Սեր ազգականների միջև

[Cassiopeia]

Ինչպես արձագանքել, երբ արյունակից ազգականները սիրահարվում են իրար…

Հանրահռչակ տաղանդ Լորդ Ջորջ Գորդոն Բայրոնը սիրում էր իր քրոջը և նրա սերը չբավարարվեց զուտ հոգեկան զգացմունքներով, այն իր մեջ ներառեց նաև քրոջ և եղբոր համատեղ սեռական կյանքը: Կարդալով գրքեր, բազմիցս կարող ենք հանդիպել պատմական այնպիսի դեմքերի, որոնք սիրել ու ամուսնացել են իրենց զարմիկների հետ: Որոշ ազգերի մոտ, ինչպիսիք են արաբները, եզդիները և այլն դա ներկայումս ևս ընդունված սովորույթ է:
Մեզ փոքրուց դաստիարակում են, որ մեր զարմիկները մեր քույր-եղբայրներն են: Ըստ հայկական ավանդույթների ամուսնացողներին առնվազն “7 պորտ” պետք է բաժանի: Բայց ոչ ոք ապահովագրված չէ, որ կարող է սիրել իր եղբորը կամ քրոջը:
Եթե մի կողմ դնենք բժշկության տեսակետն այն մասին, որ նմանատիպ ամուսնության ընթացքում Դաունի (և ուրիշ) հիվանդությամբ երեխայի ծննդի հավանականությունն ավելի է մեծանում, ապա ի՞նչն է խանգարում նմանատիպ սիրուն:
Արդյոք Աստվածաշունչն արգելում է դա, ինչպիսի՞ն է առաքելական եկեղեցու վերաբերմունքը դրա հանդեպ:
Ի՞նչպես պետք է վարվի նման իրավիճակում հայտնվածը:

[StrangeLittleGirl]

Եթե մի կողմ դնենք բժշկության տեսակետն այն մասին, որ նմանատիպ ամուսնության ընթացքում Դաունի (և ուրիշ) հիվանդությամբ երեխայի ծննդի հավանականությունն ավելի է մեծանում

Դաունի հավանականությունը չի մեծանում

[Cassiopeia]

Դաունի հավանականությունը չի մեծանում

Նման իրավիճակում հայտնվածները մի պրոբլեմից ազատվեցին…

[Apsara]

Կարծում եմ ամեն ինչ սիրող զույգերի ձեռքերում է, եթե նրանք կախված են հասարակական կարծիքից ապա ոչինչ էլ չի ստացվի նրանց մոտ, այլ ուղղակի կսպանեն իրենց սերը, իսկ եթե նրանք ուժեղ գտնվեն ապա կմիանան: Ի դեպ մեր ազգում այդպիսի դեպք կա երբ երկու Ինանցներ (սա իմ ազգանունն է) ամուսնացել են ունեցել նորմալ երեխաներ ապրում են շատ երջանիկ:
Կարծում եմ միակ քննադատողը հասարակությունն է, ու նրանց կարծիքը հաշվի առնողները միշտ էլ տուժում են:
Ապրեք ձեզ համար, ոչ թե ուրիշի ու նրան օրենքներով, մի դարձեք ուրիշի կարծիքների խաղալիք, գնդակ, որ տշվում է այս կողմից այն կողմ:

[Cassiopeia]

Ի դեպ մեր ազգում այդպիսի դեպք կա երբ երկու Ինանցներ (սա իմ ազգանունն է) ամուսնացել են ունեցել նորմալ երեխաներ ապրում են շատ երջանիկ:
Կարծում եմ միակ քննադատողը հասարակությունն է, ու նրանց կարծիքը հաշվի առնողները միշտ էլ տուժում են:

Վարդ, իսկ ինչ ազգակցականություն են նրանք ունեցել, ովքե՞ր են եղել մեկը մյուսի համար…

[Apsara]

Վարդ, իսկ ինչ ազգակցականություն են նրանք ունեցել, ովքե՞ր են եղել մեկը մյուսի համար…

Վերա ջան ճիշտն ասած չգիտեմ թե կոնկրետ ինչ ազգակցականություն են նրանք ունեցել, բայց հաստատ կարող եմ մի փաստ նշել, որ Ինանցները այդքան էլ իրարից հեռու գնացած չեն լինի, ճիշտ է հիմա բավականին շատ ենք, բայց բոլորը բոլորին ճանաչում են, միգուցե ես կամ իմ զարմիկները չէ, բայց մեծրը բոլոր իրար ճանաչում են:

[Ungrateful]

Ինչպես արձագանքել, երբ արյունակից ազգականները սիրահարվում են իրար…

Չեմ կարողանում հասկանամ.. և աստված տա կյանքում չհասկանամ...

[Պանդուխտ]

Բարեւ,
Ջեմ կարծում Աստուածաշնչում արգելուած լինի, քանզի Ադամն իր անձի հետ ամուսնացաւ, այսինքն՝ իր կողի ոսկորից կերրտուած Եւայի հետ: Իսկ նրանց զաւակները՝ իրար հետ:
Եկեղեցու հայրերը արգելել են ազգականների ամուսնութիւնը, ջլատելու համար ժամանակի հայկական միջավայրի ցեղային-նախարարական կազմը: Ինչպէս գիտենք, հին դարերում երիտասարդների ամուսնութիւնը որոշւում էր ընտանիքում, տոհմում եւ ցեղախումբում. տան երեցների կողմից: Ամուսինների ընտրութիւնը յաճախ կատարւում էր տնտեսական եւ ցեղախմբային նկատառումներով: Այսինքն՝ աղջկայ կամ տղայի ունեցուածքը օտարին (այլ ցեղերին) պիտի չի անցնի ժառանգութեամբ, ամուսնութիւնը պիտի կատարուի մի եւ նոյն ցեղախումբի ընտանեկան բարեկամական եւ արենակցական կապը ամուր եւ մշտական պահելու համար:
Քոյր-եղբայր ամուսնութիւնը մեր դարում աներեւակայելի է, սակայն մօտիկ ազգականների միջեւ...տանելի:

[Ձայնալար]

Ախր էդ անտեր սիրահարվելը այդքան էլ պատահական ու անկառավարելի պրոցես չի: Եթե երեխան ծնված օրվանից գիտի որ դա իր քույրը կամ եղբայրն է (համապատասխան հետևանքներով), չի կարող հետո մի օր սիրահարվել: Այլ հարց է, թե որքանո՞վ է հիմնավորված ազգականների հետ չամուսնանալու ավանդույթը: Որքանով ինձ է հայտնի, գիտականորեն ապացուցված է, որ նման գեներով մարդիկ ավելի հակված են տկար սերունդ տալու: Կարծում եմ, ավելի լավ հիմնավորում այդ ավանդույթին չէր կարող լինել:

[Vive L'Armenie]

Ինչպես արձագանքել, երբ արյունակից ազգականները սիրահարվում են իրար…

............................. Աստված հեռու պահի այդպիսի իրավիճակներից...
Լավ է, որ մենք՝ Հայերս, այնպիսի մտածելակերպ չունենք ինչպես որոշ ազգեր

[Dayana]

տենց բաներ էլ են լինու՞մ
էս ինչքան հետ եմ ընկել բարեբախտաբար ։
Տենց բաներ չի կարելի ամոթա
Վիվուկը ճիշտ էր , որ ասում էր հայերն էդ կողմից լավն են

[Մականուն]

Ժողովուրդ, սիրելիներս, թեման ահավոր տհաճ է ինձ համար: Բացարտեմ թե ինչու:
Թեմայի քննարկումը հասել է այն աստիճանի, որ արդեն ինչ-որ տեղ վատաբանվում է սեր կոչված զգացմունքը: Սերը մի ներկայացրեք վատ գույներով, եկեք ավելի լավ է սահմանափակվենք բժշկական համոզիչ պազաբանումով: Կարծում եմ բոլորս էլ հասուն և գիտակից էակներ ենք և ընդունակ ենք քաջ գիտակցելու այն ամբողջ վտանգը, որ իր մեջ է ներառում արյունակիցների ամուսնությունը: Եթե սա էլ բավարար չէ, ավելացնելու բան չկա, քանի որ շարունակությունը անխտիր կբերի նրան, ինչին հասել ենք արդեն՝ սիրո տեսակավորման ու գնահատման: Սերը առաքինիի ձգացմունք է, զսպվածությունը խոհեմ դատողություն:
Ես ինձ բարոյական իրավունք չեմ վերապահում այս պարագայում որևէ մեկին քննադատել, ձեզ էլ կոչ եմ անում նույն կերպ վարվել: