10.12.2012, 15:14 (1728 Դիտումներ)
- Ես միայն ուզում էի շրջել պարտեզում, ձերդ գերազանցություն:
- Այդպե´ս,- թագուհին գոհունակությամբ շոյեց Ալիսի գլուխը,- դու ասում ես <<պարտեզ>>, բայց ես այնպիսի պարտեզներ եմ տեսել, որ սա նրանց համեմատությամբ ամայություն է:
Ալիսը չհամարձակվեց վիճել, այլ միայն ասաց.
- Կարծում էի, որ կգտնեմ դեպի բլրի գագաթը տանող ճանապարհը:
- Դու ասում ես <<բլուր>>,- ընդհատեց Թագուհին,- բայց ես կարող եմ այնպիսի բլուրներ ցույց տալ, որոնց մոտ սա հովիտ է:
- Ճիշտ չէ,- պատասխանեց Ալիսը,- ինքն էլ զարմանալով իր համարձակության վրա,- բլուրը չի կարող հովիտ լինել: Գիտե՞ք ինչ, ձերդ գերազանցություն, ձեր ասածը հիմարություն է:
Սև Թագուհին զայրույթից կապտեց.
- Դու իմ ասածը հիմարություն ես անվանում, բայց ես այնպիսի հիմարություն եմ լսել, որ իմ ասածը, նրա հետ համեմատած մեծ իմաստություն է...
(Ալիսը հայելու աշխարհում,գլուխ երկրորդ)