Առանց կատեգորիայի

Նորից խճճվում եմ, իրարամերժ զգացմունքներ են հոգումս, չեմ կարողանում տարանջատեմ իրարից ու հասկանամ, որն է ավելի կարևոր: Փորձում եմ գտնել այն մարդկանց ով ավելի կարևոր են իմ կյանքում, բայց ավելի եմ խճճվում, հին ու նորի միասին, իրար հանգիստ չեն տալիս:

Մաքրել եմ, արդեն իսկ կյանքս մաքրել եմ շատ մարդկանցից, ու այնքան թեթև եմ ինձ զգում, չկա շտապողականությունը, չկա կախվածությունը, շփման պահանջ մի փոքր կա, բայց լրացվող է ու չեն կարոտում շատ.

Երազում գնացել էի Հնդկաստան, վաղուց ծանոթ, բայց իրականում չհանդիպած իմ ծանոթի մոտ, շորեր, կինո ու կռիվ բարեհաջող ավարտով :-D

Ժամացույցը կանգնել էր, բայց սլաքները դեռ իրենց վերջին ճիգն էին գործադրում առաջ տանելու ժամանակը, իսկ ես նայում էի ու հանգիստ վայելում առավորտյան արթնացումը, մինչև որ հասկացա, որ արդեն ուշանում եմ:
Երբ տնից դուրս եկա, ժամացույցը ժամը 7-ն էր ցույց տալիս, 1 ժամում 10 րոպե կարողանալով ժամանակը առաջ տանել: Կփոխեմ մարտկոցն ու նա նորից կաշխատի, ես էլ իմ կյանքի մարտկոցը պետք է փոխեմ, հասնելու կյանքի իրական ընթացքին:

Մաքրում եմ կյանքս, լվանում, սկսում նորը, ինչ-որ տեղ գալիս եմ հնին, վերջին տարիներին աղտոտված կյանքս մաքրում այն ամենից ինչն ուղղակի բեռ է դարձել ու խանգարում է ազատ ու հանգիստ կյանքին: Թող ներեն ինձ բոլոր այն մարդիկ ում մաքրում եմ իմ կյանքից, հեռացնում....
Բարև նոր կյանք ես պատրաստ եմ քեզ նորից սկսելու