• «Խոսող գրքեր» ծրագրի շնորհանդեսը

    2010 թ. փետրվարի 24-ին Խնկո-Ապոր անվան գրադարանի դահլիճում կայացավ «Խոսող գրքեր» ծրագրի շնորհանդեսը: Ծրագիրը իրագործել է «Խատուտիկ» կրթական հասարակական կազմակերպությունը: «Խոսող գրքեր» ծրագրի իրականացման համար իր շնորհակալ դերն է ունեցել նաև Կրթական տեխնոլոգիաների ազգային կենտրոնը՝ իր սատարող նամակով: Ծրագիրն իրականացվել է Համաշխարհային բանկի Երևանի գրասենյակի, Քաունթերփարթ Ինթերնեշնլի հայաստանյան ներկայացուցչության, Ջինիշյան հիմնադրամի և ԱՄՆ Միջազգային զարգացման գործակալության աջակցության շնորհիվ: «Խոսող գրքեր» ծրագրին մասնակցել են տեսողության խանգարումներով երեխաների թիվ 14 հատուկ դպրոցի, հենաշարժական համակարգի խախտումներով երեխաների թիվ 17 հատուկ դպրոցի և Խնկո-Ապոր անվան մանկական գրադարանի բաժանորդ աշակերտները:

    Ծրագրի նպատակն այս երեք խմբերին միավորելն էր, նրանց սովորեցնել հարգել միմյանց, իրար նկատմամբ հանդուրժող լինել: Դրան հասնելու համար օգտագործվել է գրականություն, անցկացվել են իրավունքի ու հանդուրժողականության դասընթացներ, կազմակերպվել են միասին ստեղծագործելու միջոցառումներ, բանավեճեր:

    Հայ և համաշխարհային գրականության 20 ստեղծագործություն ադապտացվել և ձայնագրվել են 5 սկավառակների վրա՝ «Խոսող գրքեր» ընդհանուր անվանումով: Երեխաների դատին ներկայացվել են Հ. Թումանյանի, Վ. Անանյանի, Վ. Սարոյանի, Կունի և Ն. Դումբաձեի ստեղծագործությունները:
    Երկու դպրոցում և Խնկո-Ապոր անվան գրադարանում ստեղծվել են երեք ակումբ, որոնցում էլ կազմակերպվել են «Երեխայի իրավունքներ» և «Հանդուրժողականություն» թեմաներով դասընթացներ: Այս ակումբների երեխաները խառը խմբերով անցկացրել են պարապմունքներ և քննարկումներ, խոսել են իրենց հուզող հարցերից, տրված թեմայով միասին ստեղծագործել են, փոխանակել կարծիքներ, ակտիվ շփվել միմյանց հետ:

    Շնորհանդեսին 3 ակումբի երեխաները և՛ առանձին, իրենց ակումբով, և՛ միասին ներկայացրին այն ամենը, ինչ սովորել էին վերջին 9 ամսվա ընթացքում, բեմադրեցին հայտնի հեքիաթներ՝ դրանք ներկայացնելով հանդուրժողականության տեսանկյունից: Ծրագիրը ներկայացրեց «Խատուտիկ» ԿՀԿ-ի ղեկավար Շուշան Գյուլխասյանը: Վերջում «Խոսող գրքեր» ծրագրի բոլոր մասնակիցներին վկայագրեր և նվերներ հանձնեց «Խատուտիկ» ԿՀԿ-ից Սիլվա Մամիկոնյանը:

    Աղբյուր՝ Armedu.am
    Մեկնաբանություն 12 Մեկնաբանություն
    1. murmushka-ի ավատար
      murmushka -
      Հիանալի գաղափար է, շնորհավորում եմ բոլոր կազմակերպիչներին
      գիտեք, թվում է, թե նման հարցերին մեր երկրում բավական ուշադրություն դարձնում են , բայց այդ ուշադրությունը հիմնականում սահմանափակվում է այս կամ այն ՀԿ-ի ծրագրի շրջանակներում, իսկ հենց երեխաները մնում են, նոր զարգացող սերնդին ցավոք չենք կարողանում սովորեցնել , հասկացնեկլ, որ բոլորը հասարակության անդամ են, ու հավասար: Նման միջոցառումներն իրոք մեծ քայլ են, հուսով եմ, այն իր պտուղները կտա ու կշարունակվիապրեք
    1. Chuk-ի ավատար
      Chuk -
      Մեջբերում murmushka-ի խոսքերից Նայել գրառումը
      Հիանալի գաղափար է, շնորհավորում եմ բոլոր կազմակերպիչներին
      գիտեք, թվում է, թե նման հարցերին մեր երկրում բավական ուշադրություն դարձնում են , բայց այդ ուշադրությունը հիմնականում սահմանափակվում է այս կամ այն ՀԿ-ի ծրագրի շրջանակներում, իսկ հենց երեխաները մնում են, նոր զարգացող սերնդին ցավոք չենք կարողանում սովորեցնել , հասկացնեկլ, որ բոլորը հասարակության անդամ են, ու հավասար: Նման միջոցառումներն իրոք մեծ քայլ են, հուսով եմ, այն իր պտուղները կտա ու կշարունակվիապրեք
      Միջոցառումներն անպայման շարունակվելու են, հավատացնում եմ
    1. Սահակիչ-ի ավատար
      Իմ կարծիքով ավելի ճիշտ կլիներ այդ հանգանակության գումարը տրամադրվեր մեր երեխաների առողջության բարելավմանը: Ցանկացած գիրք, դա կլինի խոսող, թե ձեռագիր, կարևորը բովանդակությունն է… Վերջիվերջո ցամնկացած բարեգործություն հիանալի հնարավորություն է փող լվանալու և ունի իր բացասական հետևանքները:
    1. Chuk-ի ավատար
      Chuk -
      Մեջբերում Սահակիչ-ի խոսքերից Նայել գրառումը
      Իմ կարծիքով ավելի ճիշտ կլիներ այդ հանգանակության գումարը տրամադրվեր մեր երեխաների առողջության բարելավմանը: Ցանկացած գիրք, դա կլինի խոսող, թե ձեռագիր, կարևորը բովանդակությունն է… Վերջիվերջո ցամնկացած բարեգործություն հիանալի հնարավորություն է փող լվանալու և ունի իր բացասական հետևանքները:
      Սիրելի Սահակիչ,
      նույն խոսքերը դու կարող էիր գրել, եթե այստեղ լիներ հոդված, որը պատմում էր, թե ինչպես է ինչ-որ գումար ներդրդվեր երեխաների առողջության բարելավման համար:

      Փող լվանալ կարելի է ամենուր: Դա կլինի առողջությանը, սոցիալական խնդիրներին, կրթական զարգացվածությանը թե այլ ոլորտին ուղված ծրագիր: Ճիշտ այնպես, ինչպես այդ խնդիրներից յուրաքանչյուրը շահագրգիռ անձինք կարող են իրականացնել առանց փող լվանալու, զուտ լավը, բարին արարելու մտատդրությամբ:

      Խնդիրն այն է, որ երեխաների համար միայն առողջությունը չի որ կարևոր է: Նրանց համար միայն դեղ առնելը չի, որ կարևոր է: Նրանց միայն ծայրահեղ դեպքերում վիրահատելը չի, որ կարևոր է: Դրանք բոլորն են կարևոր: Սակայն կարևոր է նաև կրթությունը, կրթական ծրագրերը, գրագիտությունը, որոշակի գրագիտական ցենզի հասնելը:

      Ես հրաշալի հասկանում եմ, երբ մարդիկ ամեն ինչի մեջ միայն վատն են ուզում տեսնել, կարծում են, թե Հայաստանում բոլորը մենակ փող լվանալու մասին են մտածում: Սակայն այնքան էլ ճիշտ չէ չիմացած ծրագրի մասին նման գնահատականներ հնչեցնելը:

      Կոնկրետ այս ծրագրին ես մասնակցել եմ: Դրա դիմաց վարձատրություն եմ ստացել: Ստացածս վարձատրությունը իմ կատարած գործի 1 տոկոսն անգամ չարժեր, եթե խնդրին անդրադառնում ենք կատարած գործի ծավալով: Սակայն ես դա արել ու ինձ լիարժեք վարձատրված եմ զգացել, որովհետև համարում եմ, որ լավ գործ եմ արել: Ես գիտեմ այս գործի կազմակերպիչներին ու գիտեմ բյուջեն, գիտեմ գործն անողներից յուրաքանչյուրի ստացած գումարի չափը ու հանգիստ ասում եմ. եթե դուք կոնկրետ այս ծրագրի տակ նման մեկնաբանություն եք թողնում, ապա դուք վատ եք խոսում լավն անել ձգտող մարդկանց նկատմամբ:

      Մտածեք, քննեք, ուսումնասիրեք, համոզվեք մինչ նման կարծիքներ գրելը:
    1. Սահակիչ-ի ավատար
      Հարգելի Չուկ ոչ մի բարեգործական կազմակերպություն, երբեք չի բարձրախոսի ծրագրի ետին նպատակների մասին: Նրանց պետք են անձնվեր մասնակիցներ, որոնք ողջ հոգով հավատում են ծրագրի բարի նպատակներին, այնպես ինչպես եկեղեցուն նվիրյալ հավատացյալներ, կուսակցություններին հավատարիմ անդամներ, բժիշկներին հավատարիմ հիվանդներ և այն: Ես իրականում վատատես մարդ չեմ, բայց հարցերին մոտենում եմ իրատեսորեն: Դուք բնականաբար Ձեր արած աշխատանքի համար պետք է քիչ վարձատրվեիք, քանի որ պարզապես ծրագրի նվիրյալ եք: Ակնհայտ է որ, ԱՄՆ-ի Միջազգային զարգացման գործակալությունը լվացել է Ջինիշյան հիմնադրամի փողերը:
    1. Սահակիչ-ի ավատար
      Մեջբերում Chuk-ի խոսքերից Նայել գրառումը
      Սիրելի Սահակիչ,
      նույն խոսքերը դու կարող էիր գրել, եթե այստեղ լիներ հոդված, որը պատմում էր, թե ինչպես է ինչ-որ գումար ներդրդվեր երեխաների առողջության բարելավման համար:

      Փող լվանալ կարելի է ամենուր: Դա կլինի առողջությանը, սոցիալական խնդիրներին, կրթական զարգացվածությանը թե այլ ոլորտին ուղված ծրագիր: Ճիշտ այնպես, ինչպես այդ խնդիրներից յուրաքանչյուրը շահագրգիռ անձինք կարող են իրականացնել առանց փող լվանալու, զուտ լավը, բարին արարելու մտատդրությամբ:

      Խնդիրն այն է, որ երեխաների համար միայն առողջությունը չի որ կարևոր է: Նրանց համար միայն դեղ առնելը չի, որ կարևոր է: Նրանց միայն ծայրահեղ դեպքերում վիրահատելը չի, որ կարևոր է: Դրանք բոլորն են կարևոր: Սակայն կարևոր է նաև կրթությունը, կրթական ծրագրերը, գրագիտությունը, որոշակի գրագիտական ցենզի հասնելը:

      Ես հրաշալի հասկանում եմ, երբ մարդիկ ամեն ինչի մեջ միայն վատն են ուզում տեսնել, կարծում են, թե Հայաստանում բոլորը մենակ փող լվանալու մասին են մտածում: Սակայն այնքան էլ ճիշտ չէ չիմացած ծրագրի մասին նման գնահատականներ հնչեցնելը:

      Կոնկրետ այս ծրագրին ես մասնակցել եմ: Դրա դիմաց վարձատրություն եմ ստացել: Ստացածս վարձատրությունը իմ կատարած գործի 1 տոկոսն անգամ չարժեր, եթե խնդրին անդրադառնում ենք կատարած գործի ծավալով: Սակայն ես դա արել ու ինձ լիարժեք վարձատրված եմ զգացել, որովհետև համարում եմ, որ լավ գործ եմ արել: Ես գիտեմ այս գործի կազմակերպիչներին ու գիտեմ բյուջեն, գիտեմ գործն անողներից յուրաքանչյուրի ստացած գումարի չափը ու հանգիստ ասում եմ. եթե դուք կոնկրետ այս ծրագրի տակ նման մեկնաբանություն եք թողնում, ապա դուք վատ եք խոսում լավն անել ձգտող մարդկանց նկատմամբ:

      Մտածեք, քննեք, ուսումնասիրեք, համոզվեք մինչ նման կարծիքներ գրելը:
      Հագելի Չուկ նախ նշեմ, որ ես լավատես մարդ եմ, բայց մտածելով, քննեելով, ուսումնասիրելով համոզված կարող եմ ասել, որ այս նյութական դարում չեն կարող անշահախնդիր նվիրատուներ լինեին:
      Անշահախնդիր պրեզիդենտ, նախարար, ղեկավար, ոստիկան, մանկավարժ և այլն կարծես թե չկա մեր իրականության մեջ, բացառությամբ մի քանիսը: Եթե մարդկային շահախնդրությունը
      չտիրեր այսօր աշխարհը, հավատացած եղեք որ բարեգործություան կարիքը չէր էլ լինի: Պարզապես մարդկային արժեքներն են փոխել: Այ օրնակ Չուկոտկա երկրամասի բնակիչներին, որոնց
      բազմիցս ծաղրում են անեկդոտներում, ճիշտ է ցիվիլիզացիայից հեռու մադիկ են, բայց իրականում շարժվում են անշահախնդիր «անձամբ եմ այնտեղ եղել»: Այնտեղ չեմ տեսել մի տուն, որ սննդամթերքից պայթեր, իսկ կողքի տունը սովի մատնված լիներ: Մարդիկ իրոք անշահախնդիր են միմիյանց հանդեպ:
      Հիմա անդրադառնամ բուն թեմային. ես համոզված եմ, որ ծրագի մասնակիցները գործին մոտեցել են անշահախնդրորեն: Բայց նույնը չեմ ասի բուն կազմակերպիչների համար, պարզապես ԱՄՆ-ի Միջազգային զարգացման գործակալությունը լվացել է Ջինիշյան հիմնադրամի փողերը բարեգործության քողի տակ: Պազապես ցանկացած նմանատիպ ծրագիր չէր իրականանա, եթե չլինեն ծրագրին հավատացող և անձնվեր մարդիկ: Այնպես ինչպես պետությունը առանց հավատարիմ ժողովրդի, եկեղեցին առանց հավատացյալների, կուսակցությունը առաց անդամների, մանկավարժը առանց աշակերտի կամ բժիշկը առանց հիվանդի:
      Երանի չէ, որ վերոհիշյալները անշահախնդիր մոտենային իրենց պարտականություններին…
      Այնպես որ ես չէմ հավատում, որ բարեգործություն ասածը կարող է լինել անշահախնդիր, կամ չունենա ետին նպատակներ...
      Երանի
    1. Chuk-ի ավատար
      Chuk -
      Հարգելի Սահակիչ, ես պարզապես արձանագրում եմ, որ դուք առանց տեղեկացված լինելու օդի մեջ խոսում եք:
      Ինչևէ: Ձեզ բարի քննարկումներ եմ ցանկանում:
    1. Սահակիչ-ի ավատար
      Մեջբերում Chuk-ի խոսքերից Նայել գրառումը
      Հարգելի Սահակիչ, ես պարզապես արձանագրում եմ, որ դուք առանց տեղեկացված լինելու օդի մեջ խոսում եք:
      Ինչևէ: Ձեզ բարի քննարկումներ եմ ցանկանում:
      Ես հասկանում եմ Ձեզ…
    1. Malxas-ի ավատար
      Malxas -
      Դրված լինկը չէր աշխատում, բայց մոտավորապես հասկացա, թե ինչի մասին է խոսքը: Հավանաբար հայերեն լեզվով խոսող գրքերի ինչ որ շնորհանդես է եղել: Կուզենայի ավելի մանրամասն իմանալ:

      Առանց կոնկրետ պատասխանելու որևէ մեկին իմ կողմից կոչ անեմ, որ եկեք ամեն ինչի մեջ վատ բան և ետին միտք չտեսնենք: Չգիտեմ ով է փող լվացել ինչ է արել, բայց արդյունքում կարևոր գործ է կատարվել և մասամբ լրացվել է մի բաց, որտեղ կատարյալ դատարկություն է տիրում: Շատ ապրի Չուկը, որն իր մասնակցությունն է ունեցել այդ գործում և ես չեմ կարծում, թե այստեղ էականը վարձատրությունն է եղել: Մի թե մենք բոլորս էլ պատրաստ չենք մեզ հաճելի գործը հենց այնպես էլ անել:
      Եվս մեկ անգամ խնդրում եմ մանրամասնել հայերեն խոսող գրքերի մասին, եթե դա հնարավոր է:
    1. Chuk-ի ավատար
      Chuk -
      Մեջբերում Malxas-ի խոսքերից Նայել գրառումը
      Դրված լինկը չէր աշխատում, բայց մոտավորապես հասկացա, թե ինչի մասին է խոսքը: Հավանաբար հայերեն լեզվով խոսող գրքերի ինչ որ շնորհանդես է եղել: Կուզենայի ավելի մանրամասն իմանալ:
      Այո, խոսքը հայերեն խոսող գրքերի մասին է: Հոդվածի հղումը շտկել եմ, արդեն կարելի է բացել: Համենայն դեպս այստեղ էլ տեղադրեմ. http://www.akumb.am/content.php/46-խ...հանդեսը

      Նաև ասեմ, որ ընդհանրապես շատ ավելի մեծ քանակով գրականություն է վերածվել խոսող գրքերի: Այս հոդվածում խոսքը գնում է միայն կոնկրետ փուլի մասին:
    1. Malxas-ի ավատար
      Malxas -
      Մեջբերում Chuk-ի խոսքերից Նայել գրառումը
      Այո, խոսքը հայերեն խոսող գրքերի մասին է: Հոդվածի հղումը շտկել եմ, արդեն կարելի է բացել: Համենայն դեպս այստեղ էլ տեղադրեմ. http://www.akumb.am/content.php/46-խ...հանդեսը

      Նաև ասեմ, որ ընդհանրապես շատ ավելի մեծ քանակով գրականություն է վերածվել խոսող գրքերի: Այս հոդվածում խոսքը գնում է միայն կոնկրետ փուլի մասին:
      Խնդրում եմ տեղեկացնել, թե ինչ նորություններ կան խոսող գրքերի բնագավառում: Մասնավորապես ինչ կարգի գրականություն է վերածվել հայերեն խոսող գրքերի և որտեղ կարելի է դրանք ձեռք բերել:
      Ինչ որ համացանցում հայերեն կա բոլորը քաշել եմ, բայց այդքան էլ շատ չէր:
    1. Sambitbaba-ի ավատար
      Sambitbaba -
      Մեջբերում Chuk-ի խոսքերից Նայել գրառումը
      Այո, խոսքը հայերեն խոսող գրքերի մասին է: Հոդվածի հղումը շտկել եմ, արդեն կարելի է բացել: Համենայն դեպս այստեղ էլ տեղադրեմ. http://www.akumb.am/content.php/46-խ...հանդեսը

      Նաև ասեմ, որ ընդհանրապես շատ ավելի մեծ քանակով գրականություն է վերածվել խոսող գրքերի: Այս հոդվածում խոսքը գնում է միայն կոնկրետ փուլի մասին:
      Չուկ ջան, ես էլ չեմ կարողանում բացել: Միգուցէ ինչ-որ խորամանկությու՞ն կա: Կկիսվե՞ս…
  • Հարցում

    Ո՞ր թիմը կդառնա Եվրո 2020 հաղթող (ձայն: 2)

    1. Ավստրիա (ձայն: 0)

    2. Բելգիա (ձայն: 0)

    3. Խորվաթիա (ձայն: 0)

    4. Չեխիա (ձայն: 0)

    5. Դանիա (ձայն: 0)

    6. Անգլիա (ձայն: 0)

    7. Ֆինլանդիա (ձայն: 0)

    8. Ֆրանսիա (ձայն: 1)

    9. Գերմանիա (ձայն: 0)

    10. Հունգարիա (ձայն: 0)

    11. Իտալիա (ձայն: 1)

    12. Նիդերլանդներ (ձայն: 0)

    13. Հս․ Մակեդոնիա (ձայն: 0)

    14. Լեհաստան (ձայն: 0)

    15. Պորտուգալիա (ձայն: 0)

    16. Ռուսաստան (ձայն: 0)

    17. Շոտլանդիա (ձայն: 0)

    18. Սլովակիա (ձայն: 0)

    19. Իսպանիա (ձայն: 0)

    20. Շվեդիա (ձայն: 0)

    21. Շվեյցարիա (ձայն: 0)

    22. Թուրքիա (ձայն: 0)

    23. Ուրաինա (ձայն: 0)

    24. Ուելս (ձայն: 0)