PDA

Դիտել ողջ տարբերակը : Ում է վառում Դաշնակցությունը



Apostle
08.05.2007, 10:43
Ֆորումի անդամների կարծիքը

Մոդերատորական։ Գրառումը խմբագրված է։ Կարդա ակումբի կանոնադրության (http://www.akumb.am/showthread.php?t=2437#post67297) 2.2.1 կետը։ Ակումբում արգելված են միայն մեծատառերով գրառումները։

Artgeo
08.05.2007, 17:57
Ինքն իրեն, ՀՀԿ-ին, Քոչարյանին....

Marduk
08.05.2007, 19:53
դաշնակները արդեն իսկապես իրանց ձեռ են առնում:
իշխանություն ըլլալով ընդդիմություն են խաղում

Artgeo
09.05.2007, 02:09
Բաց նամակ իմ «հին ընկերոջը»

11:12 Yerevan | 7:12 GMT | Tuesday 8 May 2007
Գագիկ Աբգարյան

Երկար ժամանակ մտածում էի գրեմ ձեզ այս նամակը, թե չէ: Երկընտրանքիս պատճառը մեկն է` խոսում, կիսվում, բացատրվում են նրա հետ, ում չեն ուզում կորցնել, իսկ չեն ուզում կորցնել նրան` ում հետ դեռ ինչ-ինչ հույսեր են կապում:

Իսկ եթե չգրեմ, կստացվի, որ վերջնական խաչ եմ քաշում մեր մանկական ու պատանեկան հուշերի վրա, քո վրա` առանց քեզ համար հասկանալի պատճառների: Ուստի որոշեցի գրել: Սիրում եմ, երբ ամեն ինչ մարդավարի է արվում, առավել եւս` տղամարդավարի: Եթե իմ խոսքից կվիրավորվես, կնեղանաս, կորոշես, որ հետագայում փոխադարձաբար անտարբեր ենք լինելու` դու իմ ճակատագրի նկատմամբ, ես՝ քո, թող այդպես լինի: Որտեղ բարակ է, թող կտրվի:

Մեր պատանեկության օրերին, հիշու՞մ ես, երբ ամեն ինչ խորհրդային պատմագիտության շղարշով էր պատված, բոլոր լավ բան անողները դաշնակներ էին: Դաշնակ էին բոլոր հերոսները, նույնիսկ Վարդան Մամիկոնյանը, Դավիթ Բեկը, Խորենացին: Գարիբալդին էլ էր դաշնակ: Հետո, երբ հասունացանք, ես ապրում էի իմ կյանքով, դու` քո, բայց մենք էլի միասին էինք ու մի տեւական ժամանակ մենք մի մարմին էինք, մի հոգի: Հետո քեզ ձերբակալեցին: Քո «հին ընկերները» ոտքի ելան: Անհանդուրժողականության մթնոլորտ ստեղծեցին քեզ ձերբակալողների նկատմամբ: Չէին հավատում քո հասցեին ասված ոչ մի վատ խոսքի: Ի վերջո, քո «ընկերները» հաղթեցին: Քեզ ձերբակալողները հրաժարական տվեցին, ու դու հայտնվեցիր ազատության մեջ, որ... ձերբակալես քո «Հին ընկերներին»: Դա սկսվեց այն օրը, երբ, հիշու՞մ ես, «Պապլավոկի» զուգարանում ծեծելով սպանեցին մեր ընկերներից մեկին: Մենք երեքով ` ես, դու, նա, մի շապիկի մեջ էինք մեծացել: Քո «Հին ընկերները» ոռնացին ցավից, բոլորը սպասում էին, որ դու ոտքի կկանգնես ու կառաջնորդես նրանց, բայց գերադասեցիր առեւտուր անել` լռության դիմաց, իշխանական աթոռներ պահանջեցիր ընկերոջդ սպանողից, իսկ վերջում նրա քաղաքական հենարանը դարձար: Դու, որ այդքան սիրում ես աշխարհով մեկ գոռալ ցեղասպանության մասին, գոնե հաշվե՞լ ես, թե 97-ից հետո, երբ քո նոր ընկերներիդ հետ եկար իշխանության, «Հին ընկերներիցդ» քանի-քանիսը փախան Հայաստանից: Մոտավոր հաշվարկով մոտ մեկ միլիոն մարդ` մի քիչ ավել, մի քիչ պակաս: Նրանց կեսը հիմա արդեն սպիտակ ցեղասպանության զոհ է դարձել: Ու դեռ փախնում են: Փախնում են ամենաշատը քեզանից, որովհետեւ «Հին ընկերը» դու ես ու ամենամեծ աջակցությունը նրանք քեզանից էին սպասում, որ չստացան: Ոչ միայն չստացան: Դու ապրիլի 13-ին նրանց ծեծողների առաջին շարքերում էիր: Իշխանությունը կորցնելու պահից արնակալած աչքերդ նույնիսկ չնկատեցին, որ իմ ու հորս կողքին կանգնած էին քո հայրն ու քո քույրը: Քո ուղարկած ենիչերիներից մեկը բռնեց քրոջդ մազերից ու քարշ տալով տարավ: Երբ աղջիկը ցավից ճչաց ու սկսեց դիմադրել, պաշտպանդ (ենիչերին) ոտքով հարվածեց նրա այն տեղին, որը պետք է քո համար գոնե սրբության սրբոց լիներ, բայց ցավի քո միակ սրբությունը այսօր այն շենքն է (Բաղրամյանի վրա), որտեղ նստած ես: Չգիտեմ շարունակե՞մ, արդյոք, պատմել, թե ինչպես արնահոսող քրոջդ անօգնական գցեցին մի ծառի տակ, թե ինչպես աքացի տվող ասկյարի ձեռքը բռնել շտապող հորդ գլխին հարվածեցին դուբինկայով: Կարող եմ պատմել ամենայն մանրամասնությամբ, եթե քեզ հետաքրքիր է, միայն ուզում եմ հիշեցնել, թե ինչ էին ուզում նրանք` ընդամենը արդար ընտրություններ, ինչի մասին հիմա գոռում ես դու: Ասե՞մ, թե ինչու՞ ես գոռում: Վախից: Վախենում ես, որ «նկարելուց» հանկարծ «կադրում» կիսատ չերեւաս: Այսինքն` տոկոսներդ տեղը լինեն: Պահանջելու «բարոյական» իրավունքը «ազնվորեն» վաստակել ես` այս տարիներին նրանց հետ հավասար կիսելով ժողովրդի թուք ու մուրը:

Անկեղծ ասեմ` քեզ հետ կիսվելու դեռ շատ բան ունեմ (հոգիս դատարկելու իմաստով եմ ասում. իմ կիսվելը չհամեմատես նոր ընկերներիդ «կիսվելու» հետ: Նրանք ձեզ հետ ուրիշ բան են կիսում): Կուզենայի պատմել ինչքան հիացած եմ կոռուպցիայի դեմ քո «պայքարի» վճռականությամբ, տնտեսության մեջ ստվերը «վերացնելու» անսասան քո կամքով (հավանաբար դրա համար են հանրապետություն բանան ներկրելու մոնոպոլ իրավունքը տվել ձեզ), աշխատավոր մարդուն շահագործողի խրտվիլակը վառելու (խրտվիլակները խրտվիլակ վառեցին, միայն թե վառվող խրտվիլակը չհասկացավ, թե ինչու՞ հենց իրեն վառեցին) աշխարհում չտեսնված համարձակությամբ եւ էլի շատ ու շատ բաներով: Ուղղակի նամակի համար շատ երկար կլինի:

Հուսով եմ, որ մի օր կհանդիպենք ու կզրուցենք, իսկ մինչ այդ քո «Հին ընկերներին» ցանկանում եմ շուտափույթ ազատագրում քո ու քո նոր ախպերության «ընկերական» լծից:

http://www.zhamanak.com/article/6153/

AMzone
09.05.2007, 03:22
դաշնակները արդեն իսկապես իրանց ձեռ են առնում:
իշխանություն ըլլալով ընդդիմություն են խաղում

չգիտեյ, որ դաշնակցությունը իշխանություննա, ետ ինչոր ձև կարաս ապացուցես կամ բացատրես, կամ ինչոր մի փաստարկ՞

Philosopher
09.05.2007, 07:18
չգիտեյ, որ դաշնակցությունը իշխանություննա, ետ ինչոր ձև կարաս ապացուցես կամ բացատրես, կամ ինչոր մի փաստարկ՞
Դաշնակցությունը մաս է կազմում Կառավարության, դա նշանակում է, որ նա իշխանություն է, և սա որևէ լրացուցիչ ապացույցների կամ օրիգինալ հետևությունների կարիք չունի։ Սա փաստ է։ Այլ խնդիր է, որ կարելի է քննարկել Դաշնակցության մասնակցության չափը Կառավարությունում, սակայն դա քննարկելով՝ չպետք է մոռանալ, որ քաղաքականության մեջ որևէ գործընթացի և հատկապես՝ Կառավարության ձևավորմանը դու կարող ես մասնակցել մասնակիորեն, սական քո պատասխանատվությունը ամբողջական է, քանի որ դու համագործակցում ես այն ուժերի հետ, որոնք կրում են պատասխանատվության մյուս մասը։ Այնպես որ՝ Դաշնակցության մասնակի մասնակցությունը նրան չի փրկում այն պատասխանատվությունից, որը նա պարտավոր է կրել՝ վերջին ինը տարիներում Հայաստանում տեղի ունեցած բոլոր պրոցեսների համար՝ մյուս իշխանական կուսակցությունների հետ նույն շարքում՝ անկախ իր հնությունից ու ժողովրդի հետ, ինչպես նրա քարոզիչներն են պնդում, խիստ ընկերական կապերից։

Apostle
09.05.2007, 19:59
չգիտեյ, որ դաշնակցությունը իշխանություննա, ետ ինչոր ձև կարաս ապացուցես կամ բացատրես, կամ ինչոր մի փաստարկ՞

Լևոն Մկրտչյան - Կրթության և Գիտության հարգելի նախարար

Աղվան Վարդանյան-Սոցապ հարգելի նախարար

Դավիթ Լոքյան- Գյուղ. հարգելի նախարար

եթե հերիք չի շարունակությունը ինքդ գուշակի

Chico_Madrid
10.05.2007, 02:24
Այն ինչ որ դաշնակ,հնչակ ու ռամգավարներն են անում Հայաստանից դուրս Հայաստանի համար,Հայաստանում ոչ ոք չի անում:Այս կուսակցությունների երիտասարդները շատ կիրթ են,լավ կազմակերպված ու ռազմական պատրաստվածություն ունեն: Աշխարհի բոլոր կետերում (Ֆրանսիա, Անգլիա, Ավստրիա, Հունաստան, Լիբանան, Սիրիա, Արգենտինա, ԱՄՆ...)

Շատ սխալ է մտածել որ դաշնակները ֆեոդալական համակարգ ունեն,ես այս երեք կուսակցություններից շատ մոտիկ ընկերներ ունեմ ու բոլորն էլ ինձ կանչում ու համոզում են որ մտնեմ իրենց կուսակցության մեջ:Ու ես ոչ հարուստ եմ,ոչ դաշնակի տղա եմ,,,ոչ էլ կուսակցական եմ:

Կարծում եմ որ չեք տեսել այս տարի Մարսելում,ապրիլի 24-ին դաշնակների ու հնչակների միացյալ ցույցերը:Նույնիսկ ֆրանսիացիները հայերին շմորհավորում էին որ 100 տարվա մեջ վէրչապես այս կուսակցությունները միացան իրենց ազգի ողբերքությունը հիշելու համար:
Ու մի մոռացեք ԱՍԱԼԱ-ին,նրանց արած աղմուկի շնորիվ,Եվրոպաի երկրները սկսեցին Եղեռնը ընդունել ու դատապարտել:

_Nzhdeh
10.05.2007, 09:50
Այն ինչ որ դաշնակ,հնչակ ու ռամգավարներն են անում Հայաստանից դուրս Հայաստանի համար,Հայաստանում ոչ ոք չի անում: Ու ես ոչ հարուստ եմ,ոչ դաշնակի տղա եմ,,,ոչ էլ կուսակցական եմ:


Այո Հայաստանից դուրս գտնվող դաշնակցությունը, իրոք կայացած կուսակցություն է, նույնը չի կարելի ասել ՀՀ դաշնակցության մասին, որը ոչ միայն փակ կուսակցություն է, այլ նաև մի շարք կասկածանքների տեղիք տվող կառույց է:
Իսկ եթե դու դաշնակի տղա չես հույս չունենաս, որ ՀՀ դաշնակցության մեջ երբեևէ դերակատարություն կունենաս և քո գաղափարները կկարողանաս իրականացնել.....այստեղ ամեն ինչ անցնում է հորից տղային, տղայից թոռանը և այդպես շարունակ: Ինչի նոր մարդ մտնի իրանց շարքերը, առանց այն էլ Սփյուռքի գումարները հազիվ իրենց են բավականացնում:

Ֆուտբոլասեր
10.05.2007, 09:57
Այո Հայաստանից դուրս գտնվող դաշնակցությունը, իրոք կայացած կուսակցություն է, նույնը չի կարելի ասել ՀՀ դաշնակցության մասին, որը ոչ միայն փակ կուսակցություն է, այլ նաև մի շարք կասկածանքների տեղիք տվող կառույց է:
Իսկ եթե դու դաշնակի տղա չես հույս չունենաս, որ ՀՀ դաշնակցության մեջ երբեևէ դերակատարություն կունենաս և քո գաղափարները կկարողանաս իրականացնել.....այստեղ ամեն ինչ անցնում է հորից տղային, տղայից թոռանը և այդպես շարունակ: Ինչի նոր մարդ մտնի իրանց շարքերը, առանց այն էլ Սփյուռքի գումարները հազիվ իրենց են բավականացնում:
Իսկ Նժդեհական չինովնիկները իրանց ամբողջ ազգուտակը տեղավորում են պետական կառավարման համակարգում:
Իրանց տղերքին թաղապետ են նշանակում(մեկ-մեկ չի ստացվում):
Իսկ դաշնակցության մասով կարաս օրինակ բերես: Որ մի նախարարի տղանա կուսակցությունում կամ պետական համակարգում բարձր պաշտոն զբաղացնում?

_Nzhdeh
10.05.2007, 10:10
Իսկ Նժդեհական չինովնիկները իրանց ամբողջ ազգուտակը տեղավորում են պետական կառավարման համակարգում:
Իրանց տղերքին թաղապետ են նշանակում(մեկ-մեկ չի ստացվում):
Իսկ դաշնակցության մասով կարաս օրինակ բերես: Որ մի նախարարի տղանա կուսակցությունում կամ պետական համակարգում բարձր պաշտոն զբաղացնում?
Ամեն մեկը մի ձևով ա անում: Հրանտ Մարգարյանի տղայի մասին մի քիչ հետաքրքրվի հարցերիդ պատասխանները կստանաս:

dvgray
10.05.2007, 10:15
Այն ինչ որ դաշնակ,հնչակ ու ռամգավարներն են անում Հայաստանից դուրս Հայաստանի համար,Հայաստանում ոչ ոք չի անում:

Ապրում եմ Հայաստանում, ու չեմ կարող ասել, թէ առանձնահատուկ ինչ են անում ՀՀ-ի համար: Եթե համեմատելու լինես նրա հետ, ինչ արել ոն միջազգային բարեսիրական կազմակերպությունները /օրինակ Նորվեգական/ ապա խոսալու նյութ նրանք համարյա թէ չունեն:


Շատ սխալ է մտածել որ դաշնակները ֆեոդալական համակարգ ունեն,

Ֆեոդալական համակա՞րգս որն է: էտպեսի համակարգ գոյություն չունի , որ դաշնակները ունենան կամ չունենան: Երեվի ուզում էիր ասել տոտալիտա՞ր:


ես այս երեք կուսակցություններից շատ մոտիկ ընկերներ ունեմ ու բոլորն էլ ինձ կանչում ու համոզում են որ մտնեմ իրենց կուսակցության մեջ:Ու ես ոչ հարուստ եմ,ոչ դաշնակի տղա եմ,,,ոչ էլ կուսակցական եմ:

Մտնելուց առաջ մենակ հաշվի առ, որ տոտալիտար ղեկավարվող կառույցներ մտնելը համեմատաբար հեշտ է, իսկ դուրս գալը բավականին պրոբլեմատիկ:


Կարծում եմ որ չեք տեսել այս տարի Մարսելում,ապրիլի 24-ին դաշնակների ու հնչակների միացյալ ցույցերը:Նույնիսկ ֆրանսիացիները հայերին շմորհավորում էին որ 100 տարվա մեջ վէրչապես այս կուսակցությունները միացան իրենց ազգի ողբերքությունը հիշելու համար:

Հայաստանի ու հայության համար շատ ավելի օրակարգային հարցեր կա, որոնց շուրջը պետք է միանալ: Օրինակ Հայկական 2 եկեղեցիների միացում, որը դաշնակների "թեթև" ձեռքով ժամանակին բաժանվեց...


Ու մի մոռացեք ԱՍԱԼԱ-ին,նրանց արած աղմուկի շնորիվ,Եվրոպաի երկրները սկսեցին Եղեռնը ընդունել ու դատապարտել:
ԱՍԱԼԱ-ի "աղմուկը" ոչ մի հետեվանք էլ չի թողել:
Իսկ ահաբեկչական ակտերը թողել են: Ու դեռ կարգին հլա ոչ մեկն էլ հրապարակային չի ուսումնասիրել ու գնահատել, հայության համար հետեվանքների մեջ ինչն է գերակշռում, դրակա՞նը թէ բացասակա՞նը ;) :

Chico_Madrid
10.05.2007, 14:18
Շատ հայաստացիների մէծ խնդիրը դա է, լավ չգիտեք ու ոչ էլ գնահատում եք այն ինչ որ անում է Սփյուռքը Հայաստանի համար:

Հայկական դիասպորան աշխարհում ամենահզորներից է, ու հենց հիմա փողի խնդիրներ ունենալով շատ լավ վիճակում է: Հայերի նոր սերունդը Ֆրանսիայում ու Արգենտինայում շատ մեծ պատրաստվածութուն ունի (իրավաբաններ, բժիշկներ, ճարտարապետներ, երաժիշտներ): Ամեն տեղ հայ ազգի անունը շատ լավ են պահում:

Ու ինչ գիտեմ, Նորվեգիան չեկավ Արցախը ազատագրելու 15 տարի առաջ: Ու նորվեգիացիները ակումբներում չեն մարզվում որ պատրաստ լինեն Հայաստանը պաշտպանելու համար: Պարզապես ձեզ 2 կիլո կաթ ու կարկանդակ են բաժանում արդեն գիտեք մեզ փրկեցին:

Հայաստանում դաշնակները, հնչակները ու ռամգավարները ուժեղ չեն, բայց եթե հիմա Հայաստանը Հայաստան ու որ մեր ազգը Եվրոպայում հարգված է դա նրանց շնորհիվ է:Նրանց շնորհիվ նույնիսկ Եվրոպայի շատ թուրքեր, թուրք մտավորականներ հայերի կողմից են:

Արշակ
10.05.2007, 14:40
Շատ հայաստացիների մէծ խնդիրը դա է, լավ չգիտեք ու ոչ էլ գնահատում եք այն ինչ որ անում է Սփյուռքը Հայաստանի համար:

Շատ սփյուռքահայերի խնդիրն էլ երևի այն է, որ չեն պատկերացնում, թէ ինչ է կատարվում Հայաստանում ու ինչ է պետք նրան։ Էնտեղ լացելով ցեղասպանությունը դրոշ դարձնելն իրենց միակ ու գերագույն պարտքն են համարում ու հետո վերամբարձ տոնով հայրենասիրության մասին դասախոսություններ են կարդում։ Իսկ թե Հայաստանում ի՞նչ է կատարվում, էդ բոլորի վրա երևի թքած ունեն (իհարկե բացառություններ կան)։

Արգենտինայում սփյուռքահայ իրավաբանները հայի պատիվը բարձր են պահում, իսկ Հայաստանում ամեն օր ոտնահարվում են բազմաթիվ հայերի իրավունքները։

Ֆրանսիայում սփյուռքահայ բժիշկները հայի պատիվը բարձր են պահում, իսկ Հայաստանում բժշկությունը մի քանի դար հետ է ու բարոյալքված։

Ամերիկայում սփյուռքահայ ճարտարապետները հայի պատիվը բարձր են պահում, իսկ Երևանում Հյուսիսային պողոտաներ են աճում։

Իտալիայում սփյուռքահայ երաժիշտները հայի պատիվը բարձր են պահում, իսկ հայերը թուրքական ցածրորակ մուղամ են լսում։

Chico_Madrid
10.05.2007, 15:42
Սփյուռքի մեծ մասը Հայաստանի բոլոր խնդիրները շատ լավ գիտի ու շատ է ոգնում:Պարզապես այդ ոգնությունը հասնում է տեղ ու տեղի գողերը այդ փողերը ուտում են,,,

Իսկ Սփյուռքի մյուս մասը շատ "հարիֆ" է,նրանց մեջ շատ կարոտ կա կորուսյալ հայրենիքի համար:Սրանք էլ են շատ փող ուղարկում բայց էլի տեղ չի հասնում:Համ էլ շատ հայաստանցիներ դրսից հայ են տեսնում ու արդեն մտածում են որ հարուստ է ու պետք է խաբել նրան,,,

Եթե Սփյուռքի իրավաբանները գաին Հայասատան և ուզենաին մի բան փոխել երկրում ,նրանց գլուխը 2 որում կուտեին:Երաժիշտներս չենք գալիս Հայաստան որովհետեվ Հայաստանում արվեստի ժողովուրդը տաքսի է քշում ու շան տեղ չեն դնում:Ու եթե մեր ազգին ավելի շատ դրսից ենք ոգնում,ուրիշ ելք չկա:Կամ որ ամսեկան մեր բարեկամներին փող ենք ուղարկում,կարծու՞մ ես պետությունը չի օգտվում դրանից:Թող չուտեն ու թող ժողովրդի վրա ծախսեն:

Արշակ
10.05.2007, 16:51
Սփյուռքի մեծ մասը Հայաստանի բոլոր խնդիրները շատ լավ գիտի ու շատ է ոգնում:Պարզապես այդ ոգնությունը հասնում է տեղ ու տեղի գողերը այդ փողերը ուտում են,,,

Իսկ Սփյուռքի մյուս մասը շատ "հարիֆ" է,նրանց մեջ շատ կարոտ կա կորուսյալ հայրենիքի համար:Սրանք էլ են շատ փող ուղարկում բայց էլի տեղ չի հասնում:Համ էլ շատ հայաստանցիներ դրսից հայ են տեսնում ու արդեն մտածում են որ հարուստ է ու պետք է խաբել նրան,,,

Եթե Սփյուռքի իրավաբանները գաին Հայասատան և ուզենաին մի բան փոխել երկրում ,նրանց գլուխը 2 որում կուտեին:Երաժիշտներս չենք գալիս Հայաստան որովհետեվ Հայաստանում արվեստի ժողովուրդը տաքսի է քշում ու շան տեղ չեն դնում:Ու եթե մեր ազգին ավելի շատ դրսից ենք ոգնում,ուրիշ ելք չկա:Կամ որ ամսեկան մեր բարեկամներին փող ենք ուղարկում,կարծու՞մ ես պետությունը չի օգտվում դրանից:Թող չուտեն ու թող ժողովրդի վրա ծախսեն:
Հարգելի Chico_Madrid, ինքներդ էլ տեսնում եք, որ Հայաստանի գլխավոր խնդիրը փողը չի։ Ինչքան էլ սփյուռքահայերը փող ուղարկեն, միևնույն է դրանք հիմնականում միայն մի քանի ավազակի գրպանն է գնում։ Հայաստանը կյանքի յուրաքանչյուր ոլորտում բարձրակարգ ու ազնիվ մասնագետների, կեղծիքի դեմ պայքարող համարձակ մարդկանց կարիք ունի։
Իսկ դուք ասում եք, թե սփյուռքահայ իրավաբանները հայերի պատիվն արտասահմանում բարձր են պահում ու որ գան Հայաստան, նրանց գլուխը կուտեն։ Բա էլ ո՞վ պիտի պայքարի Հայաստանում։ Թե՞ արդեն իմաստ չունի պայքարելը։ Այդ դեպքում էլ ի՞նչ հայի պատվի մասին է խոսքը։
Դե ուրեմն գոնե այդքան վերամբարձ ձևով մի ասեք էլի, թե.

Այն ինչ որ դաշնակ,հնչակ ու ռամգավարներն են անում Հայաստանից դուրս Հայաստանի համար,Հայաստանում ոչ ոք չի անում:

dvgray
10.05.2007, 17:53
Շատ հայաստացիների մէծ խնդիրը դա է, լավ չգիտեք ու ոչ էլ գնահատում եք այն ինչ որ անում է Սփյուռքը Հայաստանի համար:

Իսկ ինչու՞՛ չգիտենք: Ի՞նչն է պատճառը : Եթե պատճառ չկա, ապա խնդրեմ -լուսաորեք անգետներիս :) : Իսկ եթե պատճառ կա, ապա գոնե էտ պատճառը ասեք, թէ ինչու՞ չեք ներկայացնում ձեր արածը: Գաղտիք է՞ ;) :


Հայկական դիասպորան աշխարհում ամենահզորներից է, ու հենց հիմա փողի խնդիրներ ունենալով շատ լավ վիճակում է: Հայերի նոր սերունդը Ֆրանսիայում ու Արգենտինայում շատ մեծ պատրաստվածութուն ունի (իրավաբաններ, բժիշկներ, ճարտարապետներ, երաժիշտներ): Ամեն տեղ հայ ազգի անունը շատ լավ են պահում:

Ապրեք :) : Բայց հիմա ՀՀ -ն էն վիճակում է, որ դա առաջնային չեն ՀՀ-ի համար ;) :


Ու ինչ գիտեմ, Նորվեգիան չեկավ Արցախը ազատագրելու 15 տարի առաջ:

Մենակ էտ էր մնացել...
Ու նորվեգիացիները ակումբներում չեն մարզվում որ պատրաստ լինեն Հայաստանը պաշտպանելու համար:


Պարզապես ձեզ 2 կիլո կաթ ու կարկանդակ են բաժանում արդեն գիտեք մեզ փրկեցին:

Ստեղ էլ ես եմ պարտավոր ասել
-Եթե տեղյակ չես, ապա մի խոսի ;)


Հայաստանում դաշնակները... ուժեղ չեն:
Դաշնակները Հայաստանում չունեն ոչ մի հասարակական պահանջ: Դրա համար էլ մի օր ֆեոդալ են, մյուս օրը դեմոկրատ:
Սփյուռքում երևի ունեն հասարակական պահանջ: Կերուխումների ժամանակ կատարվող դրամահավաքները անշուշտ դա են վկայում:

_Cexakron
10.05.2007, 20:40
Իսկ դաշնակցության մասով կարաս օրինակ բերես: Որ մի նախարարի տղանա կուսակցությունում կամ պետական համակարգում բարձր պաշտոն զբաղացնում?[/QUOTE]
Այ էդ մեկը չեղավ: օրինակներ շատ կան, բացի այդ դաշնակցությունը մի տեսակ կարծես ժառանգական կուսակցություն լինի...:ok

Chico_Madrid
11.05.2007, 00:25
Ո՞նց եք ուզում որ երկիրը լավանա եթե 3 կիլո կարտոֆիլի,2 շիշ ողիի ու 4000 դրամի համար շատերը իրենց ձայնն են տալիս գողերին:Շատերը իրենց ստամոքսի մասին են մտածում ու մոռանում իրենց երեխաների ապագան:

Ու դրա համար դրսի հայերն ե՞նք մեղավոր:Գոնե մենք զրոից սկսում ենք ու շատ մեծ բաների տեր ենք դառնում հետո էլ Հայաստան փող ենք ուղարկում:Բա այդ ժողովուրդը որ մնում է 4000 դրամով վաճառում իր ձայնը,դրանք ի՞նչ են անում երկրի համար:

Օրինակ,ես ջութակահար եմ ու Իսպանիայում լավ նվագելու համար ինձ ամսեկան 2500€ են վճարում:Կամ կոնկուրս հաղթելու համար 12000€:Եթե Հայաստանում մնացած լինեի հիմա արդեն շուկայում կանաչի էի վաճառելու կամ էլ տաքսու վարորդ:
Եթե կարող եմ դուրսը շատ լավ երաժիշտ դառնամ ու մեր արվեստը բարձր պահեմ,մնամ Հայաստանում ի՞նչ անեմ:Նստե՞մ տանը ու ինքս ինձ սուտ հույսեր տամ:Ամեն տարի ինքնասպանությունները շատանում են Հայաստանում,նույն ձեվի ամունալուծությունները:Դա ի՞նչից է:
Նրանից է որ խեղճ ժողովուրդը սովորի,չսովորի արդեն գիտի որ թշվառությունն է սպասում իրեն:Որ նույնիսկ նոռմալ ընտանիք չեն կարող կազմել ու պահել:Որովհետեվ երկիրը 3 հոգու ձեռքում է ու միայն ուտում են և ուտում:Մեկը մյուսի հետեվից:

Ու եթե երիտասարդները չենք մնում դա նրանից է որ ամենալավ մասնագետները գնացել են Հայաստանից որովհետեվ Հայաստանում ավելի շատ թուրք-մոնղոլ ու պարսկական մուղամ են լսում քան Արամ Խաչատրյան կամ Կոմիտաս:

Amarasos
23.05.2007, 09:37
ՀՅԴ-FOREVER:hands....հասկացա՞ք:angry

Մոդերատորական: Կարդա ակումբի կանոնադրությունը (http://www.akumb.am/showthread.php?t=2437#post67297), մասնավորապես` 2.1.1. կետը, ըստ որի ակումբում արգելվում են այնպիսի գրառումները, որոնք արտահայտում են արհամարհական վերաբերմունք ակումբի մյուս անդամների նկատմամբ, և խուսափիր այդպիսի գրառումների կատարելուց: Տեսակետներդ ներկայացրու` մնալով կոռեկտության, ուրիշների կարծիքը հարգելու սկզբունքի շրջանակներում:

քաղաքացի
23.05.2007, 10:10
ՀՅԴ-FOREVER:hands....հասկացա՞ք:angry

Մի հատ մարդավարի բացատրի, ի՞նչ կար քո ասածի մեջ հասկանալու: Կամ ասենք կարմիր կատաղած գլուխը ինչու՞ ես դրել, սպառնալիքնե՞ր ես ուզում ուղղես: :fool

Marduk
23.05.2007, 12:21
Մոդերատորական: Խուսափեք այնպիսի գրառումներ կատարելուց, որտեղ նշվում է միայն որևէ հղում` առանց հավելյալ տեղեկատվության, որպեսզի հաջորդ գրառում անողի, ինչպես նաև այդ գրառումները դիտողի համար պարզ լինի, թե ինչի մասին է խոսքը: Ահա այն հոդվածը, որի միայն հղումն էր նշված այս գրառման մեջ:

ՊԱՌԱԿՏՈՒՄՆԵՐ ԱԶԳԱՅԻՆ ՏԱՐԱԶՈՎ

ՌՈՒՍՆԵՐԸ "ԴԱՇՆԱԿՑՈՒԹՅՈՒՆ" ՉՈՒՆԵԻՆ

Մայիսի 17-ին խոշորագույն պատմական իրադարձություն տեղի ունեցավ Ռուսաստանում: Այդ օրը Մոսկվայի Ամենափրկիչ մայր տաճարում ստորագրվեց Ռուսաց ուղղափառ եկեղեցու եւ արտասահմանում ռուսաց ուղղափառ եկեղեցու միավորման հռչակագիրը: Այսպիսով, 80-ամյա պառակտումից հետո Ռուսաց ուղղափառ եկեղեցին վերստին միասնական է:

Հիշեցնենք, որ ռուսական եկեղեցին պառակտվել էր 1917թ. բոլշեւիկյան հեղափոխությունից եւ դրան հաջորդած քաղաքացիական պատերազմից հետո, երբ կոմունիստների իշխանությունը չընդունած հարյուր հազարավոր ռուսներ` լքելով հայրենիքը, Տիխոն Պատրիարքի հրամանագրով 1992թ. Սերբիայում ստեղծեցին Արտասահմանում ռուսաց ուղղափառ եկեղեցին, որի նստավայրը հետագայում տեղափոխվեց Նյու Յորք:

Ռուսաց եկեղեցու երկու հատվածների միավորումը երկար տարիների քրտնաջան աշխատանքի արդյունք էր: Ժամանակ էր պետք, որպեսզի փոխադարձ վստահության մթնոլորտ ստեղծվեր, երկարատեւ բանակցություններ լինեին, կամք եւ համարձակություն դրսեւորվեին: Միայն այդ ամենի շնորհիվ կարելի էր նման արդյունքի հասնել: Եվ սա այն դեպքում, երբ այսօր Ռուսաստանի նկատմամբ միջազգային հանրության կողմից բացասական վերաբերմունք կա, երբ Ռուսաստանը իր քաղաքականությամբ գնալով ավելի է հիշեցնում խորհրդային տարիները: Բայց նույնիսկ դա խոչընդոտ չեղավ:

Այս ամենը մենք բարի նախանձով ենք նշում, որովհետեւ այն, ինչ հաջողվեց ռուս ժողովրդին, առայժմ հասանելի չէ հայերիս: Հայ Առաքելական եկեղեցին շարունակում է պառակտված մնալ եւ հույսի նշույլ անգամ չկա, թե երբ մեզ կհաջողվի կրկնել ռուսների հաջողությունը:

Ընդ որում, հետաքրքիր է, որ եւ մեր, ե°ւ ռուսաց եկեղեցու պառակտումը մեծ հաշվով նույն հիմքերն ունի: Հայաստանի խորհրդայնացումից հետո, երբ Հայ Առաքելական եկեղեցին ընկավ ԽՍՀՄ իշխանությունների լծի տակ, եւ ծանրագույն, ողբերգական ժամանակներ էր ապրում, խորհրդային իշխանությունների նկատմամբ ատելությամբ լցված Հայ հեղափոխական դաշնակցությունը (իհարկե, ոչ առանց մի շարք գերտերությունների հավանության) իրականացրեց հայ ժողովրդի պատմության մեջ ամենաստոր, ամենախայտառակ եւ ամոթալի հանցագործություններից մեկը` Հայ Առաքելական եկեղեցու պառակտումը, որի արդյունքը Անթիլիասի եկեղեցու հիմնադրումն էր: Քիչ է ասել, որ իր 1600-ամյա պատմության ընթացքում հայ եկեղեցին առաջին անգամ պառակտվեց: Պառակտվեց նաեւ հայությունը: Հայությունը բաժանվեց յուրայինների եւ ոչ յուրայինների: Բնական է, որ այս ամենը հետագայում բացասական հետեւանքներ ունեցավ: Հետեւանքներ, որոնց ազդեցությունն առ այսօր զգացվում է:

Բայց եթե Դաշնակցության պարագլուխները հայտարարում էին, թե Անթիլիասի հիմնադրմամբ ընդամենը կանխվեց ԽՍՀՄ-ի քաղաքականությունը` Հայ Առաքելական եկեղեցուն իր ազդեցության տակ պահելը եւ դրա շնորհիվ նաեւ Սփյուռքին սեփական շահերին ծառայեցնելը, ապա պետք է, որ խորհրդային կայսրության փլուզումից հետո սկսվեր հայ եկեղեցու երկու հատվածների միավորման գործընթացը: Բայց դա տեղի չունեցավ: Ճիշտ է, եկեղեցիների երկու հատվածների միավորման նպատակով 1995թ. լրջագույն քայլ կատարեց ՀՀ Առաջին նախագահ Լեւոն Տեր-Պետրոսյանը, որի աջակցությամբ Վազգեն I-ի մահից հետո Ամենայն Հայոց Կաթողիկոս դարձավ Մեծի Տանն Կիլիկիոյ կաթողիկոս Գարեգին I-ը, սակայն դա էլ ցանկալի արդյունքի չբերեց: Եվ չի բերելու: Քանզի կա Դաշնակցությունը: Այո, այն Դաշնակցությունը, որն այսօր ունի իշխանություն: Որը իրեն շատ ազգային է համարում: Ֆիդայական երգեր է երգում, թուրքերին է հայհոյում, ծովից ծով է երազում, ազգի միասնականությունից է բարբաջում, երկքաղաքացիություն է պահանջում, ազգային տարազներով լի կլիպներ է թողարկում:

Ահա այդ նույն Դաշնակցությունը` խիստ տագնապած այն փաստից, որ Գարեգին I-ի Էջմիածին գալով կարող է հայ եկեղեցու երկու հատվածների միավորման վտանգ առաջանալ, 1995թ. նոյեմբերին կայացած ՀՅԴ 26-րդ Ընդհանուր ժողովում հայ եկեղեցու թեմային անդրադառնալով, խիստ գաղտնի մի որոշում էր կայացրել: Մեջբերենք. "Սատարել Էջմիածնի Կաթողիկոսությանը, բայց պաշտպանել Անթիլիասի Կաթողիկոսության անկախությունը եւ խիստ վերապահությամբ մոտենալ թեմերի միացման գործին: Ամեն կերպ դեմ լինել եկեղեցիների միացման կամ թեմերի վերաբաշխման հարցին": Կարծում ենք, որեւէ մեկնաբանություն այստեղ անիմաստ է:

Հիմա Դաշնակցության հայաստանյան հատվածը խորհրդարանական ընտրություններից հետո նորից ստացավ իրեն այդքան հաճելի պատգամավորական մանդատներ: Դա նշանակում է, որ մենք ժամանակ առ ժամանակ խորհրդարանի դահլիճից կլսենք վեհ, խրոխտ ազգային-ազատագրական ճառեր, հայության միավորմանն ուղղված կոչեր, ապազգային տարրերին արմատախիլ անելու ծրագրեր եւ այլն: Բայց, պատմությունը իրականում ճշգրիտ գիտություն է, իսկ փաստերը` ամենախոսուն:

Գ. ԱՐԱՄՅԱՆ

http://www.chi.am/news/070519/07051911.htm

Ֆուտբոլասեր
23.05.2007, 14:10
Ասենք, թե միացան ետ ինչա տալու, բացի մեր բիզնեսմեն-կաթողիկոսի եկամուտների ավելացումից:
Նենց մի պաթոսով գրումա, կարծես, թե Հայաստանի բախտը թեմերի միավորումիցա կախված:
էս պահին Էտ 6-րդական հարցա:

Մասսագետ
27.05.2007, 15:00
Թուրքիայի դրոշները: