta
    tu sei nata grande
    e grande hai da resta

    Roma Roma Roma
    core de sta citta
    unico grande amore
    de tanta e tanta gente
    c'hai fatto innammora
    ==============================
    ==============================
    Antonello Venditti-"Grazie Roma"

    Dimmi cos'è?
    Che ci fa sentire amici anche se non ci conosciamo
    Dimmi cos'è?
    Che ci fa sentire uniti anche se siamo lontani.
    Dimmi cos'è? Cos'è?
    Che batte forte forte forte in fondo al cuore
    Che ci toglie il respiro e ci parla d'amore.

    Grazie Roma
    che ci fai piangere e abbracciarci ancora.
    Grazie Roma, grazie Roma
    che ci fai vivere e sentire ancora
    una persona nuova.

    Dimmi cos'è? cos'è?
    Quella stella grande grande in fondo al cielo
    che brilla dentro di te e grida forte forte dal tuo cuore.

    Grazie Roma
    che ci fai piangere e abbracciarci ancora.
    Grazie Roma, grazie Roma
    che ci fai vivere e sentire ancora
    una persona nuova.

    Dimmi chi è?
    Che me fa sentì importante anche se non conto niente,
    che me fa Re quando sento le campane la domenica mattina
    Dimmi chi è? Chi è?
    Che me fa campà sta vita così piena de problemi
    e che me da coraggio se tu non me voi bene.

    Grazie Roma
    che ci fai piangere e abbracciarci ancora.
    Grazie Roma, grazie Roma
    che ci fai vivere e sentire ancora
    una persona nuova...
    Все люди - евреи, просто не все нашли смелость признаться.

  7. #7
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Paulo Roberto Falcão
    Ֆալկաոն աշխարհի բոլոր ժամանակների լավագույն կիսապաշտպաններից է: Ծնվել է 1953 թ. հոկտեմբերի 16-ին: 1972-1980 թթ. խաղացել է Ինտերնասիոնալում, այնուհետև տեղափոխվել է Ռոմա: 5 տարվա ընթացքում նա անցկացրել է 107 խաղ՝ դառնալով 22 գոլի հեղինակ: Նրա մականունն էր՝ "Հռոմի 8-րդ թագավոր": 1985-86 թթ. անցկացնելով Սան Պաոլոյում՝ Ֆալկաոն ավարտեց ֆուտբոլիստի իր կարիերան: Ֆալկաոն հանդես է եկել նաև ազգային հավաքականում՝ մասնակցելով 1982 և 1986 թթ. աշխարհի առաջնություններին: 1990-91 թթ. նա մարզել է Բրազիլիայի ազգային հավաքականը, 1994-1995 թթ.՝ Ճապոնիայի հավաքականը: Պելեն նրան դասել է ներկայումս ապրող լավագույն 125 ֆուտբոլիստների շարքը:

    Giuseppe Giannini
    Ջանինին (ծն. 20.8.1964) 14 տարի խաղացել է Ռոմայում, 5 տարի՝ Իտալիայի ազգային հավաքականում, դառնալով Իտալիայի եռակի գավաթակիր և Մունդիալ 90-ի բրոնզե մեդալակիր: Նա Ֆրանչեսկո Տոտտիի ֆուտբոլային կուռքն է: Ռոմայի կազմում անցկացրել է 437 խաղ: Ավելի շատ խաղ անցկացրել են միայն Տոտտին և Ջակոմո Լոզին:
    Կցված նկարներ Կցված նկարներ
    Все люди - евреи, просто не все нашли смелость признаться.

  8. #8
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    անցյալում հայտնի ֆուտբոլիստներ.

    Herbert Prohaska
    Պրոհազկան համարվում է Ավտրաիայի վերջին 50 տարիների լավագույն ֆուտբոլիստը: Ծնվել է 1955 թ. օգոստոսի 8-ին, Վիեննայում: Խաղացել է Աուստրիայում, Ինտերում և Ռոմայում: Ազգային հավաքականի կազմում խաղացել է ավելի քան 10 տարի՝ մասնակցելով 1978 և 1982 թթ. Աշխարհի առաջնություններին: 1989 թ. Պրոհազկան ավարտել է ֆուտբոլիստի իր կարիերան և անցել է մարզչական աշխատանքի և մարզել Աուստրիան: 1993 թ. նրան վստահվեց Ավստրիայի ազգային հավաքականի ղեկը: Արդյունքում "Մունդիալ-98"-ի ընտրական փուլում Ավստրիացիները իրենց խմբում գրավեցին առաջին տեղը՝ միավորներ կորցնելով միայն 2-րդ տեղ գրաված Շոտլանդացիների հետ խաղերում: Աշխարհի առաջնությունում թիմը ներկայացավ տարեց կազմով. ֆուտբոլիստների մեծ մասը 30-ն անց էր: Ավստրիայի հավաքականը դարձավ, իմ կարծիքով առաջնության ամենատարօրինակ թիմը: Խմբային 3 խաղերում էլ "Ոսկե Ճպուռի" թիմը գնդակ էր խփում 90-րդ րոպեից հետո միայն: Արդյունքում Կամերունցիների և Չիլիացիների հետ խաղերը ավարտվեցին ոչ-ոքի, Իտալացիներին Ավստրիացիները պարտվեցին 2-1 հաշվով: 2 միավորով թիմը գրավեց 3-րդ տեղը, ինչը առավել քան բավարար արդյունք էր: Պրոհազկան մնաց հավաքականում: Բայց այն, ինչը տեղի ունեցավ Ավստրիացիների հետ "Եվրո 2000"-ի ընտրական փուլում, չափազանց զարմանալի էր: Պարտություն Իսրայելից 5-0 հաշվով, Իսպանացիներից՝ 9-0 հաշվով: Պրոհազկային վռնդեցին պաշտոնից:

    Roberto Pruzzo
    Ծնվել է 1955 թ. Ապրիլի 1-ն: Խաղացել է Ջենովայում, Ռոմայում, Ֆիորենտինայում: Ռոմայի բոլոր ժամանակների լավագույն ռմբարկուներից է: "Ա Սերիայում" մեկ խաղում խփած գոլերի քանակով 1986 թ սահմանել է ռեկորդ՝ Ռոմա-Ավելլինո խաղում խփելով 5 գոլ:
    Կցված նկարներ Կցված նկարներ
    Все люди - евреи, просто не все нашли смелость признаться.

  9. #9
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Dmitri Alenichev
    Հետխորհրդային Ռուսաստանի լավագույն ֆուտբոլիստներից մեկը ծնվել է 1972 թ. հոկտեմբերի 20-ին: 1991-1993 թ. խաղացել է Լոկոմոտիվում, 1994-1998 թ.՝ Սպարտակում: 1998 թ. տեղափոխվել է Ռոմա, որտեղ մեկ տարի անցկացնելուց հետո վարձավճարով տրվել է Պերուջային: Իտալիայում 2 անհաջող մրցաշրջան անցկացնելուց հետո՝ 2000 թ. Ալենիչևը տեղափոխվեց Պորտու: Այնտեղ նա անցկացրեց իր լավագույն տարիները: Պորտուն հաղթանակով ավարտեց և 2003 թ. ՈՒԵՖԱ-յի գավաթը և 2004 թ. Չեմպիոնների Լիգան: Նա գոլ խփեց 2 եզրափակիչներում: Մինչ այդ միայն 3 ֆուտբոլիստներ էին կարողացել հաղթել և Չեմպիոնների Լիգայում, և ՈւԵՖԱ-յի գավաթում, գոլ խփելով 2 եզրափակիչներում էլ (Կուման, Ռոնալդո, Ջերարդ): Ռուսաստանի հավաքականի կազմում Ալենիչևը խաղացել է 1996-2005 թթ.՝ մասնակցելով "Մունդիալ 2002"-ին: Կարիերան ավարտեց 2006 թ.: Ալենիչևը 1997 թ. ճանաչվել է Ռուսաստանի լավագույն ֆուտբոլիստ: Ունի 14 տիտղոսներ:

    Zbigniew Boniek
    Ծնվել է 1956 թ. մարտի 3-ին: 1982-1985 թթ. խաղացել է Յուվենտուսում, 1985-1988 թթ՝ Ռոմայում: Լեհաստանի հավաքականի կազմում անցկացրել է 80 խաղ՝ դառնալով 24 գոլի հեղինակ: "Մունդիալ 82"-ի բրոնզե մեդալակիրներից է: Բոնեկը Պելեի կողմից դասվել է այսօր ապրող լավագույն 125 ֆուտբոլիստների շարքը: 2001 թ. նա եկել էր Երևան՝ մասնակցելու հայ և լեհ վետերանների միջև խաղին: 2002 թ. Բոնեկը գլխավորեց Լեհաստանի ազգային հավաքականը, բայց՝ անհաջող: 5 խաղ հետո նա հեռացվեց պաշտոնից:

    Claudio Caniggia
    Արգենտինացի մեծ հարձակվող: Ծնվել է 1967 թ. հունվարի 9-ին, Բուենոս Այրեսում: Խաղացել է Ռիվեր Փլեյթում, Վերոնայում, Ատալանտայում, Ռոմայում, Բենֆիկայում, Բոկա Խունիորսում, Դանդիում, Ռեյնջերսում: Արգենտինայի հավաքականի կազմում խաղացել է 15 տարի՝ այդ ընթացքում խփելով 16 գոլ: Մասնակցել է աշխարհի 3 առաջնությունների, որոնցից 2-ում դուրս է եկել խաղադաշտ: Ընդհանուր առմամբ աշխարհի առաջնություններում մասնակցել է 8 խաղի՝ խփելով 4 գոլ: Կանիջայի շնորհիվ էր, որ "Մունդիալ-90"-ում արգենտինացիները պայքարից հանեցին բրազիլացիներին: Կանիջան էր, որ ընդհատեց Վալտեր Ձենգայի 517 րոպեանոց "չոր" ռեկորդը: Նրան անվանում էին և "քամու որդի", և "թռչուն", և "Էքսլ": "Մունդիալ 2002"-ում Կանիջան խաղադաշտ դուրս չեկավ, բայց ստացավ կարմիր քարտ, մրցավարին պահեստայինների նստարանից անպատվելու համար: Դա շվեդների հետ խմբային խաղն էր, որից հետո աշխարհի առաջնության գլխավոր ֆավորիտները դուրս մնացին հետագա պայքարից: Առաջնությունից հետո Կանիջան հեռացավ հավաքականից:

    Amedeo Carboni
    Ծնվել է 1965 թ.: Կարիերայի մեծ մասը անց է կացրել Ռոմայում և Վալենսիայում: 1 տարի եղել է Ռոմայի ավագը: Իտալիայի հավաքականում անց է կացրել 18 խաղ: Կարիերան ավարտել է 2006 թ.՝ 41 տարեկան հասակում:
    Կցված նկարներ Կցված նկարներ
    Все люди - евреи, просто не все нашли смелость признаться.

  10. #10
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Luigi Di Biagio
    Ծնվել է 1971 թ. հունիսի 3-ին, Հռոմում: 1988-1995 թթ. խաղացել է Լացիոյում, Մոնցայում, Ֆոջիայում: 1995 թ. տեղափոխվել է Ռոմա: 1998 թ. Իտալիայի հավաքականի կազմում Դի Բիաջոն մասնակցեց աշխարհի առաջնությանը, որտեղ ֆրանսիացիների հետ 1/4 եզրափակիչում հետխաղյա 11-մետրանոցը անհաջող իրացրեց, Իտալացիներին դուրս թողնելով մրցաշարից: "Եվրո 2000"-ում Հոլանդացիների հետ կիսեզրափակիչում նա արդեն հետխաղյա 11-մետրանոցը վստահ իրացրեց: Իտալացիները դուրս եկան եզրափակիչ, բայց դարձյալ ֆրանսիացիները ուժեղ գտնվեցին: "Մունդիալ-2002"-ի ավարտից հետո Դի Բիաջոն հեռացավ հավաքականից: 1999-2003 թ. խաղացել է Ինտերում, որից հետո տեղափոխվել է Բրեշիա: 2007 թ. հունվարին Դի Բիաջոն տեղափոխվեց Ասկոլի: Թիմը չափազանց անհաջող էր հանդես գալիս "Ա Սերիայում" և Դի Բիաջոն չկարողացավ օգնել թիմին: Նոր մրցաշրջանում Դի Բիաջոն խաղալու է "Բ Սերիայում":

    Thomas Häßler
    Գերմանացի մեծ ֆուտբոլիստ: Ծնվել է 1966 թ. մայիսի 30-ին: Իր բեղմնավոր կարիերայի ընթացքում խաղացել է Քյոլնում, Յուվենտուսու, Ռոմայում, Կառլսռուեում, Բորուսիայում, "Մյունխեն 1860"-ում և Զալցբուրգում: Գերմանիայի հավաքականում հանդես է եկել 1988-2000 թ., 101 խաղում խփելով 11 գոլ: 1989 և 1992 թ. ճանաչվել է Գերմանիայի տարվա ֆուտբոլիստ: 1990 թ. դարձել է աշխարհի չեմպիոն, 1996 թ.՝ Եվրոպայի չեմպիոն: Ներկա դրությամբ Հասսլերը Նիգերիայի հավաքականի գլխավոր մարզիչ Բերտի Ֆոգտսի օգնականն է:

    Michael Konsel
    Ավստրիացի մեծ դարպասապահ: Ծնվել է Վիեննայում, 1962 թ. մարտի 6-ին: Պատանի հասակում խաղացել է Կրիցենդորֆում, "Ֆորտունա 05"-ում: 1985-1997 թթ. խաղացել է Վիեննայի Ռապիդում, որի կազմում դարձել է Ավստրիայի եռակի չեմպիոն, կրկնակի գավաթակիր, կրկնակի սուպերգավաթակիր: 90-ականների կեսերին ֆուտբոլային չափանիշներով տարեց Կոնսելը գտնվում էր իր կարիերայի գագաթնակետին: 3 անգամ նա ճանաչվեց Ավստրիական Բունդեսլիգայի լավագույն դարպասապահ, 2 անգամ՝ լավագույն ֆուտբոլիստ: 1997 թ. Կոնսելը տեղափոխվեց Ռոմա: 1998 թ. 36-ամյա Կոնսելը ճանաչվեց "Ա Սերիայի" լավագույն դարպասապահ: Կարիերան ավարտեց 40 տարեկան հասակում՝ Վենեցիայում: Ազգային հավաքականում անց է կացրել 43 խաղ՝ մասնակցելով 1990 և 1998 թթ. աշխարհի առաջնություններին:
    Կցված նկարներ Կցված նկարներ
    Все люди - евреи, просто не все нашли смелость признаться.

  11. #11
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Rudi Völler
    Ծնվել է 1960 թ. ապրիլի 13-ին: Որպես ֆուտբոլիստ 12 տարի հանդես է եկել Գերմանիայի հավաքականում, մասնակցելով 1986, 1990, 1994 թթ. աշխարհի առաջնություններին, որոնցում խփել է 8 գոլ: Ռոմայում խաղացել է 1987-1992 թթ.: 1996 թ. ավարտել է ֆուտբոլիստի իր կարիերան: "Եվրո-2000"-ում Գերմանիայի հավաքականի անհաջող ելույթերից հետո թիմի ղեկը վստահվեց նրան: Արդյունքում անփորձ Ֆյոլլերը գերմանացիներին դարձրեց Աշխարհի փոխչեմպիոններ: Եվրոպայի հերթական առաջնությունում Գերմանացիները դարձյալ չհաղթահարեցին խմբային փուլը: Ֆյոլլերը թողեց թիմը: Նրա վերջին թիմը եղավ Ռոման, որը նա մարզեց ընդամենը 1 ամիս:

    Angelo Peruzzi
    Ծնվել է 1970 թ. փետրվարի 16-ին: Մեծ հաջողությունների է հասել Յուվենտուսի կազմում՝ 3 անգամ դառնալով Իտալիայի չեմպիոն, 2 անգամ՝ Սուպերգավաթակիր, մեկական անգամ նվաճելով Չեմպոնների Լիգայի և Իտալիայի և ՈւԵՖԱ-յի գավաթը, 2 անգամ դառնալով Իտալիայի լավագույն դարպասապահ: 1995 թ. Պերուցցին անցկացրեց իր առաջին խաղը Իտալիայի ազգային հավաքականում (մինչ այդ նա օլիմպիական թիմի կազմում 2 խաղ էր անցկացրել 1992 թ. Բարսելոնի օլիմպիական խաղերում): Մյուս տարի նա Եվրոպայի առաջնությունում հավաքականի հիմնական դարպասապահն էր: Իտալացիները չնայած խմբում վաստակեցին 4 միավոր, բայց դուրս մնացին հետագա պայքարից: Պերուցցին պետք է լիներ հավաքականի հիմնական դարպասապահը նաև "Մունդիալ-98"-ում, բայց վնասվածքի պատճառով նրան փոխարինեց Ջանլուկա Պալյուկան: Վնասվածքը նրան խանգարեց խաղալ նաև "Եվրո-2000"-ում: 2000-2007 թթ. Պերուցցին անցկացրեց Լացիոյում, որտեղ էլ ավարտեց իր կարիերան: Նա ընդհանրապես չմասնակցեց "Մունդիալ-2002"-ին, "Եվրո-2004"-ում և "Մունդիալ-2006"-ում պահեստայինների թվում էր: Ամեն դեպքում, Պերուցցին լեգենդար դարպասապահ է: Նա այն քիչ դարպասապահներից է, որ իր կարիերայի ընթացքում ավելի քիչ գնդակ է բաց թողել, քան իր խաղերի թիվն է: Իտալիայի հավաքականում Պերուցցին 31 խաղում բաց է թողել ընդամենը 16 գոլ: Ընդհանրապես, Պերուցցին հավաքականի կազմում ոչ մի խաղում 2-ից ավել գոլ չի բաց թողել (ինչը չես ասի Բուֆոնի մասին): Հավաքականում նրա վերջին խաղը 2005 թ. Սլովենացիների հետ ընտրական փուլի խաղն էր: Բուֆոնը վնասվածք ուներ, այդ պատճառով Անջելոն 2 խաղ պաշտպանում էր ապագա չեմպիոնների դարպասը:

    Sinisհa Mihajlovic
    Ծնվել է 1969 թ. փետրվարի 20-ին, Վուկովարում (Խորվաթիա): Մանկությունն անցել է Բորովո գյուղում, որտեղ էլ նա սկսել է ֆուտբոլ խաղալ: 1988-1992 թթ. խաղացել է "Վոյվոդինա Նովի Սադ"-ում և Ցրվենա Զվեզդայում: Կարիերայի մնացած մասը՝ 1992-2006 թթ. անցկացրել է Իտալիայում, խաղալով Ռոմայում, Սամպդորիայում, Լացիոյում և Ինտերում: Միխայիլովիչը կարիերայի սկզբում կիսապաշտպան էր, այնուհետև՝ պաշտպան: Չնայած դրան՝ նա աչքի էր ընկնում իր արդյունավետ խաղով, քանի որ նա տուգանայինների մեծ վարպետ էր: Իմ կարծիքով, նա իր վարպետությամբ չէր զիջում ոչ Ռոնալդինյոյին, ոչ էլ Անրիին կամ Պիռլոյին: Իր կարիերայի ընթացքում նա խփել է մոտ 100 գոլ, որոնց զգալի մասը՝ տուգանայիններից: Անգամ Լացիոյի կազմում հեթ-թրիքի հեղինակ է դարձել Սամպդորիայի հետ խաղում, 3 գոլն էլ խփելով տուգանային հարվածներով: Դրանից հետո նա ստացավ "ռմբակոծիչ Բորովոյից" մականունը: Միխայիլովիչը 63 խաղ է անցկացրել Յուգոսլավիայի և Սերբիա-Չեռնոգորիայի հավաքականներում, խփելով 10 գոլ: Մասնակցել է "Մունդիալ-98"-ին: Յուգոսլավիայի ընտրանին լավ տպավորություն թողեց, հասնելով մինչև 1/8 եզրափակիչ, որտեղ զիջեց Հոլանդացիներին 2-1 հաշվով. Էդգար Դավիդսը միայն 92-րդ րոպեին վճռեց խաղի ելքը: Ամեն ինչ այլ կերպ կդասավորվեր, եթե Միխայիլովիչը հանդիպման միջնամասում իրացներ 11-մետրանոցը: Նա դարձավ միակ ֆուտբոլիստը առաջնությունում, որը, ի զարմանս շատերի, խաղի ընթացքում չկարողացավ տասնմեկմետրանոց իրացնել: Նաև նա առաջնությունում միակն էր, որը գրավեց և սեփական դարպասը, և մրցակցի դարպասը: Մինչ այդ աշխարհի առաջնությունների պատմության մեջ 3 այդպիսի դեպք էր եղել: Միխայիլովիչը 2006 թ. ապրիլին տուգանայինից գրավելով Ասկոլիի դարպասը, "Ա Սերիայում" իր՝ տուգանայիններից խփած գոլերի թիվը հասցրեց 27-ի՝ սահմանելով ռեկորդ: Մրցաշրջանի ավարտից հետո Միխայիլովիչը խաղակոշիկները կախեց մեխից: Ներկա դրությամբ նա Ինտերի գլխավոր մարզիչ Ռոբերտո Մանչինիի օգնականն է:
    Կցված նկարներ Կցված նկարներ
    Все люди - евреи, просто не все нашли смелость признаться.

  12. #12
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)
    Aldair Santos do Nascimento
    Բրազիլացի մեծ պաշտպան: Ծնվել է 1965 թ. նոյեմբերի 30-ին: 1985-1990 թթ. խաղացել է Ֆլամենգոյում և Բենֆիկայում: 1990-2003 թթ. անց է կացրել Ռոմայում: Այդ ընթացքում ազգային հավաքականի կազմում դարձել է աշխարհի չեմպիոն, Կոնֆեդերացիաների գավաթակիր, Ամերիկայի չեմպիոն: Ռոմայում 6 համարը ընդմիշտ հանձնվել է Ալդաիրին: 2004 թ. Ալդաիրը Ջենովայում ավարտեց իր կարիերան, բայց 2007 թ.՝ 41 տարեկան հասակում վերսկսեց իր ելույթները Սան Մարինոն ներկայացնող Մուրատայում, որի կազմում մասնակցել է Չեմպիոնների Լիգայի որակավորման փուլի ֆիննական Տամպերեի հետ խաղերին:

    Abel Eduardo Balbo
    Ծնվել է 1966 թ. հունիսի 1-ին: Ռոմայում խաղացել է 1993-1998 թթ., 146 խաղում խփելով 78 գոլ: Մեկ տարի եղել է Ռոմայի ավագը: Արգենտինայի հավաքականի կազմում մասնակցել է 3 աշխարհի առաջնությունների:

    Marcos Evangelista de Moraes Cafu
    Կաֆուն խաղացել է Ռոմայում 1997-2003 թ.: Բրազիլիայի հավաքականի կազմում անցկացրել է 142 խաղ (հավաքականի ռեկորդ): Պելեի կողմից դասվել է ներկայումս ապրող լավագույն 125 ֆուտբոլիստների շարքը: Միակ ֆուտբոլիստն է, որ մասնակցել է Աշխարհի առաջնության 3 եզրափակիչների, որոնցից 2-ը ավարտվել են բրազիլացիների հաղթանակով: "Մունդիալ-2002"-ում Կաֆուն չեմպիոնների ավագն էր:

    Traianos Dellas
    Ծնվել է 1976 թ. հունվարի 31-ին, Սալոնիկում: Հունաստանի հավաքականում անցկացրել է 34 խաղ, խփելով 1 գոլ, այն էլ՝ "Եվրո 2004"-ի կիսաեզրափակիչ խաղում: Հույները դուրս եկան եզրափակիչ, որտեղ հաղթելով պորտուգալացիներին՝ դարձան Եվրոպայի չեմպիոններ: 2002-2005 Դելլասը խաղացել է Ռոմայում, 2006 թվականից խաղում է ԱԵԿ-ում:
    Կցված նկարներ Կցված նկարներ
    Все люди - евреи, просто не все нашли смелость признаться.

  13. #13
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)
    Vincenzo Montella
    Ծնվել է 1974 թ. հունիսի 18-ին: 1992-1995 թթ., խաղացել է Էմպոլիում, 1995-1996 թթ.՝ Ջենովայում: 1996-1999 թթ. անց է կացրել Սամպդորիայում, որտեղ ցույց է տվել մեծ արդյունավետություն՝ 98 խաղում խփելով 60 գոլ: 1999 թ. տեղափոխվել է Ռոմա: Այդ ժամանակվանից Մոնտելլան սկսել է հանդես գալ ազգային հավաքականում, որի կազմում մասնակցել է "Եվրո-2000"-ին և "Մունդիալ-2002"-ին: Ռոմայի կազմում հենց առաջին մրցաշրջանում դարձել է թիմի լավագույն ռմբարկուն՝ խփելով 18 գոլ: Այնուհետև եկավ Բատիստուտան: Մոնտելլան նրան չտվեց իր 9 համարը, այդ պատճառով Բատիստուտան Ռոմայում հանդես էր գալիս 18 համարով: Չեմպիոնական 2000/01 մրցաշրջանում Մոնտելլան մի քանի կարևոր գոլերի հեղինակ դարձավ, չնայած Կապելլոն նախապատվությունը տալիս էր Բատիստուտային: Մոնտելլան իր լավագույն ամիսները անց էր կացնում պահեստայինների նստարանին: 2002 թ. մարտին նա սահմանեց մայրաքաղաքային դերբիների ռեկորդ՝ Լացիոյի հետ խաղում խփելով 4 գոլ: Հաջորդ 2 մրցաշրջաններում Մոնտելլան որևէ բանով աչքի չընկավ: 2004-2005 մրցաշրջանը Մոնտելլայի համար դարձավ վերջին մրցաշրջանը, որտեղ Մոնտելլան փայլեց: Խփեց 24 գոլ: 2007 թ. հունվարին Մոնտելլան վարձավճարով տրվեց Ֆուլհեմին, իսկ նոր մրցաշրջանում վարձավճարով խաղալու է իր նախկին թիմում՝ Սամպդորիայում: Մոնտելլան Ռոմայում խփել 98 գոլ և դարձել ակումբի պամության մեջ 5-րդ լավագույն ռմբարկուն: Ընդհանուր առմամբ նա "Սերիա Ա"-ում անցկացրել է 263 խաղ և խփել 137 գոլ, այսինքն՝ միջինը 2 խաղում 1 գոլից ավել: Մոնտելլան իր գոլերը յուրահատուկ կերպով նշելու համար արժանացել է "Aeroplanino" (ինքնաթիռ) մականվանը:

    Antonio Cassano
    Ծնվել է 1982 թ. հուլիսի 12-ին (Իտալացիների՝ "Մունդիալ 82"-ի եզրափակիչում տարած հաղթանակի հաջորդ օրը), Բարիում: Կարիերան սկսել է քաղաքի համանուն թիմում: 2001 թ. տեղափոխվել է Ռոմա: Իր հոյակապ խաղի շնորհիվ 2 տարի անց հրավիրվեց Իտալիայի ազգային հավաքական: "Եվրո-2004"-ում դարձավ 2 գոլի հեղինակ. մեկը շվեդների դարպասը, մյուսը՝ բուլղարացիների դարպասը: 4-րդ ավելացրած րոպեին խփած գոլը իտալացիներին հաղթանակ պարգևեց, բայց "Աձձուրիները" դուրս մնացին հետագ պայքարից: Ջովանի Տրապատոնին նրան անվանում էր "Իտալական ֆուտբոլի ապագա": Կասսանոն առաջարկներ ստացավ Եվրոպայի մեծագույն ակումբներից: 2006 թ. հունվարին նա տեղափոխվեց Ռեալ: Արդյունքը հայտնի է բոլորին. խփեց ընդամենը 2 գոլ, չմասնակցեց "Մունդիալ 2006"-ին, իսկ այսօրվա դրությամբ ակումբ չունի: Չնայած, լուրեր կան, որ նոր մրցաշրջանում նա հանդես է գալու Անգլիայում: Հույս ունենանք, որ Կասսանոյի լավ օրերը նորից կգան:
    Կցված նկարներ Կցված նկարներ
    Все люди - евреи, просто не все нашли смелость признаться.

  14. #14
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Մանչն ու Դինամոն էս անգամ պրծում չունեն

    Ավելացվել է 19 րոպե անց
    էսի Տոտտիի լավագույն 10 գոլերը 2006 թվի դրությամբ: Ափսոս խայտառակ որակ ա.
    http://www.youtube.com/watch?v=QxLZYINMuWo
    էս էլ սուպերգավաթը.
    http://www.youtube.com/watch?v=99rcf...elated&search=
    Վերջին խմբագրող՝ Աբելյան: 31.08.2007, 18:28: Պատճառ: Գրառման ավելացում

  15. #15
    Պատվավոր անդամ Աբելյան-ի ավատար
    Գրանցման ամսաթիվ
    25.05.2006
    Հասցե
    Երևան
    Տարիք
    37
    Գրառումներ
    5,055
    Բլոգի գրառումներ
    3
    Mentioned
    1 Post(s)
    Tagged
    0 Thread(s)

    Re. AS Roma

    Roma-Siena 3-0
    Աքվիլանի, Ժիուլի, Տոտտի

Էջ 1 3-ից 123 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •