One_Way_Ticket-ի խոսքերից
Անձամբ իմ համար չորս գլխավոր առավելությունները հետևյալն են (հենց այդ առաջնայնությամբ)․
1. Մի կողմից Եվրոպա է, քչից-շատից կարգ ու կանոն (չնայած տեղացիներին թողնես, կբողոքեն անվերջ կոռուպցիայից), էլեկտրոնային փաստաթղթեր, և այլն, մյուս կողմից նախկին ԽՍՀՄ է, բնակչության կեսը ռուս է, ինչը անձամբ ինձ հարազատության զգացում է ներշնչում ու հեշտացնում է մարդկանց հետ հարաբերություններ հաստատելը։
2. Տարվա չորս եղանակներ։ Հիմա գարուն է, ամենուր ծաղիկներ։ Մոտենում է ամառը, երկար ու տաք օրեր, աշնանը ֆանտաստիկ գույներ։ Ձմեռը․․․ հմ, այս տարվա ձմեռը զզվելի էր։ Ջերմաստիճանը զրոյից մի քիչ ավել, մռայլ, անձրևներ։ Հատ ու կենտ օրեր ձյուն եկավ։ Բայց, ասում են, նորմալ չէր, սովորաբար ավելի սպիտակ ձմեռ է լինում։
3. Ճամփորդությունների հնարավորությունը, վերևում արդեն նշել եմ։
4. Սիրուն քաղաք է, անձամբ իմ ճաշակով։ Կա գերմանական հին քաղաք, նեղ, ծուռ ու մուռ փողոցներով։ Կա շատ ավելի մեծ թաղամաս, 19-20-րդ դարերի art nouveau ոճի, ընդ որում շենքերի մեծամասնությունը ռեստավրացիա արված չէ (էդքան փող չունեն)։ Սիրում եմ զբոսնել, նայել, ուսումնասիրել դետալները, պատմության հոտը փչում է շենքերից: Կա լայն գետ, կամուրջներ, վերոհիշյալ պուրակները։ Մի խոսքով, որպես քաղաք ինձ գոհացնում է։
Կան իհարկե ուրիշ մանր առավելություններ, ասենք, ուտելիքը լավն է, կան թերություններ, ասենք, կենտրոնից դուրս ինֆրաստրուկտուրայի վիճակը կաղում է, բայց այս ամենն արդեն երկրորդական է։ Իդեալական ոչ մի տեղ էլ չի լինի։
Էջանիշներ