Սահակ
Մեծերին պե՞տք է հարգել
28.11.2010, 16:47 (5166 Դիտումներ)
Հայաստանում շատ հաճախ կարելի է լսել «քեզանից մեծերին պետք է հարգել» արտահայտությունը։
Ես ենթադրում եմ որ սա ուղղակի նշանակում է, որ տարիքով քեզանից մեծ մարդ ես տեսնում, ապա իրեն պետք է հարգանքով վերաբերվես, իսկ քեզանից փոքրերին հարգանքով վերաբերվելը պարտադիր չէ։
Իսկ ինչո՞ւ։
Ես ենթադրում եմ որ պատճառաբանությունը այն է որ, տարիքով մեծ մարդիկ ավելի մեծ կյանքի փորձ ունեն, և ավելի խելացի են, փորձված, և ավելի բարոյական են։ Իսկ տարիքով փոքրերը ուղղակի ջահել լակոտներ են։
Դժբախտաբար, իմ սեփական փորձից ելնելով, ինձանից տարիքով մեծ մարդկանց մեջ շատ ավելի շատ եմ հանդիպել լկտի լակոտների, տականքների, և տգետների, քան ինձանից տարիքով փոքրերի մեջ։
Ընդանրապես կարծում եմ, որ եթե մարդուն չես, ճանաչում, ապա իրեն պետք է հարգես, անկախ իր տարիքից՝ լինի նա 1 տարեկան թե 100 տարեկան։
Իսկ երբ արդեն ճանաչում ես, պետք է քո վերաբերմունքը նորից կախված լինի այդ մարդուց այլ ոչ թե իր տարիքից։
Այս բանակային «մեծին պետք է հարգել» արտահայտությանը ես մեղմ ասած շատ դեմ եմ։
Պիտակներ:
ոչ մի
- Կատեգորիաներ
- Առանց կատեգորիայի
Նայել անձնագիրը
Նշել այս բլոգն ընթերցված
