Նախագահական ընտրություններ - 2008

[Grieg]

արժանի թեկնածու չկա ուստի

ա. ընտորղները կփորձեն ընտրել չարյաց փոքրագույնը
բ. չարյաց մեծագույնը ..
գ.կամպրապնդվի ֆեոդալական ռեժիմը էլ ավելի շատ մարդիկ կփորձեն փախնել

[Quadro]

արժանի թեկնածու չկա ուստի

ա. ընտորղները կփորձեն ընտրել չարյաց փոքրագույնը
բ. չարյաց մեծագույնը ..
գ.կամպրապնդվի ֆեոդալական ռեժիմը էլ ավելի շատ մարդիկ կփորձեն փախնել

Լավն էր

[Dar 21]

ա. ինչպե՞ս կանցնեն նախագահական ընտրությունները
բ. ո՞վ է այդ ընտրություններում հաղթելու ամենահավանական թեկնածուն.
գ. ինչպիսի՞ն կլինի Հայաստանի ապագան այդ ընտրություններից հետո:

Պատասխաններ՝
ա. Լեգիթիմության տեսանկյունից՝ ոչ պակաս, քան վերջին խորհրդարանական ընտրությունը, միգուցե և ավելի լավ, իսկ խորհրդարանական վերջին ընտրությունը անցավ ավելի լավ, քան ՀՀ-ի պատմության մեջ որևէ մեկը,
բ. ամենահավանական թեկնածուն Սերժ Սարգսյանն է,
գ. ապագայի մասին խոսելը դժվար է, ուղղակի պետք է հուսալ, որ ավելի լավ կլինի, քան մինչ այդ:

[Smergh]

Պատասխաններ՝
ա. Լեգիթիմության տեսանկյունից՝ ոչ պակաս, քան վերջին խորհրդարանական ընտրությունը, միգուցե և ավելի լավ, իսկ խորհրդարանական վերջին ընտրությունը անցավ ավելի լավ, քան ՀՀ-ի պատմության մեջ որևէ մեկը,
բ. ամենահավանական թեկնածուն Սերժ Սարգսյանն է,
գ. ապագայի մասին խոսելը դժվար է, ուղղակի պետք է հուսալ, որ ավելի լավ կլինի, քան մինչ այդ:

Դուք Ձեր ասածներին հավատո՞ւմ եք
ա. Հայաստանում սկսած 1995 թվականից ընտրություններ կոչված գործընթացը երկրաչափական պրոգրեսիայով վատանում է, շուտով այն կհասնի 0-ի: Պարզապես` ընտրությունից ընտրություն ընտրակեղծիքների ձևերն ու եղանակներն են կատարելագործվում:
բ. Ի՞նչ ասել է ամենահավանական թեկնածու, երևի ցանկանում էիք ասել, ինչպես միշտ է եղել, հաղթելու է ուրիշը , սակայն նախագահի պաշտոնը այս անգամ զավթելու է Սերժ Սարգսյա՞նը:
գ. Իսկապես ապագայի մասին խոսելն անիմաստ է, քանզի չենք կարող գուշակել, թե ընտրակեղծիքների ինչպիսի անակնկալ տեխնոլոգիաներ կմշակեն այս անգամ հանրապետականները, ուստի մնում է հուսալ, որ գոնե առաջիկա ընտրություններն ավելի վատը չեն լինի, քան նախորդները:

[Dar 21]

Smergh!

Այլ հարցե, որ չեք սիրում հանրապետականներին ու Սերժ Սարգսյանին: Բայց գաղտնիք չէ, որ հաստատ այս վերջին խորհրդարանական ընտրությունները ավելի ժողովրդավարական էին քան մինչ այդ, դրա մասին նույնիսկ ասում էին միջազգային դիտորդները, այդ թվում՝ եվրոպական, որոնք երբեք էլ չեն ցանկացել Հայաստանին լավ խոսքեր շռայլել, սակայն այլընտրանք չկար. ճիշտը՝ մեկն է: Իդեպ, ժողովրդավարություն ասվածը շատ հարաբերական է, և ինչպես մի մամուլի ասուլիսի ժամանակ ասել էր Ռուսաստանի Դաշնության նախագահ Վլադիմիր Պուտինը, ի՞նչ է ժողովրդավարությունը, ոչ մի երկրում էլ չկա կատարյալ ժողովրդավարություն, ուղղակի տարբերությունն այն է, որ մի երկրում մի քիչ շատ է, մյուսում՝ մի քիչ քիչ: (սա մոտավոր թարգմանությունն էր)
"Ամենահավանական թեկնածու" ասելով նկատի ունեի, որ ամենամեծ շանսերը մոտակա նախագահական ընտրություններում ունի Սերժ Սարգսյանը:

[Smergh]

Smergh!

Այլ հարցե, որ չեք սիրում հանրապետականներին ու Սերժ Սարգսյանին: Բայց գաղտնիք չէ, որ հաստատ այս վերջին խորհրդարանական ընտրությունները ավելի ժողովրդավարական էին քան մինչ այդ...

Ասացեք, ինչի՞ համար կարելի է սիրել հանրապետականին, չնայած ճիշտ կլինի ասել` ընդունել նրա գաղափարախոսությունը: Եթե դրանք դավանում են մի գաղափարի, ապա ինչպե՞ս կարող է նոր անդամը նույն օրը դառնալ այդ կուսակցության գաղափարական առաջնորդը: Ուրեմն այդ կուսակցությունը թքած ունի գաղափարախոսության վրա, ավելի ճիշտ նրա գաղափարախոսությունը ամեն գնով իշխանությունը պահելն է: Հիշեցնեմ Ձեզ` հանրապետականը իր 1.5տոկոսանոց իմիջով իշխանության է եկել խաբեությամբ` Դեմիրճյանի ուսերի վրա, դավաճանել նրան ու փորձը ցույց է տալիս, որ կընկերակցի նույնիսկ սատանայի հետ, որը կարող է օգնել իրեն իշխանության վրա մնալու համար:
Սերժ Սարգսյանին ես կհարգեյի, եթե հոկտեմբերի 27-ից հետո նա գոնե ձևականորեն ներկայացներ հրաժարականի խնդրանք, ինչը պետք է տեղի ունենար և հարիր էր ցանկացած երկրի այդպիսի բարձրաստիճան քաղաքական պաշտոնյայի համար, առավել ևս ԱԱ Նախարարի համար: Այդ դեպքը ցուց է տալիս, որ իշխանությունը նրա համար վեր է ամեն ինչից, իսկ դա հղի է վտանգավոր հետևանքներով...
Ինչ վերաբերվում է վերջին ընտրություններին, ապա պետք է ի նկատի ունենալ, որ ընտրակաշառքներն այս անգամ նախատեսված էին ոչ միայն ընտրողների, այլ նաև դիտորդների համար, այդ թվում միջազգային, այնպես որ պետք չէ ջայլամի կեցվածք ընդունել ու ցանկալին իրականի տեղ մատուցել մեզ: Այդ դրսի համար էին մեր "ընտրությունները" առաջընթաց, իսկ մեզ համար դրանք ևս մեկ քայլ էին դեպի անդունդ...
Սպասվող նախագահական ընտրություններն ավելի խայտառակ են լինելու, եթե կեղծիքների մեքենան /հանրապետական/ շարունակի անարգել կատարելագործվելը:

[Smergh]

Գալիք նախագահական ընտրություններն իմ կարծիքով ունեն մի աչքի ընկնող յուրահատկություն: Դա այն է, որ եթե վերջին 10-12 տարում նախագահական ընտրություններում իշխանությունները համարյա միայնակ էին պայքարում Վազգեն Մանուկյանի դեմ` ապա այսօր նրանց են միացել ինչպես նրանց կողմից ընդիմադիր դաշտ գործուղված, այնպես էլ իրական ընդիմությունները: Շինծու ընդիմությանը լիգիտիմություն շնորհելեու գործին են լծվել պարոնայք Պարույր Հայրիկյանն ու Խոսրով Հարությունյանը: Նրանց են միացել նաև ՀՀՇ-ական այն ուժերը, որոնք սին հույսեր են փայփայում կերակրաման վերադառնալու եվ իրենց ապաշնորհության պատճառով կորցրած պաշտոնները վերականգնելու ձգտող ուժերը: Խորը վերլուծությունը ցույց է տալիս, որ բոլորը միասին աշխատում են Սերժ Սարգսյանի օգտին: Զավեշտալին այն է, որ ոչ մեկին չի հետաքրքրում երկրի ապագան, բոլորը լծվել են անձնական խնդիրների լուծման "բարդ և պատասխանատու գործին":
Այսպես, ՀՀՇ-ականները հիանալի գիտակցում են, որ 1996 թվականին ժողովրդի ձայնը լռեցնելու համար նրա դեմ տանկեր դուրս բերած նախկին Նախագահն այլևս անելիք չունի քաղաքական դաշտում ու նրան այդտեղ վերադարձնելը հետապնդում է մի նպատակ, օգտագործելով ՀՀՇ-ի վերը նշված ուժերը` Լևոն Տեր-Պետրոսյանին առաջադրել որպես ընդիմության "միակ" թեկնածու, որին իբրև թե այլընտրանք գոյություն չունի:
Այս ամենն հատկապես ձեռնտու է Սերժ Սարգսյանին, որը ձգտում է մրցակցել Տեր-Պետրոսյանի նման վարկաբեկված մեկի հետ, որին "հաղթելու" համար ընտրակեղծիքների և իշխանական ռեսուրսի ներկա պաշարը նույնիսկ պահանջվածից էլ մեծ կլինի: Այդ դեպքում կարելի է ասել, որ Ահարոն Ադիբեկյանը նույնպես կհայտնվի խաղից դուրս վիճակում և նրա "ծառայությունների" վրա մեծ գումարներ փչացնելու կարիք էլ չի զգացվի: