PDA

Դիտել ողջ տարբերակը : Բարեկամ - P.S. Artgeo-ի հետ



Artgeo
19.03.2007, 19:46
Բարեկամ (http://www.akumb.am/member.php?u=1353) - Akumb.am-ի անդամ։



Բարեկամ. «Երբեմն լավագույն ձեռնարկումը սպասել կարողանալն է»։


3:16 Artgeo
Բարի օր, Բարեկամ :)

Բարեկամ:
Բարի օր։

3:16 Artgeo:
Ակումբում կան անդամներ, որոնք մի տեսակ գաղտնիությամբ են
պարուրված, դրանց թվում նաև Դուք եք։ Ինչ-որ պատճառ կա՞։

3:21Բարեկամ:
Բոլորն էլ ունեն իրենց չբացահայտվածության սահմանները,
անգամ հանդիպումների ակտիվ մասնակիցները: Ինչու՞ ես համարում, թե ինչ-որ հատուկ գաղտնիությամբ եմ շրջապատված:

3:22 Artgeo:
Միգուցե ինձ վրա ազդում է Ձեր՝ էկզոտիկ վայրում գտնվելը։

3:23 Բարեկամ:
Բայց միթե «գաղտնիությունս» ի հայտ եկավ, երբ հայտնի
դարձավ «էկզոտիկ» վայրի մասին։ :)

3:24 Artgeo:
Այնուամենայնիվ, ուժեղացրեց հետաքրքրությունը։
Ի դեպ Երևանը կարոտո՞ւմ եք։

Բարեկամ:
Արդեն ոչ այնքան։

3:25 Artgeo:
Ենթադրում եմ, որ գնալու պատճառների մասին խոսել չեք ուզում

Բարեկամ:
Պատճառները նույնն են, ինչ բոլոր հեռացողներինը, ոչ մի յուրահատուկ բան։

3:26 Artgeo:
Հետ գալու մտադրություն ունե՞ք։

Բարեկամ:
Ընդմի՞շտ: Չեմ կարծում, թե կկարողանամ։

3:29 Artgeo
Սակայն Հայաստանի նկատմամբ որոշակի նոստալգիա, այնուամենայնիվ, կա։

3:31 Բարեկամ:
Կա շատ մեծ կապվածություն, որը, գիտեմ, երբեք չի վերանա, ուղղակի երբ ընկնում ես հոսքի մեջ, ու երբ զգայական մակարդակում առիթ չի լինում վերապրել հայրենիքը, կարոտախտը հետզհետե քնում է:

3:32 Artgeo:
Ակումբում գրանցվելն ու ակտիվ անդամ լինելը նու՞յնպես այդ
կապվածության հետևանք են։

Բարեկամ:
Անպայման: Բայց ոչ միայն դրա’ հետևանք։

3:33 Artgeo:
Գրառումներից մեկում Դուք ասել եք, որ վատատես եք։
Իրո՞ք այդպես է։

3:34 Բարեկամ:
Հաճախ թվում է` այո: Կամ պարզապես` պատասխանատու:

Artgeo:
Ձեր գրառումները թողնում են սառը դատողությամբ մարդու
տպավորություն։
Դուք երբե՞ք չեք տրվում զգացմունքներին։

3:36 Բարեկամ:
Գիտեք, այդ մասին հաճախ եմ կարդացել ակումբում, որն ինձ
ճիշտն ասած զվարճացնում է: Կյանքում իսկապես սառը դատելու համար ինձ շատ
հաճախ խանգարում է անհամբերությունը:

Artgeo:
Այսինքն ռոմանտի՞կ եք։

3:38 Բարեկամ:
Ինձ դուր է գալիս ռոմանտիզմը, երբ այն զերծ է խաղից,
ինտրիգներից ու ինքնատարվածությունից: Իմ պատկերացրած ռոմանտիզմը արվեստ
է` մաքուր զգացմունքներից բխող:

Artgeo:
Երբևէ սիրե՞լ եք։

Բարեկամ:
Իհարկե։

3:39 Artgeo:
Ու առաջին սերն անպատասխան էր...

Բարեկամ:
Ես չէի էլ երազում պատասխանի մասին։ :)

3:40 Artgeo:
«Չարժի ինձ սիրահարվել» Սա Ձեր խոսքերն են, ինչո՞ւ։
http://www.akumb.am/showpost.php?p=210341&postcount=435

3:43 Բարեկամ
եթե սիրահարությունն այն է, ինչ ես եմ պատկերացնում, իսկ ես
դրա տակ առաջին հերթին տեսնում եմ ուժեղ կապվածություն, ապա վիրտուալ
կերպարների սիրահարվելը զգացմունքների ու ժամանակի վատնում է:

3:44 Artgeo:
Սեփական փո՞րձ, թե՞ տեսակետ։

Բարեկամ:
Համարյա փորձի վրա հիմնված տեսակետ։

3:45 Artgeo:
Ըստ Ձեր գրառումներից մեկի՝ կյանքը սպասելու համար է,
Ինչի՞ն կամ ո՞ւմ սպասելու։

3:47 Բարեկամ:
Գիտեք, մարդ հաճախ, երբ դժգոհ է լինում իրականությունից,
կարծում է, թե պետք է անպայման մի բան ձեռնարկել, գործել, փոխել: Երբեմն
լավագույն ձեռնարկումը սպասել կարողանալն է և անհամբեր ու
տարերային գործողություններով իրերի բնական ընթացքը չխանգարելը:

3:48 Artgeo:
Ձեզ՝ անհամբեր մարդուն, դա հաջողվո՞ւմ է։

3:49 Բարեկամ:
Ինչպես և կռահեցիք, այդ միտքը սեփական անհաջողությունների
հետևանքն է: Չգիտեմ, բայց աշխատում եմ դա չմոռանալ:

Artgeo:
Ի՞նչ ի նկատի ունեիք «ձգված մետաղալարի վրայով եմ քայլում» ասելով։

3:51 Բարեկամ:
Գերլարվածություն և զգացողություն, որ կարող է սայթաքես։

Artgeo:
Ինչ-որ պատճառ կա՞ր դրա համար։

3:52 Բարեկամ
պատճառը կյանքն է` իր ընթացքի մեջ:

Artgeo:
Բարի, ո՞վ է Ձեզ համար ամենաթանկը։

Բարեկամ:
Դժվարանում եմ դասակարգել։
Չէի ցանկանա դասակարգել. չեմ սիրում նման դասակարգումներ։ Հնարավոր է, որ այս պահին դու լինես ամենաթանկը։

3:53 Artgeo:
Դուք անկա՞խ կին եք

Բարեկամ:
Եվ այո, և ոչ, կարծում եմ անհաջողությամբ համատեղում եմ երկուսն էլ :)

Artgeo:
Իսկ ձգտո՞ւմ եք անկախության։

Բարեկամ:
Ձգտում եմ։

Artgeo:
Ո՞րն է Ձեր միսիան երկրի վրա։

3:55 Բարեկամ:
Նոր-նոր միայն սկսել եմ հասկանալ, որ կա այդպիսի բան, այսինքն միսիա ասածը... Կարծում եմ յուրաքանչյուրի միսիան ի վերջո Սիրո համաշխարհային բանկում իր լուման ներդնելն է: Մարդիկ տարբեր են և, իրենց նախասիրություններին, ունակություններին, հակումներին համապատասխան, տարբեր կերպ են կոչված այն իրագործելու, բայց համոզված եմ, որ յուրաքանչյուր փոքր տեղաշարժ՝ կապ չունի աշխարհի մի մոռացված անկյունում, թե բարձր ամբիոնների վրա, ավելացնելու է այդ սիրո պաշարը:

Artgeo:
Եվ ո՞րն է Ձեր կոչումն ըստ Ձեզ։ Դասական՝ տուն, ամուսին, երեխանե՞ր։

4:06 Բարեկամ:
Կոչումը չգիտեմ, դեռ չեմ պարզել: Իսկ դասականը` տուն,
ամուսին, երեխաներ. դրանք ապրելաձև են, բայց ոչ նպատակ, առավել ևս`
միսիա:

Artgeo:
Ակումբի Ձեր գրառումներից կարելի է նաև ենթադրել, որ բավականին
խորացել եք հոգեբանության մեջ, առաջին հերթին սեփական եսը ճանաչելու
համար, իսկ այժմ դա նաև ուրիշների մասին կարծիք կազմելիս եք
օգտագործում։

4:09 Բարեկամ:
Ավելի հեշտ է տեսնել ուրիշներին, քան ինքդ քեզ:

Artgeo:
Այսինքն՝ Դուք ուրիշներին «օգտագործո՞մ» եք Ձեզ ճանաչելու համար։

4:10 Բարեկամ:
Ոչ այնքան: Ուրիշների մեջ գուցե տեսնում եմ այն, ինչ ես
կանեի կամ մի ժամանակ եմ արել: Չգիտեմ, այդ մասին չեմ մտածել:

4:11 Artgeo:
Անդրադառնալով անցյալին՝ ո՞ր պահերը կուզենայիք վերապրել

Բարեկամ:
Մանկությունս` ընտանիքիս հետ:

Artgeo:
Քաղաքականությունից հեռո՞ւ մարդ եք։

Բարեկամ:
Այո, չեմ սիրում։

Artgeo:
Հայոց լեզուն Ձեզ համար...

4:16 Բարեկամ:
Արտահայտման լավագույն միջոցն է, քանի որ այնպես է ստացվել, որ հայ եմ :)

Artgeo:
Իսկ Ձեր ապագա երեխաների՞

4:17 Բարեկամ:
Ցավոք, վախենում եմ լինի սոսկ ժառանգաբար փոխանցված:

4:18 Artgeo:
Հավատո՞ւմ եք, որ Աստված կա ու հավատո՞ւմ եք Աստծուն։

4:24 Բարեկամ:
Հավատում եմ, որ կա Աստված: Հավատում ե՞մ արդյոք Աստծուն… Կուզենայի միշտ հավատալ, հավատում եմ, որ եթե հավատաս այնպես,
ինչպես ակնհայտ բաներին, օրինակ նրան, որ հիմա ես ստեղներին եմ խփում,
ապա միշտ կշարժվես Նրա օրենքներով: Բայց մարդու առեղծվածն է` չժխտելով Նրա գոյությունը, 100%-անոց չի իր հավատքի մեջ, ի՞նչ 100, մանանեխի չափ էլ հավատ չունենք, այլապես սարն իսկապես կշարժվեր:

4:28 Artgeo։
«Ոզնին մառախուղում» Ձեզ ինչո՞վ է հոգեհարազատ։

Բարեկամ:
Դա իմ կոմֆորտն է։

4:34 Artgeo:
ԲարկացածԲարեկամը կարո՞ղ է սարեր շուռ տալ։

Բարեկամ:
Բարկացած ժամանակ վճռական եմ, այո։

4:35 Artgeo:
«Դառը ճշմարտությունը քաղցր ստից լավ է».
համաձա՞յն եք։

Բարեկամ:
Ոչ։ Ամեն ինչ առանց այդ էլ երևակայական է։

Artgeo:
Ինչո՞ւմ է կայանում դառը ճշմարտությունը։

4:39 Բարեկամ:
Ճշմարտությունները դժվար է տեսնել, հաճախ դրանք շփոթում ենք պայմանականությունների հետ, սակայն դառնությունը ճաշակում ենք իր ողջ իրական տհաճությամբ: Սուտ կամ ճիշտ` պետք է ճկուն հարմարեցնես հանգամանքներին, միևնույն է, մարդը չի կարող տեսնել դրանց հստակ սահմանազատումը: Ես այդպես եմ կարծում:

Artgeo:
Ակումբը Ձեր կյանքի մա՞ս է։

Բարեկամ:
Հիմա՝ այո։

Artgeo:
Ակումբը կարողանո՞ւմ է փոքր-ինչ մեղմացնել Ձեր կարոտը հայրենիքի հանդեպ։

Բարեկամ:
Ընդհակառակը, ավելի է բորբոքում։

Artgeo:
Ուրեմն կհանդիպենք Ակումբ.am-ում, որպեսզի էնքան բորբոքվի, որ հետ գաք Հայաստան։ ;)
Շնորհակալություն: :)

5:07 Բարեկամ։
Ես էլ եմ շնորհակալ :)

PoeT
19.03.2007, 20:14
Հիանալի էր :)

Ուլուանա
19.03.2007, 20:27
Արդեն ասել եմ, էլի եմ ասում, շատ լավ էր։ :ok
Բարեկամին այս անգամ մի քիչ այլ լույսի տակ տեսանք, քան ակումբի գրառումներում էինք տեսնում, իսկ ավելի ճիշտ՝ նրա կերպարի մեջ ես ինձ համար որոշ բաներ բացահայտեցի, որոնց գոյության մասին մինչ այդ միայն կասկածում էի։ :P Բայց դե այն խորհրդավորոթյան քողը, որի մասին Արթուրն ասում էր, միայն մասամբ բացվեց։ ;) Այնպես որ լիքը բան մնաց չբացահայտված։ Չնայած, չէր էլ կարելի ակնկալել, որ մի հարցազրույցի միջոցով կարելի է մարդուն մինչև վերջ բացահայտել... :think

Arisol
19.03.2007, 20:48
Անկեղծ ասծ նոր բաներ բացահայտեցի Բարեկամի մեջ ի շնորհիվ այց հարցազրույցի :) :
Շնորհակալությունս եմ հայտնում Արթուրին ;) :

StrangeLittleGirl
19.03.2007, 21:30
Շատ լավ էր: Արթուրը մի քիչ լավ չէր սկսել, բայց հետո շտկեց իր սխալը :)
Իսկ էս մասն ուղղակի սպանիչ էր.

Հավատում եմ, որ կա Աստված: Հավատում ե՞մ արդյոք Աստծուն… Կուզենայի միշտ հավատալ, հավատում եմ, որ եթե հավատաս այնպես,
ինչպես ակնհայտ բաներին, օրինակ նրան, որ հիմա ես ստեղներին եմ խփում,
ապա միշտ կշարժվես Նրա օրենքներով: Բայց մարդու առեղծվածն է` չժխտելով Նրա գոյությունը, 100%-անոց չի իր հավատքի մեջ, ի՞նչ 100, մանանեխի չափ էլ հավատ չունենք, այլապես սարն իսկապես կշարժվեր:

Մելիք
19.03.2007, 21:39
3:40 Artgeo:
«Չարժի ինձ սիրահարվել» Սա Ձեր խոսքերն են, ինչո՞ւ։
http://www.akumb.am/showpost.php?p=210341&postcount=435

3:43 Բարեկամ
եթե սիրահարությունն այն է, ինչ ես եմ պատկերացնում, իսկ ես
դրա տակ առաջին հերթին տեսնում եմ ուժեղ կապվածություն, ապա վիրտուալ
կերպարների սիրահարվելը զգացմունքների ու ժամանակի վատնում է:
Ես էլ սկսեցի սիրահարվել:love :
Մեկ ա սենց թե նենց ժամանակը վատնում եմ:D :

Goga
20.03.2007, 00:34
Իրոք շատ հիանալի հարցազրույց էր, ապրես Artgeo ջան:hands

քաղաքացի
20.03.2007, 00:42
Շատերը նոր բաներ բացահայտեցին Բարեկամի մեջ, իսկ ես՝ ընդհակառակը: Ինձ համար նոր հանելուկներ ստեղծվեցին: Փորձում եմ գուշակել, թե սա ո՞ր «Բարեկամի» հարցազրույցն էր: Դժվարանում եմ հարցազրույցն ու գրառումները իրար հետ կապել:

Selene
20.03.2007, 00:47
Իրոք Բարեկամի ներաշխարհը շատ ավելի խորն է, քան դրա մասին պատկերացում տվող նրա գրառումները:Հարցազրույցն օգնեց ավելին իմանալ Բարեկամի մասին:) Շատ հաջողված հարցազրույց էր, իմիջայլոց հարցազրույցներն ամեն անգամ ավլի հետաքրքիր են անցկացվում:hands
Artgeo ջան բռավո:)
Սպասում ենք հաջորդին;)

CactuSoul
20.03.2007, 11:54
Հիանալի էր: Artgeo-ն ամեն հարցազրույցով ավելի ու ավելի է կատարելագործվում՝ որպես լրագրող: Հարցազրույցն, իրոք, հաջողված էր, մեծ հետաքրքրությամբ էր կարդացվում: Համաձայն եմ նաև Սասունի արտահայտած մտքին. այս հարցազրույցով Բարեկամը նոր հանելուկներ ստեղծեց մեզ համար, և դա հենց նրանով, որ ավելի բացահայտվեց, քան մինչ այս նրան ճանաչում էինք գրառումներից:
Անկեղծ ասած, հարցազրույցը կարդալուց հետո սկսեցի Բարեկամին ավելի սիրել:love :

Երկնային
15.05.2008, 00:40
Կային բաներ, որ կասկածում էի, հիմա վստահ եմ, որ էդպես է… :oy

Շնորհակալություն, շատ լավն եք :)

Հիմա հասկանում եմ, թե ինչ լույս եմ Բարեկամից զգում… հոգի… :love