Արամայիս Սահակյան
Կյանքն էլ նման է այս ավտոբուսին,
Ոմանք իջնում են, ոմանք բարձրանում,
Ոմանք նստած են անհոգ ու հանգիստ,
Ոմանք կանգնելու տեղ են որոնում...
Ոմանք դռներից կախվել են հազիվ,
Ոմանք գնում են միայն մեկ կանգառ,
Կյանքն էլ նման է այս ավտոբուսին'
Պետք է վճարել գնալուդ համար...
Հողագնդի պես օրորվում կամաց,
Գնում գալիս է նոր մարդկանցով լի
Ու եթե վթար պատահի հանկարծ'
Կանգնած ու նստած էլ չի հարցնի...
Կյանքն էլ նման է այս ավտոբուսին,
Եկեք մտածենք ապրելու մասին...
Ավելացվել է 8 րոպե անց
ահա եւ Սեւակի բանաստեղծություններից մի հատված
ինձ թվում է այս տոպիկում կարելի է Սեւակի բոլոր բանաստեղծություններն էլ դնել քանի որ մեկը մեկից լավն են եւ յուրoրինակ
Պարույր Սևակ Անցած Սերերը
Որքան էլ ջանանք ու ձգտենք սիրել `
Երբեք ավելին չենք ունենալու,
Ինչպես չի լինում ... ավելորդ ատամ:
Սիրո համեմատ
Թիվն ատամների շա՞տ ես համարում:
Բայց մի մոռացի , որ ես, ճիշտն ասած.
Դեռ չեմ բաժանվել ո~չ մի սիրածից.
Իրենք են փոխել անուններն իրենց,
Կերպարանքն իրենց,
Իրենց հասակը,
Իրենց տարիքը,
Սակայն ոչ իրենց:
Եվ ի~նչ փոխել են ` իրենք են փոխել,
Իրե~նք , ոչ թե ես, -
Այս մի մոռացիր:
Մեջբերել
Էջանիշներ