Քանի որ Տեր Շմավոնը համակարգչի հետ կապված խնդիրներ ունի, որոշ հարցերի պատասխաններ ես ինքս ձեզ կտամ:Belka-ի խոսքերից
Հանգուցյլաների հոգու հանգստության համար մենք բոլորս աղոթում ենք` լինի դա տանը, թե եկեղեցում: Սակայն պետք է իմանալ, որ եկեղեցում հատուկ հոգեհանգստյան կարգ կա: Այն կատարվում է Ս. Պատարագի ավարտին յուրաքանչյուր կիրակի կամ եթե շաբաթվա մեջ Ս. Պատարագ է մատուցվում, որի ավարտին կրկին կարելի է հոգեհանգիստ պատվիրել: Դրա համար անհրաժեշտ է նախապես դիմել հոգևորականին: Նա համապատասխան գրանցում կկատարի: Այնուհետև պետք է մասնկացել Ս. Պատարագին, որից հետո հոգևորականը համապատասխան աղոթքներ կընթերցի և կտա Ձեզ մի թուղթ, ուր նշված է հանգուցյալի կամ հանգուցյալների անուն, ազգանունները և նշխար: Դուք այն կտանեք և կդնեք հանգուցյալի շիրիմին: Բացի այդ կարելի է պատվիրել նաև մասնավոր հոգեհանգստյամ կարգ ձեզ հարմար օրի և ժամի: Այս դեպքում ևս հոգևորականի հետ պետք է նախապես պայմանավորվածություն ձեռք բերել: Հոգեհանգստյան կարգ կատարվում է նաև եկեղեցական 5 տաղավար /մեծ/ տոների հաջորդ օրը` Մեռելոց հիշատակության օրերին: Տաղավար տոներն են Ս. Ծնունդը, Ս. Հարությունը, Պայծառակերպության /Վարդավառ/, Մարիամ Աստվածածնի Վերափոխման /Խաղողօրհնեք/ և Խաչվերաց /Սուրբ Խաչ/: Այդ տոների հաջորդ օրերը հատուկ հոգեհանգստյան պատարագ է մատուցվում և եկեղեցիներում սեղաններ են տեղադրվում, ուր կարող եք հանգուցյալների տվյալները թողնել: Եկեղեցական տոների մասին կարող եք ընթերցել Արարատյան Հայրապետական թեմի կայքում հետևյալ հասցեով http://www.araratian-tem.am/holidays.php?id=10&lang=A
Ավելացվել է 9 րոպե անց
Վահանակին Տեր Շահեի հայտնվելը շատ պարզ բացատրություն ունի: Եթե հիշում եք այս տարի հունվարի 21-ին մենք նշեցինք երիտասարդների արագահաս բարեխոս Ս. Սարգսի տոնը: Ինչպես հայտնի է, տոնը մարդկանց մեջ տարածելու և էլ ավելի ժողովրդական դարձենլու նպատակով Արարատյան Հայրապետական թեմը վերջին տարիներին բազմաթիվ միջոցառումներ իրականացրեց` սիրո վերաբերյալ համերգային ծրագրեր, պատմվածքների, նկարչության, ֆոտոռեպորտաժի մրցույթներ, ցուցահանդես-վաճառքներ համապատասխան հուշանվերներով, բազմաթիվ հեռուստա և ռադիովիկտորինաներ և այլն: Եթե նկատել եք, Ձեր նշված վահանակների վրա գրված է, որ այն նվիրված է Երիտասարդների արագահաս բարեխոս Ս. Սարգսի տոնին: Բազմաթիվ այլ միջոցառումներին զուգահեռ նման վահանակները և նույն վահանակների հեռուստա և ռադիոտարբերակները ևս միջոց են` մարդկանց իրենց ազգային տոների մասին որևէ տեղեկատվություն փոխանցելու:
Մեջբերել
Էջանիշներ