PDA

Դիտել ողջ տարբերակը : Ընդդեմ ազատագրված տարածքի հանձնման



Marduk
28.05.2007, 13:06
ԸՆԴԴԵՄ ԱԶԱՏԱԳՐՎԱԾ ՏԱՐԱԾՔԻ ՀԱՆՁՆՄԱՆ

Ազատագրված տարածքը առևտրի առարկա դարձնելը և այն հանձնելու փորձերը ոչ մի կերպ չեն նպաստում արցախյան հիմնահարցի լուծմանն ու մահացու սպառնալիք են ոչ միայն Արցախի, այլ ընդհանրապես հայոց պետականության ապագային։ Հայաստանի քաղաքական գործիչները՝ «կառուցողական երկխոսության» ճահճում խրված, հարվածի տակ են դնում հայ ազգի գոյությունը։ Փաստորեն այսօր տեղի է ունենում մի նոր «մյունխենյան համաձայնություն», որ մեզ մղում է դեպի ռազմավարական փակուղի ու նպաստում ԼՂՀ ու Հայաստանի Հանրապետության դեմ նոր ագրեսիայի սանձազերծմանը։

Այսօր, մայիսի 28-ին, երբ համայն հայությունը տոնում է 1918 թ. առաջին հայկական հանրապետության հռչակման օրը, մենք ուզում ենք հիշեցնել և 1920 թվականին այդ հանրապետության անփառունակ կործանման մասին, որի հետևանքով առանց գեթ մեկ կրակոցի թշնամուն հանձնվեցին Կարսն ու Իգդիրը, Արարատ լեռն ու հին մայրաքաղաք Անին։ Դա հնարավոր դարձավ այն ժամանակվա ղեկավարների անողնաշարության, «կառուցողական զիջումների» ու «դիվանագիտական մանյովրների» շնորհիվ։

Այսօր մենք Հայաստանի ղեկավարությունից ու քաղաքական կուսակցություններից պահանջում ենք դադարեցնել Արցախի ազատագրված տարածքների հանձնման մասին ցանկացած խոսակցությունները։ Մենք պահանջում ենք բացահայտել բանակցությունների բովանդակությունը, համարում ենք անթույլատրելի հայ ժողովրդի ապագային անմիջականորեն վերաբերվող տեղեկատվության թաքցնելը։

Ցանկցած քաղաքական գործիչ կամ պաշտոնյա (անկախ երկրին մատուցած նախկին ծառայություններից), որն այսօր հայտնում է հայոց հողը հանձնելու պատրաստակամության մասին, Հայրենիքի դավաճան է ու իր ժողովրդի բացահայտ թշնամի։

Հայեր
Ինտերնետի հայկական մասերում բողոքի մեծ ալիք է բարձրացել:
Բազմաթիվ ֆորումներ քվեարկություններ են անց կացնում արդյոք պատրաստ են միանալ այս հայտարարությանը

Ֆելո
28.05.2007, 14:25
ինչի նենց շուխուռ կա, որ կարողա հողերը հետ տան?:o

Marduk
28.05.2007, 14:43
Ֆրանսիացի համանախագահը Բաքվում ասել է, որ Հայերը պետք է տան 7 ազատագրված շրջանները:
http://www.regnum.ru/news/833719.html

Օպենարմենիա.քոմ-ում, և մյուս ֆորումներում մեծ աղմուկ է:
Ահա այստեղ բավականին շատ կազմակերպություններ միացել են այս հայտարարությանը

http://forum.openarmenia.com/index.php?showtopic=17352

Ու նույնիսկ նոր լոզունգներ են ծնվել

Հանուն Գուլյանի, Հանուն Արցախի
Հանուն Հավերժական Հայքի
Ես միանում եմ այս հայտարարությանը

http://forum.openarmenia.com/index.php?showtopic=17349&st=40

Array
28.05.2007, 15:32
Ֆրանսիացի համանախագահը Բաքվում ասել է, որ Հայերը պետք է տան 7 ազատագրված շրջանները:
Ոնց որ լոտոյով ենք շահել,հիմա էլ հետ տանք;Ձեռ ե՞ն առնում; Մեր հազարավոր եղբայրների արյուն ա թափվել էտ շրջաններում,էլ չեմ ասում,որ ԼՂՀ-ն առանց Հայաստանի հետ ցամաքային կապի թողնել,էտ նույննա,ինչ տալ ադրբեջանցիներին;
Թե էտ համանախագահները տենց բան որոշեն,հջորդ օրը մտնելու ենք Բաքու,չմտածեք,առաջինը ես,ու իմ նման ,կարծում եմ,շատերը կլինեն

Vishapakah
28.05.2007, 15:58
Ժողովուրդ Ջան:)
Դուք իրոք հավատցած եք, որ մեր իշխանությունը նման բան կանի?
Պարոն վարչապետը երբեմնի պատերազմի մասնակից է եւ ինչքան գիտեմ Ցեղակրոն:)
Սա ընդամենը դիվանագիտական խաղ է. Եվրոպական պետությունները մեծ օգուտներ այսօր ունեն Ազերզարանից՛ կապված նավթի հետ, դրա համար ունեն այսպիսի ոչ՛ ստանդարտ դիրքորոշում. Բնականաբար եթե մենք կտրականապես դեմ արտահայտվենք ցանկացած փողզիճումային տարբերակից՛ կճանաչվենք ագրեսոր, ինչով բանակցությունները կմտնեն փակուղի, ոչ օգուտ մեզ.
Բազմիցս քնարկվել է ԼՂՀ-ի տարբեր կիսանկախ հարցը, փաստաթղտեր, որոնց իրագործման դեպքում իրոք Ադրբեջանը կհայտնվեր դրսում.:) Ազերիները բանակցությունները սառեցնելու եւ վիճակը բարդացնելու փոխարեն, ընդամենը ժամանակի ընթացկում դա՛ չնդունեցին, հիմա այս փաստաթուղտն էլ ժամանակի ընթացքում չպետկ է ընդունի մեր բանակցող կողմը.

Հ. Գ.
Անկեղծ ասաց. Բանակցությունների վերջը չի երեւում, ուղղակի Եվրոպացի եւ Ամերիկացի պաշտոնիաներին, հիմա նավթի արտահանումը չխաթարելու համար, պատերազմ պետք չէ՛ դրա համար մեզ պահում են անվերջանալի դիվանագիտական գործնթացի մեջ... Հայաստանը Արցախ տվողը չի՛ կամ պետք է Ադրբեջանը կռվի, կամ սսկվի... Երկու դեպքում էլ որոշողը մենք չենք.:)

Marduk
28.05.2007, 16:19
Վիշապաքաղ

Հողը կտան երբ զգան որ ներսում արդեն դիմադրություն չկա
Իշխանությունների ցանկությամբ չի դա:

Vishapakah
28.05.2007, 19:33
Հողը կտան երբ զգան որ ներսում արդեն դիմադրություն չկա
Իշխանությունների ցանկությամբ չի դա:

Կներես, ով կտա?

Ի դեպ թեմային վերաբերվող 4 մեկի մյուսի շարունակություն տեսահոլովակներ.

http://www.metacafe.com/watch/531402/karabagh_issue/
http://www.metacafe.com/watch/535191/
http://www.metacafe.com/watch/535223/
http://www.metacafe.com/watch/536065/

Եթե Ձեզանից ինչ՛ որ մեկը գիտի այս տեսահոլովակների շարունակություն
պարունակող կայքի հասցեն, խնդրանկ փոխանցի նաեւ մեզ, Շնորհակալություն.

wagamaffia
28.05.2007, 21:02
Չմոռանանք, որ Ադրբեջանը իր հորինված պատմությունն է օտարներին ներկայացնում, այն որ Հայաստանը իրենց "հողն" է եղել:
Սկզբում պետք է պարզվի, Սովետից առաջ էտ հողերը ու՞մն են եղել, եթե մերն էին հիմա Սովետ չկա, ուրեմն հիմա էլ են մերը:

Չգիտեմ Հայաստանը ազատագրված հողերը կտա հետ թե չէ, բայց որ տան ուրեմն հաստատ օտար ուժ է ստիպել... Իսկ որ Ղարաբաղը տան, ուրեմն 50-100 տարի հետո, էլ Հայաստան չի լինի…

Հայաստանը պիտի նաև Նախիջևանի հարցը առաջ քաշի...

Chuk
29.05.2007, 00:33
Հայեր
Ինտերնետի հայկական մասերում բողոքի մեծ ալիք է բարձրացել:
Բազմաթիվ ֆորումներ քվեարկություններ են անց կացնում արդյոք պատրաստ են միանալ այս հայտարարությանը

«ԴԱՐ» ակումբը քաղաքական կառույց չէ և երբևէ չի միանա որևէ քաղաքական հայտարարության: «ԴԱՐ» ակումբի յուրաքանչյուր անդամ ունի յուր քաղաքական դիրքորոշումն ու ազատ է միանալու ցանկացած քաղաքական հայտարարության: Նմանատիպ քվեարկություն ֆորումում անցկացնելն անհեթեթություն է: Որպես օրինակ բերեմ հետևյլալը. 100 հոգին կողմ է հայտարարության տակ ստորագրելուն, 99 հոգին՝ ՈՉ: Դա դեռ չի նշանակում, որ ես, որպես ֆորումի գլխավոր ադիմինիստրատոր, իրավունք ունեմ 199 հոգու տեղ ստորագրեմ այդ հայտարարության տակ:

Կոնկրետ իմ դիրքորուշումը հայտարարության մասին հետևյալն է. երբեք պատրաստ չեմ հանձնել Ղարաբաղի հողերը ու վստահ եմ, որ ով էլ լինի կառավարության գլխին (անկախ նրանից, կլինի իմ կողմից ընդունված և սիրված, թե ոչ), դեմ է լինելու նմանատիպ գործողության: Նմանատիպ նամակների պատասխանը միանշանակ է. «Իսկ ո՞վ է հող հանձնելու»: Նամակն ուղարկելն համարում եմ իմաստ չունի: Նմանատիպ նամակաների միակ կատարած գործողությունը կարող է լինել ազգաբնակչության որոշակի հատվածում հավատ ներշնչել, որ հողերը վաղ թե ուշ հանձնվելու են: Համարում եմ անթույլատրելի, քանի որ գտնում եմ, որ անկախ կառավարության դիրքորոշումից հողերը պահելու հիմնական գրավականը ժողովրդի կամքը, դիրքորոշումն ու հավատն է: Նման նամակները կարող են միայն սասանել ժողովրդի որոշակի հատվածի այդ հավատը: Ինքս չեմ ստորագրի այդ նամակի տակ, միաժամանակ խոստանալով, որ ցանկացած հանգամանքում կանեմ ավելին այդ հողերը պահելու համար, քան նամակ ստորագրելն է: Այդ հնարավորություններն ունեմ, կիրառում եմ, շարունակելու եմ անել:

Ակումբի ցանկացած անդամ ազատ է միանալ Ձեր ակցիային կամ չմիանալ: Ձեր ակցիային միանալու իրավասու են նաև ակումբի մյուս ադմինիստրատորները և մոդերատորները, իսկ կոնկրետ ակումբը չունի իրավունք այդ ակցիային միանալու, կոնկրետ ես չեմ ողջունում ձեր այս քայլը: Ու էլի եմ կրկնում. Ես միշտ դեմ եմ հողերը հանձնելուն, ես մինչև վերջ պայքարելու եմ դրանց պահպանման համար և վստահ եմ, որ այդպես էլ լինելու է:

Sergey
29.05.2007, 09:53
Թույլ տվեք ճշտել, թե «Ազատագրված տարածք» ասելով ի՞նչ եք հասկանում, եթե խոսքը գնում է ԼՂԻՄ վարչական սահմաններից դուրս գտնվող տարածքների մասին, ապա կառաջարկեի իրերը կոչել իրենց անուններով՝ «անվտանգության գոտի» և «Լաչինի միջանցք»։ Ղուբաթլին, Ջեբրայիլը, Զանգելանը, Հորադիզի մի մասը, Աղդամը հայկական ուժերի կողմից զբաղեցվել են ոչ թե նրա համար, որ տարիներ հետո պեղումներ կազմակերպվեն ու «Տիգրանակերտի հետքերը գտնեն», այլ շատ ավելի լուրջ նպատակով՝ ԼՂՀ բնակավայրերն անհասանելի դարձնել հեռահար հրետանու համար և, փոքրացնելով շփման գծի երկարությունը, հեշտացնել պաշտպանության կազմակերպումը։
Հա, նշեմ նաև, որ «Հայրենիքի դավաճան» կամ «ժողովրդի բացահայտ թշնամի» ինձ չեմ համարում, չնայած համոզված եմ, որ նշածս շրջանները երբեք ՀՀ կամ ԼՂՀ մաս չեն կազմելու։ Հետևաբար խնդիրը ոչ թե «մի թիզ հող թշնամուն» տալ–չտալն է, այլ վերը նշված տարածքների վերահսկման փաստը հնարավորինս արդյունավետ շահարկելը։

Kheranyan
29.05.2007, 10:48
Իմ կարծիքով ովքեր էլ լինեն իշխանության գլուխ, երբևէ չեն համաձայնվի Արցախի տարածքները հանձնել Ադրբեջանին, քանի որ նրանք լավ գիտակցում են նման քայլի հետևանքները, որոնք մեղմ ասած շատ տխուր կլինեն, հենց առաջին հերթին իրենց համար, որը իմ կարծիքով կարող է առաջ բերել նաև ներքին խռովություններ, և հետո մի մոռացեք, որ պատերազմում հաղթած կողմը ՀՀ-ն է այլ ոչ թե Ադրբեջանը և իմ կարծիքով առաջին հերթին մենք պետք է լինենք պայման առաջադրողը իսկ մյուս կողմը զիջում անողը: Կարո՞ղ եք հիշեցնել պատմության մեջ մի դեպք, երբ հաղթող կողմին են թելադրում ինչ անել, իսկ ինչու՞ պետք է մենք զիջենք մեր դիրքերը, որոնց համար բազմաթիվ հայորդիներ տվեցին իրենց կյանքը, արդյո՞ք նրանք իզուր զոհվեցին, զոհվեցին որ իրենց որդիները ապրեն ազատ երկրում, այդ որդիներից մեկն էլ ես եմ, և ես պատրաստ եմ միանալ բոլոր նրանց ովքեր կըմբոստանան նմանատիպ որոշման դեմ:

Marduk
29.05.2007, 11:48
Նման նամակները կարող են միայն սասանել ժողովրդի որոշակի հատվածի այդ հավատը:

Chuk

Ես քո դիրքորոշումը հասկանում եմ: Ուղղակի մի բան ասեմ: Ժողովրդի հավատը արդեն վաղուց սասանված է Հայաստանում ընթացող ամեն տեսակ քաղաքական գործընթացների նկատմամբ: Այս հայտարարության մեջ հատուկ շեշտը դրվում էր առաջին հանրապետության ժամանակ առանց կրակոցի հողեր զիջելու փաստի վրա: Այսինքն իրավիճակներ են առաջանում երբ մարդը այլևս չի դիմադրում մոլեգնող անարդարություններին ու սկսում է ամեն ինչ զիջել առանց դիմադրելու: Այս բանակցային պռոցեսսի շահարկումով անընդհատ դա է կատարվում ու ժողովրդին ուղղակի բարոյալքում են: մյուս բաների մասին էլ չասեմ:
Բոլոր դեպքերում ես քո դիրքորոշումը հասկանում եմ: Ուզում եմ մի հարց ճշտել արդյոք ֆորումի սահմաններում հնարավոր է ստեղծեել մի համայնք ու անվանել այն ասենք «Ազգասիրական» համայնք ու նմանատիպ ակցիաների ժամանակ այդ համայնքի անդամները իրենք որոշեն միանալ թե ոչ: Ֆորումը այստեղ կապ չի ունենա:

Ավելացվել է 2 րոպե անց

Sergey

Հետևաբար խնդիրը ոչ թե «մի թիզ հող թշնամուն» տալ–չտալն է, այլ վերը նշված տարածքների վերահսկման փաստը հնարավորինս արդյունավետ շահարկելը։

Մարդիկ գնացին կռվեցին որ ինչ որ մեկը իրենց արյան գնով ազատագրածը շահարկի: Համ էլ ես չեմ հավատում թուրքերին ընդանրապես, նրանց ոչ մի թղթի ու խոսքի այնպես որ գտնում եմ կատարյալ հիմարություն է նրանց վերադարձնել այդ հողերը որովհետև նախ դա իրենցը չի և հետո էլ նրանք այդ հողերը վերցնելուց հետո կանցնեն իրենց էքսպանսիայի հաջորդ էտապին, այսինքն Զանգեզուրը կուզեն:

Հողերը ոչ թե շահարկելու համար են այլ ապրելու համար են:

Chuk
29.05.2007, 15:38
Բոլոր դեպքերում ես քո դիրքորոշումը հասկանում եմ: Ուզում եմ մի հարց ճշտել արդյոք ֆորումի սահմաններում հնարավոր է ստեղծեել մի համայնք ու անվանել այն ասենք «Ազգասիրական» համայնք ու նմանատիպ ակցիաների ժամանակ այդ համայնքի անդամները իրենք որոշեն միանալ թե ոչ: Ֆորումը այստեղ կապ չի ունենա:
Marduk :)
Նախ ինձ համար խիստ անհասկանալի է «Ազգասիրական» համայնքի գաղափարը: Սիրել ո՞ր ազգին: «Հայրենասիրական» կհասկանայի: Ու, համենայն դեպս իմ ճանաչած ակումբցիների մեծամասնությունը հանգիստ կկարողանային անդամակցել այդ խմբակին իրենց հայրենասիրությունից ելնելով, բայց շատերն էլ չէին մասնակցի, որովհետև դա պարզապես «խաղ» է: Ու ի՞նչ, եթե նա այդ խմբակում (համայնքում) չէ, ուրեմն հայրենասեր չէ՞:

Վերևում իմ դիրքորոշումն արդեն ներկայացրել եմ: Ակումբի ցանկացած անդամ իրավասու է մասնակցել կամ չմասնակցել նմանատիպ ակցիաներին, չէ որ ԿԱ խոսքի ազատություն: Բայց ակումբը քաղաքական կառույց չէ, նրանում առավելագույնը տեղի են քաղաքական քննարկումներ, և ակումբն ամբողջովին կամ մասնակի նմանատիպ քաղաքական հայտարարությունների չի միանա: Որպես օրինակ նույն հարցման օրինակը կարելի է բերել այդ համայնքի համար, այսինքն ենթադրենք 199 անդամներից 100-ը կողմ են նամակի տակ ստորագրելուն, 99-ը ոչ, դա դեռ չի նշանակում, որ ողջ համայնքի անունից կարելի է դնել ստորագրությունը: Հարգելով մարդու իրավունքները, ազատությունները՝ կարելի է միայն թույլատրել առանձին անհատների ընտրությունը: Անհատներից ամեն մեկն է իր գլխի տերը, յուրաքանչյուրն ունի իր կամքը ու ազատ է շարժվել, գործել իր խղճի, հավատի, համոզմունքների շրջանակներում:

Marduk
29.05.2007, 16:57
Ենթադրենք մի համայնք կա որը ունի իր ներքին կանոնները ու նման բաներ:
Ենթադրենք այդ համայնքը կոչվում է «Էրեբունի» ու այդ համայնքի մարդիկ ընդամենը այս ֆորումում քննարկում են իրենց մտքերը ուրիշ ոչինչ: Հայտարարությունը անում են ելնելով իրենց համայնքի ներքին կանոններից, քվեարկություններ են անում ու նման բաներ:

Ուղղակի ֆորումը օգտագործում են որպես հարթակ իրար հետ խոսալու համար: Սա է իմ ասածը: Տեխնիկական հարց է ուղղակի: Ցանկության դեպքում այդ համայնքը իհարկե կարող է նաև օգտվել մեյլինգ-լիստից մտքեր փոխանակելու համար, բայց կարծում եմ այդ մտքերը հետաքրքիր կլինեն նաև մյուսների համար

Chuk
29.05.2007, 18:25
Մարդուկ, ֆորումների խմբակների մասին, որոնց դու համայնք ես անվանում, հրաշալի գիտեմ: Ես իմ պատասխանն արդեն ասել եմ, նայիր նախորդ գրառումս :redhat

Djavaxhq
30.05.2007, 17:46
Լավ հայտարարություն է՝
Հայ Արիական Միաբանության «Ոգու Պահապաններ» Ոսանողական Երիտասարդական Կազմակերպությունը եւս միանում է այս հայտարարությանը

Artgeo
31.05.2007, 00:57
Դեմ եմ այս ֆարսին միանալուն:

Լէգնա
31.05.2007, 09:41
Մոդերատորական: Գրառումները ջնջված են օտար լեզվով լինելու պատճառով: Կարդացեք Ակումբի կանոնադրությունը (http://www.akumb.am/showthread.php?t=2437#post67297), մասնավորապես` Ակումբում չեն թույլատրվում ոչ հայերեն գրառումները, կամ գրառումները, որոնք պարունակում են ոչ հայերեն բառեր, արտահայտություններ, նախադասություններ:

Լէգնա
31.05.2007, 13:04
http://www.regnum.ru/news/district-abroad/armenia/835719.html

Marduk
31.05.2007, 15:47
Լավ հայտարարություն է՝
Հայ Արիական Միաբանության «Ոգու Պահապաններ» Ոսանողական Երիտասարդական Կազմակերպությունը եւս միանում է այս հայտարարությանը

Վերջապես մի համարձակ մարդ ասաց իր վճռական խոսքը: :hands

Ավելացվել է 2 րոպե անց

Դեմ եմ այս ֆարսին միանալուն:

Հեգնանքը կարծում եմ ավելորդ է: Սա լայնածավալ ժողովրդական շարժում է համացանցում ու այդպես ասելով դու վիրավորում ես հարյուրավոր մարդկանց:

Artgeo
31.05.2007, 18:37
Հեգնանքը կարծում եմ ավելորդ է: Սա լայնածավալ ժողովրդական շարժում է համացանցում ու այդպես ասելով դու վիրավորում ես հարյուրավոր մարդկանց:

Սա ընդամենը հերթական սերժիկյան ֆարսն է: Դա ակնհայտ է: Ճիշտ այնպես, ինչպես ակնհայտ էր «Հույսի» դեպքում: Դրա մասին վաղուց է գրվել տարբեր բլոգերում ու կայքերում: Օրինակ http://www.armblogs.info/entry.php?w=azat&e_id=110
Ճշմարտությունը այն մարդկանց, ովքեր կուրորեն հավատում են այն ամենին ինչ իրենց ասում են՝ սթափեցնում է: Իսկ նրանք, ովքեր այս ֆարսը կազմակերպել են գիտեն, որ սա ֆարս է, ըստ այդմ վիրավորել պարզապես չի ստացվի:

Marduk
31.05.2007, 18:55
Այդ ստի նպատակը մեկն է՝ ժողովրդին կամաց-կամաց բերել այն եզրահանգման, որ Արցախը պիտի հանձնվի:

այսինքն Սերժը ուզում է կամաց կամաց բերի այն համոզման որ Արցախը պետք է հանձնվի՞: Այսինքն ուզում է մարդկանց համոզել որ հանձնենք Արցա՞խը: Եվ ով է ինքը դրանից հետո:

Ավելացվել է 17 րոպե անց
Հա ըստ երևույթին Սեֆիլյանին բանտ նստեցնելն էլ Սերժի հատուկ պլանն է:

Artgeo
31.05.2007, 19:15
այսինքն Սերժը ուզում է կամաց կամաց բերի այն համոզման որ Արցախը պետք է հանձնվի՞: Այսինքն ուզում է մարդկանց համոզել որ հանձնենք Արցա՞խը: Եվ ով է ինքը դրանից հետո:

Հետևություններ թող ամեն մեկն իր համար անի, ես ինձ համար վաղուց եմ արել:

Marduk
31.05.2007, 19:18
Հետևություններ թող ամեն մեկն իր համար անի, ես ինձ համար վաղուց եմ արել:

Արտգեո, դու սկզբից չգիտեմ որտեղից վերցրցած լուրի հիման վրա սկսում ես ասել թե սա Սերժի սարքածն է ու հետո երբ հարց է առաջանում Սերժը հող տվող է թե տվող չի միանգամից խուսափում ես պատասխանից: Հիմա Սերժը հող տվող է թե չէ՞:

Artgeo
31.05.2007, 19:28
Արտգեո, դու սկզբից չգիտեմ որտեղից վերցրցած լուրի հիման վրա սկսում ես ասել թե սա Սերժի սարքածն է
Քո ձևակերպմամբ «չգիտեմ որտեղից լուրերը» ընդամենը այսբերգի ծայրն են: Բավականին լուրջ ու հիմնավոր տեղեկություններ ունեմ, բայց չեմ համարում դրանք այստեղ գրելը նպատակահարմար:

Հիմա Սերժը հող տվող է թե չէ՞:
Ախր խնդիրը դրանում չի, է: Խնդիրը նրանում է, որ Սերժը աթոռ տվող չի:

Marduk
31.05.2007, 19:31
Խնդիրը նրանում է, որ Սերժը աթոռ տվող չի:

Այսինքն աթոռ չտալու համար պատրաստ է հող տա՞լ:

Artgeo
31.05.2007, 19:38
Այսինքն աթոռ չտալու համար պատրաստ է հող տա՞լ:
Պարզ ու հստակ գրված է, որ Սերժը աթոռի համար պատրաստ է ամեն ինչի:

Վազգեն
01.06.2007, 05:14
Այդ ստի նպատակը մեկն է՝ ժողովրդին կամաց-կամաց բերել այն եզրահանգման, որ Արցախը պիտի հանձնվի:[/B]:

Արտգեո, քո տված հղումում գրված է. «...Ռ. Քոչարյանի նախագահ մնալու համար, կամ կկազմակերպվի մեծ հանրահավաքներ իբր Արցախը հանձնելու դեմ, որոնք կկազմակերպեն հենց կրիմինալ իշխանությունները: Այդ ստի նպատակը մեկն է՝ ժողովրդին կամաց-կամաց բերել այն եզրահանգման, որ Արցախը պիտի հանձնվի»։

Ինձ կբացատրե՞ս, հողերը հանձնելու ԴԵՄ ցույցերը ո՞նց են համոզելու ժողովրդին, որ Արցախը պետք է հանձնվի։ Լավ չեմ հասկանում։

Artgeo
01.06.2007, 12:33
Ինձ կբացատրե՞ս, հողերը հանձնելու ԴԵՄ ցույցերը ո՞նց են համոզելու ժողովրդին, որ Արցախը պետք է հանձնվի։ Լավ չեմ հասկանում։

Վազգեն ջան տեխնոլոգիներ են: ;) Դրանք աշխատում են: Օրինակ Վրաստանում լայնածավալ ակցիաներ են ընթանում կուսության կողմ ու միասեռականության դեմ, որոնք հակառակ էֆեկտի են բերել: Այժմ ամեն երկրորդը լրիվ հանգիստ է վերաբերվում դրան: :)

Marduk
01.06.2007, 16:28
Օրինակ Վրաստանում լայնածավալ ակցիաներ են ընթանում կուսության կողմ ու միասեռականության դեմ, որոնք հակառակ էֆեկտի են բերել:

Փաստորեն խոստովանում ես, որ վրացական վերնախավը հատուկ քաղաքականություն է տանում ազգային ու ընտանեկան արժեքները քանդելու ուղությամբ: Ես իհարկե գիտեի որ խամաճիկային Սաակաշվիլին զբաղված է Վրաստանը քանդելով ու թրքացնելով, բայց չէի պատկերացնում որ գործը արդեն հասել էր մարդկանց փչացնելուն: Ուզում են անբարոյականների ու գոմիկների երկիր սարքեն Վրաստանը:

Ինչ որ է շնորհակալություն տվյալ տեխնոլոգիան բացահայտելու համար, բայց կարծում եմ հայ ազգը այնքան միամիտ չի որ այդ աստիճանի հասնի:

Artgeo
01.06.2007, 17:35
Փաստորեն խոստովանում ես, որ վրացական վերնախավը հատուկ քաղաքականություն է տանում ազգային ու ընտանեկան արժեքները քանդելու ուղությամբ:
Խոստանո՞ւմ: Հակառակը, պնդում եմ, որ Վրաստանի վերնախավը հատուկ քաղաքականություն է վարում մարդու իրավունքները առաջնային դարձնելու համար: Մտածելակերպը ազատականացնելու և օրենքի գերակայություն հաստատելու ուղղությամբ:

Ինչ որ է շնորհակալություն տվյալ տեխնոլոգիան բացահայտելու համար, բայց կարծում եմ հայ ազգը այնքան միամիտ չի որ այդ աստիճանի հասնի:
Հայ ազգը այլ խնդիրներ ունի լուծելու: Սերժիկ-Քոչարյան, Արցախի խնդիր...

Philosopher
02.06.2007, 08:37
Ե'վ ազատագրված տարաքների հանձնման, և' դրանց չհանձնման խնդիրները պետք է դիտարկել նախընտրական Հայաստանի քաղաքական ներկապնակի և հնարավոր զարգացումների համատեքստում: Հայաստանում նախագահ է փոխվում, գալիս է նորը, ոչ մի գործող և դեռևս պաշտոնավարման երկար ժամանակահատված ունեցող նախագահ չի հանձնի այդ տարածքները, հետևաբար` անհրաժեշտ է, որ այն հանձնի արդեն հեռացող նախագահը, որն իր հերթին ունի սեփական անվտանգության ապահովման խնդիրներ: Այս առումով միանգամայն ռեալ պետք է համարել Ռ. Քոչարյանի կողմից տարածքների հանձնման պայմանագրի կնքումը և նրա հեռացումը նախագահի պաշտոնից, որից հետո նախագահ դարձած Ս. Սարգսյանը կհայտարարի, որ ոչինչ արդեն փոխել չի կարող: Այսպիսով կլուծվեն երեք խնդիրներ.
ա. Միջազգային հանրությունը կհասնի Ղարաբաղյան խնդրի կարգավորմանը, սա հատկապես կարևոր է ԱՄՆ-ի մերձավորարևելյան պլանների հետագա իրագործման համար.
բ. Ս. Սարգսյանը կստանա Արևմուտքի հավանությունը մոտակա տաս տարում Հայաստանը կառավարելու համար.
գ. Ռ. Քոչարյանը կստանա անվտանգության լուրջ երաշխիքներ և կկարողանա շարունակել իր ոչ-քաղաքական գործունեությունը:
Իհարկե, այս սցենարի պարագայում տուժում են Ռ. Քոչարյանի հետագա քաղաքական հավակնությունները, որոնք, սակայն, չափազանց փոքր գին են, որ կարող է վճարվել վերոնշյալ երեք հիմնական ձեռքբերումների դիմաց: Այնպես որ տարածքերի հանձնումը պետք է համարել միանգամայն իրական: Իսկ թե ովքեր են պայքարում դրա դեմ պարզ է. կամ քաղաքական մարգինալները, որոնք որևէ էական բան փոխել չեն կարող կամ այս սցենարից դժգոհ որոշ ուժեր վերնախավից, որոնք ևս նոր քաղաքական խոհանոցում, ըստ էության, անուժ են որևէ էական դեր խաղալ:

dvgray
02.06.2007, 10:45
Ամբողջությամբ համամիտ եմ Philosopher - ի կարծիքը հետ: Մի քանի տողում ճշգրիտ նկարագրված է ամենահավանական սցենարը: :hands
Այստեղ կա մի ուժ, որի ազդեցության լծակների չեզոքացումը սցենարում կարծես հաշվի առնված չէ: Խոսքը վերաբերվում է սփյուրքի հայկական քիչ-թէ շատ կազմակերպված ուժերի հետ /մասնաորապես Լիբանանի հայկական կազմավորումների / :think
Ինչպիսին կլինի նրանց ռեակցիան , և ընդհանրապես իվիճա՞կի կլինեն նրանք ինչ-որ քայլեր ձեռնարկելու : Ինչպիսի՞ն է նրանց ազդելու հնարավորությունները :think:

Artgeo
04.06.2007, 09:51
Դեզզինֆորմացիան շարունակում է ծաղկել

http://www.usanogh.com/content/view/539/94/

Undersigned:

18. Dar Club
http://www.akumb.am/
Armenia-based general public-oriented forum.

Artgeo
04.06.2007, 11:44
Hello.
I am writing you regarding an announcement published on your site: http://www.usanogh.com/content/view/539/94/ undersigned by а number of Armenian websites and forums among which http://www.akumb.am
As a “Dar Akumb.am” forum official representative I’m declaring that our forum has never joined to the aforesaid announcement ( please refer: http://www.akumb.am/showpost.php?p=292853&postcount=9 ) , so I am asking you to remove our site’s link from the list.
Thank you.
Truly,
Artgeo


Սպասում ենք պատասխանի:

Vishapakah
04.06.2007, 12:16
Ի դեպ անգլերեն չիմացողների համար, հենց նոր տրանսլիտ համակարգով թարգմանեցի
վերը նշված կայքի նյութը եւ հրամցնում եմ Ձեր դատին.

Նախապես ներեցեք ռուսերեն թարգմանության համար, անձամբ ես կցանկանաի, որպեսզի տրանսլիտ համակարգը ընձերներ նաեւ Հայերեն թարգմանելու հնարավորությու, բայց ինչեւէ.

Artgeo
04.06.2007, 12:23
Ի դեպ անգլերեն չիմացողների համար, հենց նոր տրանսլիտ համակարգով թարգմանեցի
վերը նշված կայքի նյութը եւ հրամցնում եմ Ձեր դատին.

Նախապես ներեցեք ռուսերեն թարգմանության համար, անձամբ ես կցանկանաի, որպեսզի տրանսլիտ համակարգը ընձերներ նաեւ Հայերեն թարգմանելու հնարավորությու, բայց ինչեւէ.
Թարգմանությունը իրոք գլուխգործոց ա... Ի դեպ կարիք չկար «թարգամենելու»: Ռուսերեն նորմալ տարբերակը վաղուց կա http://miacum.ru/

Vishapakah
04.06.2007, 12:32
Շնորհակալություն Artego-ին

http://miacum.ru/


ԸՆԴԴԵՄ ԱԶԱՏԱԳՐՎԱԾ ՀԱՅԿԱԿԱՆ ՏԱՐԱԾՔԻ ՀԱՆՁՆՄԱՆ
Ազատագրված հայկական տարածքը առևտրի առարկա դարձնելը և այն հանձնելու փորձերը ոչ մի կերպ չեն նպաստում արցախյան հիմնահարցի լուծմանն ու մահացու սպառնալիք են ոչ միայն Արցախի, այլ ընդհանրապես հայոց պետականության ապագայի։ Հայաստանի քաղաքական գործիչները՝ «կառուցողական երկխոսության» ճահճում խրված, հարվածի տակ են դնում հայ ազգի գոյությունը։ Փաստորեն այսօր տեղի է ունենում մի նոր «մյունխենյան համաձայնություն», որ մեզ մղում է դեպի ռազմավարական փակուղի ու նպաստում ԼՂՀ ու Հայաստանի Հանրապետության դեմ նոր ագրեսիայի սանձազերծմանը։

Այսօր, մայիսի 28-ին, երբ համայն հայությունը տոնում է 1918 թ. առաջին հայկական հանրապետության հռչակման օրը, մենք ուզում ենք հիշեցնել և 1920 թվականին այդ հանրապետության անփառունակ կործանման մասին, որի հետևանքով առանց գեթ մեկ կրակոցի թշնամուն հանձնվեցին Կարսն ու Իգդիրը, Արարատ լեռն ու հին մայրաքաղաք Անին։ Դա հնարավոր դարձավ այն ժամանակվա ղեկավարների անողնաշարության, «դիվանագիտական կոմպլեմենտարիզմի» շնորհիվ։

Այսօր մենք Հայաստանի ղեկավարությունից ու քաղաքական կուսակցություններից պահանջում ենք դադարեցնել Արցախի ազատագրված տարածքների հանձնման մասին ցանկացած խոսակցությունները։ Մենք պահանջում ենք բացահայտել բանակցությունների բովանդակությունը, համարում ենք անթույլատրելի հայ ժողովրդի ապագային անմիջականորեն վերաբերվող տեղեկատվության թաքցնելը։

Ցանկցած քաղաքական գործիչ կամ պաշտոնյա (անկախ երկրին մատուցած նախկին ծառայություններից), որն այսօր հայտնում է հայոց հողը հանձնելու պատրաստակամության մասին, Հայրենիքի դավաճան է ու իր ժողովրդի բացահայտ թշնամի։

Ի դեպ, վատ չի գրված.:)

Marduk
05.06.2007, 14:47
Ի դեպ էդ Ուսանող.կոմի քարտեզը շատ տարօրինակ է, բացարձակ չի համապատասխանում հայտրարության ոգուն:

Տղերք, ովքեր որ անգլերեն գիտեն մի հատ նամակ գրեք էդ ուղանող.քոմ-ին ասելով որ ստորագրողների իսկական ցուցակը www.miacum.ru-i վրա է...
նրա ցուցակում բավականին սխալներ կան

Artgeo
05.06.2007, 14:55
Տղերք, ովքեր որ անգլերեն գիտեն մի հատ նամակ գրեք էդ ուղանող.քոմ-ին ասելով որ ստորագրողների իսկական ցուցակը www.miacum.ru-i վրա է...
նրա ցուցակում բավականին սխալներ կան
Երեկ նամակ գրել եմ, մի քանի գրառում վերև նայիր: Պատասխան դեռ չկա:

Marduk
05.06.2007, 15:35
2001թ-ին Քի Վեստում նախատեսված ՀՀ եւ Ադրբեջանի նախագահների հանդիպումից առաջ ԼՂ հիմնախնդրի գործընթացով մտահոգված մի քանի մտավորականններ հանդիպել են Ռոբերտ Քոչարյանին: ՚Այդ հանդիպումից մի շաբաթ հետո զանգահարեցին ինձ եւ Ռաֆայել Ղազարյանին եւ ասացին, որ Պաշտպանության նախարար Սերժ Սարգսյանը ցանկանում է հանդիպել մեզ հետՙ,- ՚Ա1+ՙին տեղեկացրեց ակադեմիկոս Լենսեր Աղալովյանը:

Նրա ասելով` խոսակցությունը սկսվել է բանակից. ՚Նա ասաց`մենք փոքր հանրապետություն ենք, չենք կարող բանակը պահել: Բանակը պահելու համար մեզ առնվազն 5 միլիարդ է պետք : Խոսակցությունը հանգեց Լաչինի միջանցքին: Սերժ Սարգսյանն ասաց, որ իրենք կաշխատեն, որ Լաչինի միջանցքը մնա: Խոսքը գնում էր 20-25 կմ տարածքի մասին, իսկ մնացած տարածքները պետք է վերադարձվեն: Սերժ Սարգսյանը մեզ խնդրեց տարածքները հանձնելու դեպքում աղմուկ չբարձրացնելՙ:

Լենսեր Աղալովյանն ու Ռաֆայել Ղազարյանը Սերժ Սարգսյանին խոստացել են տարածքներ հանձնելու դեպքում հնարավորինս մեծ աղմուկ բարձրացնել:

Ըստ Լենսեր Աղալովյանի` իրենց պատասխանին հետեւել Է Սերժ Սարգսյանի հետեւյալ հարցը. ՚Ի՞նչ է` ձեր ուզածը այն չէ՞ր, որ ԼՂՀ-ն Հայաստանին միանար միջանցքով: Այդ միտքը Սերժ Սարգսյանը վերջերս կրկնեց նաեւ ԵՊՀ ուսանողների հետ հանդիպման ընթացում: Այսինքն` ոչինչ չի փոխվելՙ: Ակադեմիկոսի կարծիքով ԼՂ հիմնախնդրի հարցում մեր իշխանությունների ամենամեծ խնդիրն այն է, որ մինչ օրս չեն բնակեցվել ազատագրված տարածքները:

՚Իսկ Շահումյանը հայաթափվելու հաջորդ օրն իսկ ադրբեջանցիները բնակեցրեցին: Զինադադարից 13 տարի է անցել, սակայն մեր իշխանությունները դեռ չգիտեն, տարածքները բնակեցնում է, թե ոչ: Այսօր հստակ է, որ պատրաստվում են տարածքները վերադարձնել: Այս իշխանությունների օրոք ԼՂ հիմնախնդրի կարգավորման գործընթացում որեւէ դրական տեղաշարժ չի արձանագրվելՙ,- ասաց ակադեմիկոսը:

http://www.a1plus.am/amu/?page=issue&iid=50073

Էդգար
05.06.2007, 18:29
Ցեղակրոն:)
Ինչ լավ բառ օգտագործեցիր մեր վարչապետին բնորոշելու համար:D:D:D

Vishapakah
06.06.2007, 00:44
Այդպիսի բան տեղի ունենալու դեպքում, առաջին օրը ժողովուրդը ղեկավարությանը կգնդակահարի, հաջորդ օրը կանցնի ադրբեջանցիներին եւ ընդանուր հաշվարկով Ազատագրված Տարացքների հանձնումը մեր հարեւաններից ավելի շատ կխլի, քան կտա. Գոնե հիմա հանգիստ ապրում են. Լեռնային Արցախի Մեծ ժողովուրդի կյանքը նորից վտանգելու դեպքում, կբացեն ճանապարհ նոր Հայկական արդարացի նվաճումների համար.

Վստահ եմ, որ Ազատագրված Տարացք հանձնողը, ֆիզիկական բնաջնջումից չի՛ խուսափի, դրա համար միայն դաշնակցությունը բավական է. Ի դեպ՛ այս կուսակցությանը գնալով ավելի հարգանքով եմ վերաբերվում, ինչքան ավելի է բացահայտվում մեր կեղծված պատմությունը.

Marduk
06.06.2007, 13:48
Վստահ եմ, որ Ազատագրված Տարացք հանձնողը, ֆիզիկական բնաջնջումից չի՛ խուսափի, դրա համար միայն դաշնակցությունը բավական է. Ի դեպ՛ այս կուսակցությանը գնալով ավելի հարգանքով եմ վերաբերվում, ինչքան ավելի է բացահայտվում մեր կեղծված պատմությունը.

Դաշնակցությունը չեր որ ստորագրեց Ալեքսանդրապոլի խայտառակ պայմանագիրը: Էդ ոնց որ ոչ մի դաշնակի ձեռքը չգնաց գնդակահարել այն դավաճանին որը ստորագրել էր դրա տակ

Smergh
07.06.2007, 16:24
Դաշնակցությունը չեր որ ստորագրեց Ալեքսանդրապոլի խայտառակ պայմանագիրը: Էդ ոնց որ ոչ մի դաշնակի ձեռքը չգնաց գնդակահարել այն դավաճանին որը ստորագրել էր դրա տակ

Կներես... պետք է առաջին հերթին ազատվել կոմունիստական "լրատվական ու պատմաբանական" բարդույթից, այնուհետև մեղադրանքներ ներկայացնել մարդկանց /տվյալ դեպքում` եթե չեմ սխալվում նաև Դրաստամատ Կանայանին/,, որոնք մնացած 10000 քառ.կմ տարածքներն ու դրանց բնակչությունը կոտորածից փրկելու համար, ստիպված ստորագրել են այդ մեզ համար իսկապես խայտառակ պայմանագիրը: Մի փոքր վերլուծական մոտեցումն անգամ բավարար կլիներ հասկանալու համար, որ ստեղծված իրավիճակի համար իսկական մեղավորները /բոլշևիկները/` միտումնավոր կերպով խեղաթյուրել են փաստերն ու մեղքն իրենց վրայից բարդել Դաշնակցության վրա...
Թեմայի շուրջ ` առաջարկում եմ այցելել http://www.armenianaction.com/ և մասնակցել այդ ակցիային:

Մոդերատորական: Գրառումը խմբագրված է, վիրավորական ձևակերպումները` ջնջված: Կարդացեք Ակումբի կանոնադրությունը (http://www.akumb.am/showthread.php?t=2437#post67297) և խուսափեք նմանօրինակ ձևակերպումներից` մնալով քաղաքակիրթ բանավեճի շրջանակներում:

Artgeo
07.06.2007, 17:17
Դաշնակցությունը չեր որ ստորագրեց Ալեքսանդրապոլի խայտառակ պայմանագիրը: Էդ ոնց որ ոչ մի դաշնակի ձեռքը չգնաց գնդակահարել այն դավաճանին որը ստորագրել էր դրա տակ
Դաշնակցությունը արդեն 117 տարի է կարողանում է չոր դուրս գալ իր կողմից ստեծված իրավիճակներից: Այս անգամ էլ մի բան կմտածեն ;) Պակա՞ս էին ընտրություններից առաջ կոռուպցիայի խռտվիլակներ վառում: :)

Ի դեպ usanogh.com ից պատասխան չկա:

Թեմայի վերաբերյալ: Բավականին հետաքրքիր է http://a1plus.blogsome.com/2007/06/04/p43/

Marduk
07.06.2007, 19:46
Smergh

Էդ ձեր նույն տրամաբանությամբ վաղը այս իշխանությունները կարող են ստորագրել մի խայտառակ պայմանագրի տակ ասելով դե մենք սա անում ենք մնացած ժողովրդին վերահաս կորժոնւմից փրկելու համար:

Vishapakah
07.06.2007, 20:02
http://www.armenianaction.com/

Շնորհակալություն կայքի համար.;)

Ավելացվել է 4 րոպե անց

Smergh

Էդ ձեր նույն տրամաբանությամբ վաղը այս իշխանությունները կարող են ստորագրել մի խայտառակ պայմանագրի տակ ասելով դե մենք սա անում ենք մնացած ժողովրդին վերահաս կորժոնւմից փրկելու համար:

Իմ կարծիքով Marduk-ը ճիշտ է. Ինչքան էլ մենք վստահ լինենք, որ նման բան մեր ղեկավարները չեն անի, պարտավոր ենք պահպանելու աչալրջությունը եւ որպեսզի ռիսկային ստեղծված վիճակը անցնի, ղեկավարությունը պարտավոր է ժողովուրդին տեղյակ պահել բանակցությունների ընթացքի մասին, ներքին ստեղծված իրարամերժ կարծիքներից խուսափելու համար

Smergh
08.06.2007, 12:40
Smergh

Էդ ձեր նույն տրամաբանությամբ վաղը այս իշխանությունները կարող են ստորագրել մի խայտառակ պայմանագրի տակ ասելով դե մենք սա անում ենք մնացած ժողովրդին վերահաս կորժոնւմից փրկելու համար:

Նույնիսկ խմբագրական միջամտությունից հետո էլ`իմ միտքը հասկանալի է մնում: Զարմանում եմ այդտեղ տրամաբանություն գտնելու Ձեր անհաջող փորձի վրա:
Ասելիքս այն էր, որ 1920 թ. դեկտեմբերի 2-ի Ալեքսանդրապոլի պայմանագրի ստորագրման համար հիմնական մեղավորները ոչ թե դաշնակներն էին, այլ հայ և թուրք բոլշևիկները և եթե պետք էր ինչ որ մեկին գնդակահարել, ապա հաստատ այդ ինչ որ մեկը պայմանագիրն ստորագրած հայաստանի կառավարության ներկայացուցիչը չպետք է լիներ:
Խնդրում եմ ևս մեկ անգամ ուշադիր կարդալ իմ գրառումը: Ես այդ պայմանագիրը դատապարտողներից եմ, այլ ոչ արդարացնողներից, պարզապես ասելիքս այն էր, որ տվյալ դեպքում Դաշնակցությանը մեղադրելը անարդարացի է...

Marduk
09.06.2007, 18:25
Խնդրում եմ ևս մեկ անգամ ուշադիր կարդալ իմ գրառումը: Ես այդ պայմանագիրը դատապարտողներից եմ, այլ ոչ արդարացնողներից, պարզապես ասելիքս այն էր, որ տվյալ դեպքում Դաշնակցությանը մեղադրելը անարդարացի է...

Մի այպիսի համեմատություն անեմ: Ենթադրենք այսօր մի խումբ նարնջագույններ օգտվելով համընդհանուր դժգոհությունից բարձրացնում են խռովություն ու ստեղծում են իշխանափոխության ռեալ նախադրյալներ:
Այսօրվա իշխանություններն էլ տեսնելով որ շուտով կարող է կորցնեն իշխանությունը, փորձում են իրենց օրերը երկարացնել Ադրբեջանի հետ կապիտուլացիոն պայմանագիր կնքելով ակնկալելով ասենք դրա դիմաց արևմուտքի աջակցությունը:

Ձեր կարծիքով ում պետք է մեղադրել այդ դեպքում այդպիսի պատմական սխալ կատարելու համար:
1 Իշխանություններին,
2 նարնջագույններին
3 թե երկուսին էլ միասն

azgaynakan2
11.06.2007, 14:21
Որևէ տարածք պահպանել կարողանալու համար հարկավոր է իրականացնել հասարակության կազմակերպման անհրաժեշտ ձև, որպեսզի հասարակությունն ունենա անհրաժեշտ ռեսուրս… Մենք հաղթեցինք, բայց այդ անհրաժեշտ կազմակերպումը չենք իրականացնում և մեր ռեսուրսը չի աճում անհրաժեշտ չափով /ոմանք գուցե պնդեն, որ նվազում է/… Հասարակական կյանքի ռացիոնալ կազմակերպման փորձ և ավանդույթ մենք չունենք, պատմությունն այդ հնարավորությունը մեզ չի ընձեռել… Սա է նաև պատճառը, որ մենք դարեր շարունակ տարածքներ ենք կորցրել… Պատերազմի ժամանակ կազմակերպվելու ունակություն, կյանքը ցույց տվեց, մենք ունենք, բայց ահա խաղաղ ժամանակ արագ զարգացում ապահովող, ազգի ոգին ամրացնող, հայությանը համախմբող կառավարման արվեստ մենք չունենք… Ու մեղավորը մեկ կամ մի քանի հոգի չեն, մեղավորը ավանդույթի և գիտակցության բացակայությունն է… եթե մենք շատ արագ, շատ մոտ ժամանակներում չկարողանանք լրացնել գրեթե հազարամյա մեր այս թերությունը, ապա ոչ միայն Արցախի, այլև Հայաստանի գոյությունը վտանգված կլինի…

Smergh
17.06.2007, 11:16
Մի այպիսի համեմատություն անեմ: Ենթադրենք այսօր մի խումբ նարնջագույններ օգտվելով համընդհանուր դժգոհությունից բարձրացնում են խռովություն ու ստեղծում են իշխանափոխության ռեալ նախադրյալներ:
Այսօրվա իշխանություններն էլ տեսնելով որ շուտով կարող է կորցնեն իշխանությունը, փորձում են իրենց օրերը երկարացնել Ադրբեջանի հետ կապիտուլացիոն պայմանագիր կնքելով ակնկալելով ասենք դրա դիմաց արևմուտքի աջակցությունը:

Ձեր կարծիքով ում պետք է մեղադրել այդ դեպքում այդպիսի պատմական սխալ կատարելու համար:
1 Իշխանություններին,
2 նարնջագույններին
3 թե երկուսին էլ միասն

Ձեր համեմատությունն ամենևին տեղին չէ:
Ծանոթացեք գոնե պայմանագրի բովանդակությանը, մտածեք, թե ի՞նչ հետևանքներ էին սպասվում, եթե այդ պայմանագիրը չստորագրվեր և հետո բերեք մի այնպիսի օրինակ, որի շուրջ կարելի կլինի բանավիճել:Այնտեղ իշխանությունը երկարաձգելու մասին որևէ ակնարկ անգամ չկա, պարզապես Հայաստանի կառավարությանը ստիպում էին իշխանությունը հանձնել բոլշևիկներին: Ձեր օրինակը բացահայտ դավաճանությանն է վերաբերվում: Եթե 1920 թ. դեկտեմբերի 2-ի պայմանագրի առիթով որևէ մեկին դավաճանության մեջ պետք է մեղադրել, ապա այդ մեկի ստորագրությունն այդ պայմանագրի վրա կարծում եմ չկա , դա հայ բոլշևիկն է, որն իր իշխանության գալու դիմաց զոհաբերեց մեր հայրենիքն համարյա ամբողջությամբ, իսկ պատմությունն այնպես խեղաթյուրեց, որ մենք այսօր հայ ազգի ողջ դժբախտությունների համար մեղադրենք Դաշնակցությանը:
Ի սեր աստծո, ես Դաշնակցության ջատագովը չեմ /նամանավանդ այսօրվա դաշնակցության/, և եթե այս պարագայում պաշտպանում եմ նրան` ապա միայն ճշմարտությունը վեր հանելու նպատակով եմ դա անում:
Կարծում եմ հիմա ինձ լրիվ հասկացաք:
Յուրաքանչյուր իշխանություն իր գինն ունի: Կոմունիստների իշխանությունը մեր հայրենիքի 85-90 տոկոսն արժեցավ : Այսօրվա իշխանություններինը` եթե թույլ տանք, ազատագրված տարածքներն ու գուցե նաև Արցախը, քանզի ոչինչ չարժե այն հաղթանակը, որը չի ամրագրվում դիվանագիտորեն, իսկ այս ապաշնորհ իշխանությունները դիվանագիտական ճակատում կատարյալ պարտություններ են կրել ու կրում: Ի՞նչ ասենք այն դիվանագիտությանը, որը բանակցությունների տապալումը ներկայացնում է որպես դիվանագիտական հաղթանակ...

Artgeo
01.07.2007, 03:47
Հավանաբար կզիջենք ազատագրված 7 տարածքները

Երեկ ՀՀ ԱԳ նախարար Վարդան Օսկանյանը հայտարարեց, որ Հայաստան-Ադրբեջան բանակցության ֆորմատում քննարկվող ԼՂ անվտանգության օղակը (ատագրված տարածքները, որ ադրբեջանցիներն անվանում են գրավյալ, իսկ այդ ձեւակերպումը չի հերքում պաշտոնական Երեւանը) հանձնելու տարբերակը չի բացառում:

«Փաստաթղթում ներառված են հարցի կարգավորման բոլոր սկզբունքները, բոլոր՝ կարգավիճակ, անվտանգության խնդիրներ, տարածքներ, փախստականներ, կապ Հայաստանի եւ Ղարաբաղի միջեւ, բոլոր տարրերը կան եւ երբեք ես չէի առանձնացնի դրանցից որեւէ մեկը: Այստեղ գործում է այն սկզբունքը, որ վերջ ի վերջո պետք է հարաբերակցությունը բոլոր այդ էլեմենտների եւ սկզբունքների միջեւ լինի այնպես, որ ընդունելի կլինի կողմերի համար: Այնքան ժամանակ, որ այդ հարաբերակցությունները չեն ճշտվել, եւ մեզ համար առավելեւս դեռ 100 տոկոսով չի ամրագրվել, հաստատվել, ձեւավորվել, կարգավորվել ԼՂ ինքնորոշման խնդիրը եւ կարգավիճակի հետ առնչվող հարցերը՝ ես պատրաստ չեմ, ուղղակի մերժում եմ խոսել որեւէ այլ հարցի մասին, որովհետեւ հայկական կողմի համար առաջնայինը դա է: Բայց խոսում եմ հարաբերակցության մասին եւ նշում եմ, որ սկզբունքների մեջ բոլոր էլեմենտները հարցի կարգավորման համար անհրաժեշտ են: Ես որեւէ մանրամասների մեջ այդ կապակցությամբ չեմ մտնելու»,- նշեց Վ Օսկանյանը:

http://taregir.am