PDA

Դիտել ողջ տարբերակը : Փողոցային շներ



Arisol
15.03.2007, 12:21
Հայաստանում շատ են փողոցային շները: Կառավարությունը լուծում ա էս հարցն էդ շներին սպանելով, սակայն դեռ ոչ մի փոփոխություն տեղի չի ունեցել: Փողոցային շները թափառում են քաղաքներով այնպես, ինչպես մի քանի տարի առաջ: Անձամբ ես դեմ եմ նրանց սպանելուն, բայց արդյո՞ք կա մեկ այլ միջոց այդ շների հետ պայքարելու համար:

Փողոցային շները վտանգ են ներկայացնում մարդկանց: Օրվա տարբեր ժամերին գրանցվել են հարձակումներ մարդկանց վրա նրա կողմից: Այդպիսի մի դեպք եղավ նաև ինձ հետ, երեկ երեկոյան…

Մենք ապրում ենք քաղաքի կենտրոնում, մեր շրջակայքում միայն ցերեկն են լինում փողոցային շներ, բայց երեկ… Իմ աշխատանքի տեղից մինչև տուն շատ չնչին ճանապարհ ա, 1-2 րոպեում հասնում եմ տուն ու չէի պատկերացնում, որ կարող ա սենց բան լինել:

Գործից դուրս եկա ու ճանապարհին մի շուն տեսա: Չեմ վախենում շներից, ուստի շարունակեցի ճանապարհս, բայց ուղիղ դեմս տեսա ավելի մեծ մի շուն: Էլի ուզում էի շարունակել ճանապարհս, բայց այս անգամ այդ մեծ շունն սկսեց «ռռռռռռռ» ասել:

Ես վտանգ զգացի ու շրջվեցի դեպի հետև: Հանգիստ, դանդաղ քայլերով առաջ գնացի, բայց այդ պահին նրանք 4-ով վազեցին դեպի իմ կողմ: Չգիտեի, թե ինչ անել. եթե կանգնեի, ապա չեմ կարծում, թե կփրկվեի, որտև շատ գազազած էին, եթե վազեմ, ապա հետևիցս կգան ու դժվար թե նրանցից արագ վազեմ, դե բայց վտանգն այնքան մոտիկ էր, որ վազեցի, նրանք էլ հետևիցս:

Վազում էի որքան հնարավոր ա արագ ու նաև գոռում ամբողջ ձայնովս մեկ: Այդ մասը սովորաբար միշտ ամայի ա լինում, ու էդ անգամ էլ բացառություն չէր: Վախը մտել էր մեջս, չէի պատկերացնում, թե ինչ կլինի ինձ հետ ու այդ պահին մի շուն, որը մեջների ամենամեծն ու գազազածն էր, կծեց պալտոս (ի դեպ հետո տեսա, որ մեծ ծակ ա թողել) ու ես ընկա:

Երբ ընկա` մտածեցի, որ վերջս եկել ա, հիմա նրանք 4-ով կհարձակվեն ու կայլանդակեն ինձ ամբողջությամբ… Բայց ինձ չկորցրեցի ու միանգամից վեր կացա: Երբ վեր կացա` նկատեցի, որ նրանք իմ մոտ չեն, հետո շրջվեցի ու տեսա մի մեքենա: Վախեցած վազեցի դեպի մեքենան` կանգնեցնելով այն, չնայած նրանք առանց էդ էլ կանգնում էին:

Չգիտեմ, թե ինչ կլիներ ինձ հետ, եթե այդ րոպեին չգար այդ մեքենան, իսկ նա եկավ հենց իմ գոռոցից: Դե մեքենայով տարան ինձ մինչև մեր մուտքը: Երբ մտա տուն` չէի կարողանում խոսալ, հեկեկում էի, արցունքներն անդադար հոսում էին աչքերիցս, կակազում էի ու ամբողջությամբ դողում: Մի կերպ բացատրեցի, թե ինչ ա կատարվել ու հետագա մի ժամը կիսալացելով հեկեկում էի ու դողում…

Վնասվածքներ չեն հասցրել շները, բայց ընկնելուց վնասել եմ ձախ ձեռքիս մատներն ու աջ ձեռքիս ափը, նաև ծունկս ա ուռել, ընկնելուց էլ ուսս ու դաստակս եմ ցավացրել…

Ավելացվել է 3 րոպե անց
Ինչպե՞ս վարվել նման դեպքերում, որ շները չհարձակվեն:
Ասում են, թե պետք ա պպզել, ու էդ ժամանակ իրանք արդեն վտանգ չեն զգա ձեր կողմից ու հանգիստ կթողնեն, բայց արդյո՞ք գազազած շունը չի հարձակվի ձեր վրա… Ես վախեցա այս բանը գործածել իմ վրա…

Cassiopeia
15.03.2007, 22:39
Ոնց եմ հասկանում քեզ… Մոտ մի ամիս առաջ էլ ինձ վրա է շների մի ոհմակ հարձակում գործել… ու նմանապես ինձ էլ կծեցին: Բայց իմ մոտ տոպրակ կար, որի օգնությամբ փորձում էի պաշտպանվել: Սակայն չէի խփում շներին, այլ միայն դրանով նրանց հեռու էի քշում… Ես էլ շներից չեմ վախենում, բայց վախը մտել է մեջս և ուշ ժամերին այլևս այդ ճանապարհով տուն չեմ վերադառնում: Գերադասում եմ ճանապարհս մի քանի անգամ երկարացնել, քան մի անգամ էլ ապրել այդ վախը…

Ձայնալար
12.05.2007, 21:13
Իհարկե պետք է պայքարել փողոցային շների դեմ, քանի որ նրանք վտանգավոր են մարդկանց համար: Ես ինքս շատ եմ սիրում շներին, բայց մի քանի անգամ գիշերը տուն վերադառնալիս ստիպված եմ եղել թափառող շներին ցույց տալ, որ ես ավելի կատաղած եմ;) Պատկերացնում եք ինչ կպատահեր եթե նրանք ինձ չհավատաին:o : Ինչ վերաբերում է մեթոդներին, կարծում եմ պետք է նրանց զրկել բազմանալու հնարավորությունից (հայերեն ասած ստերիլիզացիա անել) և բաց թողնել՝ այդպիսով նվազագույնի հասցնելով դրանց թվաքանակը: Մյուս մեթոդը ավելի անմարդկային է, բայց միգուցե ավելի էժան՝ այն է պարզապես ոչնչացնել դրանց (որքանով ինձ հայտնի է հիմա հենց այդպես էլ անում են):

Գոռ Ջան - Հայ
12.05.2007, 21:39
Եթե չափը անցնում են, պետք է պայքարել:
Իսկ եթե չափի մեջ են, ամեն շուն ոնց որ դառնումա մի հայաթի շուն ու սաղ հայաթով իրան պահում , հետևում են, դրանից վնաս չկա:

wagamaffia
12.05.2007, 22:09
Ես կառաջարկեի ամեն փողոցի կենդանու "չիպ"-ավորել, նրանց տալ հատուկ համար ու տվյալների "Ֆայլ" (բակի կենդանի է, կատաղած է, հիվանդոտ է, հանգիստ է և այլն) ու սրա հիման վրա ստերիլիզացնել, կամ ոչնչացնել: թե չէ առանց այս աշխատակերպի քաոսային դրություն կլինի,

Ֆելո
12.05.2007, 22:16
100% պետքա պայքարել, որտև օրեց օր շատանում են ու վտանգ են ներկայացնում բոլորիս համար. ստերիլիզացիա անելու մեթոդի մասին էլի եմ լսել, ու գտնում եմ, որ դա պայքարի ամենաճիշտ մեթոդնա

otar
12.05.2007, 23:11
:( իիի պետք է համապատասխան հաստատություններ բացել!
պայքարելը որն է կենդանիներ են վերջապես!
պետք է բացել այն որ ռուսերեն կոչվում ե "приют" իսկ հայերեն չեմ հիշում ոնց է կոչվում :)

Ֆելո
13.05.2007, 00:18
:( իիի պետք է համապատասխան հաստատություններ բացել!
պայքարելը որն է կենդանիներ են վերջապես!
պետք է բացել այն որ ռուսերեն կոչվում ե "приют" իսկ հայերեն չեմ հիշում ոնց է կոչվում :)

դրա համար ահագին գումար է պետք, որը դժվար թե գնվի մեր բյուջեում;)

Աբելյան
13.05.2007, 10:06
պետք ա փողոցային շներին կամ վառել կամ գնդակահարել :goblin

բայց մեղք են :(

otar
13.05.2007, 12:07
:angry սաղ են գժվել արա!!!!! ինչ եք ուզում էդ շներից!
Նատուռի ... դուք մտածեք, մարդիկ կան էդ շներից ավելի շատ վնաս են հասցնում հասարակությանը... առավել ևս քաղաքի աղտոտման առումով!!!
:angry :angry

Մոդերատորական: Կարդացեք ակումբի օրենսդրությունը (http://www.akumb.am/showthread.php?t=2437#post67297), մասնավորապես 2.1.1 կետը:

2.1.1. Չի թույլատրվում վիրավորել կամ ծաղրել ակումբի մյուս անդամներին, նրանց նկատմամբ ցուցաբերել բացահայտ արհամարհական վերաբերմունք, ֆորումի բանավեճերը տեղափոխել վեճի, հարաբերություններ պարզելու, կռվի հարթություն:

քաղաքացի
13.05.2007, 12:16
Պայքրել: Ոչ թե սպանել կամ չգիտեմ ինչ, այլ խնամել տուն-տեղ գտնել և վերջապես թող պահեն, խնամեն ծախեն, վերջում ավելի շատ փող են աշխատում քան ծախսում: Պետք չէ, թողնել փողոցներում, մեղք են:

Ֆելո
13.05.2007, 12:18
:angry սաղ են գժվել արա!!!!! ինչ եք ուզում էդ շներից!
Նատուռի ... դուք մտածեք, մարդիկ կան էդ շներից ավելի շատ վնաս են հասցնում հասարակությանը... առավել ևս քաղաքի աղտոտման առումով!!!
:angry :angry

ով որ գժվելա գտնվումա գժանոցում. ու հաստատ ոչ մեկ չի ցանկանում ամեն անգամ անցնելով շան կողքով մտածել, կհարձակվի վրես, թե էս անգամ էլ բախտս կբերի

Wisper
13.05.2007, 12:45
Մդաա... :think :
Իհարկե շները և մյուս կենդանիները կենդանի են... այդ կենդանիներից որոշներին մենք արդեն սովոր ենք, նրանք շատ բարի են ու վնաս չեն պատճառում հասարակությանը: Բայց դրանցից պատահում են նաև այնպիսինները, որոնք իրականում մեծ վտանգ են ներկայացնում մեզ համար: Հետաքրքիր կլինի իմանալ, թե ինչպես են նայում թափառական շների հարցին արտասահմանում: Իմ կարծիքով թափառական շները ավելի շատ վնասում են մեզ, քան օգնում... բացի այդ էլ վնասելն էլ է հարաբերական: Օրինակի համար՝ ես սիրում եմ զբաղվել սպորտով՝ մասնավորապես հեծանվավազքով: Ուրեմն ամռան շոգ ու արևոտ օրերիգց մեկնա... առավոտ շատ շուտ դուս եմ գալիս և սկսում եմ քշել: Ամենահետաքրքիրն այն է, որ չկա գոնե 1 կիլոմետր ճանապարհ, որտեղ որ ես կարող եմ առանց շների հաչոցները լսելու քշել: Էտ հերիք չի, հլը մի հատ էլ որ էտ շների թայֆեն կատաղած հետևիցս է վազում... մի խոսքով նեռվայնանում եմ, ստիպված իջնում եմ և սաղ հարամա լինում... կամ էլ էլի նույն պատմություննա, երբ ուզում եմ վազքով զբաղվել... մի խոսքով անտանելի երևույթա ինձ համար:
Եվ ամենակարևորը այս ամենը կատարվում է քաղաքի հենց կենտրոնում :o :
Ինձ թվում է, որ ստերիլիզացիան այստեղ չի օգնի, քանի որ էտ շները ունեն միջինը 8-10 տարի կյանք... դէ պատկերացրեք, որ առաջիկա 8-10 տարին մենք պիտի վտանգված լինենք...:o : Չնայած հիմա ստերիլիզացում էլ չեն անում նորմալ...մեր բակում մի 2-3 կատաղած շուն կային - հարևանների ահազանգով եկան եսիմ ովքեր և լսվեցին կրակոցներ... :oy :
իմ կարծիքով ճիշտ կլինի մի ընդհանուր պլան կազմելը՝ շներին հավաքատեղի հավաքելուց հետո... որից հետո որոշներին կարելի է շատ հանգիստ «քնացնել»՝ ինչպես արվում է զարգացած երկրներում... մյուսներին էլ ստերիլիզացնել... բայց այս ամենը կապված է մեծ ծախսերի հետ և ես առանձնապես մեծ հույսեր չեմ կապում ասածիս հետ :8 :

SSS
05.05.2010, 12:46
Shutmiscup Կուռատորների-հավաքել(վերացնել) շներին փողոցներից կամ կապած պահել(ավտոտնակներում և այլն.)

Պետք է տեղադրել այս հաղորդագրությունը բոլոր ֆորումներում,ամենուր ,որտեղ հնարավոր է.Օգնություն է պետք,այս բարբարոսության փաստի լուսաբանում է պետք:Բղավեք դրա մասին ամենուր,որտեղ որ կլսեն.Հատակապես կարևոր է ստեղծել ռեզոնանս ‘թարգմանելով այս տեքստը տարբեր լեզուներով,և տեղադրել այն օտար ռեսուրսներում:
Petition http://www.gopetition.com/online/24737.html. Ստորագրեք այն,դա այդքան էլ դժվար չէ, բայց դրանից է կախված կենդանիների կյանքը:
Իմ կողմից կավելացնեմ. կարծում եմ,թե «ես եմ քեզ ստեղծել ,ես էլ կսպանեմ»-անընդունելի է և աբսուրդ ցիվիլ հասարակությունում,որտեղ հենց մարդիկ իրենք իրենց մարդ են անվանում:Եվ ինչ է սպանելը նրան ,ով չի կարող ընդդիմանալ,ով որպես կանոն ավելի թույլ է տկար-մարդկային չէ:Ես կնայեի այն մարդկանց ,որոնք աջակցում են այս ամենին,կանգնած հսկայի առջև, և հսկան կասեր . «Ինչ որ շատ եք բազմացել» և կրակեր:Կյանքը դա կյանք է: Մարդկային է ,թե շան:Իշխանությունները ամենագլխավոր իրավունքը համարում են կյանքի իրավունքը;Եվ իրենք էլ ամեն ինչ անում են հակառակը պրոպագանդելու համար:Մեր բախտը բերել է.մարդ ենք ծնվել:Իսկ նրանք մեղավոր չեն,որ շուն են ծնվել,նույն հաջողությամբ կարող էր հակառակը լինել:
Պետ. Մարմինների որոշ ներակայացուցիչներ գնում են իրենց համար ամենաթանկարժեք մեքենաները , տները և հանգստանում տարին մի քանի անգամ ,մինչդեռ այդ գումարները նախատեսված էին պետական կարիքները հոգալու և բավականին հնարավոր է,որ նրանց մարդկային լինելու դեպքում,մեր երկրում կկառուցվեին կացարաններ շների համար,ոչ թե բարեգործների կողմից այլ պետականորեն,ինչպես ցանկացած ցիվիլ երկրում.հարցը լուծված կլիներ:Կենդանիները փրկված են;Մարդիկ կվարձատրվեին նրանց խնամելու համար,իսկ այժմ նրանք հեշտ ճանապարհներ են փնտրում,իսկ ինչու չսպանել թափառող կենդանիներին? Իսկ ինչու չփակել բոլոր մանկատները և չսպանել երեխաներին?Եկեք,որովհետև հումանիզմն ու մարդկայնությունը վաղուց արդեն անհետացել է:Մեծամասնությունը հոգում է միայն իր մասին,իսկ նրանք որոնք պատրաստ են օգնել'ի վիճակի չեն,Իսկ այժմ դուք գոնե ունեք այս փոքր հնարավորությունը:

Թարգմանված:
sourceДискуссия в сообществе

Rhayader
05.05.2010, 13:00
Հղումդ չի գործում: Աղբյուրը կնշե՞ս: Ու իմ մոտ էլ դիր, լա՞վ: Նորությունների բաժնում:

Ձայնալար
05.05.2010, 13:55
Մոդերատորական: Նորաբաց «Շնասպանություն» թեման միացվել է արդեն գոյություն ունեցող, միևնույն խնդրին վերաբերող թեմային: Թեմա բացելուց առաջ համոզվեք, որ նմանատիպ թեմա չկա՝ օգտվելով որոնման համակարգից: (http://www.akumb.am/search.php)

Hda
05.05.2010, 16:19
Վնասվածքներ չեն հասցրել շները, բայց ընկնելուց վնասել եմ ձախ ձեռքիս մատներն ու աջ ձեռքիս ափը, նաև ծունկս ա ուռել, ընկնելուց էլ ուսս ու դաստակս եմ ցավացրել…

էտ հեչ հոգեկան վնասի հանդեպ,ցավում եմ պատահածի համար

Ավելացվել է 3 րոպե անց
Ինչպե՞ս վարվել նման դեպքերում, որ շները չհարձակվեն:

մի անգամ փորձել եմ, անցել ա
մութ էր, էլի մի 5-6 չուն:Կրակվառիչը հանեցի ու փորձեր անելով,որ վառվի (անընդհատ կայծ արձակելով առանց թույլ տալու,որ այրվի),Կայծերը մթության մեջ լավ ազդեցություն թողեցին ու դուրս պրծա վտանգավոր զոնայից:Աստված էի կանչում ,որ հանկարծ կրակայրիչիս քարը չպրծնի:D Դրանից հետո ահագին ժամանակ 2 կրակայրիչով էի ման գալիս:ծխելու միակ օգնությունը,որ տեսել եմ...

Ռուֆուս
05.05.2010, 16:29
Ինչ վերաբերվում ա թեմայի հարցմանը, այո՛, պետք ա պայքարել, բայց ոչ էն մեթոդներով ինչպես Հայաստանում են պայքարում:

Մի ամիս առաջ առավոտյան աշխատանքի էի գնում, երկու հոգի փողոցից վերցրեցին գիշերը սպանված շան դիակը ու շպրտեցին բեռնատարի մեջ: Մեջը մի 30 շան դիակ կար: Շարունակեցի ճանապարհս, հենց փողոցի մեջտեղը ու մայթերին էլի մի քանի շան դիակ կար: Մայթերի վրա արյունը մի քանի օր մնաց, դիակները հավաքելուց հետո մայթերը չէին էլ մաքրել: Ինչ ասեմ, սարսափելի էր, մեջս համ խղճահարություն էր, համ զայրույթ, համ էլ զզվանք:

Բացի դրանից շնաորսությունը չափից դուրս վատ ազդեցություն է թողնում փողոցային ու տնային շների հոգեբանության վրա: Էդ կրակոցներից շները ավելի վախկոտ ու ագրեսիվ են դառնում, եթե տեսնում են, թե իրենց ցեղակիցներին ոնց են սպանում, հաջորդ անգամ իրենք կհարձակվեն մարդկանց վրա՝ իրենց կյանքը փրկելու համար:

Ամենաէֆեկտիվ միջոցը ստերիլիզացումն է, թեկուզ և թանկ է: Ավելի էֆեկտիվ միջոց չկա:

Ի դեպ ողջունում եմ Երևանում թափառական շների կացարան ստեղծողներին, շատ բարի գործ են անում:

Ռեդ
05.05.2010, 16:37
Պե՞տք է արդյոք պայքարել փողոցային շների դեմ
Որոշ թաղամասերում պետք է, որոշներում՝ ոչ. շատուշատ թաղամասեր կան, որտեղ փողոցային շների քանակությունը արդեն իսկ կարգավորում են քյաբաբնոցներն ու շաուրմայանոցները:

SSS
05.05.2010, 16:38
Ամեն առավոտ մեր փողոցի շներին և մեր գրասենյակի մոտի շներին կերակրում եմինչով կարող եմ...երեկ կեսը չկային,ահավոր էր...դա հեթանոսություն է
Պարտադիր պետք է մի բան ձեռնարկել

Rammstein
05.05.2010, 17:35
Ցավն այն է, որ «շուն» հասկացությունը միանշանակ չէ: Ընդհանրապես դեմ եմ շներին սպանելուն եւ կող եմ, որ լինեն տեղեր, որտեղ կտանեն բոլոր փողոցային շներին: Եթե տենց տեղեր էլ կան, ապա շատ քիչ են:
Բայց այնուամենայնիվ շներ էլ կան, որոնց գյուլլելը քիչ ա: Հատկապես էն կաշառակեր շները, որ մի գլուխ կհաչան մարդու վրա, բայց հենց մի կտոր հաց տվեց, հաջորդ օրը ախպերավարի կփաթաթվեն կպաչեն: Նման քյառթ շներին տանել չեմ կարում: :nea :))

Նարե
05.05.2010, 20:03
Ես ինքս բոլոր տեսակի շներից , բացի իմ սեփականից, վախենում եմ սարսափելի, բայց երբեք չեմ պատկերացրել, թե ինչ բարբարոս պիտի լինի նա, ով սատկացնելու հրաման կարձակի ու կամ կատարողը կլինի այդ հրամանի: Ախր կա այդ տարբերակը, ստերիլիզացիան, որը և հումանիստական է և ռացիոնալ, թեկուզ ավելի թանկ նստի, բայց ախր կամ-կամ տարբերակը չի, կա երրորդ և ամենաճիշտ տարբերակը… Նաև Սովետաշենում կան հատուկ տարածքներ, որտեղ փողոցային շներին տանում և պահում են, դա էլ է տարբերակ՝ չնայած, որ շրջակա մարդկանց հաչոցը մեծ խնդիրներ է պատճառում…

ministr
05.05.2010, 21:23
Ժողովուրդ սիրտ մի մղկտացրեք...:)
Քաղաքապետարանը ունի նման ԱՆՎՃԱՐ ծառայություն: Զանգում եք, գալիս են, շներին հավաքում տանում են: Հետո չգիտեմ ինչ են անում, երևի ստերիլիզացնում են:
Ոհմակներով ֆռֆռացող շների հախից միանշանակ պետք ա գալ...
Մենք որ մի անգամ զանգել ենք էդ ծառայությանը ու թաղի շների կեսը անհետացավ ի մեծ ուրախություն խելքը գլխին մարդկանց :)

Աթեիստ
06.05.2010, 20:51
Ժողովուրդ սիրտ մի մղկտացրեք...:)
Քաղաքապետարանը ունի նման ԱՆՎՃԱՐ ծառայություն: Զանգում եք, գալիս են, շներին հավաքում տանում են: Հետո չգիտեմ ինչ են անում, երևի ստերիլիզացնում են:
Ոհմակներով ֆռֆռացող շների հախից միանշանակ պետք ա գալ...
Մենք որ մի անգամ զանգել ենք էդ ծառայությանը ու թաղի շների կեսը անհետացավ ի մեծ ուրախություն խելքը գլխին մարդկանց :)

Ժամանակին Բաբայն փողոցի վրա վարձով էի մնում։ Գիշերը ուշ տուն գալիս լավ երկար պտույտ պիտի անեի, որ շների մի մեծ խմբի չհանդիպեի։
Մինչ նրանց հանդիպելը համարում էի, որ շներից չեմ վախենում։ Առաջին անգամ, մի 2 շուն որ քշեցի, գնացին մեծերին բերեցին, սկսեցի խուսափե նրանց հետ հանդիպումից, ու ամեն անգամ հայհոյում էի քաղաքապետարանին, որ ափսոսում են փամփուշտները։
Երկու ձեռքով կողմ եմ թափառական ու չափսերով մեծ շների ոչնչացմանը (նաև փոքր, բայց որ 10-15 հոգանոց խմբերով են ման գալիս)։

Askalaf
07.05.2010, 01:55
...էտ շների թայֆեն կատաղած հետևիցս է վազում...
... ճիշտ կլինի ... շներին ... «քնացնել»...

այսինքն գյուլլել – ԼՐԻՎ ՀԱՄԱՄԻՏ ԵՄ։

Էդ շնասպանության դեմ պայքարողների հետևից էլ որ մի ոհմակ գազազած շներ վազեին տենց չէին խոսա։

Ռուֆուս
07.05.2010, 09:28
այսինքն գյուլլել – ԼՐԻՎ ՀԱՄԱՄԻՏ ԵՄ։

Էդ շնասպանության դեմ պայքարողների հետևից էլ որ մի ոհմակ գազազած շներ վազեին տենց չէին խոսա։

Էլի եմ ասում, շնասպանությունը շների դեմ պայքարելու ամենավատ միջոցն ա: Մի դեպք պատմեմ: Գյումրիում մոտ տասը տարի առաջ բակում շուն էինք պահում, մերը սեփական տուն էր: Որոշ ժամանակ անց սկսեցին շնաորսը, գիշերները կրակոցներ էին հնչում ու շներին էին սպանում: Իսկ մեր շունը մի երկու նմանատիպ գիշերներից հետո հասկացավ, թե իրականում ինչ ա կատարվում ու դարձավ ահավոր վախկոտ, հենց բարձր ձայն էր լսում, վազում մտնում էր բնի մեջ ու սկսում էր ամբողջ մարմնով դողալ: Իսկ եթե որևէ մեկը այդ պահին մոտենար իրեն, կհարձակվեր ու կկծեր: Եթե տան շան վրա է շնասպանությունը այսպիսի ազդեցություն թողնում, պատկերացրեք փողոցային շան վրա ինչպիսի ազդեցություն կթողնի, եթե իր աչքով տեսնի, թե ոնց են մյուս շներին սպանում: Շնասպանությունը շներին ավելի ագրեսիվ ու վտանգավոր է դարձնում:

SSS
07.05.2010, 09:39
այսինքն գյուլլել – ԼՐԻՎ ՀԱՄԱՄԻՏ ԵՄ։

Էդ շնասպանության դեմ պայքարողների հետևից էլ որ մի ոհմակ գազազած շներ վազեին տենց չէին խոսա։

Իսկ ով ասաց, որ մեր հետևից շների ոհմակ չի ընկել?
Եվ մենք դեռ խոսում ենք ցիվիլ երկրում ապչելու մասին, ոչ ոք իրավունք չունի տնօրինել նրանց կյանքը, բացի այդ ասեմ, որ շների մոտ հարձակումները հիմնականում ինքնապաշտմանական միջց են...
Որ քեզ քարով խփեն, չես գնա շրջապատիտ մեծերին հավաքես, բերես հաշիվ մաքրելու?

Kita
07.05.2010, 12:40
Ամբողջ իմ կյանքում ինձ որևէ շուն չի կպել, հարձակվել, միշտ 1000ավոր շների կողքով եմ անցել:
Եթե դու քեզ հանգիստ պահելով անցնես, բան էլ չի լինի, չշեղվես, չվազես, զիգզագներ չանես: Կարողա գիտեք էտ շները բանի գործ չունեն:
Նույնիսկ իմ շունը, ասենք հանգիստ գնում է ուղիղ, բայց եթե որևէ մեկը իրեն տարօրինակ պահի, իրեն մեկից հետաքրքրում է, էտ ինչ է ու գնում է ռազվեդկի:
Մի դեպք պատմեմ, ես ու շունս խանութ մտանք, ինքը խելոք նստում է, մինչև ես վերջացնեմ, ոչ մեկի չի կպնի, եթե իրենք չմոտենան սիրելու, հիմա մի մարդ մտավ, ասում է չի՞ կծի, ասի դե հենց նենց տեղ խի պիտի կծի, ասում է դե պարզ է ինձ էլ խփեն, ես էլ կխփեմ, ասի հիմա պատրաստվում եք խփե՞լ: Միտքը հասկանալի էր: Փողոցի շները շատ հասկացող են ընդհանրապես, եթե մեր հասարակության անդամները նրանց հանդեպ ադեկվատ լինեին ու նրանց մեջ վախ չմտցնեին, ավելի հանգիստ կլինեին:
Սպանությունը ոչինչի չի բերի, նույնիսկ ես որ ագրեսսիվ վերաբերմունք եմ տեսնում մարդկանց մեջ, ագրեսսիվանում եմ, շների զգայարաներն էլ պակաս չեն: Ամենաճիշտ ստերիլիզացումն է:

KiLa
07.05.2010, 22:58
Խեղճ շներ
կներեք, որ երկար ստացվեց, ուղղակի շներին շատ եմ խղճում
Ինքս շուն շատ եմ սիրում և շատ շներ եմ ունեցել: Դա է պատճառը, որ շնից չեմ վախենում: Բայց վախեցողներին հասկանում եմ: Թափառական ու անտեր շները այդքան վտանգավոր չեն, որքան մենք ենք վախենում: Նրանք վտանգավոր են, երբ մարդկային բնակավայրերից մի քիչ հեռու, ոհմակ են կազմում ու ապրում են համարյա վայրի պայմաններում: Այսինքն մոտենում են բնակավայրերին միայն գիշերով, կեր որոնելու համար: Իսկ մարդկանց հետ ապրող շները, որոնք գուցե և ինքնակոչ իրենք իրենց պահակ են նշանակում տվյալ բակին կամ հիմնարկին, այդքան վտանգավոր չեն: Ուղղակի պետք չի նրանցից վախենալ կամ ագռեսիվություն ցուցաբերել:
Ինչևիցե, այստեղ խորհուրդներ պետք չեն: Բայց, որ այդ անպաշտպան կենդանիներին գնդակահարելը վայրենություն է, դրանում կասկած չկա:
Երևի մի տասը տարի առաջ`, եթե ոչ ավել, այս պրոբլեմը նորից գերաճելով դարձել էր համարյա չարիք: Քաղաքացիների բողոքներ, տուժածներ և այլն:
Կառավարության որոշում եղավ, միջոցներ ու գումարներ տրամադրվեց ու…
,,Կամաց քշեք սելերը, կապեմ չուլքուս թելերը”: Ի դեպ այդ հույժ կարևոր ծրագրի իրականացումը հանձնարարվեց մեր ,,հերոս տղերքին” , որոնք կրկին անգամ ապացուցեցին իրենց ,,քաջությունն ու նվիրվածությունը” հայրենիքին ու ժողովրդին: Եվ ,,մարտական” հանձնարարությունը կատարելիս այնքան ոգևորվեցին, որ ,,թացը չորի հետ վառեցին”. Շատ տուն ու տեղ ունեցող մեր խեղճ բարեկամներ, որոնք ինքնուրույն էին կատարում գիշերային զբոսանքն ու ,,զուգարանը” , հեշտ թիրախ դարձան մեր անվրեպ նշանառուների համար:
Բայց ժամանակները փոխվել են: Եթե անցած դարասկզբին մի ամբողջ ժողովրդի ձայն չհասավ եվրոպայի ականջին, ապա այսօր`, մի քանի օրում Հայաստանի ցեղասպանության ենթարկվող շների ձայնը հասավ եվրոպա:
Զարմանալի արագությամբ արձագանք գտավ համապատասխան ,,շնամեծար” կազմակերպությունների կողմից, որոնք էլ շտապ որոշում ,,արին” ու գումար հատկացրեցին Հայաստանին: Ի տրիտուր, պահանջելով, որ անհապաղ թափառական շների համար ճամբարներ կառուցեն, և ,,էվակուացնեն” նրանց, որտեղ էլ նրանք ,,առոք փառոք” ապրեն մինչև սատկելը: Իհարկե այդ կյանքի համար վճարելով իրենց ,,սիրելու” հատկությունը: Ամեն ինչ լավ էր: Քաղաքակիրթ ու մարդավարի: Բայց քաղաքակիրթ որոշումները քաղաքակիրթ ժողովուրդների համար են… Իսկ մե՞նք…
Հարց. Իսկ ո՞ւմ պետք է վստահվի այդ հույժ կարևոր գործը:
Պատասխան. Համապատասխան փորձ ու միջոցներ ունեցող կազմակերպությանը:
Մեռնեմ օրենքին: Ի՞նչ է, չգիտե՞նք ինչ պետք է անենք: Հայտարարվեց մրցույթ…
Հիմա մի քիչ ետ գնանք, մինչև այս մրցույթը: Վերոհիշյալ սպանդի իրականացման դեմ բողոքողներ եղան: Երևի ոմանք նույնիսկ հիշեն, անունը չեմ հիշում, բայց մի երիտասարդ կին էր: Հիշում էմ, որ նա շատ էր սիրում շներ և նույնիսկ երկու տասնյակի հասնող թափառական շներ ուներ, որոնց հավաքել էր տարբեր տեղերից ու խնամում էր: Այսինքն փրկել էր նրանց կյանքը: Նա նույնպես մասնակցեց այդ մրցույթին: Եվ ես ճիշտն ասած, մտածում էի, որ որևէ մեկը ամենափոքր շանսն անգամ չպետք է ունենա առաջ անցնելու նրանից, բայց….Եղավ այն ինչ միշտ: Ո՞վ էր, ինչացու՞ Էր…Որտեղի՞ց ուներ այդ ,,համապատասխան” փորձը, եթե բոլորս նույնիսկ մինչև այսօր դեռ նման օրինակ չենք տեսել, բացի իհարկե վերոհիշյալ երիտասարդ կնոջից:
Խեղճ կինը շատ պայքարեց, բողոքեց, բայց ինչպես երևում է անարդյունք:
Այսօր նորից նույն պրոբլեմը…
Միանշանակ դեմ եմ շների գնդակահարմանը, և եթե աչքիս առաջ նման բան տեսնեմ....

Askalaf
07.05.2010, 23:21
Ինչ ուզում եք ասեք։
Անիմաստ եմ համարում թափառական շների վրա փող ծախսելը, երբ այդ փողի կարիքը շատ ու շատ աղքատ մարդիկ ունեն։
Ավելին ասեմ, չեմ սիրում երբ որոշները՝ ցանկանալով ավելի «ցիվիլ» երևալ՝ ակտիվորեն «շնապաշտպանությամբ» են հանդես գալիս, մինչդեռ քիչ առաջ մի այլ կենդանու մսով են սնվել։

Թափառական շներին պետք է հավաքել տնային շներից հեռու մի տեղ ու մասսայաբար ոչնչացնել (էս էլ Ռուֆուսի խաթեր)։
Все!

Սլիմ
07.05.2010, 23:22
այսինքն գյուլլել – ԼՐԻՎ ՀԱՄԱՄԻՏ ԵՄ։

Էդ շնասպանության դեմ պայքարողների հետևից էլ որ մի ոհմակ գազազած շներ վազեին տենց չէին խոսա։

Ես ինքս չեմ խենթաբում շների համար, բայց գտնում եմ, որ սպանել, կամ գյուլլելը վայրենությունա: Իմ վրա ձմռանը հարձակվել են շներ, լավ վախեցել էի, բայց հիմա էլ չեմ մտածում, որ պետք է սատկացնել, կարելիա ոնց նշվեց կամ ամորձատել կամ էլ ինչ որ հատուկ տեղերում պահել: Նմանատիպ մարդիկ էլ են լինում վայրի ու հարձակվող, մեր վերևի թաղու մի խումբ տղաներ կան, որ քեֆները տեղնա լինում, շնից էլ վատ են, հիմա ինչ դրանց գյուլլեն, ես կնախընտրեի , որ ամորձատեն:D

SSS
08.05.2010, 09:19
Ինչ ուզում եք ասեք։
Անիմաստ եմ համարում թափառական շների վրա փող ծախսելը, երբ այդ փողի կարիքը շատ ու շատ աղքատ մարդիկ ունեն։
Ավելին ասեմ, չեմ սիրում երբ որոշները՝ ցանկանալով ավելի «ցիվիլ» երևալ՝ ակտիվորեն «շնապաշտպանությամբ» են հանդես գալիս, մինչդեռ քիչ առաջ մի այլ կենդանու մսով են սնվել։

Թափառական շներին պետք է հավաքել տնային շներից հեռու մի տեղ ու մասսայաբար ոչնչացնել (էս էլ Ռուֆուսի խաթեր)։
Все!

Լիովին համաձայն եմ...Ճզմել քեզանից թույլերին, ոչնչացնել քանի հնարավորություն կա...
Բեր թեկուզ մի օրինակ, որ ես համոզվեմ, թե ինչ որ գումար պետությունը հատկացնում է աղքատներին, ես դրան 10 ը հակաօրինակ կբերեմ...Իսկ ցանկացած բարեգործ,որը հոգում է աղքատների անտունների մասին, հավատա բաժին է հատկացնում նաև շներին...Խիղճը չի կարելի տարանջատել...եթե լավ ու բարի մարդ ես, ուրեմն լավն ես ցանկացած հարցում

KiLa
08.05.2010, 17:53
Ինչ ուզում եք ասեք։
Անիմաստ եմ համարում թափառական շների վրա փող ծախսելը, երբ այդ փողի կարիքը շատ ու շատ աղքատ մարդիկ ունեն։
Ավելին ասեմ, չեմ սիրում երբ որոշները՝ ցանկանալով ավելի «ցիվիլ» երևալ՝ ակտիվորեն «շնապաշտպանությամբ» են հանդես գալիս, մինչդեռ քիչ առաջ մի այլ կենդանու մսով են սնվել։

Թափառական շներին պետք է հավաքել տնային շներից հեռու մի տեղ ու մասսայաբար ոչնչացնել (էս էլ Ռուֆուսի խաթեր)։
Все!

Իմիջայլոց, էդ փող տվողներից ոչ մեկին չէր հետաքրքրում իմ կամ քո կարծիքը: Նրանք տալիս էին փողը, շներին, և մեր պետական այրերից պահանջվում էր միայն այդ փողը նպատակին ծառայեցնել: Երևի ձեր նման մտածողները այնտեղ էլ շատ էին, և համարեցին որ շների վրա փող ծախսել չարժի ու փողը ծախսեցին այլ նպատակների համար (բայց հաստատ ոչ աղքատ ընտանիքների վրա): Հետևանքը խնդրեմ, փող տվողները էլ չտվեցին, հարցն էլ մնաց չլուծված… Եվ այսօր էլի մտածում ենք մեզ սազական տարբերակի մասին. գյուլել ու վերջ: Հա, որպես գաղտնիք ասեմ նաև, որ ձեր առաջարկած գյուլելու տարբերակն էլ ձրի չէ, նունպես միջոցներ է պահանջում: Իսկ այդ միջոցները, այսպես թե այնպես, տրվում են համապատասխան կազմակերպությանը...
Կուզեյի նաև նշել, որ ,,շնապահպանության" մասին խոսելով չէ, որ կուզեյի ,,ցիվիլ" երևալ: Եվ չեմ կարծում թե ինչ որ մեկը դրա կարիքը ուներ: Ողղակի մարդիք հայտնում են իրենց կարծիքը: Եվ ինձ համար շատ ողջունելի է որ այն համնկնում է քաղաքակիրթ աշխարհի ունեցած դիրքորոշման հետ: Գյուլել պետք է նրանց, ովքեր արդեն տասներկու տարի մսխելով պետական միջոցները, էդ ոչ բարդ խնդրին լուծում չեն տալիս...

Lord
08.05.2010, 18:17
ինչքան էլ ուզում եք քննարկեք մեկա աղքատ մարդիկ մնալու են աղքատ, իսկ շները թափառելու են, որովհտև ոչ մի ոչ կարան շներին սպանեն ոչ էլ հնարավորություն ունեն բոլորին փողոցից բռնեն ինչոր մի տեղ հավաքեն:
ՈՒնեմ մի լավ առաջարկ, շներին սպանեն միսը ուտացնեն կարիքավորներին:

Աթեիստ
08.05.2010, 18:22
Թափառական ու անտեր շները այդքան վտանգավոր չեն, որքան մենք ենք վախենում: Նրանք վտանգավոր են, երբ մարդկային բնակավայրերից մի քիչ հեռու, ոհմակ են կազմում ու ապրում են համարյա վայրի պայմաններում: Այսինքն մոտենում են բնակավայրերին միայն գիշերով, կեր որոնելու համար:

Համաձայն եմ:

1. Ես գիտակից կյանքումս երբեք շան չեմ խփել:
2. "Շանը քշել" ասելով ի նկատի ունեի, որ գոռում եմ հաչալով մոտեցող շան վռա, նա էլ հիմնականում փախնում է: Բայց նախորդ գրառմանս մեջ բերված դեպքում գոռալը չի օգնում, ու եթե տանը մոտ չլինեի, ես կարող էի տուժել:
3. Ես տարբերություն չեմ դնում նկուղներում բազմացող առնետների ու շների մեջ: Պետք է պայքարել դրանց դեմ: Հուսով եմ ոչ-ոք չի առաջարկի առնետներին էլ ամորձատել:

KiLa
08.05.2010, 20:55
Համաձայն եմ:

1. Ես գիտակից կյանքումս երբեք շան չեմ խփել:
2. "Շանը քշել" ասելով ի նկատի ունեի, որ գոռում եմ հաչալով մոտեցող շան վռա, նա էլ հիմնականում փախնում է: Բայց նախորդ գրառմանս մեջ բերված դեպքում գոռալը չի օգնում, ու եթե տանը մոտ չլինեի, ես կարող էի տուժել:
3. Ես տարբերություն չեմ դնում նկուղներում բազմացող առնետների ու շների մեջ: Պետք է պայքարել դրանց դեմ: Հուսով եմ ոչ-ոք չի առաջարկի առնետներին էլ ամորձատել:

Ես իմ հենց սկզբի հղման մեջ նշեցի, որ թեկուզ ինքս չեմ վախենում, բայց հասկանում եմ վախեցողներին, և որ պետք է հարցին լուծում տալ: Ես դեմ եմ նրանց գյուլելուն, բայց նորմալ էլ չեմ ընդունում այն փաստը, որ մեր քաղաքացիները պետք է վախեցած շրջեն քաղաքում: Ասելիքս այն էր, որ վաղուց արդեն կա այդ պատասխանատու կազմակերպությունը: Եվ Նրանց միջոցներ է տրամադրում թե մեր պետական բյուջեն և ( եթե իհարկե տեսնելով աշխատանքի անարդյունավետությունը չեն դադարեցրել) թե համաշխարհային կազմակերպությունները: Այդ միջոցները տրվում են, որպեսզի նրանք որսան փողոցային շներին, ներարկեն համապատասխան շիճուկ, որը կզրկի նրանց զուգավորվելու ընդունակությունից ու բաց թողնել (քանի որ ճամբարների միտքը մի քիչ վաղ է մեզ համար): Եթե այդ միջոցները մինչև օրս նպատակին ծախսված լինեյին, ապա այսօր մենք այդ պրոբլեմը չէինք ունենա: Եվ իր կյանքն ու գոյությունը մարդուն նվիրած կենդանուն այսօր նկուղներում բազմացող առնետների հետ չէինք համեմատի, որը ի դեպ, մարդու առաջին օրից նրա համար մեկ թշնամին է...

Magic-Mushroom
10.05.2010, 23:28
SSS դրանք մարդ չեն,դրանք մակաբույծ միկրոբներ են,որ մեր հարկերի շնորհիվ են ապրում,իրենց է պետք ոչնչացնել,որ մոլորակը ազատվի նման թյուրիմածություններից:angry

Ստեգոզավր
19.08.2010, 23:53
Իմիջայլոց, էդ փող տվողներից ոչ մեկին չէր հետաքրքրում իմ կամ քո կարծիքը: Նրանք տալիս էին փողը, շներին, և մեր պետական այրերից պահանջվում էր միայն այդ փողը նպատակին ծառայեցնել: Երևի ձեր նման մտածողները այնտեղ էլ շատ էին, և համարեցին որ շների վրա փող ծախսել չարժի ու փողը ծախսեցին այլ նպատակների համար (բայց հաստատ ոչ աղքատ ընտանիքների վրա): Հետևանքը խնդրեմ, փող տվողները էլ չտվեցին, հարցն էլ մնաց չլուծված… Եվ այսօր էլի մտածում ենք մեզ սազական տարբերակի մասին. գյուլել ու վերջ: Հա, որպես գաղտնիք ասեմ նաև, որ ձեր առաջարկած գյուլելու տարբերակն էլ ձրի չէ, նունպես միջոցներ է պահանջում: Իսկ այդ միջոցները, այսպես թե այնպես, տրվում են համապատասխան կազմակերպությանը...
Կուզեյի նաև նշել, որ ,,շնապահպանության" մասին խոսելով չէ, որ կուզեյի ,,ցիվիլ" երևալ: Եվ չեմ կարծում թե ինչ որ մեկը դրա կարիքը ուներ: Ողղակի մարդիք հայտնում են իրենց կարծիքը: Եվ ինձ համար շատ ողջունելի է որ այն համնկնում է քաղաքակիրթ աշխարհի ունեցած դիրքորոշման հետ: Գյուլել պետք է նրանց, ովքեր արդեն տասներկու տարի մսխելով պետական միջոցները, էդ ոչ բարդ խնդրին լուծում չեն տալիս...

Հատկանշական է, որ շներին «գյուլլելուն» դեմ հանդես եկողների զգալի մասը դեմ չէ գյուլլել որոշ homo sapiens-ների

Chuk
19.08.2010, 23:58
Հատկանշական է, որ շներին «գյուլլելուն» դեմ հանդես եկողների զգալի մասը դեմ չէ գյուլլել որոշ homo sapiens-ների

Հատկանշական է, որ պատկերավոր խոսքն այսպես է մեկնաբանվում :)
Բայց դե ինչ արած, [տարատեսակա]զավրերը վաղուց վերացած են, նրանց գյուլել հնարավոր չի, մնում է ընտրել բարի շան, ու գյուլման արժանի հոմոսափիենսի մեջ :)

Ստեգոզավր
20.08.2010, 00:09
Հատկանշական է, որ պատկերավոր խոսքն այսպես է մեկնաբանվում :)
Բայց դե ինչ արած, [տարատեսակա]զավրերը վաղուց վերացած են, նրանց գյուլել հնարավոր չի, մնում է ընտրել բարի շան, ու գյուլման արժանի հոմոսափիենսի մեջ :)

Եթե ես երբևե կողմ եմ եղել բարի շներին գնդակահարելուն, թող հատուկ իմ և իմ համախոհների համար հենց վաղն սկսվի մի նոր սառցադաշտային էրա…Ես դեմ եմ միայն չար, շունշանորդի շներին:)

Chuk
20.08.2010, 00:16
Եթե ես երբևե կողմ եմ եղել բարի շներին գնդակահարելուն, թող հատուկ իմ և իմ համախոհների համար հենց վաղն սկսվի մի նոր սառցադաշտային էրա…Ես դեմ եմ միայն չար, շունշանորդի շներին:)

Իսկ ես ասում էի, թե «մեզ» ինչ տարբերակների մեջ է մնացել ընտրել, քո մասին ոչ մի խոսք չկար :)
Մասնավորապես քննարկումը, թեման, որի արդյունքում դու արել էիր քո գրառումներն ապա տեղափոխվել այս թեմա, չէր քննում «չար» շներին, այլ քննում էր հավատարիմ ու խախանդ ապրող, ոչ մեկին վնաս չտվող, ժպիտ առաջացնող շներին ստերիլիզացնելու հարցը:

Մաղթում եմ հետագա բարի քննարկումներ :)

Մարկիզ
20.08.2010, 00:25
Օրինակ՝ հենց այսօր (քիչ առաջ) տաքսով եկա տուն: Մեր տունը հիմնական փողոցից մոտ 30 մետր նեղ նրբանցքով ներքև է: Սովորաբար մեքենայից իջնում եմ հիմնական փողոցում ու քայլելով գնում տուն… Իսկ այսօր մեքենայից իջնելով նկատեցի 4-5 թափառական շների, որոնք լեզուները հանած ինչ որ տոպրակ էին քուջուջ անում: Դե ես էլ ստիպված հետ նստեցի մեքենան ու խնդրեցի հասցնել մինչև տան դռան դիմաց: Հա, վախեցա…:)) ու հիշեցի, թե ինչպես մի քանի տարի առաջ մի այդպիսի գամփռ տան ճանապարհին կծեց ոտքս:

Պետք չէ մոռանալ, որ շան կծած վերքն այնքան վտանգավոր չէ, որքան հնարավոր վարակների անցումը վերքի միջոցով, որոնցից ամենավտանգավորն ու հաճախակի հանդիպողը «կատաղությունն» է: «Կատաղությունից» փրկություն չկա, եթե ժամանակին տվյալ մարդը համապատասխան վակցինա՝ «անտիռաբին» (կարծեմ) չի ստանում. տանջանքներով մահանում է: Իսկ եթե հաշվի առնենք, որ բնակչության մի ահռելի մասը պարզապես չգիտի շան, կատվի, կրծողների դասին պատկանող կենդանիների կծած վերքից առաջացող հնարավոր բարդությունները, անհրաժեշտ է թափառական շներին վերացնել փողոցից, թե ինչ մեխանիզմով, դա արդեն երկրորդային է:

Արծիվ
20.08.2010, 02:41
Ցավում եմ Հայաստանում կենդանիների հետ վերաբերվելու ներկա վիճակի համար բայց բարեբախտաբար մեզ մոտ այդպիսի պռոբլեմներ չկան: Մեզ մոտ շուն չկա որ տեր չունենա և այստեղի օրենքը մարդկանց պարտադրում է շների և առհասարակ կենդանիների հետ սիրալիր և հարգանքով վերաբերվել:

Երվանդ
23.08.2010, 10:17
Ստեղ մարդիկ իրար հարգանքով չեն վերաբերվում՝ դու շներից ես խոսում:)), իսկ փողոցայինների(շներ):)) պահով ասեմ որ Մարկիզի հետ համաձայն եմ, ես ինքս տվյալ կենդանուն շատ եմ սիրում, բայց որ փողոցներում քարշ գան ու տարատեսակ հիվանդություններ տարածեն չեմ ուզում, ստերիլազված թե չէ հիվանդությունների փոխանցող են, նենց որ լավ էլ անում են որ վերացնում են:

Արծիվ
23.08.2010, 10:39
Չեմ զարմանում քանի որ ինչպես միշտ, ինչ հիշում եմ Հայաստանը այդ օրին է, ցավում եմ որ այդպես էլ մնաց մեր երկիրը: Ու՞մ հոգն է մտածի երկրի հիգիենայի ու այլ հիվանդությունների մասին հազիվ հաստավզերը հարստանում են:

Ruby Rue
28.07.2012, 00:13
Ճիշտն ասած երբեք չեմ կարողացել հասկանել, թե ոնց կարելի է թափառական շներին կրակել ու սպանել...
Երևի այն պարզ պատճառով, որ երբևէ շներն ինձ վրա չեն հարձակվել: Վաղ առավոտյան գրեթե անմարդաբնակ վայրերով էի գնում դասի/ դե ճանապարհը կարճ էր/ էնտեղ էլ լիքը շներ կային, ինչ տարիքի ու չափի ասես, երբևէ չեմ վախեցել , հաճախ ձեռքիս ուտելիքից եմ տվել իրենց ու զարմանալին այն է, որ շանը մի անգամ կերակրում ես, հաստատ հաջորդ անգամ քեզ վրա չի հաչի...
Մի անգամ մի խումբ շնյեր էլի առավոտյան հաչելով «հասել էին» վրաս, ոչինչ չեմ արել, չեմ վախենում, ուտելիք էլ չկար մոտս, անզարությունից սկսեցի ծիծաղել՝ ոչ այն է հիստերիկ, ոչ այն է լիաթոք. գնացին խեղճերը…
Բայց երբևէ ինչ-որ շուն ինձ վնաս չի պատճառել, ես էլ ՝իրենց...
Դրա համար էլ քուրիկս ինչքան բակում շուն կար իմ պատվին Ռուբի էր անվանում:)

Իսկ հակառակ տեսակետից, վտանգավոր է, որ շները բազմաթիվ վարակներ են տարածում: Բայց հիմա մի կազմակերպություն է գործում, որ թափառական շներին ու կատուներին հավաքում են, ստերիլացնում ու բուժում/ որքան որ ներում են միջողները/ և ոմանք որդեգրում են էդ կենդանիներին: Բայց էս «Փրկենք Կենդանիներին» ՀԿ-ն էն դաժան, շնասան Յունիգրաֆի հետ կապ չունի…

Հ.Գ. Մի քանի մուլտ հիշեցի... Թե ոնց էին թափառական շները վախենում էդ որսորդներից ... Ահավոր էր

soultaker
28.07.2012, 00:53
Էտ շների կոկորդնա պետք կտրել որ էլ գիշերները չհաչան :angry

Smokie
09.04.2019, 12:30
Ուզում էի թեմա բացեի, պարզվեց ակտիվացնելն ա ճիշտ::))


Ո՞վ ինչ ու ինչպիսի փորձ ունի փողոցային շների հետ կապված: :)

Անձամբ իմ բախտը միշտ բերել ա իրենց հարցում: Ինքս իրականում խիստ հազվադեպ եմ եղել փողոցում մենակ քայլելիս: Կարելի է ասել կատաղած շներ չեն եղել, Շատ-շատ հիմա կարող ա հիշեմ, որ անվտանգ հեռավորության վրա կանգնած հաչում էր մեր ուղղությամբ: Ոհմակով շների երբեք չենք հանդիպել:

Իսկ մի անգամ Դալմայի կողմերում մի շուն մեզ տեսավ ու սկսեց ուղղակի մեր հետ գալ: Ուր գնում էինք լուռ ընկերակցում էր: Էդպես մնաց մեր հետ, մինչև վերջին մնացածներովս տաքսի նստեցինք ու գնացինք:
Վերջերս էլ է նման մի դեպք եղել: Սիրուն շուտիկ էր, առաջին հայացքից էդպիսի տպավորություն չէր լինի, որ մեր հետ է: Ինձ թվում էր իր համար հանգիստ քայլում է, ուղղակի հաճախակի է հանդիպում ու մեր դիմացով անցնում: Բայց չէ, լավ էլ ընկերակցում էր::)) Եւ իհարկե նույն կերպ ավարտվեց նաև նրա հետ հանդիպումը:

Իսկ մի անգամ՝ երբ տաքսիի էինք սպասում մի տեղ կանգնած, մի շուն էլ հենց մեր մոտ նստած էր, (դրանից քիչ առաջ, երբ փողոցն անցանք, ինքն էլ իր համար էր անցնում): Էնպիսի տպավորություն էր, որ դա հենց իր տարածքն ա՝ եկել նստել ա: Մեկ էլ հանկարծ որ չսկսեց կատաղած հաչալ մի շան վրա, որն իր տիրոջ ու էլի մի քանի տղամարդկանց հետ ուղղակի անցնում էր էդ կողմերով: Պարզից ակնհայտ էր, որ մեզ էր պաշտպանում, կարծում էր դիմացի շունը մեր վրա ա հարձակվելու: Վերջինս էլ իր հերթին էր կատաղած հաչում նրա վրա: Տերը փորձում էր հեռու պահել ու հանգստացնել, ես էլ մեր հետինին եմ հետևից կամաց ասում «շշշ-շշշշ»::D Էդպես հաչելով էլ գնաց դիմացի շունը, իսկ մեր նոր ընկերը առաջվա պես էլի հանգիստ նստեց գետնին:

Smokie
09.04.2019, 12:33
Կարծում եմ պայքարելը պայքարել, պաշտպանվելը պաշտպանվել, բայց շներին սպանելը ինձ համար հաստատ շատ սխալ ա: Կարող են լինել բազմաթիվ այլ լուծումներ: Հենց ակումբի Աթեիստը լավ օրինակ ա ցույց տալիս իրենցից պաշտպանվելու::)

Աթեիստ
09.04.2019, 17:05
Մի քանի օր առաջ էս թեմայով հաղորդման էի հրավիրված, հետո էլ հարցազրույց եմ տվել, որում իմ մոտեցումները լրիվ արտահայտել եմ։

Սա հաղորդումը՝


https://www.youtube.com/watch?v=1iz0-FRaqWw

Էս էլ հարցազրույցը
Հ - հարց
Պ - պատասխան

Հ - «Եկեք հականանք» հաղորդման շրջանակում նշեցիք, որ շներից պաշտպանվելու համար դիմում եք տարբեր միջոցների (էլեկտրաշոկ, ուլտրաձայնային սարք)։ Վերջերս ԲՀԿ խմբակցության պատգամավոր Նաիրա Զոհրաբյանը ներկայացրեց կենդանիների հանդեպ դաժան վերաբերմունքը քրեականացնող օրենքի նախագիծ։ Ի՞նչ կարծիք ունեք նախագծի վերաբերյալ, և արդյո՞ք նոր օրենքի նախագծի դեպքում խնդիրներ չեն առաջանա նմանատիպ միջոցներով պաշտպանվելու դեպքում։
Պ - Իհարկե խնդիր չի առաջանա, ես հատուկ միջոցների դիմում եմ միայն ինքնապաշտպանության համար։ Սադիստ չեմ ։)
Առավոտ տեսանյութ եմ տեղադրել, որի նկարողը խիստ կարիք ունի տենց մի միջոցի։
Ի դեպ, Նաիրա Զահրաբյանի երեկվա հիստերիայի հետո իրան որպես իրավապաշտպան վերաբերվելը ծիծաղելի ա ։)
Կենդանիների հանդեպ դաժան վերաբերումնքը պետք ա պատժվի։ Դա քննարկման առարկա չի։


Հ - Կա՞ ինչ-որ բան, որը կփոխեիք կամ գուցե կավելացնեիք օրենքի նախագծում։
Պ - Նախագծին ծանոթ չեմ ։)


Հ - Սա է նախագիծը
Հոդված 258.2 Կենդանիների նկատմամբ դաժան վերաբերմունքը
Կենդանիների նկատմամբ այնպիսի դաժան վերաբերմունքը, որը զուգորդվել է խուլիգանական դրսևորումներով և հանգեցրել է դրանց ոչնչացմանը կամ խեղմանը՝ պատժվում է տուգանքով՝ սահմանված նվազագույն աշխատավարձի հարյուրապատիկից մինչև երեքհարյուրապատիկի չափով, կամ կալանքով՝ մեկից երեք ամիս ժամկետով, կամ ազատազրկմամբ՝ առավելագույնը մեկ տարի ժամկետով:
Էստեղ հարց է առաջանում, եթե մարդը ինքնապաշտպանվել է, ինչպես է կարգավորվում օրենքը․․․ինչպե՞ս մարդը պետք է ապացուցի, որ միայն ինքնապաշտպանվել է։
Պ - վատ չի, բայց ...
1. առանց դնչկալի ու կապի շանը փողոց հանելը պետք է բացառվի։
2. պետք է բոլոր տնաիյին կենդանիների տերերը հաշվառվեն, ու մաքրեն իրանց կենդանիների հետևից։
Եթե ինչ որ մեկի շունը ամեն օր գա, կեղտոտի իմ դռան առաջ. ու տերը ոչ մի քայլ չձենռարկի, ես այդ շանը վնասելը համարելում եմ ինքնապաշտպանություն։


Հ - Եվ ի վերջո, ինչպե՞ս պայքարել թափառող շների դեմ, որ և կենդանասեր հասարակությունը, և այն մարդիկ, որոնք անհանգստացած են թափառող շներով, գոհ մնան։ Կա՞ այդպիսի տարբերակ։


Պ - 1. ստերջացում
2. ցանկացած անհիմն ագրեսիայի դրսևորման դեմքում՝ քնեցում
3. սննդի հարցի լուծում (քաղաքում կերամաններ պտի շարեն)
4. տերերի խիստ վերահսկողություն։ Վատ պահելու, փողոց գցելու համար շատ խիստ պատիժներ։ Չե՞ն կարում նորմալ պահեն, թող տան կացարան։


Հ - Իսկ ի՞նչ եք կարծում, եթե օրենքն ընդունվի, արդյո՞ք այն մարդիկ, ովքեր վատ էին վարվում կենդանիների հետ, չեն շարունակի նույն կերպ վարվել։
Պ - Եթե միայն թղթի վրա մնա, ինչպես շատ օրենքներ, իհարկե կշարունակեն։
Մեր մոտ հետիոտներին տուգանելու օրենքներ ունենք, որոնք մի քանի տարին մեկ են գործում։
Հ - Շատ լավ, հարցերս այսքանն էին։ Շնորհակալ եմ զրույցի համար։