Ակումբցուն օգնություն է անհրաժեշտ

[Adam]

Ողջույն ընկերներ: Մեր կողմից սիրված Vistolog-ը ներկայումս գտնվում ա առողջական ոչ էնքան լավ վիճակում: Մի քանի տարի առաջ Հայաստանում ծնկի վիրահատություն ա տարել ու պարզվում ա, որ էդքան էլ լավ չեն արել ու արդյունքում դա հանգեցրել ա չարորակ ուռուցքի էս վերջին ժամանակներս: Բժիշկները հուսադրող բաներ չեն ասում: Մի քանի ակումբցու ու իր հետ խորհրդակցելուց հետո բացում եմ էս թեման որտեղ կտեղադրեմ իր բանկային հաշվեհամարը: Նպատակը դեռևս 750 դոլլար հավաքելն ա, որ կարողանա իր անալիզների նմուշներն ուղարկել Իսրայել՝ ստուգման ու նոր դիագնոզի, որտև հայաստանինը իրեն ասել են, որ վստահելի չի ու կարա ճիշտ չլինի: Օգնենք մեր ընկերոջը էս փորձությունից դուրս գալու:

[StrangeLittleGirl]

Հաշվեհամարներ.
Ստացող։ Hovhannes Hovhannisyan
Հասցե։ FRUNZEI P. 6 20
SWIFT: INJSAM22
Եվրոյով փոխանցումների համար։ 2050452545671040
Դոլարով փոխանցումների համար։ 2050452545671020
Դրամով փոխանցումների համար։ 2050452545671002

[Ուլուանա]

Ախտորոշման թղթերը.

https://i.postimg.cc/52FYZCJG/61668562-441787159945674-8203879974835322880-n.jpg (https://postimages.org/)

https://i.postimg.cc/7YSnphkK/61896232-470610480352214-4272842643853017088-n.jpg (https://postimages.org/)

https://i.postimg.cc/sgy4yzfs/61817309-2432274003669617-4705417241506611200-n.jpg (https://postimages.org/)

https://i.postimg.cc/50HwpNgq/62012203-593954577768874-691254254484062208-n.jpg (https://postimages.org/)

[Ներսես_AM]

Հաշվեհամարներ.
Ստացող։ Hovhannes Hovhannisyan
Հասցե։ FRUNZEI P. 6 20
SWIFT: INJSAM22
Եվրոյով փոխանցումների համար։ 2050452545671040
Դոլարով փոխանցումների համար։ 2050452545671020
Դրամով փոխանցումների համար։ 2050452545671002

BIC (Bank Identifier Code) ու IBAN չկա՞

[StrangeLittleGirl]

BIC (Bank Identifier Code) ու IBAN չկա՞

BIC֊ն ու SWIFT֊ը նույն բանն են։ IBAN֊ն էլ փորձեցի օնլայն հաշվել, Հայաստանի համար չէր անում։ Բայց ինչքան գիտեմ SWIFT֊ն ու հաշվեհամարն ունենալով փոխանցում անելիս IBAN֊ն ավտոմամտ հաշվվում ա։

[Ներսես_AM]

BIC֊ն ու SWIFT֊ը նույն բանն են։ IBAN֊ն էլ փորձեցի օնլայն հաշվել, Հայաստանի համար չէր անում։ Բայց ինչքան գիտեմ SWIFT֊ն ու հաշվեհամարն ունենալով փոխանցում անելիս IBAN֊ն ավտոմամտ հաշվվում ա։

Հա ճիշտ ա BIC ու Swift–ը նույնն ա։ Մերսի կնայեմ, ես միշտ IBAN–ով եմ փոխանցել, տեսնեմ առանց դրա կլինի՞։

[Varzor]

BIC֊ն ու SWIFT֊ը նույն բանն են։ IBAN֊ն էլ փորձեցի օնլայն հաշվել, Հայաստանի համար չէր անում։ Բայց ինչքան գիտեմ SWIFT֊ն ու հաշվեհամարն ունենալով փոխանցում անելիս IBAN֊ն ավտոմամտ հաշվվում ա։

Հայաստանում IBAN չկա` միայն SWIFT Cod (BIC)

Ի դեպ, հաշվեհամարները Ինեկոբանկի են` ՀՀ-ում առանց որևէ BIC կարելի է փոխանցել միայն հաշվեհամարով:

[StrangeLittleGirl]

Հայաստանում IBAN չկա` միայն SWIFT Cod (BIC)

Ի դեպ, հաշվեհամարները Ինեկոբանկի են` ՀՀ-ում առանց որևէ BIC կարելի է փոխանցել միայն հաշվեհամարով:
IBAN֊ը միջազգային փոխանցումների համար ա։ Չկա երկիր, որ չունենա։ Ըստ էության, եթե ունես հաշվեհամարը, BIC֊ն ու երկիրը, կարաս փոխակերպես IBAN֊ի (ես Հայաստան լիքը փոխանցումներ եմ արել IBAN֊ով, ինքս էլ իմ հաշվեհամարինն ունեմ)։ Բայց չգիտեմ ինչու իմ գտած օնլայն ծառայությունները Ադրբեջանինն անում են, Հայաստանինը՝ չէ։

[Varzor]

IBAN֊ը միջազգային փոխանցումների համար ա։ Չկա երկիր, որ չունենա։ Ըստ էության, եթե ունես հաշվեհամարը, BIC֊ն ու երկիրը, կարաս փոխակերպես IBAN֊ի (ես Հայաստան լիքը փոխանցումներ եմ արել IBAN֊ով, ինքս էլ իմ հաշվեհամարինն ունեմ)։ Բայց չգիտեմ ինչու իմ գտած օնլայն ծառայությունները Ադրբեջանինն անում են, Հայաստանինը՝ չէ։

Մի համոզի` 11 տարի էդ գործի մեջ եմ եղել ;) ՀՀ-ում IBAN ներդրված չէ: Ադրբեջանում` ներդրված է: (https://www.swift.com/sites/default/files/resources/swift_standards_ibanregistry.pdf)

Հ.Գ.
Վիստի հետ էի նոր "խոսում"` կարծում եմ դրական է տրամադրված ու տենց էլ լինելու է: Պիտի ապահովենք, որ հաջորդ հանդիպմանը ներկա լինի :)

[StrangeLittleGirl]

Մի համոզի` 11 տարի էդ գործի մեջ եմ եղել ;) ՀՀ-ում IBAN ներդրված չէ: Ադրբեջանում` ներդրված է: (https://www.swift.com/sites/default/files/resources/swift_standards_ibanregistry.pdf)

Հ.Գ.
Վիստի հետ էի նոր "խոսում"` կարծում եմ դրական է տրամադրված ու տենց էլ լինելու է: Պիտի ապահովենք, որ հաջորդ հանդիպմանը ներկա լինի :)

Բա էսքան ժամանակ IBAN֊ով օդի մե՞ջ էի փոխանցումներ անում :D

[Varzor]

Բա էսքան ժամանակ IBAN֊ով օդի մե՞ջ էի փոխանցումներ անում :D
Որ երկրից էիր անում?
Դու չէիր կարող տրամադրել տվյալ, որը չկա:)
Ամենահավանական տարբերակը, որ դա միջորդ բանի IBAN-ն է, բայ էլի տարբերակներ կան:

[StrangeLittleGirl]

Որ երկրից էիր անում?
Դու չէիր կարող տրամադրել տվյալ, որը չկա:)
Ամենահավանական տարբերակը, որ դա միջորդ բանի IBAN-ն է, բայ էլի տարբերակներ կան:
Գերմանիայից Հայաստան իմ հաշվեհամարին եմ ուղարկել, նույնիսկ դրա համար հասել եմ Հայաստան, իմ տվյալները վերցրել եմ։
Դանիայից Հայաստան պարբերաբար IBAN֊ով գումար եմ ուղարկում։ Չգիտեմ՝ միջնորդ բանկ ա, թե ինչ ա, բայց օնլայն փոխանցում անելիս փաստացի կա հայկական հաշվեհամարի IBAN, որին փոխանցելիս գումարը նստում ա էդ համարի վրա։

[Varzor]

Գերմանիայից Հայաստան իմ հաշվեհամարին եմ ուղարկել, նույնիսկ դրա համար հասել եմ Հայաստան, իմ տվյալները վերցրել եմ։
Դանիայից Հայաստան պարբերաբար IBAN֊ով գումար եմ ուղարկում։ Չգիտեմ՝ միջնորդ բանկ ա, թե ինչ ա, բայց օնլայն փոխանցում անելիս փաստացի կա հայկական հաշվեհամարի IBAN, որին փոխանցելիս գումարը նստում ա էդ համարի վրա։

Արդեն պարզ էր :)

[ivy]

Փոխանցման հետ խնդիրներ ոնց որ թե չեղան. հուսով եմ՝ բարեհաջող տեղ կհասնի:
Առողջություն Վիստին:

[StrangeLittleGirl]

Փոխանցման հետ խնդիրներ ոնց որ թե չեղան. հուսով եմ՝ բարեհաջող տեղ կհասնի:
Առողջություն Վիստին:
Ուղղակի համարը դրեցի՞ր IBAN֊ի դաշտում։

[ivy]

Ուղղակի համարը դրեցի՞ր IBAN֊ի դաշտում։

Հա, եվրոյով փոխանցման համարը:

[Գաղթական]

Փոխանցման հետ խնդիրներ ոնց որ թե չեղան. հուսով եմ՝ բարեհաջող տեղ կհասնի:
Առողջություն Վիստին:

Կներես էլի. փոխանցման արժեքն ինչքա՞ն ավել պահեց:

[StrangeLittleGirl]

Ստեղ էլ ստացվեց :) Մի քիչ երկար կտևի փոխանցումը, որտև ստեղ առաջիկայում իրար հետևից մի քանի տոն կա, բայց մյուս շաբաթվա վերջին պիտի որ նստած լինի արդեն։

[ivy]

Կներես էլի. փոխանցման արժեքն ինչքա՞ն ավել պահեց:

Փոխանցվող գումարի մոտ տասը տոկոսը որպես փախանցման համար անհրաժեշտ հավելավճար ավելացվեց:

[ivy]

Հավաքվե՞ց անհրաժեշտ գումարը:

[Adam]

Ցավով եմ նշում, բայց այսօր տեղեկացա, որ Վիստը փողերը վերցրել ու առանց հետք թռել ա Արգենտինա: Բողոքների համար դիմեք մոտակա կոմիսարիատ:

[John]

Ցավով եմ նշում, բայց այսօր տեղեկացա, որ Վիստը փողերը վերցրել ու առանց հետք թռել ա Արգենտինա: Բողոքների համար դիմեք մոտակա կոմիսարիատ:

Հը՞

[Adam]

Հը՞կատակ էր :) , նոր գրեցի ասեց գրառում կանի մի քանի ժամից: Գումարը հավաքվել ա:

[VisTolog]

Ցավով եմ նշում, բայց այսօր տեղեկացա, որ Վիստը փողերը վերցրել ու առանց հետք թռել ա Արգենտինա: Բողոքների համար դիմեք մոտակա կոմիսարիատ:

Քեզ հետս չտարա դրա համար ես պալիտ անում :D

Ժող ջան, շնորհակալ եմ շատ ուշադրության, աջակցության, փոխանցումների համար։

Դավիդյանց լաբորատորիայի տված դիագնոզը՝ մոնոֆազ սինովիալ սարկոմա, համարվում է խիստ ագրեսիվ, խիստ չարորակ ուռուցքի տեսակ։ Ըստ վիճակագրության հանդիպում է միլիոնից 2-3ի մոտ և կարող է չենթարկվել քիմիոթերապիայի, ճառագայթման։ Չենթարկվելու դեպքում հեռացնում են օրգանը/վերջույթը, որը նույնպես չի երաշխավորում դրանից վերջնական ազատում, որովհետև կրկնվելու հավանականությունը կա։ Այսինքն, եթե այս դիագնոզը հաստատվեց այնպիսի կլինիկայի կողմից, որի պատասխանը ոչ մեկ կասկածի տակ չի դնի, ապա անգամ քիմիայի ու ճառագայթման դեպքում հետագայում կրկնվելու հավանականություն կա։ Ես ինքս խիստ կասկածում եմ, որ Հայաստանում կա այնպիսի մասնագետ, ով իր ամբողջ բժշկական պրակտիկայի ընթացքում գոնե 5 անգամ նման խնդրի հետ առնչվել է։

Երկրորդ լաբորատորիան՝ Հիստոջենը, նախնական հետազոտման արդյունքում տվել է ֆիբրոսարկոմա պատասխանը, սակայն մի քանի օրից (24-25) կտա նաև իմունոհիստոքիմիայի պատասխանը, որը կլինի տվյալ լաբի վերջնական պատասխանը։

Ինչ վերաբերվում է հետազոտություններին, Իսրայելի հետ կապված իմ մոտ /և ոչ միայն/ անվստահություն է առաջացել, մասնավորապես հավանականություն կա "հիվանդի վրա փող աշխատելու"։ Իսրայելի փոխարեն հետազոտությունների համար դիմել եմ Փարիզի և ԱՄՆ-ի համապատասխան առաջատար կլինիկաներին և այս պահին սպասում եմ իրենց պատասխանին ուռուցքի նմուշների ուղարկման և թղթաբանության կազմակերպման հետ կապված։


Հավաքվե՞ց անհրաժեշտ գումարը:

Գումարը հավաքվել է և կփոխանցվի այն հիվանդանոցին, որը կկազմակերպի հետազոտությունը։ Նախատեսել եմ առնվազն 2 ոչ հայաստանյան կլինիկայի պատասխան ունենալ, որոհետև ներկա պահին արդեն իսկ իրարից տարբերվող պատասխաններ են առկա /ամսի 24-25ի պատասխանը ամենայն հավանականությամբ կտարբերվի/։ Ոչ հայաստանյան կլինիկաներում արժեքը առնվազն 750$ կլինի, որն էս պահին արդեն կա + իմ և ընկերներիս միջոցներով կարծում եմ կկարողանանք անել մնացած հետազոտությունները։

Դեռ տանն եմ, խիստ անհրաժեշտության դեպքում եմ միայն տանից դուրս գալիս, քանի որ ծունկս դեռ ցավում է և պլանավորել եմ նորից հետազոտվել, հասկանալու համար պատճառները։ Չի բացառվում նույն հատվածում ռեցիդիվը։

Ամեն դեպքում, եթե չարորակությունը հաստատվեց, ամենայն հավանականությամբ քիմիոթերապիայի մի քանի կուրս է սպասվում ռեցիդիվը հնարավորինս կանխելու համար, սակայն մինչև դրան հասնելը կճշտեմ, թե ինչ արդյունքներ կարող ենք ունենալ այլ երկրում և կախված պատասխանից կաշխատեմ համապատասխան ուղղությամբ։

Տրամադրությունս լավ ա, երբեմն դիագնոզներից ու քննարկումներից վատանում ա, բայց հարմարվել կարելիա ))

Եվ նորից, շնորհակալ եմ ուշադրության ու աջակցության համար։

[Varzor]

Ախպեր ջան, սրտանց ցանկանում եմ, որ ոչ թե միլիոնից 2-3-ի մեջ լինես, այլ այն 100-ից մեկը ում ՀՀ-ում սխալ դիագնոզ են դրել:
Ու ասեմ, որ սա այն դեպքերից է, որ մեր բժիշկների սալմունքը նշելու ենք` չուշանաս ;)

[VisTolog]

Ախպեր ջան, սրտանց ցանկանում եմ, որ ոչ թե միլիոնից 2-3-ի մեջ լինես, այլ այն 100-ից մեկը ում ՀՀ-ում սխալ դիագնոզ են դրել:
Ու ասեմ, որ սա այն դեպքերից է, որ մեր բժիշկների սալմունքը նշելու ենք` չուշանաս ;)

Ես վերջին 20 տարում մենակ ունիկալ պրոբլեմներ եմ ունենում :))

Ժող ջան, եթե կա մարդ, ով ունի փորձ երկրից գնալ (հանձնվել) բուժվելու կամ տեղյակա, ոնց են դա կազմակերպում կխնդրեմ կապնվեք կամ ինձ կոնտակտ տաք ես կապնվեմ իր հետ։ Վաղ թե ուշ եթե դիագնոզը հաստատվեց, ուզում եմ պատրաստ լինել նման լուծումների։ Ներկա պահին ինքս էլ ունեմ ինֆո, բայց ունեցածս տեղեկությունների 90 տոկոսը տեսական են իսկ ժամանակ ու միջոցներ բոլորը փորձարկելու համար ցավոք չկա։

[VisTolog]

Այսօր 2րդ լաբը պատասխան տվեց։ Պատասխանը տարբերվում է առաջին լաբի պատասխանից։

Առաջին լաբ՝ սինովիալ սարկոմա, երկրորդ լաբ՝ ֆիբրսարկոմա

Ագրեսիվությունը ըստ առաջին լաբի 35-40% (Ki67 մարկեր), ըստ երկրորդ լաբի՝ 12-15%

Նմուշները ԱՄՆ ճանապարհին են ու ամենայն հավանականությամբ հենց ստուգող կլինիկայից էլ բուժման պլան կուզեմ։

[Katka]

Հիստոջեինը համարվում է ամենալավը, ամեն դեպքում մայրիկիս բուժումների ժամանակ գրեթե բոլոր բժիշկները այդտեղ են ուղղորդել ու միայն դրա անալիզներին էին վստահում։
Արմեն ԱՐմոս Մարտիրոսյան, ես անձամբ չեմ ճանաչում, բայց ֆեյսբուքով կարծում եմ կարող ենք դիմել։ Քեզ առողջություն, ուժ։

[VisTolog]

Ժող ջան, եթե հույսը թողնենք մի կողմ, ուրեմն դիագնոզը հաստատված է՝ փափուկ հյուսվածքների սարկոմա։

Օնկո օրթոպեդները կարծում են, որ միակ տարբերակը դա ամպուտացիանա ծնկից վերև, հետո քիմիոթերապիա, ճառագայթում։ Ուռուցքը մաքրել կամ չեն կարող կամ չեն համարձակվում։

Ունենք երկու հիմնական ուղղություն․

1. Ստանալ քիմիոթերապիա, տեսնել ինչ արդյունքներ են լինում (ուռուցքի փոքրացում, ցավի պակասում, ընդհանուր լավ զգացողություն), որից հետո ամպուտացիա։
2. Ամպուտացիա, որից հետո "նավսյակի" քիմիոթերապիա, բայց թե ոնց ենք հասկանալու քիմիան օգնում է թե ոչ՝ անհասկանալիա, քանի որ չունենք ուռուցք և գոնե աչքաչափով չենք իմանա փոքրացավ, մեծացավ թե նույնը մնաց։

Ամեն կետ ունի իրա ենթակետերը ու տրամաբանությունն ասումա, որ առաջին կետն ավելի խելքին մոտ է։ Ի վերջո, եթե քիմիան չի օգնելու, անել ամպուտացիա՝ անիմաստ է։ Եթե քիմիան օգնելու է, միգուցե շանս լինի վերջույթը փրկելու։ Բացի այս ամենը, ամպուտացիայի հոգեբանական ու ֆիզիկական կողմին գումարել քիմիա ու քիմիայի կողմնակի ազդեցությունները, համոզված եմ, բավականին դաժան կլինի։

Սոնոգրաֆիաները վերջին ամիսներին ցույց են տվել աճ նույն հատվածում, որտեղից որ հետացվել էր նախկինը։
Տամոգրաֆիան ցույց է տվել, որ ուռուցքը 2.5x1.8սմ թափանցել է ոսկորի մեջ ու հենց սա է կարծես հիմնական պատճառը, որ չեն ցանկանում վիրահատել (ինքս չեմ հասկանում, մաքրել, քերել, ոսկորը փորելու մեջ ի՞նչ վատ բան կա)։ ԱՄՆ-ի բժիշկներից մեկը խորհուրդ տվեց օրգանապահպան վիրահատություն անել։

Լավ լուրն այն է, որ չնայած այս ուռուցքի արագ տարածման հատկությանը, ինչը կարող էր դեռ մեկ տարի առաջ եղած լիներ, իմ դեպքում ամեն ինչ/բոլոր օրգանները մաքուր են ըստ տամոգրաֆիաների։

Վատ լուրն այն է, որ ամպուտացիան չի երաշխավորում, որ կես տարի անց նորից ինչ-որ տեղ չի ծաղկի ուռուցքը ու նորից երակներս քիմիա չեն լցնի։
Վատ լուրն այն է, որ քիմիան կարող է ընդհանրապես չօգնել կամ այնքան դանդաղ ազդել, որ ոչ օրգանիզմը կդիմանա դրան, ոչ էլ ֆինանսը։

Հերթական անգամ ունենք տարբեր բժիշկների տարբեր կարծիքներ ռազմավարության ու "իմաստով-անիմաստ" քայլերի վերաբերյալ։

Իսկ այս ամենից կարելի էր խուսափել, եթե Հայատանի բժիշկները իմ վրա իրենց սխալները չանեին ու կոնկրետ վերջին դեպքում ոչ թե ուղղակի կտրեին հեռացնեին, այլ առնվազն պունկցիա անեին, հասկանալու համար թե ինչի հետ գործ ունեն, իսկ հիմա, սխալ կերպ հեռացնելու պատճառով բուժումը եռակի դժվարացել ու դաժանացել է։

Ի դեպ, փնտրում եմ դուխով օրթոպեդ, օնկո օրթոպեդ, :D ով կհամաձայնվի վիրահատել, մաքրել։

Նաիրիի կամ Ֆանարջյանի բժիկներին չառաջարկել։ :))

Երկուշաբթի հանդիպելու եմ հերթական օրթոպեդի հետ ու կարծում եմ, վերջին հույսս ինքն է, որ կհամաձայնվի մաքրել ուռուցքը։ Երկուշաբթի նաև հանդիպելու եմ քիմիոթերապևտի հետ, հետո ուռուցքաբանի հետ ու տամ իմ սադրիչ հարցերը։ Ասում են ժամանակ չունեմ, բայց ժամանակ չունենալու զգացողությունը, շտապելը կտանի հերթական բժշկական սխալին, ինչի տակից էս անգամ էլ դուրս չեմ գա։

Լավ մնացեք,
առայժմ։

[Adam]

Հով ջան, ահարկու բան գրեցիր շատ… չգիտեմ էլ ինչ գրեմ: Հուսամ ամպուտացիայի չի հասնի ու մի ուրիշ ձև կգտնվի զարգացումը կանխելու… չնայած էս դեպքում գրածս անմիտ էլ ա հնչում, բայց դե …
Մտքով քեզ հետ ենք !!!

[ivy]

Վիստ, եթե ինչ-որ բանի կարիք ունենաս, ու մենք որևէ ձևով կարող ենք օգնել, գրի էստեղ: Լինի դա նյութական, թե ոչ նյութական աջակցության կարիք:
Լիքը ուժ քեզ ու առողջություն:

Հ.Գ. Ես ու Ադամը համարյա միաժամանակ գրառում արեցինք. երևի շատերս ենք մտքով էս թեմայում:

[VisTolog]

Ժող :love

Ինչքան էլ փորձեցի փրփուրներից, ռուսաստանից, վրաստանից, եվրոպայից, ԱՄՆ-ից, վիզաներից, տարբեր բժիշկներից, տարբեր կարծիքներից, սադրիչ հարցերից կախվել, որպեսզի խուսափեմ չարաբաստիկ ամպուտացիայից՝ չստացվեց։ Ուռուցքի մաքրման տարբերակը չի քննարկվում էլ ու ամպուտացիան ՇԱՆՍԱ, որ վերջնական կպրծնեմ միլիոնից մեկի դիագնոզը կրողից։ Իհարկե, ունենք ռեցիդիվի փոքր հավանականություն, բայց հուսանք, որ սա իմ կյանքի վերջին էս կարգի խնդիրնա լինելու։

Ամպուտացիան կարվի ծնկից վերև, տեղում կստուգվի ռիսկ կա թե չէ։ Եթե կա՝ կլինի քիմիոթերապիա և միգուցե ավելի բարձր կետից անդամահատում։ Եթե չկա՝ խիստ հսկողություն կյանքի ընթացքում։

Պատկերացրեք իրավիճակ, օրինակ ոտնաթաթի վրա ուռուցք է լինում ու ոտնաթաթը հեռացնում են։ Վեց ամիս անց սրունքի հատվածում է կրկնվում ու հեռացնում են ծնկից ներքև հատվածը։ Հետո ծնկում է կրկնվում, և էդպես, կտոր կտոր կտրելով բարձրանում են վերև։ Ասածս ի՞նչա․ հուսամ դրան չի հասնի, չնայած էլ կտրելու տեղ էլ չի լինի :D

Շանսա, որ վերջնական կազատվեմ սրանից։
Շանսա, որ քիմիայի ու աղետալի հետևանքների միջով չեմ անցնի։

Ոտքի պրոթեզի անցնելը կսկսվի երկու ամիս անց, եթե իհարկե քիմիա չնշանակվեց ու չխանգարեց վերքերի լավացմանը։

Ինչ վերաբերվում է ծախսերին, մոտ 1մլն-ի չափ միայն հետազոտությունների, բժիշկների հետ հանդիպումների ծախս է եղել։ Մոտ 1մլն էլ կլինի վիրահատություն + ընթացիկ հետազոտությունները։ Ցավոք Նաիրիում պետպատվեր չկա ու ես էսքան տարվա մեջ պատվերի օգուտն էլ չտեսա։ Պրոթեզները պետությունը անվճար տալիս է ( :o ), սակայն դրանք նախատեսված են "յոլա տանելու" համար և չեն համապատասխանում առօրյա կյանքի ակտիվությանը։ Նախատեսում եմ գումարի դեպքում մի քիչ ավելի լավ ոտք վերցնել, վերջիվերջո ոտքա :D


Հուսամ ամենը էս գրածիցս շատ չի շեղվի, բայց մի բան որ միշտ կտանջի, դա միտքնա, որ "չէ՞ որ այս ամենից կլիներ խուսափել"։

Մոռացա ասել․ եթե համարձակությունս հերիքեց, եկող շաբաթ վիրահատության կգնամ։

Կհանդիպենք ֆուտբոլի դաշտում :D

Նորից, շնորհակալ եմ բոլորիցդ։

Առողջ եղեք,
առայժմ։

[ivy]

Էս հաշվեհամարները ուժի մե՞ջ են.


Հաշվեհամարներ.
Ստացող։ Hovhannes Hovhannisyan
Հասցե։ FRUNZEI P. 6 20
SWIFT: INJSAM22
Եվրոյով փոխանցումների համար։ 2050452545671040
Դոլարով փոխանցումների համար։ 2050452545671020
Դրամով փոխանցումների համար։ 2050452545671002

[Varzor]

Էս հաշվեհամարները ուժի մե՞ջ են.
Այո

[ivy]

Վիստը վիրահատվե՞ց, ո՞վ է տեղյակ:

[Adam]

Վիստը վիրահատվե՞ց, ո՞վ է տեղյակ:

Մի վերջին նշույլ հույսով սպասում ա ԱՄՆ-ի լաբի պատասխանին: Եթե նույն բանն ասեցին՝ ճար չի ունենա էլ. պիտի գնա էդ քայլին: Հիմիկվանից արդեն պռոտեզներ ա նայում ու հոգեպես փորձում ա համակերպվել:

[VisTolog]

Վիստը վիրահատվե՞ց, ո՞վ է տեղյակ: Վաղը անալիզների եմ այվ ջան, կարծում եմ եկող շաբաթ կվիրահատի։ Հիվանդությունն ու ցավը պրոգրեսումա, ես էլ ուղղակի հանգիստ քնել եմ ուզում վերջապես)

[VisTolog]

Բարև մարդիկ,
Վիրահատությունը երկուշաբթի կլինի, ցերեկոյան ու կարծում եմ մինչև առնվազն երեկո կգնա, հաշվի առնելով որոշ ոչ ստանդարտ պահեր։ Անկախ նրանից թե ինչ կպատասխանի ԱՄՆ-ի կլինիկան, ես դա կիմանամ վիրահատությունից հետո ու վայն եկել տարելա ՀըՀը հպարտ կառավարությանը, եթե ամեն ինչ իրականում այլ խնդիրա եղել :D

Ցավոք, դիագնոզի հերքում չի լինի 99% հավանականությամբ։

Տրամադրությունս լավա, սև հումորս տեղնա, բժշկական անձնակազմի հետ ուրախա, երևացող մետաստազներ էլ առայժմ չկան։

Երկուշաբթի որ արթնանամ ու լավ լինեմ, դրա մասին կիմանաք։ Էտ «որ արթնանամ»-ի պահը բացումա :D

Բարի գիշեր։


ՀԳ Էս թեման օրագիրա դառնալու վերջը))

[Varzor]

... Էտ «որ արթնանամ»-ի պահը բացումա :D


Մի հատ քեզ խելոք պահի :angry
Երկուշաբթի երեկոյան սպասում եմ քո զանգին` որ ժամին ուզում է լինի :)

[Adam]

Հով ջան, քեզ մեծ ուժ ու համբերություն: Վաղն ամբողջ օրը մտքիս ես լինելու:

[Adam]

Բժշկին կասես՝ վիրահատությունից հետո շտապ մտնի ստեղ ու զեկուցի ինչ-որ պետք ա ...

[ivy]

Ո՞նց է անցել վիրահատությունը, գիտե՞ք:

[VisTolog]

Քիչ առաջ բերեցին պալատ, երեկվանից ռեանիմ էի։ Անցելա դժվար բայց կարծես թե լավ։ Նմուշները հետազոտման են ուղարկել։ Ես լավ եմ, մնումա գլխացավն ու ոտքացավը անցնի (էն ինչ ոտքից մնացելա :D )

Փորձեմ հանգստանալ։

[Տրիբուն]

Քիչ առաջ բերեցին պալատ, երեկվանից ռեանիմ էի։ Անցելա դժվար բայց կարծես թե լավ։ Նմուշները հետազոտման են ուղարկել։ Ես լավ եմ, մնումա գլխացավն ու ոտքացավը անցնի (էն ինչ ոտքից մնացելա :D )

Փորձեմ հանգստանալ։

Լավ լինելու սաղ, ախպեր, վաբշե չմտածես։

[Chuk]

Քիչ առաջ բերեցին պալատ, երեկվանից ռեանիմ էի։ Անցելա դժվար բայց կարծես թե լավ։ Նմուշները հետազոտման են ուղարկել։ Ես լավ եմ, մնումա գլխացավն ու ոտքացավը անցնի (էն ինչ ոտքից մնացելա :D )

Փորձեմ հանգստանալ։

Մեռնեմ դուխիդ ))

[VisTolog]

Ո՞վ կմտածեր, որ չեղած ոտքի զգացողություններն ավելի կտանջեին քան էն ինչ մնացելա։ Հա, ֆանտոմային ցավերի մասին դեռ մի քանի տարի առաջ էի լսել, երբ չեղած վերջույթի ցավեր, քոր, ծակոցներ են զգում ու դա կարա տասնյակ տարիներով չանցնի։ Պատկերացնելու համար, հենց ոտքի ինչ որ հատված քոր գա, փորձեք չքորել մինչև ինքնիրեն կանցնի ))

Եկող շաբաթ կիմանանք քիմիոթերապիայի կարիք կլինի թե չէ։

ԱՄՆ-ի կլինիկան էլ է պատասխանել, հաստատելով առաջին լաբի տված պատասխանը։ Սա կօգնի ճիշտ հետվիրահատական քիմիայի/բուժման պլան կազմել։


https://i.imgur.com/tfVg6Mz.jpg

Մի քանի օր է ինչ տանն եմ, ամեն օր մի փոքր ավելի լավ եմ ինձ զգում։


ՀԳ Երբ նոր էի ստացել դիագնոզը, գտա մի աղջկա Ղրղզստանից, ով նույնպես նույն դիագնոզն էր ստացել, վիրահատվել էր /ոչ անդամահատում/, անցել քիմիայի կուրս, ստացել ճառագայթում, ևս մի քանի անգամ վիրահատվել "բուժման" կողմնակի ազդեցությունների հետևանքով։

Մոտ երկու ամիս է չկա, հուսով եմ ողջ է: ))

[Վիշապ]

Համբերություն բրո, ֆիզիո արա, տարբեր ուժային վարժություններ, մարդիկ գիտեմ, որ բոքսի տանձիկով զբաղվելուց, կամ տուռնիկ անելուց լիքցքաթափվում են, տհաճությունը թուլանում է:

[VisTolog]

:hi

Ժող ջան, եկա կիսվեմ հերթական բարդ իրավիճակով ))

Այսօր գնացել էի կարաքանդման աշխատանքների, հետն էլ սադրելու։

Հերթը հասավ քիմիկոսներին՝ քիմիաթերապևտներին։


Ուրեմն ունենք իմ օրգանիզմը, որտեղ ըստ բժիշկների ինչ-որ հավանականությամբ կան ուռուցքի բջիջներ, որոնց դեմը պետքա առնել։ Քանի օր սարկոմայի դեպքում օնկոմարկերներ չկան, մենք չենք կարող պարզել արյան մեջ ուռուցքային բջիջների առկայություն/քանակությունը։ Չիմանալով արյան մեջ դրանց առկայությունը, ինձ առաջարկում են քիմիաթերապիա՝ վերացնելու համար մնացորդ բջիջները, որովհետև "այդպես է ընդոնված"։

Հարցերը հետևյալն են

1. մենք չգիտենք արյան մեջ ուռուցքային բջիջներ կան թե չէ
2. մենք չգիտենք քիմիան ի՞նչ ազդեցություն է ունենալու դրանց վրա՝ ճնշող թե վերացնող
3. մենք վստահ չենք, որ կամայական 6 կուրս քիմիայից հետո այն նորից չի կրկնվելու ու նորից չի առաջարկվելու կուրսեր՝ մինչև օրգանիզմի վերջնական քայքայումը դեղերով

ԱՄՆ-ում կարծում են, որ հետվիրահատական քիմիան նշանակվում է միայն այն դեպքում, երբ կան մետաստազներ՝ հիվանդի վիճակը թեթևացնելու, կյանքը երկարացնելու համար։ Չի հաստատվել փաստը, որ հետվիրահատական քիմիան իմաստ ունի կյանքի փրկության հարցում։ Իրականում քիմիայի՝ սարկոմայի բջիջների սպանելու հավանականությունը քիչա։ Չկա էն քանակությամբ փաստագրված դեպք, դեղամիջոց, որը փրկումա հիվանդի կյանքը (լավագույն դեպքում կերկարացնի) ու որի վիճակագրությանը նայելուց կմտածեմ դե լավ, եթե 80% դեպքերում օգնելա, ուրեմն արժի փորձել։

Քիմիայի անհրաժեշտությունն առաջացավ վերջին վիրահատված ուռուցքի հետազոտման արդյունքում։ Եթե նախորդի ագրեսիվությունը (Ki67) 35-40% էր, այս վերջինի ագրեսիվությունը 80-85% է գնահատվել, սակայն մեկ լաբորատորիայի կողմից։ Ասում են, եթե օրինակ լիներ 20-30%, միգուցե քիմիա չառաջարկվեր, բայց հաշվի առնելով շատ բարձր տոկոսը, համարում են, որ քիմիան պետք է։

Այլ լաբորատորիաների նորից կդիմեմ, թեկուզ մենակ ագրեսիվության տոկոսը վերանայելու համար, սակայն մեծ հույսեր չունեմ։

Հիմա պետք է ընտրություն կատարել

- գնալ քիմիայի, անցնել դրա միջով առանց իմանալու թե ինչ օգուտ դա տվեց
- գնալ քիմիայի, անցնել դրա միջով ու ստանալ առնվազն հինգ տարվա առանց մետաստազ ընթացքով կյանք
- չգնալ քիմիայի, պահել հսկողության տակ ու երբ այն գլուխ կբարձրացնի թոքերում /ամենայն հավանականությամբ/, փորձել փրկել կյանքը

Ինքս կարծում եմ, որ քիմիան զուտ երկարացնելու է մետաստազի լինելու ժամկետը։ Այսինքն, եթե լինելու է՝ կլինի, անկախ նրանից բուժում ստանում եմ թե չէ։ Ես ինքս պահում եմ "ամեն ինչ կամ ոչինչ" մոտեցումը, կամ բուժվել վերջնական կամ ոչինչ չանել։

Հուսադրող եմ համարում էն փաստը, որ մոտ 10 ամիս ունեցել եմ 35-40% ագրեսիվությամբ ուռուցք, որը չի տարածվել և մոտ 3 ամիս 80-85% ագրեսիվությամբ ուռուցք, որը նույնպես չի տարածվել։

Ինչևէ, նախընտրում եմ մեռնել առողջ, քան քիմիայից ֆիզիկապես ու հոգեպես քայքայված։

Նորից կկազմակերպեմ ուռուցքի հետազոտումը այլ երկրում, հույսով, որ 80-85% ցուցանիշը լուրջ փոփոխության կենթարկվի, չնայած մինչև վիրահատությունն արդեն հասկանալի էր, որ սա ավելի ագրեսիվ տեսակ է, քանի որ զարգանում էր կրկնակի արագ։



https://i.imgur.com/U1pKm3X.jpg
https://i.imgur.com/9SSRinf.jpg

[Վիշապ]

Բրո բարդ որոշում ա, երևի էլի մի երկու փորձառու բժշկից կարծիք հարցնես։ Ամերիկյան հետազոտությունները սովորաբար ինտերնետում հրապարակում են, ասենք էս (https://www.ncbi.nlm.nih.gov/pmc/articles/PMC2566912/) գտա, բայց 2008 թվի է։ Օգտագործիր էն շանսերը ինչ Աստված տալիս է, դրական տրամադրվի, ու լավ կլինի։ ԴՆԹ-ն կարգի բերելու համար ասում են ֆիզիոն ու մեդիտացիան են ամենաշատը օգնում։ Համբերություն քեզ։

[VisTolog]

Նոր ափդեյթներ։

Ճարվեց էն բժիշկը, ով տարիքիցս ավել փորձ ուներ էս ոլորտում և ով բնականաբար Հայաստանում չի աշխատում։

Քիմիաթերապիայից հրաժարվել, որովհետև չկա ապացույց, որ դա օգնումա։
Ճառագայթման տարբերակ չի քննարկվում, որովհետև չունենք ճառագայթման ենթակա օջախ, էս դեպքում ոտք ։ՃՃ

Գնում ենք Վրաստան կամ Մոսկվա անելու պոզիտրոնա էմիսիոն հետազոտություն։ Թե երբ գնալ, կորոշի կլինիկան, հաշվի առնելով վիրահատությունն ու ուռուցքի տեսակը։ Հուսալով, որ հետազոտությունը ոչ մի ռիսկային բան չի տեսնի, անցնում ենք հսկողության տակ՝ էխոներ, ԿՏ-ներ, ՄՌՏ-ներ։ Իհարկե, հսկողության տակ անցնելը իրականում ոչինչ չի տալիս, որովհետև օջախի ստեղծման դեպքում կյանքի փրկությունը մեծ հարցականի տակա /Հայաստանում/։

Համ ավելի թեթևացած եմ, իմանալով, որ քիմիան օգուտ չի տալիս, համ հասկանում եմ, որ դա կարար միակ բուժման հնարավորությունը լիներ ուռուցքի տարածման դեպքում։

Եվ ուրեմն, մտնում ենք անորոշության մեկ այլ, ավելի մեծ շրջան, բայց ներքուստ զգալով, որ էս անգամ ամեն ինչ արդեն ինձնից է կախված։

[Վիշապ]

Վիստոլոգ ջան, կյանքը անխտիր բոլորի համար առհասարակ անորոշություն է, հետևաբար դու նույն ոգով շարունակի ապրել։ Ու ես քո օրինակելի վերաբերմունքով ու մոտեցումներով հիացած եմ, քեզ լիքը համբերություն, առողջություն, սեր ու դրական էներգիա, բրազեր, ամեն ինչ լավա լինելու:
Չնայած անորոշությանը, իսկապես մարդուց լիքը բան ա կախված: Գրի շուտ շուտ, որ իմանանք ոնց ես:

[VisTolog]

@VisTolog (https://www.akumb.am/member.php?u=8797) ո՞նց ես, առողջություն, քեֆ հալ, @Elmo (https://www.akumb.am/member.php?u=9273) where the heck are you?

:hi

Մէ հրաշք եմ :love

Առողջությունից չեմ բողոքում :))

Քեֆ, հալ տեղնա, երբեմն մի քիչ ավել :D


Թղթաբանական մեծ քաշքշուքներից հետո վերջապես իմ նախատեսածից 10 օր ուշ հասա ortez.am, լավ տրամադրությամբ և լի հավատով ոտքս մղեցի ներս։ Քանի որ մինչև վիրահատվելն էի իրենց մոտ գնացել ասելու, որ մի քանի օրից էլի եմ գալու :D մի փոքր ավելի հեշտ ստացվեց ամեն բան։ Մի խոսքով երկու օր առաջ չափուձև արեց Արմենը, որ սկսի պրոթեզի պատրաստելը։ Ժամանակին ասեց, որ մի երկու օրվա հարցա։ Եթե բան չի փոխվել, ուրբաթ պետքա որ երկու ոտքով կանգնած լինեմ։ Վատագույն դեպքում կարծում եմ եկող շաբաթ կլինի։ Վերջին հինգ տարվա մեջ երրորդ անգամ նորից կսկսեմ քայլել սովորել։

Ասում են իրենց արտադրանքը լավնա, չնայած որոշ մարդիկ փորձում էին ինձ շեղել իրանց մոտ գնալուց։ Հուսով եմ էն ինչ տալու են գոնե Otto Bock ֆիրմայից մի շուռուփ կպարունակի։

Ինչ վերաբերվումա հետազոտություններին, դրանցով դեկտեմբերի կեսին կզբաղվեմ, եթե բժիշկն այլ բան չառաջարկեց։ Դեկտեմբերին ԿՏ ու սոնո պետքա անեմ։ Քանի որ վիճակագրությունն ասումա, որ մինչև մեկ տարվա մեջ թոքերում հայտնվելու հավանականությունը բավականին բարձրա, առաջնային կարևորություն կտրվի թոքերը նկարելուն։
Պոզիտրոնա էմիսիոնը նախատեսում եմ եկող տարվա գարնանը անցնել, որովհետև ՀըՀը-ից դուրս պետքա արվի ու երկու ոտքով ավելի հարմար կլինի գնալը, բացի դա կհասցնեմ գումար տնտեսեմ ու մի քանի օր ավել մնամ տվյալ երկրում :))

Դիետա որպես էդպիսին չեմ պահում, որովհետև կարծում եմ պետքա կամ խիստ պահել կամ ընդհանրապես չպահել ու մտածել, որ հացի կամ մսի օգագործումը կարա մետաստազների նպաստի՝ խելքին մոտ չի։ Այ հոգեբանական դիետա պահել եմ ու պահում եմ))

Դուք ո՞նց եք ։Ճ

[VisTolog]

:hi

Ոնց որ ասում եմ՝ գնացի ոտքս ձեռքիս տակ դրած բերեցի :D :))

Մի երկու օր գնացի մի քանի ժամ մնացի իրենց մոտ, որ ամեն փորձարկման համար չգնայի-գայի։ Ուրախացրեց այն, որ Otto Bock-ի արտադրանքա տրվել հնարավորինս լավ ծնկան ֆունկցիայով։ Սպասվածից շատ ավելի դժվար էր ու դեռ դժվարա իրան օգտագործելը, բայց կարծում եմ ավելի արագ հնարավոր չի, քանի որ տաս օր էլ չկա, ինչ ոտքս ինձ հետա ։ՃՃ

Փիսոյի հետ ղժժում ենք :))

https://i.imgur.com/dnhOjVY.jpg

ՍԿզբում հենակ-քայլակով էի, հիմա անցել եմ երկու արմնկային հենակների, հետո կանցնեմ մեկի, հետո արդեն ինքս իմ ոտքերով։

Դժվարություններն ու անհարմարությունները շատ են, բայց դրանց մասին մի ուրիշ անգամ։ Ես արդեն հաջորդ հետաքրքիր վիրահատությունն էլ եմ մտածել :))

Մի քանի օրից անցում եմ անելու դեղաբույսերի օգտագործման, որոնցից մեկը болиголов-նա, որը մի քանի հազար տարի առաջ էլ օգտագործվելա ուռուցքների դեմ։ Ասում են դրանով շատերին են սպանել, էդ թվում Սոկրատին :)) քանի որ խիստ թունավորա։

Ոնց նշել էի, հետվիրահատական առաջին ԿՏ-ն կլինի դեկտեմբերի կեսերին։ Վիճակագրությունն ասումա, որ առաջին 6-8 ամիսների ընթացքումա շատերի մոտ ռեցիդիվ լինում։

Մեկ-մեկ թվումա, որ մինչև վիրահատությունը դեռ էլի հնարավորություններ պետք է օգտագործեի, որ շտապել եմ, որ կլիներ խուսափել և այլն։ Բայց էս մտքերը գալիս են, երբ ոտքիցս ինչ որ դետալ եմ կորցնում ու չեմ կարողանում իրան հագնել ։ՃՃՃ

[VisTolog]

:hi

Մի քան օրա մտածում էի գրեմ թե չէ, բայց մտածեցի ինչու ոչ)

Հիշու՞մ եք, որ ասում էի մի աղջիկ կա






ՀԳ Երբ նոր էի ստացել դիագնոզը, գտա մի աղջկա Ղրղզստանից, ով նույնպես նույն դիագնոզն էր ստացել, վիրահատվել էր /ոչ անդամահատում/, անցել քիմիայի կուրս, ստացել ճառագայթում, ևս մի քանի անգամ վիրահատվել "բուժման" կողմնակի ազդեցությունների հետևանքով։

Մոտ երկու ամիս է չկա, հուսով եմ ողջ է: ))

Մի քանի օր առաջ նորից փնտրեցի իրեն, պարզվեց մեր վեջին զրույցից մոտ երկու շաբաթ անց մահացել է։

Հետաքրքիր զուգադիպություններ կան, որոնք նկատեցի։ Մենք նույն տարիքի էինք, մեր մեջ կար մեկ ամսվա տարբերություն, մեր երկուսի դիագնոզը նույնն էր, մեր երկուսի դիագնոզը հաստատվել էր նույն տարվա նույն ամսին։ Ինչ որ "առավելություններ" դիագնոզի ու բուժման առումով ունեմ ես, ինչ-որ "առավելություններ" ուներ ինքը, բայց ես դրա վրա հույս չեմ դնի ու մտածի, թե ես ավելի լավ կարգավիճակում եմ։

Սա էլ պեպենիկը <3

https://data.kaktus.media/image/big/2018-03-28_00-26-29_314730.jpg

Իրա ու իրան նշանակված բուժման, դրա վատ հետևանքների մասին այստեղ (https://kaktus.media/doc/372228_kristine_mihaylovoy_kotoraia_boretsia_s_sarkomoy_srochno_nyjna_pomosh.html)։

Մեր խոսակցության ընթացքում իմացա, որ մինչև վիրահատությունը ստացելա քիմիա, վիրահատությունից հետո ստացելա քիմիա, հետո ուռուցքա հայտնվել գլխուղեղում, վիրահատել են հետո նորիցա հայտնվել ու նորից են վիրահատել հետո ճառագայթում են նշանակել։ Թե կոնկրետ ինչիցա մահացել՝ չգիտեմ, բայց մետաստազներ չի ունեցել։ Կարծում եմ նորից գլխի հետա եղել խնդիրը։ Մեր վերջին խոսակցության ժամանակ ուզում էր անցներ ոչ ավանդական բժշկությանը, ոնց հասկացա չի հասցրել։ Նաև կարծում եմ, որ իրեն նույնպես անդամահատում են առաջարկել, բայց հրաժարվելա։


Անցնենք ինձ։
Ես ու ոտքս իրար հետ լեզու չենք գտնում դեռ։
Շաբաթ օրը ՄՌՏ-ի եմ հերթագրված (գլխուղեղ, պարանոցի փափուկ հյուսվածքներ, թոքեր, որովայն, փոքր կոնք), քանի որ երեք ամիսն արդեն անցել է։ Բժիշկս ասեց մեր ամենամեծ ռիսկը թոքերնա, բայց ամբողջականն էլ չի խանգարի։ Պատասխանները մի քանի օր հետո նոր կտան, հաշվի առնելով ինֆորմացիայի ծավալը, բայց եթե ինչ որ բան նկատեն կոնտրաստ կառաջարկեն, էդպես էլ կհասկանամ որ ինչ-որ բան էն չի։

Առայժմ այսքանը։ Ժպիտով եղեք))

[Գաղթական]

Ապեր, հուսով եմ քո ու Կրիստինայի մի քանի նմանոտ ընդհանրական տվյալի հիման վրա եզրակացության չես եկել, թե իբր հիվանդության ընթացքն ու ավարտն էլ են նույն կերպ լինելու:

Ճիշտ ա՝ ես նոր եմ էդ ճամփի վրա ու ինֆո հավաքում, բայց 100% կարող եմ ասել, որ 2 լրիվ իրար նման դեպքեր չեն կարող լինել:
ՈՒղղակի չեն կարող:
ՈՒ դրա համար հազար ու մի պատճառ կա, որոնց մասին հաստատ դու էլ կիմանաս, բայց չգիտես ինչի ուշադրությունդ գրավել են դիագնոզի նշանակման ամսվա ու էդ կարգի ոչ կարևոր ֆակտորների նմանություններ:

Պինդ կաց:

[StrangeLittleGirl]

Վիստ, չարորակ նորագոյացությունների բուժման էֆեկտիվության հարցում մի կարևոր բան կա՝առաջնային ուռուցքի հեռացումը։ Ինչքան ռադիկալ ձևով ա առաջնայինը հեռացվում, էնքան լրիվ լավացման հավանականությունը մեծ ա։ Էնպես որ անդամահատումը կարա քեզ ահագին մեծ առավելություն տված լինի։ Հուսանք՝ պատկերները մաքուր կգան։

[VisTolog]

Ապեր, հուսով եմ քո ու Կրիստինայի մի քանի նմանոտ ընդհանրական տվյալի հիման վրա եզրակացության չես եկել, թե իբր հիվանդության ընթացքն ու ավարտն էլ են նույն կերպ լինելու:

Ճիշտ ա՝ ես նոր եմ էդ ճամփի վրա ու ինֆո հավաքում, բայց 100% կարող եմ ասել, որ 2 լրիվ իրար նման դեպքեր չեն կարող լինել:
ՈՒղղակի չեն կարող:
ՈՒ դրա համար հազար ու մի պատճառ կա, որոնց մասին հաստատ դու էլ կիմանաս, բայց չգիտես ինչի ուշադրությունդ գրավել են դիագնոզի նշանակման ամսվա ու էդ կարգի ոչ կարևոր ֆակտորների նմանություններ:

Պինդ կաց:
Ես կյանքի դավադրությունների տեսության սիրահար եմ :D


Վիստ, չարորակ նորագոյացությունների բուժման էֆեկտիվության հարցում մի կարևոր բան կա՝առաջնային ուռուցքի հեռացումը։ Ինչքան ռադիկալ ձևով ա առաջնայինը հեռացվում, էնքան լրիվ լավացման հավանականությունը մեծ ա։ Էնպես որ անդամահատումը կարա քեզ ահագին մեծ առավելություն տված լինի։ Հուսանք՝ պատկերները մաքուր կգան։

Ես պատրաստվում եմ ոտքի փոխպատվաստման մեջ խորանամ ու վատ նկարների ժամանակ չունեմ :D

Ի դեպ, պատկերների պահով։ Բժիշկներիցս մեկի հետ էի խոսում, մեկ էլ ֆայմեցինք, որ կարող եմ ուղեգրով անվճար հետազոտվել /ես պատրաստվում էի 200000 վճարել/։ Էս տարի արդեն բոլոր տեղերը զբաղված են, եթե չկարողացա խցկվել ուրեմն հունվարին կմնա /եթե արդեն հունվարն էլ զբաղված չի/։


ՀԳ Մեկը, ով ոչ ավանդական բժշկություն էր մոտս քարոզում տարիներ շարունակ, ինձ համոզելով, որ քաղցկեղը, ուռուցքները հնարավորա բուժել, հիմա ինքնա պատրաստվում քիմիթոերապիայի, երբ ինքն էր ինձ փորձում հասկացնել, որ չգնամ դրան։ Հիմա ես եմ ոչ ավանդական ճանապարհ բռնել, իսկ ինքը գնումա ավանդականով։ Ես՝ ապացուցելու որ ոչ ավանդականը չի աշխատում, ինքն էլ համոզվելու, որ քիմիան չի աշխատում։ Տեսնենք ինչ կստացվի ։ՃՃ

[CactuSoul]

Հիմա ես եմ ոչ ավանդական ճանապարհ բռնել, իսկ ինքը գնումա ավանդականով։ Ես՝ ապացուցելու որ ոչ ավանդականը չի աշխատում, ինքն էլ համոզվելու, որ քիմիան չի աշխատում։
Էս պահը չհասկացա: Հո խաղ ու պար չի՞, եթե կարծում ես, որ չի աշխատելու, ինչո՞ւ ես էս մեթոդն ընտրում: Ասենք՝ կյանքիդ ու առողջությանդ հաշվին ապացուցեցիր, որ ոչ ավանդականը չի աշխատում, բա վերջը՞: Էդտեղ իմաստը ո՞ր մասում ա թաքնված, չեմ ջոկում:

[VisTolog]

Էս պահը չհասկացա: Հո խաղ ու պար չի՞, եթե կարծում ես, որ չի աշխատելու, ինչո՞ւ ես էս մեթոդն ընտրում: Ասենք՝ կյանքիդ ու առողջությանդ հաշվին ապացուցեցիր, որ ոչ ավանդականը չի աշխատում, բա վերջը՞: Էդտեղ իմաստը ո՞ր մասում ա թաքնված, չեմ ջոկում:
Ոչ ավանդականը դեղաբույսերի լուծությա ընդամենը, որը կողմնակի ազդեցություն /որ ես զգամ/ չունի ու առաջին անգամը չի օգտագործվում ուռուցքների դեմ, կյանքիս ու առողջությանս էլ վտանգ չի սպառնում։ Հիմա փորձում ենք կանխարգելել, իսկ կաշխատի թե չէ՝ կիմանանք։ Եթե պետքա ընտրություն անել քիմիոթերապիայի ու պրոֆիլակտիկ դեղաբույսերի մեջ, էն դեպքում երբ քիմիան ոչ միայն չի օգնում այլ նաև վնասումա, ես իհարկե ընտրում եմ դեղաբույսը։ Դեղաբույսն էլ болиголов ու тодикамп, կոնկրետ հիմա մենակ болиголов, կաթիլ առ կաթիլ։ Ինչ վրաբերվումա ապացուցելուն, ես չեմ հավատում ոչ ավանդական բժշկության հրաշքներին, ոչ էլ քիմիոթերապիայի հրաշքներին, չնայած երբեմն փաստվումա, որ ոչ ավանդականով ավելի շատ մարդա առողջացել։

Մենք չենք գնում տարբեր բուժումների զուտ ինչ որ բան ապացուցելու համար, այլ գնալով դրանց մենք կունենանք հնարավորություն համոզվելու կամ հերքելու։

[Sambitbaba]

Վիստ ջան, թույլ տուր մի բան էլ ես ասեմ, լա՞վ...
Դու կարող ես յուրաքանչյուր ընտրություն կատարես ու տարբեր բաներ էլ փորձես, բայց եթե ուզում ես իրոք, որ դրանցից ինչ-որ մեկը քեզ օգնի, ուրեմն պետք է մեջիցդ իսպառ վերացնես այդ թերահավատությունն ու նեգատիվը, հասկանու՞մ ես:

Հա, լիքը մարդիկ կան, որ իրենց ոչինչ չի օգնել: Բայց կան նաև շատ-շատերը, որոնք հասել են հաջողության, ու այդպիսի մարդկանց քանակը գնալով ավելանում է: Որովհետև համ բժշկությունն է առաջ ընթանում, համ էլ մեր ներքին բժիշկն է սկսել արթնանալ:
Բայց երկուսին էլ հավատալ է պետք ուղղակի: Անվերապահորեն, այսինքն, ջնջելով միջիցդ ամեն կասկածներ:

Ռուսաստանում ապրածս տարիներին մի էքստրասենս ընկեր ունեի թատրոնում: Սա որպես երկրորդ աշխատանք ձևակերպված էր Լենինգրադի քաղցկեղի ինստիտուտում, ու սրա աշխատանքն այն էր, որ նա համոզում էր հիվանդներին, որ նրանք կարող են ապաքինվել: Եվ դրանով օգնել էր ահագին մարդկանց: Եվ դա դեռ սովետի ժամանակներում էր, իսկ մենք արդեն ինչքան առաջ ենք գնացել:

Տարբեր օրինակներ կարելի է բերել, բայց ուզում եմ քեզ ասել Վայանա Սթեյբլի մասին, որովհետև մտածեցի, որ քանի որ փորձում ես ոչ ավանդական միջոցներ, նայիր նաև Թեթա (կամ Տետա) - ապաքինումը: Ինքս ոչինչ չեմ ուզում ասել, դու ինքդ կարդա, գիրքը հենց այդպես էլ կոչվում է՝ "Тета-исцеление", կամ նայիր Յութուբում այդ մասին: Բայց նայիր լրջորեն, լա՞վ: Ավելի լավ է, սկզբում կարդա կամ նայիր հենց Վայանայի պատմությունը:
Վերջին տարիների նորություններին տեղյակ չեմ, որ ավելին ասեմ, բայց մի վեց-յոթ տարի առաջ ահագին տպավորություն էր թողել ինձ վրա:

[Գաղթական]

Լավ լուր.

Քարդիֆի համալսարանում նոր իմունային բջիջ են հայտնաբերել (https://www.bbc.com/news/health-51182451), որը, կարծես թե, քաղցկեղի բոլոր տեսակների դեմ պայքարում է՝ շագանակագեղձի, կրծքի, արյան, հաստ աղիքի, մաշկի, թոքերի, ձվիկների և այլն..

Բայց առայժմ այն հաջողություններ է գրանցել լաբորատորիայում ու կենդանիների մոտ:
Մարդու վրա փորձարկելու փուլը դեռ առջևում է:

Այնուամենայնիվ՝ տարբեր երկրների գիտնականներ լիահույս են, որ էս հայտնագործությունը մեծ պոտենցիալ ունի իր մեջ:

[Աթեիստ]

Լավ լուր.

Քարդիֆի համալսարանում նոր իմունային բջիջ են հայտնաբերել (https://www.bbc.com/news/health-51182451), որը, կարծես թե, քաղցկեղի բոլոր տեսակների դեմ պայքարում է՝ շագանակագեղձի, կրծքի, արյան, հաստ աղիքի, մաշկի, թոքերի, ձվիկների և այլն..

Բայց առայժմ այն հաջողություններ է գրանցել լաբորատորիայում ու կենդանիների մոտ:
Մարդու վրա փորձարկելու փուլը դեռ առջևում է:

Այնուամենայնիվ՝ տարբեր երկրների գիտնականներ լիահույս են, որ էս հայտնագործությունը մեծ պոտենցիալ ունի իր մեջ:

Ապագան գենային ինժեներիայինն ա, մնում ա տեխնոլոգիան էժանանա, որ ցանկացած մարդու հասանելի լինի։
Էս ինդիվիդուալ գենային լուծումներով եթե չեմ սխալվում արդեն 2 հոգի բուժվել են։

Ստեղ էլ փաստացի T-բջիջների մեջ հենց իրա համար մշակված թիրախային բջիջների մասին ինֆորմացիայա մտցվում։ Ունիվերսալ չի։ Հետևաբար շատ թանկ ա։

[Գաղթական]

Ունիվերսալ չի։ Հետևաբար շատ թանկ ա։

Կա տենց բան..
Բայց դե լուծում ա..

ՈՒ մարդիկ կգտնվեն, ով էդ գումարը մի տեղից կհայթայթի կտա:
Ստեղ օրինակ 4տ երեխա կա, ում մոտ նոր են քաղցկեղ հայտնաբերել՝ չնայած որ ինքն արդեն 3 տարի ա հիվանդ էր:
Ներքին օրգանների վրա ա ուռուցքն եղել ու չեն իմացել:
Հիմա էլ, երբ հայտնաբերել են, պարզվել ա, որ արյան բջիջների 90-քանի տոկոսը վարակված են արդեն:
Երեխուն 5% կյանքի շանս են տվել..

Փողի հարցը չի, կյանքն ա պետք..

[StrangeLittleGirl]

Ապագան գենային ինժեներիայինն ա, մնում ա տեխնոլոգիան էժանանա, որ ցանկացած մարդու հասանելի լինի։
Էս ինդիվիդուալ գենային լուծումներով եթե չեմ սխալվում արդեն 2 հոգի բուժվել են։

Ստեղ էլ փաստացի T-բջիջների մեջ հենց իրա համար մշակված թիրախային բջիջների մասին ինֆորմացիայա մտցվում։ Ունիվերսալ չի։ Հետևաբար շատ թանկ ա։

Ստեղ արդեն անում են։ Բայց մի քանի կատաստրոֆիկ հետևանքներ են էղել՝ անձը հայտնվել ա կոմայում, էլ դուրս չի էկել, և այլն։ Բայց հաջող դեպքեր էլ են գրանցվել։

[VisTolog]

ՀԳ Մեկը, ով ոչ ավանդական բժշկություն էր մոտս քարոզում տարիներ շարունակ, ինձ համոզելով, որ քաղցկեղը, ուռուցքները հնարավորա բուժել, հիմա ինքնա պատրաստվում քիմիթոերապիայի, երբ ինքն էր ինձ փորձում հասկացնել, որ չգնամ դրան։ Հիմա ես եմ ոչ ավանդական ճանապարհ բռնել, իսկ ինքը գնումա ավանդականով։ Ես՝ ապացուցելու որ ոչ ավանդականը չի աշխատում, ինքն էլ համոզվելու, որ քիմիան չի աշխատում։ Տեսնենք ինչ կստացվի ։ՃՃ

Նա փորձեց ոչ ավանդականով մորը ինչ-որ կերպ բուժել, բայց չստացվեց, քանզի արդեն բավականին ուշ էր, իսկ քիմիան՝ անօգուտ։ Այսօր հոգեհանգիստնա։՛


Լավ լուր.



Ես էլ ասի ինչա եղել))

Հետաքրքիրա, ինչի՞ են միշտ փորձում հետևանքը բուժել, այլ ոչ առնվազն մոտավոր պատճառը: Իսկ պատճառը փնտրել մոտ 40-50%ով ավելի քիչ քաղցկեղի դեպք ունեցող երկրներում սխա՞լա։

Ըստ https://www.wcrf.org/ -ի, թոփը էս երկրներն են, 100000-ի հաշվարկով։


1
Australia
468.0


2
New Zealand
438.1


3
Ireland
373.7


4
Hungary
368.1


5
US
352.2




Իսկ վերջում էս երկրները։


46
French Guiana
247.0


47
Bulgaria
242.8


48
Lebanon
242.8


49
French Polynesia
240.6


50
Israel
233.6



ԱՄՆ-ն, որ դեղագործության, փորձարկումների պապանա ու տասնյակ կլինիկական փորձարկումներա անցկացնում մարդկանց վրա, անցած տարի ունեցելա 1120000 քաղցկեղի դեպք, որից 320000ը քաղցկեղի հետևանքով առաջացած մահնա եղել ու էս թվաբանությունը դեռ չի ներառում բոլոր տեսակի քաղցկեղները։ Համոզված եմ, եկող տարի էս 320000ը ավելացած կլինի։

Էլ չեմ ասում Հնդկաստանի մասին, որտեղ գրանցված քաղցկեղով հիվանդների թիվը 100000մարդու հաշվարկով 190ի էլ չի հասնում ու կազմումա ԱՄՆ-ի թվաբանության կեսը։ Հիմա ո՞րնա Հնդկաստանի գաղտնիքը։ Աֆրիկա էլ չի, ասես չեն կարում հաշվեն))

[StrangeLittleGirl]

Հետաքրքիրա, ինչի՞ են միշտ փորձում հետևանքը բուժել, այլ ոչ առնվազն մոտավոր պատճառը: Իսկ պատճառը փնտրել մոտ 40-50%ով ավելի քիչ քաղցկեղի դեպք ունեցող երկրներում սխա՞լա։


ԱՄՆ-ն, որ դեղագործության, փորձարկումների պապանա ու տասնյակ կլինիկական փորձարկումներա անցկացնում մարդկանց վրա, անցած տարի ունեցելա 1120000 քաղցկեղի դեպք, որից 320000ը քաղցկեղի հետևանքով առաջացած մահնա եղել ու էս թվաբանությունը դեռ չի ներառում բոլոր տեսակի քաղցկեղները։ Համոզված եմ, եկող տարի էս 320000ը ավելացած կլինի։

Էլ չեմ ասում Հնդկաստանի մասին, որտեղ գրանցված քաղցկեղով հիվանդների թիվը 100000մարդու հաշվարկով 190ի էլ չի հասնում ու կազմումա ԱՄՆ-ի թվաբանության կեսը։ Հիմա ո՞րնա Հնդկաստանի գաղտնիքը։ Աֆրիկա էլ չի, ասես չեն կարում հաշվեն))
Պատճառները քիչ թե շատ բացահայտված են։ Էն ա, առողջապահության նախարարությունը ծխելու դեմ արշավ ա սկսում, մարդիկ հիստերիկանում են։ Դե էլ չասեմ օդի աղտոտվածության մասին։ Հայաստանում չարորակ նորագոյացությունները սարսափելի թվերի են հասնում ու սարսափելի ջահելացել են, բայց պատճառների դեմն առնելու համար պետք ա հանքերը փակել, ծխելն արգելել, մարդկանց կյանքի պայմանները բարելավել և այլն։

Ինչ վերաբերում ա Հնդկաստանին, ապա դիագնոզված դեպքերի պակաս չի նշանակում իրական դեպքերի պակաս։ Զանազան սոցիալական պատճառներով պայմանավորված կարա նենց լինի, որ հիվանդը տենց էլ երբևէ չդիագնոզվի, նույնիսկ մահվանից հետո։ Կարան չունենան դիագնոստիկ բոլոր միջոցները։ Հայաստանում զուտ սոցիալական պատճառներով պայմանավորված շուտ հայտնաբերելն էլ ա խնդիր։ Բայց անգամ շուտ հայտնաբերելու ու բուժման միջև կապն էլ միանշանակ չի։

Մի խոսքով, բուժել պետք ա նրանց, ովքեր արդեն հիվանդ են, բայց կանխարգելիչ միջոցառումներն էլ չեն խանգարի։ Ուղղակի մի խումբ մարդիկ միլիարդատեր են դառնում իրանց բիզնեսների շնորհիվ, իսկ կանխարգելել նշանակում ա էդ մի խումբ մարդկանց չթողնել իրանց զիբիլը ծախեն։

[VisTolog]

Պատճառները քիչ թե շատ բացահայտված են։ Էն ա, առողջապահության նախարարությունը ծխելու դեմ արշավ ա սկսում, մարդիկ հիստերիկանում են։ Դե էլ չասեմ օդի աղտոտվածության մասին։ Հայաստանում չարորակ նորագոյացությունները սարսափելի թվերի են հասնում ու սարսափելի ջահելացել են, բայց պատճառների դեմն առնելու համար պետք ա հանքերը փակել, ծխելն արգելել, մարդկանց կյանքի պայմանները բարելավել և այլն։

Ինչ վերաբերում ա Հնդկաստանին, ապա դիագնոզված դեպքերի պակաս չի նշանակում իրական դեպքերի պակաս։ Զանազան սոցիալական պատճառներով պայմանավորված կարա նենց լինի, որ հիվանդը տենց էլ երբևէ չդիագնոզվի, նույնիսկ մահվանից հետո։ Կարան չունենան դիագնոստիկ բոլոր միջոցները։ Հայաստանում զուտ սոցիալական պատճառներով պայմանավորված շուտ հայտնաբերելն էլ ա խնդիր։ Բայց անգամ շուտ հայտնաբերելու ու բուժման միջև կապն էլ միանշանակ չի։

Մի խոսքով, բուժել պետք ա նրանց, ովքեր արդեն հիվանդ են, բայց կանխարգելիչ միջոցառումներն էլ չեն խանգարի։ Ուղղակի մի խումբ մարդիկ միլիարդատեր են դառնում իրանց բիզնեսների շնորհիվ, իսկ կանխարգելել նշանակում ա էդ մի խումբ մարդկանց չթողնել իրանց զիբիլը ծախեն։

:hi

Շահում են արտադրողները, հանք փորողները, դեղագործականները, բժշկական կենտրոնները ու էլի սենց տասնյակ շահողներ։

Իսկ էն ինչ իմ դեպքում եղավ, հակված եմ բժշկական անտարբերություն անվանել, համեմված անգրագիտությամբ, անուշադրությամբ, փորձի բացակայությամբ։ Մի խոսքով գաղտնիք չի, որ ՀըՀը ԱՆ-ն որպես առողջապահության կազմակերպիչ ու կառավարիչ աղետալի վիճակումա։

[Գաղթական]

Ես էլ ասի ինչա եղել))

Հետաքրքիրա, ինչի՞ են միշտ փորձում հետևանքը բուժել, այլ ոչ առնվազն մոտավոր պատճառը: Իսկ պատճառը փնտրել մոտ 40-50%ով ավելի քիչ քաղցկեղի դեպք ունեցող երկրներում սխա՞լա։

Հարցն էն ա, թե կա՞ արդյոք դրված խնդիր՝ պատճառը գտնելու:

Բելգիայում օրինակ մի քանի համալսարանական հիվանդանոց կա:
Մեր հաճախածի օնկոլոգիայի բաժանմունքի գլխավոր բժիշկին երբ հարցրի առաջացման պատճառների մասին, ասեց՝ պատճառները դեռ հայտնաբերված չեն, բայց մի բան հստակ ա, որ հիվանդությունը գենետիկորեն ծնողներից չի փոխանցվում:

Լավ, բա եթե ծնողներից չի փոխանցվում, ու երեխան առողջ ա ծնվում, ո՞նց կարա 2 ամսական տարիքում հանկարծ քաղցկեղ ձեռք բերի:
2 ամսական երեխան, բլին, որ ջրով բացած կաթի փոշուց էն կողմ բան չի տեսել..
Պատասխան չկա:

Ընդ որում՝ գոնե ԵՄ մակարդակով, էս հարցով զբաղվող բոլոր կենտրոնները համագործակցում են:
Համագործակցում են ու խելքից դուրս շատ բուժման մեթոդներ ստեղծում, որ հետո «վաճառեն» հիվանդների վրա, բայց հիվանդության առաջացման պատճառը գտնել չի ստացվում..

Այսքանով, ըստ իս, ընդամենը հիվանդությունը բուժելու խնդիր կա դրված՝ ոչ կանխարգելելու:

[StrangeLittleGirl]

Բժշկության մեջ կան պատճառներ ու ռիսկի գործոններ։ Պատճառ որպես այդպիսին բացի ինֆեկցիոն հիվանդություններից ու տրավմաներից ուրիշ ոչ մի հիվանդություն չունի։ Իսկ ռիսկի գործոնների մեջ սկսած գենետիկայից, վերջացրած ապրելակերպով ամեն ինչ կարա մտնի, ընդ որում՝ քաղցկեղի տեսակից էլ կախված ռիսկի գործոնների հարաբերությունը տարբեր ա։ Օրինակ, գաղտնիք չի, որ ծխելը թոքի քաղցկեղի ռիսկի գործոն ա (նշանակում ա, որ եթե ծխում ես, թոքի քաղցկեղ ունենալու հավանականությունը մեծանում ա, բայց չի նշանակում, որ 100% կունենաս), արևը՝ մելանոմայի։ Օրինակ Սկանդինավիայում գենետիկորեն պայմանավորված սպիտակ (անպաշտպան) մաշկի համադրությունն արևի հետ կտրուկ, շատ ահավոր ձևով բարձրացնում ա մելանոմայի հավանականությունը, էն աստիճանի, որ լիքը քարոզարշավներ են ամեն տարի՝ հորդորելով, որ ամառը ծովափ գնալիս պաշտպանվեն արևից։

[Գաղթական]

Իսկ էն ինչ իմ դեպքում եղավ, հակված եմ բժշկական անտարբերություն անվանել, համեմված անգրագիտությամբ, անուշադրությամբ, փորձի բացակայությամբ։ Մի խոսքով գաղտնիք չի, որ ՀըՀը ԱՆ-ն որպես առողջապահության կազմակերպիչ ու կառավարիչ աղետալի վիճակումա։

ՈՒ դա մենակ ՀՀ-ում չի էդպես )))

Ես իմ հալով, որ բժշկությունից ահագին հեռու եմ, լիքը սխալներ եմ բռնել էստեղի բժիշկների վրա:

Թարմ օրինակ.
Սրտանոթի մեջ կատետր են տեղադրել: 1 ամսից ավել ա՝ սաղին ասում եմ խի՞ ա էդ անտերի գլխիկը կամաց-կամաց դուրս գալիս..
Իրանց բժիշկներաասիստենտախառը սաղ եկան նային, ասին նորմալ ա, տենց էլ պիտի լինի..
Վերջում, որ վաբշե վիճակը բարդացավ, վիրաբույժ կանչին, ով հենց տեսավ՝ հուվորեց, թե ո՞նց կարելի էր էս գլխիկն էս վիճակում թողել, տենց մի քանի անգամ ինֆեկցիա անցնելու հավանականությունը մեծանում ա:
Ասում ա՝ հենց էդ գլխիկի ծերն երևաց՝ միանգամից նոր վիրահատություն էր պետք..

Մի խոսքով՝ սկսեց ինձ բացատրել, թե նոր վիրահատությունը ոնց պիտի անցնի ու թե էդ գլխիկն ինչ դիրքով պիտի վաբշե լինի..
Տենց խոսքի մեջ՝ ասում եմ՝ բա եթե ճիշտ ձևը տենց էր՝ ինչի՞ առաջին անգամ տենց չի արվել..
Պատասխան չուներ..

Ստացվում ա՝ համ վիրահատությունն էին սխալ արել, համ էլ՝ երբ սխալը սկսել էր իրեն զգացնել տալ՝ ամսից ավել ա չէին հասկանում ինչն ինչոց ա..
ՈՒ ինձնից էլ դեռ իրենց վատ աշխատանքի ու սխալ վիրահատությունների համար գումար են ակնկալում..

Մի խոսքով՝ կապ չունի որ երկրում ես, կարևորը՝ ոստիկանի ու բժիշկի ձեռը չընկնես:

[VisTolog]

Հարցն էն ա, թե կա՞ արդյոք դրված խնդիր՝ պատճառը գտնելու:

Բելգիայում օրինակ մի քանի համալսարանական հիվանդանոց կա:
Մեր հաճախածի օնկոլոգիայի բաժանմունքի գլխավոր բժիշկին երբ հարցրի առաջացման պատճառների մասին, ասեց՝ պատճառները դեռ հայտնաբերված չեն, բայց մի բան հստակ ա, որ հիվանդությունը գենետիկորեն ծնողներից չի փոխանցվում:

Լավ, բա եթե ծնողներից չի փոխանցվում, ու երեխան առողջ ա ծնվում, ո՞նց կարա 2 ամսական տարիքում հանկարծ քաղցկեղ ձեռք բերի:
2 ամսական երեխան, բլին, որ ջրով բացած կաթի փոշուց էն կողմ բան չի տեսել..
Պատասխան չկա:

Ընդ որում՝ գոնե ԵՄ մակարդակով, էս հարցով զբաղվող բոլոր կենտրոնները համագործակցում են:
Համագործակցում են ու խելքից դուրս շատ բուժման մեթոդներ ստեղծում, որ հետո «վաճառեն» հիվանդների վրա, բայց հիվանդության առաջացման պատճառը գտնել չի ստացվում..

Այսքանով, ըստ իս, ընդամենը հիվանդությունը բուժելու խնդիր կա դրված՝ ոչ կանխարգելելու:
Ես ոնց հասկացա օնկոլոգների ու էդ ոլորտի բժիշկների "ասիչը" հենց համալսարանական կլինիկաներն ու ավելի բարձր մակարդակի կլինիկաների, կազմակերպությունների պրատակոլներն են։ Ինձ զարմացրեց, որ քիմիա նշանակելիս հիմնվում են պրատակոլների վրա, որովհետև ինչ-որ տեղ դրա արդյունավետությունը հաշվել են ու հստակ գծեր տարել, առանց հաշվի առնելու անհատական առանձնահատկությունները /չգիտեմ, միգուցե անհտական մոտեցում պետք էլ չի՞ ուռուցքների բուժման համար/։ Ըստ միջազգային ու Գերմանիայում ընդունված պրատակոլների ինձ առնվազն վեց քիմիա էր անհրաժեշտ, իսկ եթե ուռուցքի տեղը դեռ լիներ, նաև ճառագայթում։ Էս ամենն իմացող Գերմանիայի կլինիկայի բժիշկն ինձ ասումա, որ վերջին 40 տարում ինքը չի հանդիպել դեպքի երբ քիմիան օգնելա կոնկրետ հենց սինովիալ սարկոմայի դեպքում։ Հիմա ինչի՞ա սենց հակասություն առաջանում։ Համոզված եմ, իր հիվանդներին ըստ պրատակոլի "բուժում" են նշանակում, հույս տալով թե շանս կա, բայց բոլորն էլ գիտեն որ դա չի աշխատում։

Սրանից գալիս եմ հետևության

- եթե բժիշկը հիվանդին չտարավ թերապիայով բուժման, ինքը լուրջ խնդիրներ կունենա ղեկավարության ու կոլեգաների հետ
- եթե բժիշկը հվանդին տարավ թերապիայի, լուրջ խնդիրներ կունենա հիվանդը ու մեկա էն ինչ լինելուա մեծ հավանականությամբ կլինի, ուղղակի կտանջվի հիվանդը, կհարստանան ընկերությունները

Կարծում եմ օնկոլոգները, էդ թվւմ նաև իմ բժիշկները նախընտրել են ինձ ուղարկել թերապիայի․ հիմա կօգնի թե չէ, իրանք իրանց բաժին գործը կհամարեն ավարտված։




Մի խոսքով՝ կապ չունի որ երկրում ես, կարևորը՝ ոստիկանի ու բժիշկի ձեռը չընկնես:

Ոստիկանից պրծնելն ավելի հեշտա :D

[StrangeLittleGirl]

Ես ոնց հասկացա օնկոլոգների ու էդ ոլորտի բժիշկների "ասիչը" հենց համալսարանական կլինիկաներն ու ավելի բարձր մակարդակի կլինիկաների, կազմակերպությունների պրատակոլներն են։ Ինձ զարմացրեց, որ քիմիա նշանակելիս հիմնվում են պրատակոլների վրա, որովհետև ինչ-որ տեղ դրա արդյունավետությունը հաշվել են ու հստակ գծեր տարել, առանց հաշվի առնելու անհատական առանձնահատկությունները /չգիտեմ, միգուցե անհտական մոտեցում պետք էլ չի՞ ուռուցքների բուժման համար/։ Ըստ միջազգային ու Գերմանիայում ընդունված պրատակոլների ինձ առնվազն վեց քիմիա էր անհրաժեշտ, իսկ եթե ուռուցքի տեղը դեռ լիներ, նաև ճառագայթում։ Էս ամենն իմացող Գերմանիայի կլինիկայի բժիշկն ինձ ասումա, որ վերջին 40 տարում ինքը չի հանդիպել դեպքի երբ քիմիան օգնելա կոնկրետ հենց սինովիալ սարկոմայի դեպքում։ Հիմա ինչի՞ա սենց հակասություն առաջանում։ Համոզված եմ, իր հիվանդներին ըստ պրատակոլի "բուժում" են նշանակում, հույս տալով թե շանս կա, բայց բոլորն էլ գիտեն որ դա չի աշխատում։

Սրանից գալիս եմ հետևության

- եթե բժիշկը հիվանդին չտարավ թերապիայով բուժման, ինքը լուրջ խնդիրներ կունենա ղեկավարության ու կոլեգաների հետ
- եթե բժիշկը հվանդին տարավ թերապիայի, լուրջ խնդիրներ կունենա հիվանդը ու մեկա էն ինչ լինելուա մեծ հավանականությամբ կլինի, ուղղակի կտանջվի հիվանդը, կհարստանան ընկերությունները

Կարծում եմ օնկոլոգները, էդ թվւմ նաև իմ բժիշկները նախընտրել են ինձ ուղարկել թերապիայի․ հիմա կօգնի թե չէ, իրանք իրանց բաժին գործը կհամարեն ավարտված։



Ոստիկանից պրծնելն ավելի հեշտա :D

Նայի, անհատական մոտեցում չկա, որտև բոլոր հետազոտություններից արված եզրակացությունները միջինացված թվերի վրա են։ Քիմիայի օգնել֊չօգնելն էլ խիստ հարաբերական ա։ Մինչև հիմա չի հայտնաբերվել քիմիա, որ լրիվ բուժի ուռուցքը։ Քիմիան հիմնականում գոյություն ունեցող ուռուցքային (ու ցավոք, նաև ոչ ուռուցքային) բջիջները սպանում ա կամ աճը դադարեցնում/դանդաղեցնում։ Ու քիմիան իրականում երկու իմաստ կարա ունենա։ Մեկը կյանքը երկարացնելն ա։ Ասենք, մի քանի ամսվա փոխարեն մի քանի տարի սարքելն ա։ Մյուսն էլ «նավսյակի», երբ ուռուցքը լրիվ հեռացվում ա վիրահատական ճանապարհով, մնացած հիպոթետիկ մի քանի մանրադիտակային բջիջների հախից գալու համար։ Էս վերջինը հիմնականում անում են օրգան֊պահպանիչ վիրահատություններից հետո, բայց ոնց հասկանում եմ քոնը պահպանիչ չի էղել, լավ ռադիկալ ա էղել, նենց որ կարա քիմիան անիմաստ լինի։

Հետո, սարկոման էնքան հազվադեպ հանդիպող ուռուցք ա, որ դժվար վրան կարգին հետազոտություններ արված լինեն։ Քիմիան հիմնականում քաղցկեղի՝ էպիթելային հյուսվածքի բջիջների վրա ա ազդում։ Էպիթելն ավելի արագ ա աճում։ Սարկոման քաղցկեղ չի, շարակցական հյուսվածքի ուռուցք ա ու ավելի դանդաղ ա աճում։ Դրա համար քաղցկեղի դեղամիջոցները պիտի որ նույն արդյունավետությունը չունենան սարկոմայի վրա։

[VisTolog]

Սարկոման քաղցկեղ չի, շարակցական հյուսվածքի ուռուցք ա ու ավելի դանդաղ ա աճում։ Դրա համար քաղցկեղի դեղամիջոցները պիտի որ նույն արդյունավետությունը չունենան սարկոմայի վրա։
Ի դեպ, հենց էդ աճի պահով, որտեղ կարդացել եմ ինքը դանդաղ աճողա ներկայացվել, բայց իմ դեպքում ամսական 1-1.5սմ արագությունա ունեցել, հիմա դա դանդաղնա թե արագնա։ :think

[Վիշապ]

...
ԱՄՆ-ն, որ դեղագործության, փորձարկումների պապանա ու տասնյակ կլինիկական փորձարկումներա անցկացնում մարդկանց վրա, անցած տարի ունեցելա 1120000 քաղցկեղի դեպք, որից 320000ը քաղցկեղի հետևանքով առաջացած մահնա եղել ու էս թվաբանությունը դեռ չի ներառում բոլոր տեսակի քաղցկեղները։ Համոզված եմ, եկող տարի էս 320000ը ավելացած կլինի։

Էլ չեմ ասում Հնդկաստանի մասին, որտեղ գրանցված քաղցկեղով հիվանդների թիվը 100000մարդու հաշվարկով 190ի էլ չի հասնում ու կազմումա ԱՄՆ-ի թվաբանության կեսը։ Հիմա ո՞րնա Հնդկաստանի գաղտնիքը։ Աֆրիկա էլ չի, ասես չեն կարում հաշվեն))

Շաբլոն կարծիքներով, պատճառը սնունդն ու ապրելակերպն է։
ԱՄՆ-ում վերամշակված սննդի, ճարպակալման ու թմրանյութերի խնդիր կա, չնայած անտերը իբր զարգացած երկիր ա։
Հնդկաստանում աղքատ են, վերամշակված սնունդ չեն կարում առնեն ։Ճ Ստիպված ուտում են Աստված գիտի թե ինչ, բայց վայթե թարմ, ու տարբեր սպեցիաներով, որ վարակից չմեռնեն, մասնավորապես քրքումով։ Հետո շատերը ավտոմեքենա չեն կարում առնեն, ստիպված ռիքշա կամ հեծանիվ են քշում ։Ճ Հնդկաստանում շատ քիչ են ալկոհոլ, թմրանյութ ու ծխախոտ օգտագործողները կրոնական, սոցիալ-մշակութային ու կարողա նաև գենետիկական հանգամանքների շնորհիվ։

[Տրիբուն]

Շաբլոն կարծիքներով, պատճառը սնունդն ու ապրելակերպն է։
ԱՄՆ-ում վերամշակված սննդի, ճարպակալման ու թմրանյութերի խնդիր կա, չնայած անտերը իբր զարգացած երկիր ա։
Հնդկաստանում աղքատ են, վերամշակված սնունդ չեն կարում առնեն ։Ճ Ստիպված ուտում են Աստված գիտի թե ինչ, բայց վայթե թարմ, ու տարբեր սպեցիաներով, որ վարակից չմեռնեն, մասնավորապես քրքումով։ Հետո շատերը ավտոմեքենա չեն կարում առնեն, ստիպված ռիքշա կամ հեծանիվ են քշում ։Ճ Հնդկաստանում շատ քիչ են ալկոհոլ, թմրանյութ ու ծխախոտ օգտագործողները կրոնական, սոցիալ-մշակութային ու կարողա նաև գենետիկական հանգամանքների շնորհիվ։

Հնդկաստանի բնակչության կեսը բացարձակ միս չի ուտում, 100%-անոց բուսակեր ա։

[Գաղթական]

2 ամսական երեխու օրինակ էի բերել, ինչի՞ մասին ա խոսքը..

Իմը 9 ամսական էր, երբ դիագնոզը դրեցին..
Նենց էր՝ ոչ անառողջ սնունդ էր օգտագործում, ոչ էլ՝ հարբած վախտ լիքը ծխում...

[StrangeLittleGirl]

Ի դեպ, հենց էդ աճի պահով, որտեղ կարդացել եմ ինքը դանդաղ աճողա ներկայացվել, բայց իմ դեպքում ամսական 1-1.5սմ արագությունա ունեցել, հիմա դա դանդաղնա թե արագնա։ :think
Հա, դե արագությունն ընդհանրապես միջիններով ա ասվում, նաև կախված ա, թե ինչ կարգի ատիպիկ են բջիջները։ Եթե շատ ատիպիկ են, շատ ավելի արագ ա աճը։ Ինչքան քիչ ա ատիպիկությունը, էնքան դանդաղ, ընդհուպ մինչև բարորակ։

Էլի եմ ասում. պատճառ որպես էդպիսին չկա։ Հնդկաստանում մարդկանց մեծ մասը բուսակեր ա, բայց եթե միս ուտելը լիներ պատճառ, Հնդկաստանում էդ մարդկանց շրջանում չարորակ ուռուցքները զրո կլինեին։ Եթե ծխելը լիներ թոքի քաղցկեղի պատճառ, չծխողները երբեք թոքի քաղցկեղ չէին ունենա։ Եթե վերամշակված սնունդը լիներ պատճառ, ամբողջ արևմուտքը առանց բացառության հիմա քաղցկեղ կունենար։ Էս բոլորն ընդամենը ռիսկը մեծացնում են, ոչ թե առաջացնում։ Հա՛, քաղցկեղ առաջանում ա նաև ամեն օր վազող, չծխող֊չխմող, նորմալ քաշով առողջ վեգանի մոտ, բայց շատ ավելի հազվադեպ, քան խմող, ծխող, չշարժվող ու սաղ օրը չիպս ու կոլայի վրա նստածի մոտ։

[VisTolog]

Ոնց նշել էի, հետվիրահատական առաջին ԿՏ-ն կլինի դեկտեմբերի կեսերին։ Վիճակագրությունն ասումա, որ առաջին 6-8 ամիսների ընթացքումա շատերի մոտ ռեցիդիվ լինում։


Չխախտելով ժամկետները։


https://i.imgur.com/OetBPps.jpg



Օնկոլոգի հետ չեմ հանդիպել, քիմիաթերապևտների հետ չեմ հանդիպել, կարծում եմ կարիք էլ չկա հանդիպելու, բացի քիմիայից այլ բան չեն կարող առաջարկել։
Կշարունակեմ ոչ ավանդական բուժումներս, հուսալով առնվազն աճի դանդաղեցման։ Մեկ ամիս անց նորից ԿՏ կանեմ, իսկ մինչև դա սկսեմ ստրատեգիա մտածել ։ՃՃ

Ցնդել եմ :8

[ivy]

Հայաստանում քաղցկեղի իմունոթերապիան բուժման տարբերակների մեջ չի քննարկվո՞ւմ։

Վիստ, ուրիշ երկրում բուժվելու մասին մտածե՞լ ես։

[VisTolog]

Հայաստանում քաղցկեղի իմունոթերապիան բուժման տարբերակների մեջ չի քննարկվո՞ւմ։

Վիստ, ուրիշ երկրում բուժվելու մասին մտածե՞լ ես։

Որքանով տեղյակ եմ Հայաստանում մենակ քիմիաթերապիան ու ճառագայթումն են կիրառում։ Հիմա ես եմ ինքս իմ իմունոթերապիան, հոգեթերապիան, չակրաթերապիան կազմակերպելու ))

Սինովիալ սարկոմայի դեպքում մենակ վիրահատական հեռացում ու թերապիաներ են արվում /եթե վերջին մեկ տարում բան չի փոխվել/։

[VisTolog]

Չխախտելով ժամկետները։


https://i.imgur.com/OetBPps.jpg



Օնկոլոգի հետ չեմ հանդիպել, քիմիաթերապևտների հետ չեմ հանդիպել, կարծում եմ կարիք էլ չկա հանդիպելու, բացի քիմիայից այլ բան չեն կարող առաջարկել։
Կշարունակեմ ոչ ավանդական բուժումներս, հուսալով առնվազն աճի դանդաղեցման։ Մեկ ամիս անց նորից ԿՏ կանեմ, իսկ մինչև դա սկսեմ ստրատեգիա մտածել ։ՃՃ

Ցնդել եմ :8

Հանդիպեցին /իմ տեղը/։
Առաջարկ 1
Ընդունել մատճելի քիմիա 6-8 կուրս, կաաաաարողա օգնի մի քանի ամիս ավել ապրել (5 ա-ով)

Առաջարկ 2
Ընդունել թանկ քիմիա 6-8 կուրս, կաաաաարողա օգնի վերևի պայմանով (5 ա-ով)

Առաջարկ 3
Եթե քիմիան չի օգնում, անցնել թարգեթային դեղահաբերի, որոնք դեռ փորձնական փուլում են, ավելի թանկ են բայց կաաաարողա շաաաատ քիչ հավանականությամբ ընդհուպ մինչև ռեմիսիա հասցնի:

Իհարկե ավելի հակված եմ թարգեթայինի /չհաշված արժեքը/։ Բացի դա, մկների մոտ պազոպանիբը մինչև 4 անգամ կարողացել է իջեցնել ուռուցքային բջիջների ակտիվությունը։, ենթադրում եմ նույնն էլ մարդկանց մոտ է կատարվում, հաշվի առնելով մի քանի ամիս ավել ապրելը թերապիա չստացողների համեմատ։

Ինչևէ, մեկ ամիս անց կհասկանանք ինչի իմաստ կա, ես շարունակում եմ լիքը տհաճ բաներ ուտել ու խմել))

[VisTolog]

:hi

ԱՄՆ-ում գործող հայ բժշկի հետ եմ կապի դուրս եկել, ինքը կարծես վերջին շանսնա էս ամենից բարեհաջող կերպով ազատվելու համար։
Խոսել ենք, թերապիա պլան է ուղարկել, որը պետք է իրականացնեմ, հուսամ եկող ամսվանից կկարողանամ էս մեկը վերջացնեմ ու անցնեմ իրա սխեմային։

Կլինիկան https://iminnergy.com/
Բժիշկը https://www.healthgrades.com/providers/vahe-melikyan-xyn285n

Սխեման


Supplements :
Jingli nei xiao - chinease formula
60 for 3 months
R-alpha lipoic acid 500 mg 3 times a day
150 for 3 months
Co enzyme q10 - 200 mg twice daily
300 for 3 months
Green tea extract egcg with vitamin c
80 for 3 months
Reishi mushroom extract 500 mg 3
times a day
80 for 3 months


Medication :
Fenbendazole 222 mg 5 days a week 2 days off
300 for 3 months
Metformin 250 mg : once every other day to control glucose
You can find this there very cheap in Armenia
Low dose naltrexone -1 mg up to 4 mg start with 1 mg at night before sleep and move up to 4 mg
500 for 3 months


IV therapy :
High dose vitamin c - start with 25 grams first move up to 75 grams 3 times a week
This one I have to calculate per iv , each iv is going to cost 125 so if you doing 3 times a week that’s 375 a week 4500 for 3 months
Alpha lipoic acid - start with 100 mg move up to 500 mg twice a week not on the same day as vitamin c
75 dollars a treatment x2 weekly X 12 weeks


Injectable :
Mistletoe M lectins helixor type - start with series one one injection 3 times a week
450 for 3 months
Peptides :
Thymosin alpha 1 - 100 mcg daily subq
600 for 3 months
PNC27 - 2 mg 3 times a week
1000 for 3 month


This is the cheapest calculation it’s 3 x more if you were getting treatment in my office .


This is a great start and will stop the progression


Հետաքրքիր է, որ սխեմայում կան դեղեր, որոնց ուռուցքասպան հատկությունը ապացուցված է արդեն 10-15 տարի, բայց չգիտես ինչու այն էդպես էլ լաբորատորիայի սահմաններից դուրս չեն հանել կամ էլ կիրառում են նենց դեղերի հետ, որ իր այդ ազդեցությունը կորցնում է։

Ըստ իր ցուցակի, արժեքը 8000$-ից ավելին է անում։ Ես ցուցակի մի մասը ճարել եմ Հայաստանում ու Ռուսաստանում, մի մասն էլ ԱՄՆ-ում ավելի մատչելի գնով, սակայն ամբողջական կուրսը վստահ սկսելու միջոց չունեմ էս պահին։ Իմ խնդրանքը ձեզ, որ հնարավորության դեպքում օգնեք հավաքեմ առաջին ամսվա գումարը, մինչև ինքս "հետ գցելով" կհավաքեմ մնացածը։ Անհրաժեշտ դեղերն ու հավելումները այստեղից-այնտեղից ճարելու դեպքում ինձ ամսական 700000 դրամ է հարկավոր, ներառյալ դեղերի արժեքը, բերել հասցնելը, քույրին վճարելը, ԿՏ անելը (հա, անվճար հասնումա ԿՏ, բայց հերթը չափազանց շատա իսկ ամեն ամիս պետպատվերից օգտվելը մի քանի օր թղթաբանություն), դիետաները։

Հասնել մոնոֆազ սինովիալ սարկոմայի բուժմանը, որի բուժումն օֆիցիալ բժշկությունը չունի կարծում եմ չափազանց մեծ ու անհավանական բան է ու ես (մենք) ունենք հնարավորություն էդ պատմական փաստին ներկա լինելու։ Այո, գիտությունը զոհեր է պահանջում:


NAME HOVHANNES HOVHANNISYAN
SWIFT: INJSAM22
Եվրոյով փոխանցումների համար։ 2050452545671040
Դոլարով փոխանցումների համար։ 2050452545671020
Դրամով փոխանցումների համար։ 2050452545671002

[Արամ]

:hi

ԱՄՆ-ում գործող հայ բժշկի հետ եմ կապի դուրս եկել, ինքը կարծես վերջին շանսնա էս ամենից բարեհաջող կերպով ազատվելու համար։
Խոսել ենք, թերապիա պլան է ուղարկել, որը պետք է իրականացնեմ, հուսամ եկող ամսվանից կկարողանամ էս մեկը վերջացնեմ ու անցնեմ իրա սխեմային։

Կլինիկան https://iminnergy.com/
Բժիշկը https://www.healthgrades.com/providers/vahe-melikyan-xyn285n

Սխեման


Supplements :
Jingli nei xiao - chinease formula
60 for 3 months
R-alpha lipoic acid 500 mg 3 times a day
150 for 3 months
Co enzyme q10 - 200 mg twice daily
300 for 3 months
Green tea extract egcg with vitamin c
80 for 3 months
Reishi mushroom extract 500 mg 3
times a day
80 for 3 months


Medication :
Fenbendazole 222 mg 5 days a week 2 days off
300 for 3 months
Metformin 250 mg : once every other day to control glucose
You can find this there very cheap in Armenia
Low dose naltrexone -1 mg up to 4 mg start with 1 mg at night before sleep and move up to 4 mg
500 for 3 months


IV therapy :
High dose vitamin c - start with 25 grams first move up to 75 grams 3 times a week
This one I have to calculate per iv , each iv is going to cost 125 so if you doing 3 times a week that’s 375 a week 4500 for 3 months
Alpha lipoic acid - start with 100 mg move up to 500 mg twice a week not on the same day as vitamin c
75 dollars a treatment x2 weekly X 12 weeks


Injectable :
Mistletoe M lectins helixor type - start with series one one injection 3 times a week
450 for 3 months
Peptides :
Thymosin alpha 1 - 100 mcg daily subq
600 for 3 months
PNC27 - 2 mg 3 times a week
1000 for 3 month


This is the cheapest calculation it’s 3 x more if you were getting treatment in my office .


This is a great start and will stop the progression


Հետաքրքիր է, որ սխեմայում կան դեղեր, որոնց ուռուցքասպան հատկությունը ապացուցված է արդեն 10-15 տարի, բայց չգիտես ինչու այն էդպես էլ լաբորատորիայի սահմաններից դուրս չեն հանել կամ էլ կիրառում են նենց դեղերի հետ, որ իր այդ ազդեցությունը կորցնում է։

Ըստ իր ցուցակի, արժեքը 8000$-ից ավելին է անում։ Ես ցուցակի մի մասը ճարել եմ Հայաստանում ու Ռուսաստանում, մի մասն էլ ԱՄՆ-ում ավելի մատչելի գնով, սակայն ամբողջական կուրսը վստահ սկսելու միջոց չունեմ էս պահին։ Իմ խնդրանքը ձեզ, որ հնարավորության դեպքում օգնեք հավաքեմ առաջին ամսվա գումարը, մինչև ինքս "հետ գցելով" կհավաքեմ մնացածը։ Անհրաժեշտ դեղերն ու հավելումները այստեղից-այնտեղից ճարելու դեպքում ինձ ամսական 700000 դրամ է հարկավոր, ներառյալ դեղերի արժեքը, բերել հասցնելը, քույրին վճարելը, ԿՏ անելը (հա, անվճար հասնումա ԿՏ, բայց հերթը չափազանց շատա իսկ ամեն ամիս պետպատվերից օգտվելը մի քանի օր թղթաբանություն), դիետաները։

Հասնել մոնոֆազ սինովիալ սարկոմայի բուժմանը, որի բուժումն օֆիցիալ բժշկությունը չունի կարծում եմ չափազանց մեծ ու անհավանական բան է ու ես (մենք) ունենք հնարավորություն էդ պատմական փաստին ներկա լինելու։ Այո, գիտությունը զոհեր է պահանջում:


NAME HOVHANNES HOVHANNISYAN
SWIFT: INJSAM22
Եվրոյով փոխանցումների համար։ 2050452545671040
Դոլարով փոխանցումների համար։ 2050452545671020
Դրամով փոխանցումների համար։ 2050452545671002

Հով ջան, հեռախոսի համար, կամ իմեյլ էլ թող, որ ԻնեկոԸնկերով հեշտ լինի փոխանցել։

[VisTolog]

Հով ջան, հեռախոսի համար, կամ իմեյլ էլ թող, որ ԻնեկոԸնկերով հեշտ լինի փոխանցել։

Չեմ ֆայմում էլի

077828522
[email protected]

idram 722439278
arca 4578890000148302

:hi

[Yellow Raven]

Վիստ, մի հատ ափդեյթ կանես ինչ վիճակա հիմա? Պետքա ամբողջ գումարը հավաքվի, որ հնարավոր լինի բուժումը սկսել?

[VisTolog]

Վիստ, մի հատ ափդեյթ կանես ինչ վիճակա հիմա? Պետքա ամբողջ գումարը հավաքվի, որ հնարավոր լինի բուժումը սկսել?

Էս թեմայում վերջին գրելուցս հետո ևս մեկ բուժման տարբերակ գտա՝ Էսկոզին, կապույտ կարիճի թույնից պատրաստված սննդային հավելում։

Երկար եմ գրելու :D

ԿԿԹ (կապույտ կարիճի թույնից) պատրաստվող դեղը ստեղծվելա Արթուր Միքայելյանի ղեկավարությամբ ու վերջին 20 տարում գնալով կատարելագործվել։ Կան վկայություններ, որ ոտքի վրա առաջացած ուռուցքի մետաստազները դեղը կարողացելա վերացնի, որից հետո նոր վիրահատվելա հիմնական ուռուցքը։ Միքայելյանի հարազատ ու ոչ հարազատ եղբայրները նույնպես մասնակցում են էս գործում․ Տիգրանը Հայաստանում, Հրանտը Մոսկվայում։ Ավելի մանրամասն էս (http://sisian.info/other-news/810-%D5%AF%D5%A1%D5%BA%D5%B8%D6%82%D5%B5%D5%BF-%D5%AF%D5%A1%D6%80%D5%AB%D5%B3%D5%AB-%D5%A9%D5%B8%D6%82%D5%B5%D5%B6%D5%A8%D5%9D-%D6%84%D5%A1%D5%B2%D6%81%D5%AF%D5%A5%D5%B2%D5%AB-%D5%A4%D5%A5%D5%B4-%D5%BA%D5%A1%D5%B5%D6%84%D5%A1%D6%80%D5%AB-%D5%B4%D5%AB%D5%BB%D5%B8%D6%81.html?fbclid=IwAR03nSI_KkAl76Og_Q_uqPdNbVtKlnNUYBGEWEJ-2NGq5QQsp-OhA8yQrKc) նյութում կա գրած։ Էսկոզինը՝ ԿԿԹ-ն Հայաստանում իբր պետքա անվճար տային, բայց հետները խոսեցի ու արդյունք չստացա։

Վիտամին Ց-ի թերապիան ու կարիճի թույնը աշխատում են նույն մոտեցմամբ, պարզապես Ց-ի դեպքում ընթացքը մի քիչ այլա, 14 տեսակի հավելումներ, վիտամիններ, կաթիլային, սրսկումներ, դեղեր։ Քանի որ Ց-ի կուրսը սկսելու համար առնվազն 8000$-ա պետք, ես որոշեցի փորձել կարիճի թույնը, մինչև որ գումարը կհավաքվի ու միգուցե ԿԿԹ-ով էլ նենց արդյունքներ ունենամ ու Ց-ի անցնելու կարիք էլ չլինի։ Սկզբում հաշվարկել էի, որ 4000$-ով կպրծնեմ, բայց հետո պարզվեց, որ բարձր դոզայի վիտամին Ց նախ չի վաճառվում Հայաստանում /ու շատ երկրներում/, քանի որ կիրառման տեղ չունի բացի ալտերնատիվ քաղցկեղաբուժությունը ու ես մենակ Ց-ն ունենալու համար պետքա առնվազն 4500$ ծախսեմ։ Դեղագործականների հետ էլ եմ խոսել՝ ձև չունեն սարքելու։

ԿԿԹ-ն ԱՄՆ-ում ու Եվրոպայում արժի 700-750$ մեկ ամսվա համար, Մոսկվայում՝ 600$, Հայաստանի համար՝ 500$։ Խոսեցի Մոսկվայի Medolife-ի հետ, 500 ուղարկեցի, ԿԿԹ-ն ուղարկեցին։ Տաս օր կլինի, որ կարիճը ընդունում եմ։ Փոփոխություն չեմ զգում, որովհետև սիմպտոմներ էլ չեմ ունեցել /քունսա մի քիչ կարգավորվել, բայց դա կարա զուգադիպություն լինի/։

ԿԿԹ-ն անհրաժեշտա ընդունել առնվազն երեք ամիս, դրա հետ միասին նաև իմ ունեցած բուսական թուրմերն ու դիետան եմ պահում։ Հաշվարկը սենցա․ երեք ամիս փորձել ԿԿԹ-ն ընդունել ու էդ ընթացքում նավսյակի գումար հավաքել Ց-ի թերապիայի համար։


Ունենք երկու ընթացք, երբ ԿԿԹ-ն օգնումա և երբ չի օգնում․

Համարենք ԿԿԹ-ն վերացնումա մետաստազները երրորդ ամսին, ես դա շարունակում եմ ընդունել ևս մի քանի ամիս՝ խորհրդակցելով արտադրողների հետ։

Եթե ԿԿԹ-ն ոչ մի արդյունք չի տալիս, ես էլ երեք ամսվա ընթացքում հավաքած եմ լինում առնվազն 6000, ապա բերում հասցնում եմ Ց-ի թերապիայի ամբողջ քանակությունը ու անցնում էդ մի էքսպերիմենտին։

Հիմա հարց կառաջանա, իսկ երկուսը միասին հնարավո՞ր չի օգտագործել․ պատասխան՝ չգիտեմ ու կարծում եմ ոչ մեկ հստակ չի կարա ասի Ց վիտամինի նորմայից մի քանի հարյուր անգամ ավել դոզան ինչ կարա անի էդ թույնի ու օրգանիմի հետ, չնայած համոզված եմ առաջին մարդը չեմ, ով էդ կուրսը կանցնի։





ՀՏՀ

Ո՞նց եմ ինձ զգում
- Լավ եմ, բողոքներ չունեմ, փորձում եմ հասկանալ իմ առաքելությունն այս կյանքում ։ՃՃ

Ի՞նչա հարկավոր էս պահին
- Էս պահին վստահությունա հարկավոր, որ ԿԿԹ-ի պռավալի դեպքում ես հանգիստ կկարողանամ սկսել Ց-ի կուրսը։ Դրա համար հարկավորա ունենալ առնվազն երեք ամսվա ԿԿԹ-ի գումար՝ 1500$ + առնվազն 8000$ Ց-ի կուրսի համար։

Ինչի՞ էր gofundme-ում 15000$ գրված իսկ հիմա 9000$:

15000$, որովհետև հաշվարկվել են
- Ց-ի կուրսի արժեքը
- ԿԿԹ-ի մի քանի ամսվա արժեքը
- կաթիլային միացնողի ծառայությունները
- հետազոտությունները
- դիետան
- չնախատեսված իրավիճակներ
- հնարավոր պահումներ փոխանցումների ժամանակ
- դեղերի առաքման արժեքները

Ինչի՞ա հիմա 9000$
- Բանկային փոխանցումներով արդեն 5000$-ից ավել հավաքվելա

Հիմա ի՞նչ եմ ընդունում, խմում, ուտում
- ուտում եմ բուսական սնունդ
- խմում եմ բուսական սնունդ :D
- ընդունում եմ դեռ երեք ամիս առաջվանից սկսված դեղաբույսերի թուրմեր

Ե՞րբ կլինի հաջորդ հետազոտությունը
- Եկող ամսվա մինչև 10ը ԿՏ կանեմ, դեռ չգիտեմ միայն թոքեր թե որովայնն էլ հետը։ Առաջին ամսում փոփոխություններ տեսնել չեմ ակնկալում, սակայն դինամիկան կկարողանամ հասկանալ։
- Պրոֆիլակտիկ ամեն ամիս արյան անալիզ եմ տալիս, հասկանալու փոփոխությունները։ Կոնկրետ վերջին անալիզում հոմեգլոբինս նորմալացրել էի, եկողին պետքա նորմայի սահմաններում ավելի բարձր լինի։

ՀԳ Ցավալի փաստ արձանագրվեց, որ կամ պետքա անչափահաս լինես որ օգնեն, կամ ուսանող աղջիկ կաաամ էլ Նիկոլը գա ասի "ձեռք էլ ունես, ոտք էլ ունես, գնա աշխատի"։ Փոխանցումների 99% արել են ծանոթ մարդիկ, ներառյալ նաև ակումբցիներ ու սա էն դեպքում, երբ կոնկրետ ֆեյսբուքով գովազդա միացված եղել թե Հայաստանում թե դրսում ապրող հայերին թիրախավորելով, տասնյակ հազարավոր դիոտւմներով։


Եթե հետաքրքրում է Էսկոզինը, կարող եք նայել

https://www.youtube.com/watch?v=rxPjb8WWY44&t=1002s

https://www.youtube.com/watch?v=046SfnjzGgc

[Yellow Raven]

ՀԳ Ցավալի փաստ արձանագրվեց, որ կամ պետքա անչափահաս լինես որ օգնեն, կամ ուսանող աղջիկ կաաամ էլ Նիկոլը գա ասի "ձեռք էլ ունես, ոտք էլ ունես, գնա աշխատի"։ Փոխանցումների 99% արել են ծանոթ մարդիկ, ներառյալ նաև ակումբցիներ ու սա էն դեպքում, երբ կոնկրետ ֆեյսբուքով գովազդա միացված եղել թե Հայաստանում թե դրսում ապրող հայերին թիրախավորելով, տասնյակ հազարավոր դիոտւմներով։

Ես էլ էի էն օրը նույն բանը մտածում ճիշտն ասած․․․

[VisTolog]

Ես էլ էի էն օրը նույն բանը մտածում ճիշտն ասած․․․

Ես համոզված եմ, որ գումարը կհավաքվի, լինի դա կանխիկով թե փոխանցումով։ Խնդիրը շատ մեծ ու խորնա․ եթե անչափահաս չես, էլ չեմ ասում 27 տարեկան յեքա մարդ ես, դա էլ քիչա գոնե քիմիայի գումար ուզես ուզում ես լրիվ այլ տեսակի բուժման միջոցներ փորձես, որից ոչ մեկ տեղյակ չի, իսկ տեղյակ չի որովհետև համատարած տանում են վիրահատության ու սովորաբար անօգուտ թերապիաների։ Ինձ թվումա ստեղ ավելի շատ իմ նկատմամբ հավատնա մղում աջակցության քան մեթոդի նկատմամբ հավատը։ Սա մի կարևոր clinical trial-ա, որը ես կանցնեմ, քանզի վախենալու ու կորցնելու բան ցավոք էլ չունեմ, բայց շահելու լիքը հավատ ու ցանկություն ունեմ։

Ավելի մանրամասն "անիրական" արդյունքների հասնելուց հետո կխոսեմ :))

[VisTolog]

:hi

Թոքերի ԿՏ-ի ժամանակն էր երեկ։ Դրական դինամիկա դեռ չունենք։

Ըստ թոքերի սեգմենտների չափերը հետևյալն են


փետրվար 3




S1
2.1
1.9


S10
1.2
1


S10
2.3
1.9


S1+2
0.7
0.5


ապրիլ 3




S1
2.8
2.5


S10
2.1
1.7


S10
4.8
3.8


S1+2
1.5
1.1



https://o.quizlet.com/mQ7Rx4OH9bIQSye3KkChWg_b.png

Էս նույն դինամիկան եթե հաշվենք, դեռ վիրահատությունից առաջ արված ԿՏ-ն պետքա խնդիրներ ցույց տար։GoFundme-ն մոտ օրերս կփակեմ, քանի որ կորոնայով պայմանավորված ոչ մեկ դրա ֆինանսն ու ժամանակը չունի։ Էսկոզին դեղամիջոցը տվող մենեջերը ասեց պատմությունդ ուղարկի, փորձենք մեր կանալներով տարածել։https://i.imgur.com/gtxTLtB.jpg

[Yellow Raven]

https://www.facebook.com/donate/2367415226893575/


Update 4/8/20

Մեկ ամիս առաջ պարզվեց, որ ձախ թոքում հեղուկ է հավաքվել։ Շնչարգելության խորացման պատճառով շտապօգնության մեքենայով տեղափոխվեցի Միքայելյան հիվանդանոց։ Հեղուկի հեռացման ստանդարտ մեթոդները քանի որ չօգնեցին, որոշվեց վիրահատության գնալ։

Այս պահին հիվանդասենյակում եմ, թթվածնի սարքով հեմոգլոբինս և շնչառությունս ենք փորձում կարգավորել։ Երկու դրենաժներից մեկն այսօր կհանվի։ Ընդհանուր մոտ 2.5 լիտր հեղուկ է արդեն դուրս եկել։

Շնչառությանս մեջ էական առաջընթաց չկա։ Տնային օգտագործման համար թթվածնի կոնցենտրատոր պետք է գնել, որպեսզի տանը շնչառական խնդիրներ չլինեն (թթվածնի սարք + շարժական փոքր բալոն)։

Դրամահավաքի նպատակն է ծածկել հիվանդանոցային ծախսերը և շարունակել բուժումը։

Փոխանցում կարող եք կատարել նաև այլ տարբերակներով

Ստացող։ Հովհաննիսյան Հովհաննես Գագիկի

Ինեկոբանկ / Инекобанк

2050452545671002 AMD
2050452545671020 USD
2050452545671040 EUR

iDram
722439278

QIWI RUB / EUR / USD
37477828522

Ineco Friend

Իմ պատմությունը

Անունս Հովհաննես է, 27 տարեկան եմ։ Ունեցել եմ մի քանի վիրահատություն, որոնցից երկուսը ոչ դրական ելքով և հավանական է, որ հենց այդ վիրահատությունների պատճառով էլ 2019թ․-ին ինձ մոտ հայտնաբերվեց բարձր կարգի չարորակության ուռուցք – սինովիալ սարկոմա։ Ախտորոշումը հաստատեցին Հայաստանի և ԱՄՆ-ի լաբորատորիաները։

Բժիշկների հետ խորհրդակցելուց հետո որոշվեց գնալ անդամահատման, քանի որ դա միակ շանսն էր ուռուցքից վերջնական ազատվելու։ Ուռուցք առաջացել էր ծնկան հատվածում և անդահամատումը կատարվեց ազդրի միջին հատվածից։

Այս տարվա փետրվարին անցկացված հետազոտությունը ցույց տվեց, որ առկա են օջախներ՝ մետաստազներ թոքերում։

Ինձ առաջարկվեց ընդունել քիմիոթերապիայի կուրս՝ առանց ոչ մի երաշխիքի, որ այն կարող է օգնել։ Խորհրդակցելով արտասահմանի բժիշկների հետ և ուսումնասիրելով հիվանդանոցների փորձը հասկացա, որ քիմիոթերապիան ինձ ոչնչով չի կարող օգտակար լինել։

Վերջերս ծանոթներիցս իմացա հաջողությամբ կիրառվող մի դեղամիջոցի՝ Էսկոզինի մասին։ Այն արտադրում է Մեդոլայֆ ընկերությունը։ Դեղամիջոցը ունեցել է բավականին լավ արդյունքներ ուռուցքների բուժման հարցում և եթե ոչ բուժել, ապա առնվազն երկարացրել է հիվանդների կյանքը բավականին երկար տարիներ։

[Cassiopeia]

Վիստը գնաց ։
Հոգեհանգիստը վաղը՝ 3-րդ մանկական հիվանդանոցի մոտի դիահերձարանի սգո սրահում։ Ժամը 5-ից։

[Sambitbaba]

Վիստը գնաց ։
Հոգեհանգիստը վաղը՝ 3-րդ մանկական հիվանդանոցի մոտի դիահերձարանի սգո սրահում։ Ժամը 5-ից։

Ահավոր ցավալի է: Հանգստություն իրեն...

[ivy]

Էդքան պայքարելուց ու էդքան փորձություններից հետո...
Շատ տխուր է ու դաժան:

[Adam]

հանկարծ սենց անարդար մահերի ականատես լինելուց հետո կյանքը սկսում ա իր իմաստը կորցնել ու մտածում ես՝ էդքան պայքարելուց հետո…

Վիստին երկու անգամ եմ հանդիպել 12 տարի առաջ: Հիմնականում վիրտուալում եմ շփվել հետը բայց նենց տպավորություն էր, որ իրար ամբողջ կյանք ճանաչել ենք:
Մնաս բարով, ընկեր: Տխուր եմ: Բայց հիշում եմ, որ շատ էիր տանջվում ու հուսամ խաղաղության մեջ ես՝ վերածնված կամ էլ ուրիշ պարամետրում:

Հենց մեր վերջին մեսենջերային խոսակցության բովանդակությունը հրաշքի պես թող ճիշտ դուրս գա ու վերածնված լինես ու էս ամեն ինչը թող հրաշքի պես ընդամենը մի ակնթարթային ու փոքրիկ անցում լինի դեպի ուրիշ փուլ:

[Sambitbaba]

Հենց մեր վերջին մեսենջերային խոսակցության բովանդակությունը հրաշքի պես թող ճիշտ դուրս գա ու վերածնված լինես ու էս ամեն ինչը թող հրաշքի պես ընդամենը մի ակնթարթային ու փոքրիկ անցում լինի դեպի ուրիշ փուլ:

Էդպես էլ կա:

[Adam]

ներսումս ամեն ինչ սառեց: Խոսք չունեմ, նույնիսկ արցունք չունեմ աչքերիս մեջ: Ու տխրությունն էնքան մեծ ա որ նույնիսկ լացել չեմ կարա: Այդ էդ աստիճանի սառած եմ:

[Moonwalker]

Վիստը գնաց։

Ո՞նց էլի, ինչի՞։ Հավատում էի, որ հաղթահարելու ա...
Ինչքան հարազատ էր։

[Հարդ]

Վիստը չի գնացել, ինքը չի կարա գնա: Վերջին տարիներին ընդհանրապես չենք շփվել, բայց 2010 - 2012 թվերին իրա հետ քիչ չենք հանդիպել ու շփվել: Իրա տեսակը ամեն ինչին ուշադիր, նկատող ու իրա հետաքրքրությունները հիմք են տալիս մտածելու, որ հիմա ինքը ինչ - որ ձևով կա: Կարող ա ինչ որ ուրիշ գալատիկայում նորից ա ծնվել ու ընդեղ երևի ավելի լավ կյանք կա, կարող ա ինքը հիմա օդ ա ու շարունակում ա հետևել մեզ: Ցանկացած անիրական տարբերակի ավելի շատ եմ հավատում, քան Վիստի չլինելու տարբերակին: Ես գիտեմ որ կարդում ա:

[Ուլուանա]

Աչքներիս առաջ մեծացած չարաճճի ու հետաքրքրասեր Վիստը էլ չկա...
Ինձ թվում էր` դեռ էդքան վատ չի, դեռ ժամանակ կա, նույնիսկ եթե չբուժվի: Չէի պատկերացնում, որ էսքան շուտ կգնա...

Հիշում եմ` ինչքան էր հետաքրքրվում պարանորմալ երևույթներով, ենթադրում եմ, որ մահից առաջ` էլ ավելի շատ: Հիմա արդեն կգտնի իրեն էդքան հետաքրքրող հարցերի պատասխանները:

[ivy]

Էս թեմայից դեռ իր ձայնն է գալիս: Իր ուժն ու լավատեսությունը էդպես էլ կմնան էստեղ:
Իր հին նկարներն էի նայում: Պայծառ ու խելոք դեմքը, սիրուն խուճուճները:
Լույս դառնաս, լուսավոր տղա:

[Yellow Raven]

Վիստը չի գնացել, ինքը չի կարա գնա: Վերջին տարիներին ընդհանրապես չենք շփվել, բայց 2010 - 2012 թվերին իրա հետ քիչ չենք հանդիպել ու շփվել: Իրա տեսակը ամեն ինչին ուշադիր, նկատող ու իրա հետաքրքրությունները հիմք են տալիս մտածելու, որ հիմա ինքը ինչ - որ ձևով կա: Կարող ա ինչ որ ուրիշ գալատիկայում նորից ա ծնվել ու ընդեղ երևի ավելի լավ կյանք կա, կարող ա ինքը հիմա օդ ա ու շարունակում ա հետևել մեզ: Ցանկացած անիրական տարբերակի ավելի շատ եմ հավատում, քան Վիստի չլինելու տարբերակին: Ես գիտեմ որ կարդում ա:

Երևի ավելի լավ բառեր չեմ էլ կարա ընտրեմ, որ ասեմ էն ինչ մտածում եմ ու մտքումս կատարվումա։ Լրիվ նույն բանն երեկ իմ մտքում էր կատարվում, երբ իմացա թե ինչա եղել։
Մինչև հիմա հիշում եմ Վիստի հետ ռեալում ծանոթանալու պահը՝ Երիտասարդական մետրոյի դիմաց էր, հետո սկսեցինք քայլել, խոսալ։ Հետո մոտակա տարիների ընթացքում ավելի լավ ճանաչեցի Վիստին, իրար շատ էինք ձեռ առնում, կատակներ անում տարբեր։ Կարելիա ասել, որ ուսանողական տարիներիս ամենամոտ ընկերներից մեկն էր Վիստը, միշտ կհիշեմ իրա հետ խոսակցություններն ու անհոգ օրերը, որ անցկացրել ենք իրար հետ։
Վերջին տարիներին համարյա չէինք շփվում ավաղ։ Հիվանդության մասին որ իմացա, մտածում էի կհաղթահարի, կհանդիպենք մի օր էլի, կնստենք Սունդուկյանի այգում, կխոսանք... Չգիտեմ, շատ դաժանա սենց իրականությունում ապրելը, երբ Վիստի նման մարդիկ են սենց ջահել տարիքում գնում։
Մի օր հուսով եմ դեռ կհանդիպենք Հովոյի հետ, թեկուզ Հարդի ասած ուրիշ գալակտիկայում լինի։

[Արէա]

Լինկին Պարկի դիսկն էր մոտը, երևի մի տաս տարի առաջ, աչքերը փայլեցնելով հարցրեց ինչ կարծիք ունեմ խմբի մասին։
Վիստը միակ ակումբցին ա, ում հանդիպել եմ ակումբից դուրս։
Ասեցի առանձնապես չեմ հավանում։ Տխրեց մի քիչ։
Վեստում պիվա էինք խմում։
Տխուր ա։

[Agni]

Երեկվանից շատ տխրեցի ու ցավալիա շատ։
Մոտ 8 տարի ընդհանրապես կապ չեմ ունեցել ցավոք, բայց երբ նոր էի գրանցվել ակումբում,ինքը շատ էր օգնում տեխնիկական հարցերում։ Ու մի դեպք , որ երբեք չեմ մոռանում...
10 տարի առաջ, Մագիստրական թեզիս համար օդի ջրի պես մի գիրք էր պետք, չէի գտնում ոչ մի կերպ։ Մի օր գրեցի իրեն' Վի'ստ, պիտի գտնես ինձ համար էս հեղինակի գիրքը, ու գտավ... ուղարկեց ինձ ու փրկեց։ Մի օր էլ որպես շնորհակալություն մեր մանկության քաղցրավենիքներից հավաքեցի ու տարա իրա աշխատավայր. չէր սպասում ու էսօրվա պես հիշում եմ երեխայական փայլուն աչքերով հայացքը...
Հանգչես խաղաղությամբ...

[CactuSoul]

Երեկվանից խուսափում եմ էս թեմայից: Կյանքս էլ նենց խառն ա հիմա, էնքան իրարից տարբեր անհրաժեշտ բաներ կան, որոնց մասին ստիպված եմ մտածել, որ հաճախ հաջողվում ա չկենտրոնանալ, չմտածել, չգիտակցել եղածը:
Ես դեռ չհավատալու, չհամակերպվելու փուլում եմ:
Բայց մեկ էլ հանկարծ աչքիս առաջ են գալիս էն խելոք ու միևնույն ժամանակ չարաճճի փայլով աչքերը ու մեղմ, համեստ ժպիտը, ու... չգիտեմ, աչքերս լցվում են, չեմ ուզում մտածել էս մասին...

[Rammstein]

Վիստի հետ ակումբից դուրս շատ չեմ շփվել, վերջին անգամ կարծեմ բավական վաղուց, պատահական հանդիպել եմ զինկոմիսարիատում, կամիսիայի ժամանակ։ Նույնիսկ հիշում եմ, Շահումյանի զինկոմիսարիատն էր։ Բայց ակումբի շրջանակներում շփումը հերիք էր, որ իրեն համարեմ շատ դրական մարդ։ Չեմ կարա չհիշեմ, որ ես ու ինքը նույն օրը պլեբ յուզերից դառանք մոդերատոր, ես Ժամանց բաժնում, ինքը՝ Դեսից-դենից։ Կայֆ ժամանակներ էին։ Իսկ հիմա, ինչքան էլ վերջին տարիներին շփում չի եղել, ահավոր դժվար ա պատկերացնելը, որ մարդը, ում հետ նույն տարածքում, թեկուզ վիրտուալ, էդքան ճանապարհ ես անցել, էլ չկա։

Ու ինչքան էլ, որ արդեն գիտեի, որ առողջական խնդիրը էդպես էլ չի լուծվել ու հասկացել էի, որ հաղթահարելու հավանականությունը արդեն շատ փոքր ա, երեկ որ իմացա, շատ շոկային էր, ահավոր տխրեցի։

[Դատարկություն]

Վիստի հետ ծանոթացել էի, երբ ակումբում էի գրանցվել։ Դա 2009-ին էր՝ ավելի քան 10 տարի առաջ։ Երկուսս էլ ինչ-որ կեղծ գիտական կոնսպիրոլոգիա էինք սիրում, ժամերով իրար հետ խոսում էինք. մոտիկ ընկերներ էինք դառել։ Մի պահ ավելի էինք մոտիկացել ու սկսել հանդիպել իրար հետ տարբեր տեղերում. Վիստը կարար գար Վանաձոր, ես էլ գնում էի Երևան, իրար հետ ժամերով քայլում էինք ու խոսում։ Հիշում եմ, մի անգամ Հրազդանի կիրճում երկա՜ր քայլել ենք։ Բայց էն ժամանակ չգիտեի, որ դա Հրազդանի կիրճն էր։ Վիստը Վանաձորի երկաթուղում քայլել էր շատ սիրում, մի հատ կամուրջ կար, ասում էր՝ լավ հիշողություններ ունի դրա հետ կապված։

Վիստը շատ ուրախ էր ու դրական, ու ես միշտ զարմանում էի, թե ոնց կարելի ա դեպրեսիվ չլինել։ Նույնիսկ ինչ-որ մանր վեճեր որ ունենում էինք, ինքը միշտ դրական ու ուրախ գրում էր, խոսում-հասկանում էինք. մի բան, որը ես հաստատ չէի անի։ Ինձ թվում ա, ակումբում մեր ակտիվության հետ էդ ընթացքում դանդաղ մարեց նաև մեր մտերմությունը։

Հինգ տարի առաջ, ինչ-որ ընդհատակյա կյանք վարելուց իրան նորից հանդիպեցի. շատ պատահաբար։ Սկզբում չէի հավատում, որ իրան նորից եմ հանդիպել ու գտել։ Հետո սարսափելի ուրախացել էի, որ վերագտել եմ իրան։ Ինքը պատմեց, թե հինգ տարիների ընթացքում ինչեր են եղել ու ինչերի միջով ա անցել։ Բայց մի տեսակ էդ ամեն ինչը էնքան անիրական էր թվում։ Նորից մի պահ մոտիկացանք իրար հետ, հանդիպում էինք, խոսում, քայլում Կոմիտասի այգում։ Էդ ժամանակ արդեն գիտեի Կոմիտասի այգին ու Հրազդանի կիրճը ու երևանցի էի դառել։ Խոսակցությունների ժամանակ ասում էր, որ ոտքի հետ կապված խնդիրներ ունի, բայց էդ խնդիրները դեռ շատ լուրջ չէին թվում, ինձ թվում ա՝ ոչ իրան, ոչ էլ ինձ։ Հետո մի հատ ընդհանուր ընկեր ունեցանք, որի միջոցով ավելի շատ սկսեցինք շփվել իրար հետ։

Վերջերս հազվադեպ էինք շփվում։ Վերջին անգամ, որ խոսացել էինք, ինչ-որ մեկի մասին էր հարցնում ու ես ձև էի բռնել, թե ոչինչ չգիտեմ։ Բայց էլի ինքը չէր նեղվել ու դրական էր խոսում։ Մեկ-մեկ հայտնվում էր ու էլի կորչում։

Ինձ թվում ա, վերջին մտերմանալուց հետո իմ պատճառով ա մեր մտերմությունը սառել. որովհետև էդ ընթացքում բոլորի հետ շփումն ա սառել։ Հիմա փորձում եմ մեղք չզգալ, որ ավելի հոգատար ու մոտիկ չեմ եղել ժամանակին։ Մենակ մտնում էի իր մասին թեման էի կարդում ակումբում, հետո էլի գնում իմ գործերով։ Մտածում եմ նաև, որ էս ամեն ինչը իրան ժամանակին կարելի էր ասել։ Թե ինչքան շնորհակալ եմ, որ ժամանակին, երբ ես շատ բաներ չէի հասկանում, ինքը ավելի ճարպիկ ու դրական լինելով, ինձ սովորացրել ա, օգնել ա ու չի թողել, որ կորչեմ։ Թե ինչքան շնորհակալ եմ, որ ժամանակին, երբ Վանաձորում մենակ էի ու չհասկացված, ինքը օգնեց հավատալ, որ ես կարող եմ ինձ սիրող ընկերներ ունենալ։ Թե ինչքան շնորհակալ եմ, որ սեռականության մասին մեր ժամերով խոսակցությունները թույլ տվեցին ինձ աշխարհին այլ կերպ նայել։ Մտածում եմ նաև, որ ինքը դժվար ուզենար, որ իրա մահանալուց հետո էս ամեն ինչը իրա մասին գրեի, որովհետև ես էլ չէի ուզի։ Ու չնայած որ, փորձում եմ շատ բաներ վանել ու չխորանալ, ինչ-որ տեղ մտքերիս մեջ ես ինձ մեղավոր եմ զգում, որ երբ պետք էր բավականին աջակցող չեմ եղել ու բավականին ընկերասեր չեմ եղել ու երևի, երբ ինքը դրա կարիքը ամենաշատն էր զգում։ Երբ էն մեր ընդհանուր ընկերոջ հետ էի ապրում, իրան ամեն անգամ տենալիս Վիստին էի հիշում, մտածում էի՝ տենաս ոնց ստացվեց, որ երկուսս էլ չենք շփվում հետը, բայց տես, իրար ֆլեթմեյթ ենք դառել։

Իմ մտքում ինքը միշտ կմնա իր սիրած Նիբիրու մոլորակի վրա, իրա ինդիգո հոգով ու մազերով։

[Smokie]

Երբեք մտքովս չի անցել, որ կարող ա նման բան լինի: Անգամ երբ գիտեի, որ առողջական խնդիրներ ունի: Միշտ հավատում էի, որ ապրելու ա ու տեսնելով իրա պոզիտիվ, հումորային պատմելաոճը` էլ ավելի էի համոզվում դրանում: Ու ոգևորում էի` փորձում էի էլ ավելի դուխ տալ:

Վիսթը: Վիսթս: Ինքը իմ առաջին ակումբային տարիներին ա տպավորվել մոտս: Չարաճճի կատակասերը: Օյինբազը: Մեկ-մեկ էլ երևի ներվայնացնում էի իրան իմ անփորձությամբ: Ժամանակի ընթացքում սկսեցինք առաջվա պես շատ չշփվել ու ինքն էլ փոխվեց էդ ժամանակահատվածում` դառավ բոլորի պես "չկծան": Յուրահատուկ էր, որպես մարդ ու որպես ընկեր, որին երբեք բախտ չվիճակվեց անձամբ հանդիպելու: Միշտ մնաց վիրտուալ մարդ իմ համար ու միշտ հենց էդպես եմ հիշելու իրան` ուզեմ, թե չուզեմ:

Էսօր նոր եմ իմանում... Չկարողացա չգրել էստեղ: Անգամ երեկ կարող էի հասկանալ, որ մի լուրջ բան ա պատահել` կարող էի նման կասկածներ ունենալ, բայց էլի մտքիս ծայրով չանցկացրեցի: Երևի ճիշտ ա ասում Հարդը: Կուզեի հավատալ, որ հիմա մեր հետ ա:
Չէի էլ կարող իմանալ ամսվա սկզբին` հանգամանքների բերումով: Հաստատ չէի կարող: Ու եթե անգամ իմանայի` ոչինչ չէի կարողանա փոխել: Ծանր կտանեի, կտխրեի, բայց անգամ համացանց չունեի, որ էստեղ գրեի: Ոչ էլ կկարողանայի տեսնել նրան առաջին ու վերջին անգամ: Հիմա, որ ուշացումով եմ իմացել` մտածում եմ, որ էն ժամանակ իմ համար ավելի բարդ կլիներ` երբ հնարավորություն չկար:

Աստված հոգիդ լուսավորի իմ խուճուճ ընկեր:

[Arjo]

Վիստը գնաց ։
Հոգեհանգիստը վաղը՝ 3-րդ մանկական հիվանդանոցի մոտի դիահերձարանի սգո սրահում։ Ժամը 5-ից։

:o Ափսոս :o Այդպես էլ չհանդիպեցինք

[boooooooom]

Երեկ էս թեման ամբողջությամբ վերընթերցեցի, ուշադրություն դարձնելով ամսաթվերին, պրոցեսների արագությանը :( . մամայիս մոտ կրծքագեղձի քաղցկեղը վիրահատելուց կես տարի անց մետաստազները տեղափոխվել են գլխուղեղ, մի տեղ չի, երկուսը չի... ու հեչ փոքր չեն չափսերով։ Ստեղ արդեն մնում ա հույսը հրաշքի վրա դնել ու փորձել ապրել ամեն օրով։
Չէ, իմ պարագայում օգնություն ակումբցիներից անհրաժեշտ չի, ուղղակի ուրիշ նման տեղ չունեմ արտահայտվելու, իսկ մեջս չեմ կարողանում պահել, ահավոր տխուր ա էս ամենը։ Չգիտեմ։ Մի ձև պիտի ապրել։ Միգուցե ինչ որ մեկն էլ էս գրառումը կարդալով վերաարժեվորի իր ունեցածը, մի օգուտ տված կլինեմ գոնե։

[Վիշապ]

Չգիտեմ, մարդ ես, կարող է պետք գալ․ Հարազատներցս մեկը հաջողել է կանգնեցնել ու ռեվերսել արդեն տարածված (ուղեղ, ոսկորներ) քաղցքեղը ծոմերով ու ածխաջրերից հրաժարվելով։ Մյուս քաղցքեղով հիվանդ հարազատս դեռ չի հաջողում, գիտեմ, որ ծոմեր է պահել, բայց վստահ չեմ դիետայի առումով։
Ասում են, քաղցքեղի բջիջները սնվում են հիմնականում շաքարով, կամ գլյուկոզայով, Նահանգներում արդեն ցածր ածխաջրային դիետան (կետոգենիկ) շատ կլինիկաներում առաջարկում են որպես աջակցող հիմնական բուժմանը։
Չնայած միշտ չի, որ դիետայով կամ ապրելակերպ փոխելով կարելի է հասցնել կանգնեցնել տարածումը, բայց դե էլ կորցնելու ոչինչ չի մնում։
Բերգը բավական պարզ է բացատրում, ռուսերեն թարգմանություններն էլ կարելի է գտնել․


https://youtu.be/OhmIACbPUNI

Առողջություն ու թեթևություն եմ ցանկանում։

[Վիշապ]

Էս մի վիդեոն պիտի դնեի, ներողություն․


https://www.youtube.com/watch?v=hlkhGTGOGaY

[boooooooom]

Էս մի վիդեոն պիտի դնեի, ներողություն․


https://www.youtube.com/watch?v=hlkhGTGOGaY

Շնորհակալություն, վիդեոն նայեցի, հիմնական ասելիքը հասկացա, վաղը էլի կփորձեմ նմանատիպ վիդեոներ գտնել նայել, որ համ էլ սննդին հետևենք։ Հիվանդանոցում ճիշտն ասած մեզ սենց բաներ չեն ասել սնվելու վերաբերյալ։ Վաղվանից սնունդն էլ ուշադիր կլինենք։ Նորից Շնորհակալություն։

[Վիշապ]

Շնորհակալություն, վիդեոն նայեցի, հիմնական ասելիքը հասկացա, վաղը էլի կփորձեմ նմանատիպ վիդեոներ գտնել նայել, որ համ էլ սննդին հետևենք։ Հիվանդանոցում ճիշտն ասած մեզ սենց բաներ չեն ասել սնվելու վերաբերյալ։ Վաղվանից սնունդն էլ ուշադիր կլինենք։ Նորից Շնորհակալություն։

Բում ջան, հիմնական ասելիքը Բերգը սովորաբար կոնսպեկտավորում է վիդեոների տակ։ Հարմարության համար ահա թարգմանությունը (հուսով եմ շատ խայտառակ չի հասկանալու համար)․


Կարևոր է հասկանալ նորմալ բջիջների և քաղցկեղի բջիջների միջև եղած տարբերությունները.
• Քաղցկեղի բջիջները առաջանում են նորմալ բջիջներից։
• Միտոքոնդրիումի վնասն հենց այն պատճառն է, որից սկսվում է նորմալ բջիջը քաղցկեղի բջիջի վերածվելու պրոցեսը:
• Քաղցկեղի բջջի համար ամենաշատ վառելիք մատակարարողը շաքարն է:
• Նորմալ բջիջները մահանում են, բայց քաղցկեղի բջիջները կարող են հավերժ ապրել:
• Քաղցկեղի բջիջներն ավելի արագ են աճում, քան նորմալ բջիջները։

Քաղցկեղի համար ծոմ պահելու մեխանիզմները.

Մեխանիզմ #1 — Ծոմապահությունն օգնում է քաղցից հեռացնել քաղցկեղի բջջի վառելիքը (գլյուկոզան):

Մեխանիզմ #2 — Որոշ քաղցկեղներ կարող են ապրել գլուտամինով և արգինինով, որոնք ամինաթթուներ են:
Երբ ծոմ եք պահում, դուք քաղցկեղի բջիջներին զրկում եք այդ վառելիքներից ևս:

Մեխանիզմ #3 — Աուտոֆագիան (մարմնի կողմից սեփական բջիջների ապառումը որպես մետաբոլիկ պրոցես) կարող է օգնել փոքրացնել ուռուցքները և արգելակել քաղցկեղի զարգացումը:
Ամենախոշոր հանգամանքը, որն աուտոֆագիա է առաջացնում՝ ծոմապահությունն է:

Մեխանիզմ # 4 — Ձեր իմունային համակարգը քաղցկեղի կանխարգելման և քաղցկեղը սպանելու հիմնական գործոնն է:
Ծոմապահությունը խթանում է ձեր իմունային համակարգը, նաև օգնում՝ վերականգնելու վնասված իմունային համակարգը:

Մեխանիզմ #5 — Ծոմապահությունը նվազեցնում է որոշ հորմոններ, որոնք կարող են մեծացնել քաղցկեղի առաջացման վտանգը, օրինակ՝
• IGF-1 (այս հորմոնը խնդիր է միայն եթե դուք ունեք քաղցկեղ)
• Ինսուլին
• Էստրոգեն

Մեխանիզմ #6 — Մարմնում բորբոքումների նվազեցումն օգնում է նվազեցնել քաղցկեղի առաջացման վտանգը:
Ծոմապահությունը կարող է օգնել նվազեցնել բորբոքումները:

Մեխանիզմ #7 — Կետոնները կարող են քաղցկեղային բջիջներին ապահովել իրենց անհրաժեշտ բջջային թաղանթային կառուցվածքով:
Այնուամենայնիվ, ներկայում ուսումնասիրվում են այս երկընտրանքի տարբեր լուծումներ:
Ըստ էության, մեզ պետք է միջոց, որը կարող է արգելափակել SCOT-ը (քաղցքեղի բջինջերի համար կենսական էնզիմ է):
Հիշեք, որ ծոմ պահելու ժամանակ շատ այլ երևույթներ են տեղի ունենում, որոնք կարող են SCOT-ի միջոցով քաղցկեղի
մեմբրանները կերակրող կետոնների մեխանիզմը չեզոքացնել:

Խոստումնալից բնական SCOT արգելակիչներից են.
• Ալֆա-լիպոիկ թթու
• Գարսինիա
• Կարմիր ջրիմուռներ
• Սեւ սերմի յուղ
• Սխտոր

Քաղցկեղի կանխարգելման համար ծոմ պահելու պրոտոկոլ.
• Առնվազն 16 ժամ պահք՝ 8-ժամյա ուտելու պատուհանով
• Ածխաջրերի սահմանափակումով դիետա

Քաղցկեղի բուժման համար ծոմ պահելու պրոտոկոլ.
• Առնվազն 18 ժամ պահք՝ 6-ժամյա սնվելու պատուհանով, կամ ավելի լավ է 20 ժամ ծոմ՝ չորս ժամանոց ուտելու պատուհանով, կամ ավելի լավ է օրեկան մեկանգամյա ուտելիքի ռեժիմ:
• Շաբաթը մեկ անգամ 48-ժամյա ծոմ, կամ երկու օր՝ 500 կալորիայի սահմանափակմամբ:
• Ամիսը մեկ անգամ ծոմ պահեք 4 օր և աստիճանաբար մինչև 7 օր, եթե հնարավոր է:
• Երբ ուտում եք, հիմնական ուտեստը պետք է լինի խաչածաղկավոր բանջարեղենը (օրական 10 բաժակ, սրանք կաղամբազգիներն են, բրոկկոլի, ծաղկակաղամբ, բողկ և այլն):
Օգտագործեք մոտ 80 գրամ օմեգա-3 ճարպաթթուներով հարուստ սպիտակուցներ (երևի կարելի է պինդ խաշած ձվի սպիտակուց, կամ մի փոքր կտոր խաշած յուղալի ձուկ):
Կարելի է յուղերից օգտագործել ձիթապտղի յուղը և ձկան լյարդի յուղը (սրանց անարատն ու ոչ կեղծվածն ա պետք ճարել):
Բրոկկոլիի ծիլերը նույնպես կարող են օգտակար լինել։

Մնացած գրեթե ամեն ինչ բացառվում է, մինչև կայունացումն ու վերականգնումը։

[boooooooom]

Առավոտյան Բերգի ռուսերեն կանալը գտա յութուբում, առանձին փլեյլիսթ ուներ հենց քաղցկեղով հիվանդների սնվելու թեմայով։ Ուղարկել եմ մամայիս, որ նայի, ոնց լինի օգտակար բաներ կգտնի։
Էդ ռուսերեն կանալը փնտրելու ժամանակ մի երկու վիդեո էլ բերեց "հավատալ Բերգին, թե՞ ոչ", "շառլատան ա՞, թե՞ ոչ", "բժիշկ ա, թե՞ ոչ" վերնագրերով։ Դրանք էլ մի քիչ նայեցի, ու ոնց հասկացա ծանր հիվանդների դեպքում իրա ասածները նորմալ են, բողոքում էին որ երբեմն ինքը ծայրահեղ միջոցներ ա քարոզում, այնինչ առողջ մարդու համար դրանք կարող են վտանգավոր լինել։
Ինչևէ, մենք կաշխատենք օգտակարը քաղել էդ վիդեոներից։ Շնորհակալություն։

[Վիշապ]

Առավոտյան Բերգի ռուսերեն կանալը գտա յութուբում, առանձին փլեյլիսթ ուներ հենց քաղցկեղով հիվանդների սնվելու թեմայով։ Ուղարկել եմ մամայիս, որ նայի, ոնց լինի օգտակար բաներ կգտնի։
Էդ ռուսերեն կանալը փնտրելու ժամանակ մի երկու վիդեո էլ բերեց "հավատալ Բերգին, թե՞ ոչ", "շառլատան ա՞, թե՞ ոչ", "բժիշկ ա, թե՞ ոչ" վերնագրերով։ Դրանք էլ մի քիչ նայեցի, ու ոնց հասկացա ծանր հիվանդների դեպքում իրա ասածները նորմալ են, բողոքում էին որ երբեմն ինքը ծայրահեղ միջոցներ ա քարոզում, այնինչ առողջ մարդու համար դրանք կարող են վտանգավոր լինել։
Ինչևէ, մենք կաշխատենք օգտակարը քաղել էդ վիդեոներից։ Շնորհակալություն։

Բում ջան, եթե պաշտոնական տեսակետից նայենք, Բերգը բժիշկ չի, խիռոպրակտորի լիցենզիա ունեցող մեկն ա, հայերեն ասած` սնղչի, որով վայթե վաղուց չի էլ զբաղվում։
Ինքը յութուբեր–առողջություն դասավանդող է, ինչպես շատ շատերը մեր օրերին։
Բայց ես կուզեի, որ Բերգի նման մեկին շատ ավելի շուտ գտած լինեի, որովհետև իր ասածները իմ ու էլի շատ շատերի կարծիքով ահագին էֆեկտիվ են։
Բերգը երկու կարևոր առանձնահատկություն ունի մնացած ինքնակոչների համեմատ.
1. Հիմնվում է պաշտոնական հետազոտությունների վրա, ու սովորաբար հետազոտությունների լինկերը կցում է վիդեոներին,
2. ինֆորմացիան գտնելու ու փայլուն ու հանրամատչելի ներկայացնելու կարողություն ունի, իր վիդեոների մեծ մասը չեն գերազանցում 4-5 րոպեն ու ավելորդ նախաբանների ու դեսուդեն ընկնելու վրա չի ծավալվում։
Իմ վերջին տարիների նայածի մեջ կարող եմ խորհուրդ տալ այս երկու դիետոլոգներին ևս.
https://www.youtube.com/c/drekberg
https://www.youtube.com/c/ThomasDeLauerOfficial

Եթե ինձ հարցնես` ինձ համար ավելի շուտ շառլատան է պաշտոնական բժիշկը, որ ստամոքսի այրոցի համար թթվայնությունը բլոկ անող քաղցքեղածին դեղեր, կամ` աղիների ցավի համար հակաբիոտիկներ է նշանակում, քան թե ինքնակոչ յութուբերը, որը խորհուրդ է տալիս խնձորի քացախ խմել սոված փորին։