Հարցեր քահանային

[Ter Hayr]

Ես ես հարցը շատերին եմ տվել, բայց էդպես էլ բան չեմ հասկանում: Հարցը վերաբերում ա ճակատագրին: Մենք ասում ենք Աստված ամենազոր ա ու ամեն ինչ գիտի, եդ աքիոմայա: Ճակատագրի մասին դուք ասում եք Աստված մարդուն տվելա ազատ ընտրելու հնարավորություն, ննենց որ մարդու ձեռին ա իր կյանքը: Աստված ապագան, ու նա գիտի ինչ ճանապարհներ կան ընտրելու, ընտրությունը մարդուննա: Բայց տեսեք Աստված իմանալով ապագան գիտի նաև, թե մենք այդ ճանապարհներից որը տենք ընտրի նա գիտի նաև հաջորդ ճանապարհները ու բոլոր մեր ընտրությունները,.... ուրեմն չեղավ որ մենք այնուամենայնիվ ճակատագիր ունենք, որ մենք ընթանում ենք այն ուղով որը մեզ համար պատրաստել է Աստված՞

Հայ Առաքելական եկեղեցին ճակատագիր չի ընդունում: Մարդ կա հակառակվելով անում է մի բան, որն օրինաչափ չէ, այստեղ արդեն ինքն է փոխում իր կյանքը: Հակառակությունը չարից է, մարդը չարի դրդմամբ թեքում է իր կյանքի բնական ընթացքը: Ճակատագրի գոյությունն ինքնին նշանակում է, որ մարդն Աստծու կողմից ստեղծվել է առանց ազատ կամքի իրավունքի: Իսկ սա նշանակում է, որ մարդը նման չէ իր Արարչին: Իսկ Աստված մարդուն արարեց Իր պատկերով և նմանությամբ, որը հիմնականում պետք է հասկանալ, որ մարդն ազատ է իր կյանքում ընտրություն կատարելու, և իր կյանքն իր ուզած ձևով ապրելու: Աստված չի փորձում մարդուն, քանի որ դրա կարիքը Նա չունի: Աստված մարդու կյանքն ամբողջությամբ գիտի և եթե փորձություններ լինում են մարդու կյանքում, ապա դրանք գալիս են չարի կողմից` մարդուն շեղելու աստվածճանաչողության ճանապարհից:
Օրհնությամբ` Տ. Շմավոն քահանա Ղևոնդյան