Թեմայից դուրս, բայց հետաքրքիր կամ կարևոր գրառումներ

[StrangeLittleGirl]

Մի քանի ամիս առաջ ebay–ում մի հագուստ էի հավանել ու որոշել, որ կառնեմ։ Հետո էդ թաբն էդպես բացած թողել ու մոռացել էի (դե, ինձ մոտ միշտ անթիվ–անհամար թաբեր են բացված լինում)։ Էն օրը հիշեցի, մտա, նորից նայեցի, տեսա՝ դրանից մի հատիկ է մնացել, բայց էլի էդ պահին չզբաղվեցի, շեղվեցի ու մոռացա։ Երեկ տեսնեմ՝ Ֆեյսբուքիս լրահոսում է հայտնվել. հարցնում է. «Դեռ հետաքրքրվա՞ծ ես», ու տակը՝ նկարը։ Ասեցի՝ վայ, ճիշտ ա, սրանով պետք ա զբաղվել... Բայց հետո՝ էլի ականջի հետև։ Բայց նա համառորեն չի հանձնվում. էսօր նորից հայտնվեց. «Դեռ մտածու՞մ ես»։ Առաջին ռեակցիաս. դե զզվցրիր, էլի. հետաքրքրված եմ, հետաքրքրված չեմ, մտածում եմ, թե չեմ մտածում, թող ես որոշեմ, ի՞նչ ես կպռշկվել։ Բայց մյուս կողմից էլ եթե սենց ծնգլահան չաներ, իսկապես մոռանալու էի։ Հուսով եմ՝ վաղն արդեն առիթ չի ունենա ասելու. «Հը՞, չկողմնորոշվեցի՞ր»։ Հետապնդվելու միտքն, իհարկե, ջղայնացնող է ու մի քիչ էլ վախենալու, բայց որ խորանում ես, հաճախ նաև օգտակար կարող է լինել։ Ուղղակի արդեն գիտեմ՝ եթե մի բանը զուտ պահի տակ, պատահական հետաքրքրություն է ներկայացնում, incognito–ով եմ նայում, որ հետո ամիսներով (կամ գուցե տարիներով) հետևիցս քարշ չգա։

Աաա՜, մի խոխմ բան էլ ես հիշեցի Ուրեմն մի քանի շաբաթ առաջ Երևանի տոմս էի ման գալիս, մի կերպ ճարեցի նենց խելքին մոտ գնովը, իսկ հիմա ինչ կայք մտնում եմ, նույն ռեկլամն ա գնում, թե՝ Կոպենհագեն-Երևան հետդարձով տոմսը սկսած 7200 կրոնից (դա էլ մոտ 1000 եվրո ա, իրանց արևին էժան են ասում ):

[Մուշու]

Ակումբցիներ ջան , ուզում եմ թեմա բացեմ ակումբցիների անցած տարին վերնագրով , կարծեմ չկա նման թեմա , կասեք որ բաժնում բացեմ ?

[John]

Ակումբցիներ ջան , ուզում եմ թեմա բացեմ ակումբցիների անցած տարին վերնագրով , կարծեմ չկա նման թեմա , կասեք որ բաժնում բացեմ ?

Նմանատիպ թեմա կա Ակումբում, թեմա

Եթե նույնիսկ այլ կերպ ես պատկերացնում թեմայի բովանդակությունն ու բնույթը, կարելի է ուրեմն Դեսից-Դենից-ում բացել, նախորդ թեմայի օրինակով

[StrangeLittleGirl]

Մուշու, բաց էլի. ասենք, 2014-ն ակումբցիների համար ես նենց եմ ուզում էդ թեմայով արտահայտվեմ, բայց չեմ ուզում բլոգումս գրել

[Մուշու]

Բացեցի թեման

[Գալաթեա]

Կդորըմ պոզիտիվ
Հրաշքներ իրականացնելու ժամանակակից ձև:

[Smokie]

http://www.ankakh.com/article/9296/h...-djanibyekyane

Պարզվում ա Ջանիբեկյանը չէր, Ջանգիրովն էր: Վերջինս նույնիսկ վիքիփեդիայում էջ չունի, շատ քիչ են իր մասին խոսում: Ֆեյսբուքում նկարը տեսել էի՝ վերևի մեկնաբանությամբ, վստահ էի, որ ինքն է, բայց ոչ մի տեղ գրված չէր, կարծեցի սխալվել եմ: Իրենց տարբերությունն ակնհայտ է, բայց քիչ թե շատ նմանեցնում եմ՝ հավանաբար անուն-ազգանունից:


http://www.avproduction.am/?ln=am&page=person&id=1025

[Armeno]

Բարևներ բոլորին, ինչքան ա փոխվել ակումբը ․․․

[Արամ]

Երեք-պատմություն-Mephistopheles-Chuk-ivy

Շատ լավնա ))) Մնաց Լյուդան․․․

[Մանուլ]

(Փաստորեն) տղաս (3.5 տարեկան) իմ հետքերով ա գնում. վերջերս նրա բառապաշար ա մուտք գործել իմ շատ սիրելի «փաստորեն» բառը ։

Վարժություններ եմ անում, մեկ էլ եկավ՝ ձեռքին խաղալիք արմավենիներ, որոնք ինչ–որ գնացքի կոմպլեկտի մաս էին կազմում։ Գնացքը մի քիչ անսարք էր արդեն, վաղուց չեմ հանել, որ խաղա։ Հիմա, չգիտես ինչի, հանկարծ հիշել ա էդ գնացքի մասին ու էդ արմավենիները ցույց տալով՝ ասում ա.
– Մամա, սրա գնացքն եմ ուզում։
– Լավ, վարժություններս վերջացնեմ, կհանեմ։
Մեկ էլ բացահայտում արածի տոնով ասում ա.
– Էդ չէր կորել, փաստորեն. դու էիր պահել ։

Մամաս էլ ա էդ «փաստորենը» հաճախ օգտագործում ու փոքր ժամանակ ես էլ փորձում էի ինչ-որ ձևով խոսքիս մեջ օգտագործել էդ բառը :
Բայց ինձ մոտ ընդամենը մի անգամ ստացվեց ու շատ արհեստական: Մամաս էլ հասկացավ, որ փորձում եմ իր օգտագործած բառը օգտագործել, ու դա միակ փորձը եղավ :Ճ

[Smokie]

Բայց իրոք լավ բառ ա

[Smokie]

Խոստովանում եմ
Շատ դեպքերում ինքս էլ չգիտեմ ո՞նց վերաբերվել այնպիսի երևույթներին, ինչպիսինն է օրինակ Կոնչիտան, կամ որքանո՞վ է նորմալ հայի համար թեկուզ որակով թուրքական երգ լսելը:
Խոստովանում եմ՝ էնպես չի, որ սիրել եմ Կոնչոյի երգը ու իրեն չհանդուրժող մարդկանց մոտ ինձ համար դժվար կլիներ ասել, որ շատ էլ լավն է ու ընդհանրապես սիրում եմ իրեն՝ որովհետև անկեղծ չեմ լինի: Բայց անհանդուրժողականությունը, չափազանցնելը, ծայրահեղությունների մեջ ընկնելը ևս սխալ է: Խոստովանում եմ, եթե ակումբի մեծ մասն իրեն չպաշտպաներ, հավանաբար մտքովս չէր էլ անցնի, որ հանդուրժել ա պետք նման երևույթը:
Էնպես չի, որ շատ հիացած եմ Kazim Koyuncu-ի լսածս առայժմ եզակի երգերով: Վերջինիս Didou nana-ն օրինակ՝ վատը չի, բայց լեզուն էնքա՜ն տհաճ ու գեշ ա հնչում ականջիս ու այստեղ երևի նշանակություն չունի էն փաստը, որ թուրքական ա: Չգիտեմ ոմանց համար որքանո՞վ ա ճիշտ պիտակավորելն ու ռասիստություն անելը: Ոմանք էլ ասում են «թուրքական երգերի մեջ որակյալը չկա, բոլորը ռաբիզ են»:

Խոստովանում եմ, որ ռաբիզ լսողներին, կամ քյարթուներին ոչ միայն պիտակավորում եմ մտովի, այլև իրենք իմ աչքում զգալիորեն կորցնում են իրենց մարդկային արժեքը: Նման մարդկանց եթե հանդիպեի, հնարավորինս հեռու կմնայի: Ու դա ոչ թե այն բանի համար, որ նա էլ կարող է ի՛մ կողմից հավանության արժանացած բանին անուն կպցնի, այլ որովհետև հենց ինքը էդպիսինն է: Ինքս եմ անուն կպցնում:

Առաջին ու վերջին անգամ, լսում եմ Kazim-ի ալբոմը: Որ ասում էին թուրքի երգը չի կարող որակյալ լինի՝ մուղամ ա մենակ, մտածում էի «ամեն դեպքերում փորձը չի խանգարի»: Երևի մենակ մի անգամ ա եղել, որ որոշել եմ բռնել ու ջնջել Last-իցս որևէ ալբոմ, կորցնել հետքերը: Էս երկրորդն ա:

[StrangeLittleGirl]

Խայտառակ վիճակ ա: Ամբողջ օրը կոմպի դիմաց աշխատելիս զուգահեռ պետք ա ինչ-որ բանով բզբզալ, որ ուշադրությունդ ասենք մի թեթև, կիսով չափով շեղես, բայց աչքի տակով էկրանին նայես, հա վերադառնաս աշխատանքիդ ու ընդհատես նորից: Իհարկե կարելի ա սենյակում մեծ-մեծ լոքերով քայլել, բալետային թռիչքներ նմանակել, բայց դե կողքից կասեն՝ էս ով ա, մի խոսքով սա չի անցնի: Ծխախոտի գները վերջին 4 ամիսների ընթացքում ինձ ծխախոտի հանդեպ ամենաանտարբեր մարդն են դարձրել, կողքս 4 հոգի բքի, վեջս էլ չի, բացարձակ: Կարելի ա թխվածքաբլիթներ կրծել, ինչն էլ սովորաբար անում եմ, բայց դե արդյունքում իրիկունը տուն եմ գնում՝ սոված չեմ, առավոտը դեռ սոված չեմ, իսկ միայն թխվածքաբլիթներով սնվել չի կարելի: Էս ինչ երկիր ա. արևածաղկի սերմն էլ չրթած են ծախում: Մի խոսքով, տեղս չեմ գտնում:

Սկսվում ա

[Տրիբուն]

Սկսվում ա

Փող հավաքենք, Շինին սևկոթ Ախթամար ուղարկենք:

[StrangeLittleGirl]

Փող հավաքենք, Շինին սևկոթ Ախթամար ուղարկենք:

Չի փրկի: Պետք ա փող հավաքել, հետ դարձի տոմս առնել