"Ազատություն" ռ/կ ......

[Artgeo]

ԸՆԴՈՒՆՎԵՑ

Րոպեներ առաջ խորհրդարանում 79 կողմ, 16 դեմ եւ 7 ձեռնպահ ձայների հարաբերակցությամբ առաջին ընթերցմամբ ընդունվեցին՚Հեռուստատեսության եւ ռադիոյի մասինՙ եւ ՚Պետական տուրքի մասինՙ օրենքների փոփոխությունները: Դեմ էին քվեարկել ՕԵԿ եւ ՚ժառանգությունՙ խմբակցությունների պատգամավորները, Վիկտոր Դալլաքյանը, Խաչատուր Սուքիասյանը, Մարտուն Գրիգորյանը: Ձեռնպահ էր քվեարկել Դավիթ Հարությունյանը:

Հիշեցնենք, որ օրենքի փոփոխությամբ կարգելվի ՚Ազատությունՙ ռադիոկայանի հեռարձակումը հանրային ռադիոյով, իսկ մասնավոր ռադիոկայաններով հեռարձակվելու դեպքում ՚Ազատությունըՙ ամեն մի հեռարձակման համար պետք է վճարի 70000 դրամ:

http://a1plus.am/amu/?page=issue&iid=50829

[Ներսես_AM]

ինչի կասկածողներ կային, որ չի ընդունվելու՞։

[Egern.net]

անկեղծ ասած` չկար....

ամեն ինչ արվում է բլից կարգով, որ ոչինչ հնարավոր չլինի փոխել: Հատուկ հարցը դրել են արտահերթ նստաշրջան, որ երկար քննարկումներ չլինեն...

Ժողովուրդ, բայց շատ հետաքրքիր է տարբեր լրատվամիջոցների պահվածքը... Այսօր առավոտյան Արմենիան խոսում էր այս թեմայի շուրջ այնպես, կարծես թե Կանադայի եսիմ որ նահանգում ինչ-որ օրենք պիտի ընդունվի...... ոնց որ լուսնից լինեն:

Բայց ասում են` որոշակի հիմքեր կան օրինագծերը ՍԴ-ում վիճարկելու համար... Ասում են` Կառավարությունը չի կարող տուրք սահմանել այնպիսի լրատվամիջոցի համար, որին նա ոչ մի ծառայություն չի մատուցում...

[Marduk]

Ժողովուրդ դուք մոռացել եք որ Հայաստանում արդեն միջազգային չափանիշներով դեմոկրատիա է: Այնպես որ «Ազատություն» ռադիոն իր առաքելությունը կատարել է ու կարող է հեռանալ: Օրինակ Ֆրանսիայում էլ չկա «ազատություն» ռադիո..

[Artgeo]

Վրաստանում նույնպես չկա, բայց դրա մասին որոշում կայացրել են «Ազատություն» ռ/կ-ի կենտրոնական գրասենյակում, իսկ Հայստանում իշխանություններն են եթերից զրկում:

[StrangeLittleGirl]

Որ ցույց կազմակերպվի, ես էլ կգամ… չնայած ցույցը շատ քիչ է: Ավելի լուրջ բաներ պետք է մտածել

[StrangeLittleGirl]

Էս էլ նայեք:

[Artgeo]

«Ազատությունը» կհնչի Ազատության հրապարակում

Իշխանությունների բեսպրեդելի հետեւանքով փակման վտանգի առաջ է կանգնել Հայաստանի միակ անկախ էլեկտրոնային լրատվամիջոցը` ՚Ազատությունՙ ռադիոկայանըՙ,- հայտարարեց Նիկոլ Փաշինյանն այսօր երեկոյան Ազատության հրապարակում շուրջ 30 րոպե ՚Ազատությունՙ հաղորդում լսելուց հետո: Հրապարակում հավաքված անվտանգության աշխատակիցները ցանկացել էին արգելել Փաշինյանի ելույթը` ասելով, որ նա իրավունք չունի այսօր հանրահավաք անելու, ինչի վերաբերյալ վերջինս նշեց. ՚Սա ոչ զանգվածային հանրահավաք է, ես այստեղ եմ եկել որպես Հայաստանի Հանրապետության քաղաքացի, ինչի համար ինձ թույլտվություն անհրաժեշտ չէՙ: Փաշինյանն այսօր միայնակ էր կանգնած հրապարակի հարթակում:

Վերջինս շուրջ 200 հավաքված մարդկանց վաղը ժամը 19:00ին Ազատության հրապարակում ՚Ազատությունՙ լսելու կոչ արեց` ասելով, որ իրենց են միանալու ՚Հանրապետությունՙ-ը եւ ՀԺԿ-ն: ՚Ինչպես 2003 թվականի նախագահական ընտրություններից առաջ փակեցին ՚Ա1+ՙ հեռուստաընկերությունը, այնպես էլ 2008-ի ընտրություներից առաջ փորձում են փակել ՚Ազատությունըՙ,- հայտարարեց Նիկոլ Փաշինյանը,- մենք չպետք է թույլ տանք, որ իշխանությունները հերթական անեն այն, ինչ ուզում ենՙ: Փաշինյանը անրադարձավ նաեւ ձերբակալվածներ Ժիրայր Սեֆիլյանի, Վարդան Մալխասյանի, Ալեքսանդր Արզումանյանի եւ Արման Բաբաջանյանի դատավարություններին` քաղաքացիներին զգուշացնելով, որ նրանց վիճակում կարող է հայտնվել նրանցից յուրաքանչյուրը:

՚Մեր պայքարելու հիմնական միջոցն այս հրապարակը լցնելն էՙ,- ասում էր Փաշինյանը: Հրապարակում հաջորդ օրվա անելիքները քննարկելուց հետո մարդիկ ՚Այդ մեկը դու եսՙ, ՚1+1+1+1+1...ՙ եւ ՚Ազատությունՙ վանկարկելով Աբովյան փողոցով շարժվեցին Հանրապետության հրապարակի ուղղությամբ, նույնը կրկնելուց հետո` ցրվեցին:

http://a1plus.am/amu/?page=issue&iid=50864

[StrangeLittleGirl]

Վրաստանում նույնպես չկա, բայց դրա մասին որոշում կայացրել են «Ազատություն» ռ/կ-ի կենտրոնական գրասենյակում, իսկ Հայստանում իշխանություններն են եթերից զրկում:

Ա՛րթ ջան, դու տեղյակ չես. Վրաստանում «Ազատություն» կա, պարզապես ռեյտինգը շատ ցածր է: Հայաստանում բարձր է, որովհետև բնակչությունը օբյեկտիվ տեղեկատվություն ստանալու այլընտրանք չունի:
Ա՛յ, Սլովակիայի, Մերձբալթյան պետությունների և մի շարք այլ երկրների ծառայություններ իսկապես փակվել են, բայց ոչ նրա համար, որ իշախանություններն են արգելել:

[Էդգար]

Այս քաղաքականության նպատակը ըստ իս շատ պարզ է:Քոչարյանը փակում է «Ազատությունը», այնուհետև նախագահ է դառնում Սերժը և այն դարձյալ բացում է, ու ցույց է տալիս հայ հասարակությանը և ամբողջ աշխարհին թե ինքը ինչ «թույն» դեմոկրատ է:
Իսկ ինչ վերաբերում է այդ 70 000 դրամ պետտուրքին, որն իբր ելնում է պետ անվտանգության շահերից, ապա դա լրիվ աբսուրդ է:Ստացվում է կարելի է վճարել 70000 և վնասել երկրի անվտանգությանը:Ուղղակի հիմարություն: Դա նույնն է ինչ արտասահմանյան լրտեսներին հարկատու դարձնելը ասելով՝ «հարկը վճարիր և ինչքան ուզում ես լրտեսություն արա»:

[Artgeo]

Ա՛րթ ջան, դու տեղյակ չես. Վրաստանում «Ազատություն» կա, պարզապես ռեյտինգը շատ ցածր է: Հայաստանում բարձր է, որովհետև բնակչությունը օբյեկտիվ տեղեկատվություն ստանալու այլընտրանք չունի:
Ա՛յ, Սլովակիայի, Մերձբալթյան պետությունների և մի շարք այլ երկրների ծառայություններ իսկապես փակվել են, բայց ոչ նրա համար, որ իշախանություններն են արգելել:

Բանից պարզվեց, սխալվում էի: Բայց ինչո՞ւ եմ ես հիշում, որ Վրաստանում նույնպես դադարեցրել էին http://www.tavisupleba.org/
Երևի իրոք այնքան տարբեր տեսանկյուններ ներկայացնողներ կան, որ Ազատության կարիքը չի զգացվում:
Իսկ Հայաստանում Ազատությունը միակ ազատ լրատվամիջոցն է (չհաշված մի քանի թերթ + էլեկտրոնային պարբերականներ):

[Artgeo]

Հայաստանում ազատության վերջին ծորակը փակելու իշխանության քայլերի դեմ համախմբվում են Հայաստանի բոլոր ազատ լրատվական ծառայություններն ու այլ կազմակերպությունները:
«Ասպարեզ» ժուռնալիստների ակումբ
Կապանի «Սյունյաց երկիր» թերթը

Ինչպես նաև
Հանրապետություն կուսակցությունը
Նոր ժամանակներ կուսակցությունը
Այլընտրանքը

Միացողները գնալով ավելի են շատանալու:
Միակ հարցը, որը մնում է բաց՝ ի՞նչ կանի հասարակ ժողովուրդը: Կհետևի՞ Ռ. Հախվերդյանի հայտնի երգին, թե՞ կպայքարի հանուն ազատության, անկախության ու արժանապատվության:

[Artgeo]

ԲՈԼՈՐԻՆ, ԲՈԼՈՐԻՆ, ԲՈԼՈՐԻՆ


Երկուշաբթի, հուլիսի 2-ին, առավոտյան 10:30, ՚Ազատությանՙ հրապարակում, մի շարք հասարակական կազմակերպություններ կազմակերպում են բողոքի ակցիա, ի պաշտպանություն ՚Ազատությունՙ ռադիոկայանի:

Կազմակերպիչները դիմում են բոլորին` անհատներին, հ/կ-ներին, բոլոր նրանց ում համար թանկ է խոսքի ազատությունը, միանալու , մասնակցելու բողոքի ակցիային:Կազմակերպիչները կարեւորում են յուրաքանչյուրի մասնակցությունը:

Եվ այսպես. երկուշաբթի, ժամը 10:30, ՚Ազատությանՙ հրապարակ:

[15:28] 30 Հունիսի, 2007 [ http://www.a1plus.am/amu/?page=issue&iid=50870 ]

[StrangeLittleGirl]

Ես անպայման գնալու եմ

[Artgeo]

Ազատություն ռադիոկայանի լուրերը կարող եք լսել http://www.rferl.org/listen/ondemand...ar-default.asp հասցեով: