Knowledge of the Red

Գրում էի իդեալ տղամարդկանց մասին, մեկ էլ նոութբուքը կախեց: Ամեն անգամ հիշացնում եմ, որ գրել պետքա Վորդում, ամեն անգամ մոռանում եմ: Նման վայրագ վերաբերմունքից մուսան նեղացավ ու փախավ, ու իդեալ տղամարդկանց մասին ես էլ գրել չեմ ուզում: Հիմա չէ: Կգրեմ ինչ որ ուրիշ բանի մասին: Ասենք` խոհարարության:

Տղամարդիկ /եթե հանենք պրոֆի խոհարարներին/ կիսվում են էրկու հոծ բազմության: Որոնք բավարարվում են սեփական խոհարարական հմտություններով /որոնք, ի դեպ, սեփական սահմաններում կարան ահագին լավը լինել, ու գերազանցել նրբերշիկ/ձվաձեղ երկընտրանքը/, ու որոնք չեն բավարարվում, ու մեկ մեկ խոհանոց մտնելուց խոհանոցը թողնում են ավերակների մեջ, իսկ խոհանոցից դուռս են բերում ինչ որ կիսավառած բան, այն հպարտ կոչելով ''նռան հյութի ու սպիտակ գինու մեջ սարքած լանգետ'': Էս քանի օրը ես որոշեցի առաջին խմբից անցում կատարել դեպի երկրորդ խումբ, ու տենալ, թե դրանից ինչ դուրս կգա:

Ամեն ինչ սկսվեց ձկան ֆիլեից: Չգիտեմ ինչը ինձ ստիպեց իրան առնել` երևի նուրբ վարդագույնասպիտակ գույնը: Ձուկը բերեցի տուն ու սկսեցի փորփրել զանազան խոհարարական ձեռնարկները: Գլուխ չհանեցի ու զանգեցի բանից հասկացող մարդու` մորս: Մաման ասեց, որ պետքա ձեթ /ունեի, կռահել էի, որ պետք կգա/ ու պանիրովկայի համար փշրած սուխարիկներ /չունեի/ կամ ալյուր /չունեի/: Ասեցի, որ չունեմ: Ասեց` զգույշ էղի, կկպնի: Ասեցի` զգույշ կլինեմ, ու լսեցի հետագա կարճ կոնկրետ ինստրուկցիաները, ինչից հետո ձուկը դրեցի աղուբիբառի մեջ, վրից լիմոն լցրի ու թավային դնելուց առաջ մի քիչ սպասեցի:

Ձուկը կպավ: Քանի կպած մասը չեր սևացել, քերեցի ու տաք տաք կերա /լավն էր/, ինչից հետո սկսեցի կտորները արագ արագ շուռումուռ տալ: Կտորները /էրկու մեծ ֆիլե/ շուռումուռ տալուց նեղացան ու բաժանվեցին մի քանի փոքր կտորի, որոնք իրանց հեռթին սկսեցի շուռումուռ տալ: Ընթացքում նենց ոչինչ վառեցի ձեռնեռս /ձեթը անողոք թռվռում էր/: Սպասեցի որ կարմրի, վրից լիմոնի հյութ լցրեցի ու կերա: Ամենքնալ համեղ էր:

Ոգեշնչված հաջողությամբ, որոշեցի ձեռք մեկնել խոզի մսին: