Թեմայից դուրս, բայց հետաքրքիր կամ կարևոր գրառումներ

[Ուլուանա]

Ընդ որում՝ Հնդեվրոպական լեզվաընտանիքում չկա «ռոմանոգերմանական խումբ»:
Կա առանձին Գերմանիկ խումբ, որի Արևմտյան (West) ենթախմբում է տեղավորված ներկայիս գերմաներենը,
ու կա Իտալիկ խումբ, որի Լատինական ճյուղի, այսպես կոչված, «Վուլգար Լատիներեն»-ից առաջացել է Ռոմանիկ ենթաճյուղն ու նրա Գալլո-Իբերիան խմբի d’Oil ենթախումբը, որի կազմում էլ հենց գտնվում է մերօրյա ֆրանսերենը:

Որ կարդացի, մի պահ ես էլ էի ուզում սրան անդրադառնալ, դե, դու արդեն գրեցիր, ես էլ ավելացնեմ, որ «ռոմանագերմանականը» Հայաստանում (գուցե ուրիշ երկրներում էլ, չգիտեմ) բուհերի համապատասխան ֆակուլտետի անուն ա ընդամենը. ուղղակի էդ ֆակուլտետում և՛ ռոմանական լեզուներ են անցնում, և՛ գերմանական, դրա համար համատեղ անուն են դրել :

[Վիշապ]

Բա չասե՞ս։ Եթե մասնագիտությամբ իրավագետը աշխարհի պատմությունից բեխաբար ա, կամ մասնագիտությամբ հոգեբույժը հավասարակշռության, կամ օբյեկտիվության հետ խնդիրներ ունի, մենք ումից ինչ ենք պահանջում, կամ ու՞մ ենք մեղադրում։ Այ էս պատճառով հայերիցս յուրաքանչյուրը միշտ ավելի լավ վարչապետ ա, դատավոր ա, տնտեսագետ ա, գեներալ ա, հայրենասեր ա ու բոլոր հարցերում ավելի խելացի ա, քան... մյուս հայերիցս յուրաքանչյուրը։

[boooooooom]

Բոլոր նրանց համար, ովքեր չգիտեն։
Կայքի վերևի ձախ կողմում «Նորություններ»-ին սեղմելիս՝ տեսնում եք նոր գրառումների ընթացիկ հոսքը, իսկ դրա ներքևում՝ «Նոր գրառումներ»-ին սեղմելիս, տեսնում եք էն թեմաները, որտեղ նոր գրառումներ են արված։ Վերջինս շատ ավելի հարմար ֆունկցիա է, երբ ընթացիկ գրառումները շատ են։

Եթե Ակումբի կայքը ինչ որ շոշափելի նյութական սարք լիներ, ապա իմ սարքի "նոր գրառումներ" կոճակը պիտի որ ամենամաշվածը լիներ, էն որ էլ չէր երևա, թե վրան ինչ ա գրված։

[Ուլուանա]

Սև հումոր, на злобу дня

- Բա ե՞րբ ենք մենք լավ ապրելու։
- Լավ մենք արդեն ապրել ենք։

Սա հիշեցի.