Manon ջան հասկանում եմ թեմաիդ բացմամբ թե ինչ ես ուզեցել որ քննարկեն ֆորումի մասնակիցները, բայց տեսնում եմ, որ այլ ուղղությամբ է ասես ընթանում թեմայի քննարկումը ու չգիտես ինչու կարծում են թե դու խառնվում ես մարդկանց անձնական կյանքին ու դատում... Որտեղի՞ց են նրանք դա եզրակացնում, ես չգիտեմ... մինչդեռ եթե մարդ արտահայտում է իր դիրքորոշումը մի ինչ որ խնդրի վերաբերյալ, դա չի նշանակում որ այդպես նա դատում է, բայց չէ որ ամեն մարդ էլ իրավունք ունի իր կարծիքն արտահայտի դատողություններ անելով...
Ճիշտ են նշում թեմայի մասնակիցները, որ նշված սիրավեպը կապ չունի իսկական սիրո հետ, բայց չէ՞ որ կյանքում շատ նմանատիպ կեղծ սերեր են խաղացվում անձնական որոշ նպատակներին հասնելու համար՝ լինեն դա ծառայողական սանդղակով վեր բարձրանալու հետ կապված թե ոչ: Բերեմ օրինակներ.
- օրինակ, երբ մարդիկ գեղեցիկ արտաքինով հրապուրված քայլեր են անում, որ գրավեն նրա ուշադրությունը, առաջացենեն "սիրո" պատրանք ու հետո գրավեն նրանց սիրտն ու հոգին՝ դարձնելով <<սիրո>> օբյեկտին նրանց սեփականությունը՝ իշխելով նրանց մտքերի, զգացմունքների ու վարքի վրա ու փակելով ոսկյա մի վանդակում՝ ասես մի գեղեցիկ երգող թռչնակի...
- օրինակ, երբ կյանքի ընկեր են գտնում ելնելով այն բանից, որ <<սիրո>> օբյեկտը մեծահարուստի զավակ է՝ դե այդ հարստությանն հասնելու համար էլ կարելի է դեր խաղալ թե իբր սիրում է՝ թանկ նվերներ անի սիրտը գրավելու ու իր նպատակին հասնելու համար...
- օրինակ, երբ արտասահման մեկնած մարդիկ այնտեղի քաղաքացիություն ստանալու համար ընտրում են սեր խաղալու տարբերակը, որ ամուսնանան այտեղի մի բնակչի հետ ու հասնեն իրենց ցանկացածին՝ ստանան քաղաքացիություն, բայց մինչ այդ ի՜նչ ջանքեր են պետք, որ սրտում սեր չունենալով մարդ կարողանա ապրել նման չսիրած մի անձնավորության հետ ու դեռ ամեն օր էլ դեր խաղա, թե իբր սիրում է ու հասնելով իր նպատակին անհոգ սրտով հեռանա այդ անձնավորությունից...
Գուցե այս ամենն, որ ասում եմ, փոքր ինչ շեղում է ասես թեմայի բուն նպատակից՝ "Ծառայողական սիրավեպ" թեմայի քննարկումից, բայց այն զգացողություններն ու ապրումներն, որ առկա են բերվածս օրինակներում շատ ու շատ մեծ նմանություններ ունեն հենց այս թեմայի քննարկման բուն նպատակի ու նրա էության բացահայտման հետ:
Կարծում եմ կռահել եմ թեմայի հեղինակի միտքն ու հիմա քննարկումը կընթանա ճիշտ հունով, ուր մասնակիցները կասեն իրենց կարծիքը ու ցույց կտան, թե ինչպե՞ս են վերաբերվում երբ մարդիկ դեր են խաղում թե իբր սիրում են ինչ-ինչ նպատակների հասնելու համար և այդ թվում նաև ծառայողական սանդղակով վեր բարձրանալու...
Ինձ համար դա միանշանակ անընդունելի երևույթ է
ու զզվանքի աստիճան տհաճ
Էջանիշներ