Նելլի Ռումել

...ծուռ կարոտ

Ծովի թավ մովում
Ես գտա ներկան,
Գտա երազներ`
Անանցյա՜լ,անա՜նց,
Մթին էջերում
Ծածուկ քողարկված,
Հողեղեն խենթիս
Այնքա՜ն հարազատ,

Ուշացում գտա
Ափսոսանք հագած,
Մունջ սպասումի
Աչքը ջուր կտրած,
Քաղեցի խորթ հույզ
Ինձ բաժին թողած,
Խռով աշխարհի
Գույներից պոկված:

Տեսա սպասում՝
Անարև ու հար,
Երազ օրերի
Հուշեր քուն մտած,
Ափերին փռված
Ծուռ կարոտ ...

Պիտակներ: կարոտ, նելլիռումել, ներկա, սպասում

Կատեգորիաներ

‎ Առանց կատեգորիայի

...մարում արաևագալին

Սրտիցդ պոկված շրջիկ մի քամի
Շողացող փոշին կարոտի վերցնում,
Խռոված լուսնի այտերին ծաղկող
Հույլ-արցունքներն է հուշիկ մկրտում:

Բազումքն է մթի վարսերին ցոլում՝
Խարխափվող շողով գիշերակեսի,
Անլույսից հոգնած ժամին շիջանում՝
Զով պարանոցին արևագալի:

Երազդ խնկվո՜մ,
Լո՜ւռ եթերանում,
Հոգիդ է տանում ափսոսանքի հետ,
Աչքերդ խոնավ ճամփա են գցում
Քամու փեշերի չոր անգույնի մեջ:

...

Պիտակներ: ժամ, նելլիռումել, սիրտ, քամի

Կատեգորիաներ

‎ Առանց կատեգորիայի

...հրաժեշտ ամռանը
Թողեցի ամառն իմ լճի գրկում,
Ամպերից կախված թաց խռովքի մեջ,
Ափերի կանաչն այրեցի քամու
Փառքից թափված շաղ-գույների հետ:

Հեռու ճամփեցի հավքերին գարնան,
Նրանց թևքերին օրերն էին քնատ,
Հոգուս կարեցի ծո՜ւռ «բարով մնան»,
Որ չտաղտկանա լիճն իմ մեն-մենակ:

Աշուն փռեցի պաղ լճիս խաժին,
Հույլքը մարեցի՝ անհունում ցանված,
Ափին ծերացած ամեն մի քարին
Մի ծվեն թողի սրտիցս պոկած:

Նելլի Ռումել©

Պիտակներ: ամառ, լիճ, խռովք, հրաժեշտ, նելլիռումել

Կատեգորիաներ

‎ Առանց կատեգորիայի

...երգ ուշացումի

Կարոտիս հևքում
Թունդ դողից արբում
Քո հույսն է զարթնում
Դրսում, ամենուր:
Բառդ է կաշկանդում՝
Ե՜ս էլ եմ հոգնել,
Այն ցուրտն է… տանում
Անդարձ հեռուներ:

Աչքերում քո մով,
Կան պահված հարցեր.
Ուշացման ախ-ով
Ուսի՜դ խոնարհվեմ:
Դու ո՜ւր ես փախչում,
Ո՜ւր ես սլանում,
Չ՞է որ ախ ձմռան
Ցուրտն է մեզ այրում:

Եվ ուշացումի
Զանգակն է հնչում.
Ո՜ւշ է, սիրելի՛ս,
Զո՜ւր ...

Պիտակներ: կարոտ, հույս, նելլիռումել, ուշացում

Կատեգորիաներ

‎ Առանց կատեգորիայի

...երբ

Երբ քաոսում
Այս գորշ ու ցուրտ,
Ժամանակից
Մահն է կախվում,
Զույգ մոմերի
Տաք դողի հետ
Հայացքներ են
Կոծում,մաշվում,
Սպասումներն՝
Անծուխ ու սուտ,
Սև անկյուն են
Ճիչով հատում,
Փոթորիկից՝
Ցնորամիտ,
Ունայնության
Փոշի քաղում:
Փուչ ժամերի
Կծիկի մեջ
Անցավորն է
Չոր փուշ դառնում,
Զույգ մոմերի
Խռովքի հետ
Պաղ աչքերում
Արտացոլվում,
Վախն իր վախից՝
...

Պիտակներ: հարցեր, նելլիռումել, սպասում, քաոս

Կատեգորիաներ

‎ Առանց կատեգորիայի